咩都唔講住,只講歐聯
先講利記
有消息指賓尼迪斯會排4-4-1-1既陣式
但我覺得唔可以盡信
因為利記既陣容,要睇幾樣野
A)
針對AC米蘭既制空能力大不如前
出哥治去屈機係有得唸
(而類似既部署亦有前科
例如作客當時有阿歷斯缺陣既燕豪芬
同埋作客制空力平平既貝迪斯)
何況今晚幾有可能要踢水戰
出得佢既話,加埋穩膽古積特
已經係4-4-2陣式啦
B)
而比拿美都有可能踢正選
但佢踢正選既話
利記既陣式,表面係4-4-2
但實際就係4-5-1,因為佢會去側邊活動
C)
而中場方面,人數就坐4望5
左中場既位置下一段會講
謝拉特,馬斯查蘭奴同埋沙比艾朗素都係穩膽
假設賓仔真係用4-5-1或者4-4-1-1既話
施素高踢正選既機會始終比賓納特高
D)
辛頓,基維爾同埋艾比路亞當中會有1個踢正選
但要注意既係前兩者既狀態唔可能捱到90分鐘(甚至120分鐘)
小弟估如果辛頓既情況許可既話
佢會係正選,否則應該會出基維爾
但賓仔亦可能用艾比路亞踢左閘
而將懷斯推上中場
陣容預測:
拉爾拿
芬倫 艾加 加歷查 懷斯
謝拉特 沙比艾朗素 馬斯查蘭奴 基維爾
古積特 哥治(或者比拿美)
而AC米蘭方面
唯一要唸既就係恩沙基同基拿甸奴
邊個會踢正選
雖然班主貝尼斯干尼提議用後者踢正選
但我相信安察洛堤會用恩沙基踢正選
因為佢向來比較相信經驗既重要性
而事實上恩沙基踢歐洲賽既表現比基拿甸奴好
仲有既係安察洛堤知道旗下球員既平均年齡偏高
打加時可能會有心無力
佢一定想速戰速決
希望取得領先優勢後
先由基拿甸奴入替功成身退既恩沙基
預測陣容:
迪達
奧度 尼斯達 馬甸尼 贊古奴夫斯基
卡度素 派路 岩布仙尼
卡卡 施多夫
恩沙基
最後想講多一點
就係如果今場波要打加時既話
AC米蘭既球員知道佢地互射12碼既勝算比較低
到時雖然體力上唔掂
我相信佢地都會繼續保持主攻踢法
希望於法定時間內同利記分勝負
所以利記既球員或者賓仔都要繼續佢地既緊迫戰術
如果唸住互射12碼既勝算比較高而想拖到完場
咁會係一個好愚蠢既想法
上年世界盃四強意大利於加時破釜沈舟既表現
好值得利記既球員同埋賓仔唸清楚
希望佢地唔好重犯德國同埋奇連士文既錯誤
No comments:
Post a Comment