2010-7-30

1)
曉士落實同富咸等簽約兩年
報導指佢打算從曼城引入多名舊部屬
當中包括辛達告魯斯,艾利蘭以及比拿美
不過更快加盟既可能係來自維拉既薜維爾同埋楊格

2)
祖雲達斯,國米以及車路士繼續同阿古路扯上關係
而前者被指有興趣羅致雲達華治
不過更快成事既應該係貝迪素

3)
巴薩里拉公開支持沙巴拉接手阿根廷

4)
柏捷高被指成為皇家蘇斯達既新箭頭人選

5)
被賀芬咸放棄既布迪布蘭可能轉投些路迪

6)
希比被傳會係下一個離開巴塞既球員
報導指AC米蘭,利物浦,伯明翰,維拉以及富咸都可能係佢既一個家

7)
阿仙奴被指同維拉爭奪阿費利
而雲加承認開咧前要為球隊搵多至少一個新中堅
雲漢頓隨即同兵工廠扯上關係

8)
利物浦被指打算接收古莊臣

9)
史特加宣佈基迪拉將以1400萬歐元轉投皇馬
消息指雙方簽約5年
件事亦令查維馬天尼斯加盟既機會大減
鶴臣以及文仙尼應該會幾開心

10)
賓菲加被指打算收購古爾達度取代迪馬利亞

11)
當路雲暗示有興趣重返愛華頓

12)
士砵亭落實將維路素賣去熱那亞
條件就係薜柏達另加750萬歐元
而佢地亦考慮引入戴倫特

13)
紐卡素被指打算借用文斯安尼
而居爾就落實同紐記續約到2014年

14)
阿積士表明要有2000萬鎊先肯放走雲達韋爾

15)
加拉度以250萬鎊由曼城轉投拉素

16)
曼聯被指打算從阿里辛特收購26歲丹麥龍門連迪加特

17)
比錫達斯被指有興趣羅致卡維

18)
烏捷繼續被傳即將離隊
消息指富咸,費倫巴治以及侯城都想接貨

p.s.:
前路總係要靠自己
尼哥治應該就係是日例子

2010-7-29

近兩日既部份新聞......

1)
利物浦打算從維拉一併收購柏度夫以及楊格
而馬素贊臣亦被傳係利記既新左閘人選

2)
魯爾落實同史浩克04簽約兩年

3)
卡比路因為出席以自己命名既慈善活動
而唔去睇英格蘭對西班牙既U-19歐國盃
惹來英格蘭傳媒再次狂插佢

4)
馬捷迪被指成為雲加550萬鎊既新龍門人選
而泰斯治既經理人放風這名德國國腳好有興趣加盟兵工廠

5)
碧咸被指考慮1月轉投韋斯咸
而槌仔幫打算以7萬5000鎊週薪利誘柏加續約5年

6)
消息指曉士即將落實接手富咸

7)
祖雲達斯被指以現金加上迪亞高
向禾夫斯堡收購迪施高
如果失敗就轉為收購柏仙尼

8)
占士被指打算轉投布里斯托城

9)
馬真拿落實轉投維拉利爾

10)
國米打算斟酌阿古路以取代巴洛迪利
而消息指佢地唔肯俾足2500萬鎊收購馬斯查蘭奴
打算用蒙達利抵數1250萬鎊

另一方面,摩連奴被指成功遊說馬干減人工去皇馬
令佢既轉會只係時間問題

11)
韋根被指即將從川迪引入荷蘭後衛朗尼史譚

12)
比錫達斯以及費倫巴治都有興趣接收艾迪杜里

13)
巴迪斯達暫時接掌阿根廷

14)
史特加表明如果基迪拉仲唔續約
就會今個暑假賣走佢

15)
曼城玩嘢抬高個價令車路士買唔到大衛雷斯

16)
史堤芬泰萊證實要養傷3個月

17)
約拿芬根迪斯文以自由身轉投飛燕諾

p.s.:
甲級寫字樓又點
樓上咪又係會爆屎渠
咪又係搞到成個會計部接近癱瘓
最終損失幾多都仲係未知之數
慘情指數爆燈!

2010-7-27

1)
消息指馬斯查蘭奴終於同鶴臣攤牌
利物浦就準備叫價3000萬鎊
不過鶴臣收到既好消息就係托利斯肯留隊

另外,報導指基拔圖施華拒絕過檔
但鶴臣仍有保臣或者堤亞高文迪斯可以選擇

而戴倫特取代恩疏亞既既傳聞亦證實係流言
另一方面,利記忽然同科蘭,域文,甚至養傷既史堤芬泰萊扯上關係

2)
報導指馬干即將以3000萬歐元轉投皇馬
不過當中有200萬歐元係 variable

而消息指摩連奴下一個增兵對象就係基亞連尼
轉會費同係高達3000萬歐元

3)
熱刺被指有興趣引入柏加以及積基卡

4)
兜兜轉轉後既蘇甘保只要通過體測
就會落實轉投紐卡素

另外,賓艾化同紐卡素之間既傳聞又有新版本
報導指莫財既紐記打算先借用這名向來有紀律問題既法國天才

5)
古迪落實轉投比錫達斯
雙方簽約兩年

6)
曼聯被指最有機會羅致奧斯爾

7)
消息指賓施馬既前女友將作證證門這名法國射手清白

8)
巴塞決定將軒歷基外借去桑坦德

9)
巴迪斯達被指即將以500萬歐元加盟奧林比亞高斯

10)
些路迪落實以240萬鎊引入射手加利賀柏

11)
馬勒當拿同阿根廷續約好可能出現變數
事緣球王被要求徹底徹換教練班底

12)
美度即將以借用形式重返阿積士
而艾咸達奧亦會同時由阿爾克馬爾過檔

13)
維拉企硬要有3000萬鎊先肯放走占士米拿
一般相信艾利蘭將成交易籌碼

2010-7-26

1)
巴塞繼續位居歐洲球會排名榜首位
而英超4強就緊隨其後
國米就升至第8兼歷史性超越AC米蘭

2)
利物浦被指有興趣出價1000萬鎊收購柏加
不過韋斯咸早前已經放風要有2000萬鎊先肯放人

而沙斯度被指成為鶴臣250萬鎊既新左閘人選
不過戴倫特聲稱自己即將加盟利記

另外,雲達華治放風想轉戰英超
利記以及車路士隨即同佢再次扯上關係
而李青龍日前向祖家否認轉投利記既傳聞

另一方面,尼哥治寧願留隊爭取出場機會

3)
由於巴拉圭足總要11月先有比較完整既人腳出訪東亞
而香港隊到時又要應付亞運
令雙方好可能夾唔到時間踢友誼賽

4)
雖然曉頓否認有意羅致賓艾化
英國傳媒仍然繼續大造文章
報導仲話阿仙奴以及加拉塔沙雷都有興趣爭埋一份

5)
艾美艾天托普早前雖然同拜仁續約1年
不過佢透露唔排除離隊以尋求更多出場機會

6)
馬賽準備從波爾多挖走迪亞拉

7)
些路迪落實引入墨西哥新星祖亞斯
雙方簽約4年

8)
奧尼爾透露預左轉會市場關閉前
仍會有球會出價斟酌艾殊利楊格

9)
哈利列納聲稱唔會放走羅比堅尼
而佢冇提及既柏夫奴真高就表態想留隊
這名俄羅斯射手近日再次同士砵亭以及幾間祖家球會扯上關係

另一方面,居迪戴維斯被指成為熱刺既新中堅人選

10)
消息指迪高將於日內同車路士解約
之後重返巴甲,加盟富明尼斯
而文斯安尼表態希望狼隊買斷佢

11)
報導指曼城將以3500萬歐元引入巴洛迪利
當中500萬歐元係 variable
而托利斯就被指係文仙尼下一個名牌目標

另一方面,消息指曼城將要踢走12個球員
可能人選包括艾迪巴約,羅賓奴,祖奧,尼祖迪莊,薩巴尼達,高柏尼,卡斯度,
比拿美,布歷治,胡禮菲臘斯,艾利蘭以及尼史葛

不過有分析指後5者附合'青訓球員'新例既定義
令文仙尼可能留用佢地
而祖雲達斯就被指有興趣借用艾迪巴約

12)
韋斯咸再次被指打算斟酌碧咸以及細哨
不過槌仔幫俾唔起後者既9萬鎊週薪

13)
禾堡企硬唔肯放走迪施高以及米斯莫域

14)
新特蘭落實引入阿根廷後衛安祖拿利
雙方簽約3年
而尼索比亞就被指成為布魯士下一個增兵對象

另一方面,富洛普準備轉戰西甲,加盟靴高斯
以增加出場機會
而布魯士已拒絕侯城借用 M.Waghorn

15)
紐根特被指成為保頓既新箭頭人選

16)
水晶宮打算向紐卡素借用年青球員蘭加以及麥基雲

17)
史篤城打算出價400萬鎊爭奪奇雲保定

2010-7-25

1)
鶴臣暗示無能力令托利斯留隊
而利物浦就忽然被指有興趣以1200萬鎊引入卡頓高爾

2)
迪史堤芬奴因為心臟衰竭入院

3)
馬基斯好可能同巴塞解約
再跟隨亨利轉投紐約紅牛

4)
列貝利嫖妓醜聞越揭越醜
佢被指搵埋舅仔,拜仁既體能教練以及女主角以及另一妓女開性派對

5)
由於未能同小保加達成續約協議
列基美可能以自由身重返歐洲搵食

6)
阿仙奴斟酌積基卡未如順利
隨即再次被指考慮引入梅迪薩卡
而史迪基倫保亦再次被指係兵工廠既新龍門人選

另一方面,莫斯科中央陸軍被傳接收路斯基

7)
卡華奴放風想去皇馬跟摩連奴搵食

)8
紐卡素再次被指有興趣借用韋碧克
而史堤芬泰萊可能要抖到10月

9)
巴西足總最終搵左哥連泰斯既文尼斯斯接手

10)
馬賽被指準備以800萬鎊帶尼索比亞返法甲

而紐卡素被指同雲達不來梅爭奪因為紀律問題而被放棄既賓艾化
傳聞轉會費介乎700至800萬鎊
但曉頓已否認紐記會接貨

11)
卡迪夫城方面聲稱領隊鍾斯唔會過檔富咸

12)
韋斯咸方面聲稱要有2000萬鎊先考慮放走柏加

13)
車路士由於後防唔多夠腳
傳聞油王落 order 要引入大衛雷斯
而拉美利斯已有加盟既口頭承諾

另外,雲達韋爾同拜仁未成事
就令車仔以及巴塞重燃希望羅致佢

另一方面,杜奧巴要養傷3星期

14)
奧利華拉回流巴甲,加盟聖保羅

15)
布力般流浪被指準備接收希斯基或者比亞堤
以增強前場攻力
佢地亦想從加拉塔沙雷引入澳洲中場格拿

16)
熱刺被指打算羅致艾殊利楊格,占士米拿,胡禮菲臘斯以及比拿美

17)
哥高加卡落實由哈化柏林跳船到漢堡

18)
熱那亞打算用沙柏達
再加650萬歐元收購維路素

19)
拉素被指出價400萬歐元收購戴倫特

20)
戴倫賓特考慮國際賽退役

2010-7-24 (2)

幾個月前講過'朋友A'賣冷門波衫
點知大家既八字原來好唔夾
搵佢買衫幾次就問題多多

試過白色衫領有污穢但唔出聲
都因為件貨係國貨貨版而可以理解

之後既貨試過連熨膠都有問題
原本有得換貨都冇咩所謂
不過三催四請都未必換到貨就真係把幾火
而家有件衫拖左好耐都仲未有得換
近日打電話唔接唔覆, send msn 又或者 e-mail 亦冇回音
而家既年青人差起上來原來真係可以好差

嫌賺得唔多可以唔好賣
要搞到換貨其實大家都係受害者
但做得賣家就至少要有個交帶

而上個月有同事想搵佢買祖國出品既冷門貨
事前做晒功課知道成本比平時略貴
但條友居然吹水要由英國入貨
叫價仲貴到唔合理既48鎊
小弟當然叫同事唔好中佢計

最抵死有次趁英國球會劈價賤賣而搭佢買衫
條友可能差價賺得太少
最終居然以件衫應該係陳列品為理由
要我硬食一件冇招牌兼勾晒線既波衫
(display都唔使剪招牌掛?!)
當面篤爆就大家無癮
不如留一線
但當識少件蛋散好過

適逢對波衫同樣有興趣既'朋友B'因為近日起要成日返大陸出 job
可以幫手搵冷門波衫既國貨貨版
而家自用之餘仲有剩餘物資可以擺上網賣

貨版既嘢好多時都冇招牌兼冇膠袋
亦可能有少少線頭
不過就肯定係堅貨兼全新

而小弟自知返工成日OT
比較難約交收
所以賣得比本地其他網上商店都平
萬一有問題亦一定樂於跟進

有興趣既可以去以下網址睇下:
http://hk.user.auctions.yahoo.com/hk/booth/mfho2003
之後陸續會有更多貨品陳列

2010-7-24 (1)

近幾日既新聞......

1)
利物浦落實以500萬鎊從格流引入蘇格蘭年青中堅丹尼威爾遜
不過當中有300萬鎊係variable

而隨住對尼米既出價唔夠韋斯咸高
亨特拉爾就被指成為紅軍既新箭頭人選
報導指鶴臣會先向AC米蘭提出借用要求
如果失敗就改為出價1400萬鎊收購
而巴布就可能用作抵數550萬鎊

迪科亞,艾殊利楊格同埋布歷治都係利記增兵既可能人選
不過曼聯亦對前者有興趣就成為一大障礙

另一方面,鶴臣最終決定放棄菲臘迪根
亦索性等個好價賣走要求離隊既馬斯查蘭奴
佢亦被前將早前同燕豪芬扯上關係既尼哥治定價600萬鎊
尼亞拿就落實以420萬鎊轉投近日同巴迪斯達扯上關係既奧林比亞高斯

2)
招積公布長期集訓問題
對伯明翰有好表現既豬事基同埋0靚焜都有得入選
而有12人入選既南華就依然係大戶

3)
下季歐聯將有兩名底線球證

4)
皇馬被指用卡卡利誘車路士
提出油王可以用艾殊利高爾再加現金收購

而魯爾即將轉投史浩克04
兩年合約總值600萬歐元
蒿俊閔仲會將7號波衫讓俾佢以示尊重
早兩日曾有傳熱刺都想截劫佢

另一方面,魯爾走左
卡斯拿斯同埋C朗拿度就分別接收隊長職銜同埋7號波衫

另外,保頓亦以350萬歐元從佢地引入左閘馬高斯艾朗素
不過當中有100係 variable

5)
巴西足總將於日內宣佈教練人選
國內傳聞就爆料拿美奴即將上馬
史高拉利,李安納度同埋拉馬利奧就係其他可能人選

6)
白蘭斯為左懲戒一眾世界盃代表
而決定於領軍首場比賽唔選佢地入隊

7)
報導指馬勒當拿將會留任至2014年

8)
紐卡素落實羅致高士寧
佢地亦被指打算出價收購奧達文迪,安頓費甸南同埋威爾遜
前者暗示有興趣轉戰英超
不過後者就表明紐記同埋富咸都唔係佢杯茶

不過曉頓就否認引入馬華路禾尼同埋加利賀柏
紐記亦一度好離奇咁同魯爾扯上關係

9)
韋斯咸被指以1130萬鎊擊敗利物浦
好可能成功引入尼米

而佢地亦繼續同蘇利文尼,尼爾馬以及高路斯扯上關係
不過尼爾馬亦惹來曼城同埋車路士注意之餘
山度士已經表明唔會放人
而高路斯就表態留隊
怕且最有機會引入既就只有被阿積士放棄既蘇利文尼

後防方面
佢地就繼續同保頓爭奪莫高拿
亦出人意表咁同施維斯達扯上關係

另一方面,隨住史篤城加碼至1000萬鎊(甚至1400萬鎊)
卡頓高爾離隊既可能亦增加

10)
巴治奧將應考歐洲足協B級教練牌

11)
高拉洛夫以1900萬鎊加盟曼城
曼城亦同當奴雲以及拉美利斯扯上關係
報者被指將從車路士以及佢地作出決擇

12)
施治同埋阿歷斯都因傷而要抖1個月

13)
法國警方證實對已重新就嫖雛妓案展開調查
仲搵左列貝利以及賓施馬問話

而有消息指賓施馬係唯一明知故犯既球星
報導更指佢cheap到完事後只肯俾半價

14)
雖然放風球隊要用4-4-2陣式既貝老暗示唔會增兵
AC米蘭仍然被傳加碼至1500萬歐元收購本田圭佑

15)
巴塞被指有興趣引入卡保尼同埋祖維迪
不過後者已經表態冇興趣過檔

另一方面,佢地將會賣球衣廣告以還部份債務
意味皮亞琴察可能成為唯一一間義務為聯合國兒童基金會賣廣告既球會

16)
報導指雲達不來梅願意以1200萬鎊賣走奧斯爾

17)
柏歷堅尼可能接手墨西哥

18)
馬古斯貝治落實以借用形式轉投燕豪芬

19)
祖爾最終決定繼續執教阿積士
富咸就被指改為斟酌鍾斯

而艾歷臣既經理人放風這名瑞典教頭想接手
不過亦承認富咸一直都冇搵過佢

20)
紐約紅牛想搵埋查斯古特同亨利重組雙箭頭
不過前者已經表示今季唔會離開祖雲達斯

21)
馬體會落實從拉科魯尼亞引入菲臘路爾斯
這名自從上季已同皇馬扯上關係既球員身價高達1100萬歐元

22)
拿格碧克嫌尼日利亞提出既4年新約太長而拒絕續約

23)
維拉被傳準備羅致麥基迪同埋法米尼
些路迪亦好可能賣走前者以減輕財政壓力
冇隨隊去美國季前集訓

而占士米拿已正式提出轉會要求
相信離隊日期唔遠
報導指奧尼爾打算引入柏加作為替補

24)
消息指已經兩個半月冇比賽既大哨
已向哥連泰斯提出可能踢埋年尾就收山

25)
熱那亞同國米聯合收購蘭奴捷亞
仲先於今季收為己用
亦將艾基費斯卡外借去拉素

26)
些路迪亦有意接收占士

27)
早前雖有拿度注資
馬略卡依然因為負債嚴重而被拒參加歐霸盃
位置可能由維拉利爾頂上
不過米高勞特立就表示球會將會提出上訴

28)
伊度亞度達施華最終落實以600萬鎊轉投薩克達
雙方以5萬鎊週薪既條件簽約4年

報導指雲加為左成功引入舒華沙
會以教練兼球員既合約去打動佢
雙方仲可能於1個星期內成事

而蘇甘保就即將續約1年
不過雲加就表示仍然會為中堅位置增兵

另一方面,隨住尹佩斯改著10號波衫
卡路士韋拿就會繼承佢既11號
亦意味佢唔會轉投羅馬

29)
國米再次被傳收購艾夫蘭,基奧斯比羅斯同埋羅賓奴
而馬干離隊爛尾原來唔止因為轉會費問題
仲包括佢要求高達超過1200萬歐元既稅前年薪

30)
維迪願意以9萬鎊週薪同曼聯續約兩年

31)
蘇亞素被指成為伯明翰既700萬鎊增兵對象

32)
布力般流浪被指成為印度富商 S.Shah 既4500萬鎊收購目標
佢地就被指同新特蘭以及黑池爭奪奧咸18歲6呎4吋高箭頭 T.Eaves
亦同史篤城爭奪奧尼爾

33)
高原直泰落實以借用形式轉投水原三星

34)
安卡華高古落實由里爾引入斯洛伐克射手維迪
雙方簽約兩年

35)
韋根落實由咸美頓羅致蘇格蘭中場馬亞瑟
佢地亦有興趣引入沙斯度

另一方面,巴布爾落實以100萬鎊轉投新特蘭
再次跟布魯士搵食

36)
李正秀落實由鹿島鹿角轉投阿爾薩德

37)
西維爾被傳有興趣脅阿迪達返西甲

38)
法利亞斯即將由波圖轉投法林明高

39)
史美斯因為個人問題而火速離開山東魯能
佢已經落實回歸黃金海岸聯

2010-7-20

1)
祖高爾落實加盟利物浦
佢以9萬鎊週薪既條件簽約4年
但另有報導指佢既底薪只係8萬鎊
不過加埋出場費同埋獎金就有10萬鎊
另有報導指利記簽到佢多得謝拉特出面遊說

另一方面,李奧曲加同埋厄遜再次同利記扯上關係
不過更有可能既應該係費古羅亞
消息指鶴臣將於聽日之前開價

2)
足總透露巴拉圭可能3/10同港隊友賽
客隊應該有7至8名世界盃國腳隨隊

3)
德國足總落實同路維以及佢既教練團隊續約兩年

4)
曼城被指想用羅賓奴作為收購巴洛迪利既籌碼
而杜奧巴既經理人爆料曼城出價2000萬鎊收購這名科特迪瓦射手

5)
雲高爾宣佈季尾離開拜仁
仲表示有興趣再次執教荷蘭

6)
紐卡素被指有興趣以300萬鎊接收端基
佢地亦再次被傳準備借用蘭斯貝利

另外,佢地亦同李斯特城爭奪艾殊利威廉斯
這名25歲中堅曾代表威爾斯出賽20次

不過佢地既另一目標韋定咸就表明唔會離開卡迪夫城
而早前曾有傳媒估計曉頓會出價300萬鎊羅致達比舒爾
不過最終都冇成事

7)
般奴艾維斯同埋大衛雷斯再次同皇馬扯上關係

而基迪拉既加盟就有阻滯
皇馬既800萬歐元出價同史特加既要求有高達700萬歐元既差距

另一方面,17歲阿根廷箭頭尼斯卡奴就落實加盟
佢原本去左利物浦跟操4個月
不過最終因為申請唔到工作證而要轉戰西甲

8)
馬加夫為左羅致富斯尼
而準備賣走韋斯達文套現
報導指漢堡即將以750萬歐元接貨

9)
羅馬被指考慮引入卡路士韋拿

10)
尋日先講過AC米蘭宣佈細哨留隊
不過今日又有報導指佢已經炒晒私人別墅既員工
一旦AC米蘭方面表明唔肯用佢做重心建立球隊
就會劈炮離隊
當然紅黑兵團亦唔介意賣走佢套現1000萬歐元

另一方面,佢地就落實同艾比亞迪續約3年

11)
熱刺即將引入柏迪高沙
佢地亦想以300萬鎊賤價斟酌比拿美

另一方面,杜斯山度士被傳可能轉投士砵亭
而羅比堅尼就可能去富咸再次跟祖爾搵食

12)
趙廣來被指即將接手執教南韓

13)
紐倫堡落實接收西蒙斯

14)
比亞堤被傳可能以150萬鎊轉投西布朗

15)
消息指富咸將要就祖爾既加盟而要賠120萬鎊俾阿積士
而艾利蘭就被指成為佢可能來投

16)
馬賽被傳考慮接收基拿甸奴

17)
派拿忽然同國米扯上關係

p.s.:
1)
伯明翰想簽安基斯?
係真唔係呀?!

而宣佈掛靴既奇治摩亞透露有港甲球隊早前斟佢
唔通係港會?

2)
消息指C7居然肯結婚
不過老婆就唔係個仔既阿媽

3)
想做個民意調查
唔計熱門強隊波衫
大家會對邊0的球隊既波衫有興趣?

4)
因為未來幾日異常忙碌
所以可能最遲要星期五先可以再交功課
請見諒!

2010-7-19

近兩日既新聞......

1)
有網站公布'卡比路指數'
透露全隊只有4人合格
傳聞部份冇晒面既大佬輩球員希望足總可以踢走佢

另一方面,費sir透露英格蘭足總曾經兩度搵佢接手

2)
韋斯咸亦同意出價840萬鎊收購尼米
不過只準備以分期形式俾錢就令佢地既收購機會唔及利物浦

而馬華路禾尼就應該係槌仔幫既後備人選
不過布力般流浪以及狼隊都對佢有一定興趣

3)
車路士被傳會終極加碼至5000萬鎊收購托利斯
不過肥安已經作出否認

而已通知謝拉特冇得離隊之餘
鶴臣亦被指向祖高爾開出一份9萬鎊週薪既合約
佢亦被指打算引入保臣以及舊部屬高捷斯基

另一方面,鶴臣被指想搵希比亞回巢出任助教
不過由於佢同利華古遜仍有1年合約
所以成事機會唔大

4)
祖爾即將落賓接手富咸

5)
積基卡被指成為阿仙奴既增兵對象
消息指佢地準備加碼至1600萬鎊

另一方面,伊度亞度達施華可能以600萬鎊轉投薩克達
而加拿斯就即將落實以自由身同奧林比亞高斯簽約兩年

6)
迪亞高施華同埋艾夫蘭都被再次同皇馬扯上關係
不過前者已經表明唔會離開AC米蘭

另一方面,肥安聲稱艾殊利高爾下季唔會離隊

7)
伊巴謙莫域宣佈復出國際賽
而佢表示唔想轉投AC米蘭

8)
美國富商漢克史泰班被指有意出價4億5000萬鎊收購熱刺

另一方面,哈利列納再次同逃稅醜聞扯上關係
而熱刺近日同佢續既新約列明
一旦佢罪名成立就可以唔使補水同佢解約
不過件事至少而家唔影響佢領軍
報導指佢已經決定放棄羅比堅尼以及引入菲爾鍾斯

9)
車路士被指打算從山度士
一併引入基利臣,保羅漢歷基查以及尼爾馬

後者被形容為繼比利以來最好波既山度士球員
早於佢14歲既時候
當時踢緊皇馬既羅賓奴曾經想幫佢搭路去試腳
最終只係因為佢太細個而冇出國

10)
隨住雲達不來梅方面暗示願意賣走佢套現
奧斯爾被指成為國米1470萬歐元既增兵對象
而幾間英超以及西甲球會亦對佢好有興趣

11)
國米同埋祖雲達斯都被指想引入科蘭
不過佢表態冇意思離開馬體會

12)
李奧法蘭高落實回流西甲加盟薩拉戈薩

13)
保頓被傳有興趣羅致耶比達

14)
基奧雲高被傳準備離開祖雲達斯以增加出場機會
報導指巴里以及帕爾馬都有興趣接貨

15)
除住哥頓斷手
新特蘭被指有興趣引入自由身既占士

16)
侯城為左減輕今季既成本
準備補貼1萬5000鎊週薪俾保拿特以借用形式加盟些路迪

17)
黑池被指打算接收薜圖以及從紐卡素借用蘭加
而佢地聯絡謝菲斯由今日起跟操

18)
細哨早兩日先落實今季留隊
就被傳季尾可能轉戰美職盟,加盟洛杉磯銀河

19)
禾夫斯堡落實以800萬歐元從薩格勒布戴拿模引入克羅地亞射手文迪蘇傑

20)
史篤城再次同卡頓高爾扯上關係

21)
史堤芬泰萊再次整傷膊頭
不過傷勢未明
而曉頓就暗示蘇甘保仍然係可能既增兵人選

另外,高士寧被指已口頭承諾加盟紐卡素
雙方將以2萬5000鎊既條件簽約4年

迪亞拉亦被指可能由皇馬來投
不過要佢大幅減薪就係轉會既最大障礙

另一方面,白禮頓就希望再借用小路亞路亞一季

22)
迪亞高米列圖爆料話唔排除泰維斯轉投國米

P.S.:
想講下尋日場波
32度既高溫同埋雙方都未上力應該係比賽質素唔高既主因

不過平民版港聯有個別球員踢得唔錯
豬事基,陳糧麟同埋0靚焜都證明自己有料
冇得入選只係因為唔係來自大球會
招積講明以後唔會選冇正選踢既球員
對佢地而言一定係喜訊

招積賽前部署有心思
針對伯明翰一條略為笨重既防線
辛祖好多時略為墮後
俾位兩個細細粒既球員發揮速度同埋靈活既優勢

3次都係俾對手從右路傳中靠高波成功屈機
後防肯定有問題
不過反勝為敗既關鍵應該係陣容越換就換屎
希望招積咁做係為左俾唔同球員都有出場機會
而唔係因為球會背景而咁做

伯明翰方面
先行穩守同埋實際既踢法應該同上季冇咩分別
預左賓科士打冇祖特咁穩
不過兩閘應該會係佢地更大既隱憂

另外,施積加盟就正好解決前線制空權同埋技術成份不足既問題
佢雖然唔似希斯基或者杜奧巴可以為隊友開路
不過佢既二傳能力唔差
配合拿臣既傳中能力
應該有助舒緩球隊欠缺進攻板斧既老問題

2010-7-17

1)
雷米被指最快今日到利物浦接受體測
高速兼係雙槍將既佢約值1250萬鎊
不過當中有750萬鎊係首期

2)
中國足協副主席韋迪表示中國有意申辦世界盃
不過2018世界盃既主辦權離唔開英格蘭或者俄羅斯
而美國亦高調爭辦2022世界盃
除非澳洲或者卡塔爾爆冷爭羸
否則2026年會係中國既最好機會

另一方面,佢亦表示中國足協下半年
會送一批15至17歲既球員去海外學習

3)
皇馬再次被指有興趣引入維迪

4)
哥頓繼上年11月後再次斷手
暫時未知要抖幾耐

5)
阿仙奴被指願意以800至1000萬鎊同熱刺爭奪葉士域治既中場域文
而堅尼早前從新特蘭引入愛爾蘭U-19中場 C.Hourihane
似係為出售域文而舖路

另一方面,巴塞方面承認今個夏天成功收購法比加斯既機會好微
不過下年將會再次嘗試

6)
曼聯希望以14萬鎊週薪既條件同朗尼續約5年
而韋碧克可能被外借去有D.梅菲轉投些路迪既新特蘭

7)
巴塞被指即將落實從西維爾引入艾迪安奴
而馬基斯就可能以700萬歐元轉投熱那亞

8)
國米已經拒絕曼城對巴洛迪利既2500萬歐元出價
不過分析指佢地只係乘機托價

另一方面,文仙尼被傳將會踢走陣中瘀血
可能人選多達十幾人
當中包括羅賓奴,比拿美,辛達告魯斯,祖奧,胡禮菲臘斯,
艾利蘭,米高莊臣,華迪美韋斯,尼爾臣以及泰萊等

9)
拿玻里以借用形式引入卡雲尼
季尾再有優先權以1600萬歐元買斷佢
而佢地就將奧地利射手賀化外借俾凱沙羅頓

10)
富咸被傳想搵祖爾接手

11)
伯明翰被指考慮引入迪比利以及李鐵

12)
卡迪夫城由於負債1500萬鎊
所以被賽會禁止佢地收購球員

13)
法比安奴放風想去熱刺

14)
報導指艾歷臣將會繼續執教科特迪瓦

15)
AC米蘭落實從熱那亞借用柏柏斯達夫普路斯
季尾再有權以700萬歐元買斷佢

另一方面,佢地最終宣佈細哨留隊

16)
夏柏表示一直希望長期以正選姿態踢英超
所以唔會考慮轉投些路迪

17)
韋斯咸落實以100萬鎊接收比基安尼以及賓希姆

18)
羅渣士落實接手史雲斯
雙方簽約1年

2010-7-16

1)
利物浦即將落實將恩疏亞賣去費倫天拿
令費古羅亞加盟既傳聞更有可信性
而柏斯斯亦同賓菲加扯上關係

另外,利記被傳打算收購謝雲奴替代班拿約
不過當時人已經表明下季唔會離開里爾
佢早前亦同阿仙奴扯上關係

2)
雲達不來梅方面暗示如果奧斯爾唔續約
就可能趁好價而賣佢

3)
消息指基迪拉同埋柏度李安即將加盟皇馬
價錢同係1000萬歐元

另一方面,有報導指舒韋恩史迪加已經決定轉投皇馬
仲搵經理人同拜仁攤牌
加上佢既隊友湯馬士梅拿亦同皇馬扯上關係
令皇馬可能一個夏天就引入3名德國國腳

4)
希斯基同埋亨利分別宣佈結束國際賽生涯

5)
曼聯被指用現金加上朴智星
以打動拜仁放走舒韋恩史迪加

6)
曼城己同意高拉洛夫既1700萬鎊轉會費

7)
羅美度以自由身轉投奧林比亞高斯
雙方簽約兩年

8)
艾歷臣表示願意減薪接手富咸

9)
AC米蘭方面證實打算先賣走亨特拉爾套現
再從科隆收購普度斯基

10)
阿度里斯落實以400萬歐元由馬略卡轉投華倫西亞

11)
費倫天拿落實以170萬鎊收購保路錫
費爾隨即再次被傳轉投阿仙奴

另一方面,些路迪方面可能從錫週三引入李爾格蘭

12)
巴塞被傳想羅致查維馬天尼斯

13)
波歷克堅稱佢仲係德國隊隊長

14)
保頓落實將阿曼龍門艾哈比斯外借去韋根

15)
格蘭表示即將落實引入巴里拉
而槌仔幫被指提出跳樓價200萬鎊接收烏達卡

16)
兜兜轉轉後
卡鍚最有機會加盟既始終係祖雲達斯

17)
紐卡素準備將當奴臣外借去吸取經驗
報導指幾間英冠以及英甲球會都有興趣接貨

另一方面,諾頓傳聞將被熱刺放棄
紐記就被指有興趣接貨

18)
伊高斯反對轉投格流

19)
比列堤即將落落實以自由身加盟富明尼斯

20)
艾殊利楊格被指成為熱刺既增兵對象

21)
森林打算引入索尼

p.s.:
尋日講過佩奧爾趁高峰引退
另有版本指佢之後仍會參加對墨西哥既友賽
之後先再同迪保斯基傾去留

2010-7-15

1)
托利斯雖然再受大腿傷患困擾
不過仍然趕及開咧對阿仙奴

2)
大衛施華落實以2400萬鎊加盟曼城
雙方簽約4年

3)
祖高爾被指要求12萬鎊週薪先肯加盟利物浦
令只肯俾6萬5000鎊既熱刺幾可肯定羅致唔到佢

而利記被指有興趣引入比利時進攻中場迪科爾,
卡達莫,班尼加以及朴主永
不過近日同利記以及熱刺扯上關係既蒙達利就否認重返英超既傳聞

另一方面,伯明翰再次被指準備出價800萬鎊收購巴布

4)
雖然細哨既阿哥兼經理人否認佢轉投法林明高既報導

不過AC米蘭被指已經唸定搵羅賓奴作為替補
不過曼城企硬2000萬鎊既叫價就可能令交易胎死腹中

5)
樸茅好可能再因財政問題而於下季被扣分
而賓希姆應該係下一個離隊既球星

6)
亨利已經落實加盟紐約紅牛

7)
哥迪奧拿同巴塞續約1年
佢將會留隊至2010-11年球季結束

8)
阿根廷足總希望同馬勒當拿續約4年

9)
卡錫既經理人聲稱中央陸軍傾向將這名塞爾維亞中場賣去曼城

10)
卡斯拿斯爆料艾玻利高爾即將轉投皇馬

另一方面,摩連奴被傳打算賣走卡卡
不過佢一旦因為鼠蹊傷患而要養傷3個月
將令皇馬被迫繼續收留佢

11)
佩奧爾決定退出西班牙國家隊

12)
魯爾同埋古迪都落實唔會出席皇馬既季前熱身賽
令佢地離隊既報導更有可信性

消息指魯爾多數轉戰德甲
加盟多蒙特或者史浩克04

而古迪就被指轉投比錫達斯
再次跟蘇斯達搵食
而佢亦有可能同伊度亞度達施華合作
事緣這間土耳其球會被指願意以800萬鎊接貨

13)
維拉表示要3000萬鎊先肯賣走占士米拿
報導指曼城就將最後出價定為2400萬鎊

14)
熱刺打算最多以1200萬鎊一併收購比拿美以及米卡李察士

15)
雲加索性將法比加斯列為非賣品
而富咸就企硬要400萬鎊先肯放走舒華沙

另一方面,沙柏達透過經理人放風想轉投兵工廠

16)
一旦柏加離隊
報導指韋斯咸將會引入梅姆巴或者李奧曲加作為替補

17)
消息指史雲斯同羅渣士商討接手既可能性

18)
馬賽以及皇家蘇斯達都被指有興趣接收辛達告魯斯

19)
曉頓聲稱悉斯高於紐卡素仍有前途

20)
以色列中堅 D.Keinan 已去黑池進行體測

21)
傑斯暗示有興趣轉戰美職盟

22)
格流打算從般尼引入伊高斯
而佢地已同意米堡對奇雲湯臣既200萬鎊出價

23)
費倫天拿被指打算以280萬鎊收購哥度巴
而一旦舒韋恩史迪加轉投國米
報導指拜仁將會從佢地引入蒙杜利禾作為替補

24)
保頓被指希望借用馬捷達一季

25)
莫耶斯堅持派拿係非賣品

2010-7-14

1)
國際足協公布四強以外既排名
阿根廷同埋巴西就緊隨其後排5同6
英格蘭既第13名就係佢地有史以來最差戰績

意大利同埋法國就仲衰
分別排26同埋29
薩爾科齊仲嬲到叫法國足總高層大換血

至於喀麥隆同埋北韓就分組賽全敗出局
當然係包尾既兩隊

2)
泰禾被指成為利物浦,熱刺,伯明翰以及新特蘭既新左閘人選
報導指佢既身價高達850萬鎊

3)
盧卡斯利華被指可能以500萬鎊轉投巴勒莫
另外,西布朗被傳準備借用尼哥治
不過佢既經理人已經作出否認

4)
薩克達被指願意以2000萬鎊接收羅賓奴

5)
奧林比亞高斯被指打算借用伊度亞度達施華
不過報導指雲加只係想賣走佢

6)
沙比艾朗素懷疑被尼祖迪莊踢斷肋骨

7)
一旦舒華沙離隊
富咸被指打算借用祖赫特或者接收占士
不過報導指曼城唔準備再借走前者

另外,黑池被指打算同富咸爭奪米高巴特利

8)
史篤城被指打算以1000萬鎊收購賓特尼
如果成事將會成為佢地歷來最貴既收購

9)
狼隊仲未大衛鍾斯達成協議
消息指紐卡素同布力般流浪以及保頓爭奪這名中場球員

而有報導指羅馬打算放棄奧卡卡
紐記可以先借用佢一季
岩用就季尾以200萬鎊買斷佢

另一方面,般尼打算問紐記借用科士打一季

10)
曼聯被指準備用貝碧托夫作為收購史尼達既籌碼
而佢地同埋車路士都被指有興趣接收巴洛迪利

11)
泰巴里斯,韋斯同埋歷奇靴拔都落實續約

12)
波歷克既經理人被指爆料德國國家隊有基佬

13)
維拉被指打算用現金再加上希斯基同些路迪交換麥基迪
而佢地可能以300萬鎊將薜維爾賣去富咸

14)
保亞沙以自由身轉投法甲既阿勒斯

p.s.:
大婆台公布收視高過畸寶
仲聲稱網上講波既點擊率高達50萬次
如果屬實真係等如兜巴聲對方

2010-7-13

近兩日既新聞......

1)
韋拿爆料托利斯可能加盟巴塞或者車路士
恩尼斯達就指佢放完假就會決定前程
而利物浦方面就表示佢既腿傷冇如期咁嚴重

另一方面,哥治同埋施斯都表示有興趣重返利記

2)
蒙達利同埋奧哈拉忽然被傳成為利物浦既增兵對象

3)
報導指細哨已口頭承諾轉投法林明高

4)
消息指禾堡決定要有3400萬鎊先肯賣走迪施高
當中辛達告魯斯或其他貨尾可能被用來抵數

不過另有報導指當時人最想加盟祖雲達斯
而迪亞高將會被用作交易條件
祖記會因為收購佢而放棄羅致卡錫以節省資金

5)
馬斯查蘭奴既經理人暗示這名阿根廷防中可能轉投國米

6)
意大利傳媒指AC米蘭收購法比安奴出現阻滯
而將目標轉移至普度斯基
不過報導指佢地既1200萬歐元出價同科隆既要求仲有300萬歐元

另一方面,熱刺方面就表態有興趣羅致法比安奴

7)
巴洛迪利於賓尼迪斯接手後首課操練就遲到早退
而文仙尼承認如果國米肯放走佢
將會考慮帶佢去曼城

8)
奧利里奧被指成為維拉既新左閘人選

9)
些路迪即將將保路錫賣到費倫天拿
佢地被指再次斟酌夏柏
不過亦再次被紐卡素拒絕

10)
車路士忽然被傳想羅致史尼達

而一旦艾殊利高爾轉投皇馬
車仔被指會收購干查奧作為替補

11)
香川真司落實同多蒙特簽約3年

12)
法比加斯著住巴塞波衫慶祝捧世界盃
因為再次被傳將會離開阿仙奴

13)
費倫天拿被指出價420萬鎊收購米斯莫域

14)
奧斯爾澄清將會留隊

15)
富咸被指想搵巴特利接手
兼為將來羅致佢個仔而舖路

16)
艾蒙尼亞被傳可能回流西甲,加盟馬體會

17)
列特尼最終決定以自由身加盟些路迪

18)
皇馬方面表示已終止對謝拉特既興趣
而維路素就被指成為佢地既增兵對象

19)
巴塞同意將基利臣外借去山度士

20)
尼米被指成為韋斯咸1200萬鎊既新箭頭人選

21)
新特蘭被指打算出價650萬鎊收購韋斯達文

22)
侯城落實羅致自由身既蘇蘭奴以及占士夏柏
前者因為年事已高而先簽約半年
後者就簽足一季

23)
柏巴迪奧普落實以350萬鎊轉投AEK雅典

24)
米堡落實以150萬鎊從些路迪收購麥馬拿斯之餘
亦同意從喜伯連羅致蘇格蘭中場奇雲湯臣
史篤城想用羅倫士同佢地交換加利奧尼爾

25)
早前同紐卡素扯上關係既迪查路
被指成為熱刺420萬鎊既增兵人選

p.s.:
賓特拿宣佈佢既皇室女友有左佢既骨肉
如果佢兩個最終結成夫婦
中堅賓仲會成為皇室成員

2010-7-12

想講尋晚場波......

古治賽前話唔想步德國後塵就唔可以驚左西班牙
荷蘭明顯攻強於守
死守當然冇著數
不過西班牙實力畢竟高少少
'荷''西'互攻下既攻勢算係四六(甚至三七)之比都好正路

荷蘭雖然唔係死守
不過防線總要有針對性佈署
一對閘固然唔可能經常助攻
而隨住沙治奧拉莫斯初段比柏度洛迪古斯更似右前鋒
防守型前鋒古治亦被迫好多時間回防幫拖

而雲邦美繼續佢帶有抽水成份既攔截之餘
就連氣袋尼祖迪莊既攔截都變得硬朗得有少少過火
就係針對鬥牛國幾個似書生多過戰士既技術型球員

西班牙就當然樂得對手肯同佢地鬥攻
不過柏度洛迪古斯可能因為緊張而明顯失準
所以當荷蘭捱過沙治奧拉莫斯初段既狂攻後
西班牙有一段時間算係折翼

佢地中場既重點當然係幾個技術型球員靠效率凍結史尼達
荷蘭人今場發揮空間好少
上半場既遠距離直射死球同埋下半場俾洛賓既一腳妙傳
已經係僅有既代表作
亦令荷蘭只有下半場一段時間比較有殺傷力

史尼達死火
荷蘭既希望就只有洛賓
不過卡迪維拿根本睇通佢條路
結果兩腳必殺射球都因為冇時間拉弓而威力有限
之後仲因為右路搵唔到食而唯有走入中路

鬥牛國有得對攻都要搞到加時打多個先搞得掂
就只有怨自己埋門一腳唔掂
如果唔係卡斯拿斯失左位都用腳尖封到洛賓既單刀
佢地好可能未到加時已經爆冷收皮

場波雖然只得一個入球
不過值得欣賞既係雙方都冇唸過死守
迪保斯基換入捷西斯拿華斯算係遲左
不過之後用法比加斯取代沙比艾朗素
變陣 4-1-4-1 算係進取
雲馬維克用雲達華治入替尼祖迪莊亦係類似既調動
而佢再之前用艾利亞入替古治
亦係進攻主義既例子

場波比較失色既地方或者算係球證韋比
條友執法英超出名成日騰雞而枉判12碼
尋晚又爆鑊咁破紀錄俾左14張黃牌都控制唔到場面
而個別判決亦幾值得商榷
世界盃決賽其實真係應該俾最好既球證執法

p.s.:
心水最佳11人:
卡斯拿斯
拿姆 碧基 高甸 卡迪維拿
舒韋恩史迪加
湯馬士梅拿 沙維 史尼達
科蘭 韋拿

2010-7-11

1)
利物浦方面證實恩梳亞已收到費倫天拿既斟酌
而利記羅致祖高爾亦遇到阻礙
事緣家庭理由令佢就算留國發展都傾向加盟倫敦球會
早前就有傳聞佢會轉投華倫西亞或者AC米蘭

另一方面,托利斯一旦離隊
基恩同埋亨特拉爾就被傳成為替補人選
而古治就再次表態唔會跟賓尼迪斯過檔國米

2)
英國傳媒指尼日利亞涉及世界盃期間打假波
國際足協已經否認有關報導

3)
國際足協即將公佈最新世界排名
消息指意大利將跌出10大
法國更會趺出頭20名

4)
摩連奴同皇馬既合約原來有特別條款
佢可以於任何時間劈炮而唔使作出任何賠償

5)
馬田斯落實轉投魯賓卡山
雙方簽約4年

6)
韋斯咸被指以400萬鎊引入墨西哥翼鋒巴里拿
這名23歲高速球員早前一度吸引些路迪以及愛斯賓奴既注意
而槌仔幫之後就打算引入比基安尼

7)
長野佑都落實以借用形式加盟切塞納

8)
哈利列納拒絕艾阿里既300萬鎊年薪合約而同熱刺續約

9)
巴塞被傳向AC米蘭兜售伊巴謙莫域
希望對方肯用柏圖加現金同佢地交易

10)
鄭大世落實同波琴簽約兩年

11)
曼城同埋阿仙奴都被指對加納中場艾沙姆好有興趣

12)
卡維奴被指已身在米蘭同國米代表會面
般奴艾維斯就被指成為車路士1500萬鎊既新中堅人選
另外,肥安聲稱唔會引入卡卡同埋伊巴謙莫域

13)
消息指紐約紅牛即將同亨利簽約3年

14)
皇馬成為最新一間同基迪拉扯上關係既球會

15)
報導指阿積士要有3500萬鎊先肯放走蘇亞雷斯
曼聯就被指係最有可能既買家

另外,費sir被指準備放棄卡域克
更可能索性將佢以700萬鎊賤價賣俾新特蘭

16)
早前被阿仙奴放棄既基拔可能以自由身加盟黑池

p.s.:
季軍戰例牌好睇兼多波入
不過殘陣德國佬羸得咁驚險同埋辛苦就有少少意外

科蘭又有高水準表現
個人認為值得入選最佳11人

受背傷困擾既高路斯就冇佢咁好運
睇住卡卡奧同埋高士寧下半場至少3次食唔到叉燒
如果佢有份落場應該至少平到大哨既紀錄

2010-7-10

1)
柏天尼於一間餐廳暈倒送院
消息否認佢心臟病發
指佢只係因為感冒而暈倒
目前情況良好

2)
德國足總表態想同路維續約
幾個月前路維因為要求對U-21代表隊有更大控制權
以及加薪幅度同德國足總傾唔掂數

3)
報導指巴塞會長羅素連同副手已經去左南非
搵雲加,兵工廠CEO加斯迪斯同埋法比仔既經理人開5人會議
目的係為左盡可能於今日決定法比加斯既轉會

4)
喀麥隆的起心肝搵新教練長期執教
報導指馬國斯以及前科特迪瓦教練 V.Halilhodzic 都係熱門人選

5)
蘇亞雷斯表明想離開阿積士

6)
傳聞鶴臣會放棄留用有離心既馬斯查蘭奴
不過會將佢賣去巴塞
係都唔益國米同埋賓尼迪斯

7)
維拉被指要求2500至2800萬鎊既出價先肯放走占士米拿
不過艾利蘭同埋奧奴夏都可以用來抵數

8)
愛華頓被指想引入馬菲泰萊

9)
伊巴加沙落實加盟奧林比亞高斯

10)
史迪基倫保被指成為曼聯既新龍門人選係傳聞人選
當中以前者呼聲最高

11)
新特蘭同埋韋斯咸成為最新兩間對高士寧有興趣既球會
齋講唔做既愛華頓冇如期提供合約
英超賽會已經宣佈佢而家係自由身球員

12)
史雲斯物色緊新領隊
史必,修夫基同埋高文等都

13)
圖盧茲既畿內亞左翼 F.Mansare 被指成為紐卡素150萬鎊既增兵對象
如果成事雙方將會簽約4年

p.s.:
今場怕且係高路斯追平(甚至打破)大哨紀錄既最後機會
希望佢最終可以克服背傷上陣
路維同埋佢班隊友段估都會成全佢

不過過份得滯就隨時出事
美國世界盃既季軍戰
保加利亞為左幫史杜捷哥夫獨攬神射手獎項而集中傳波俾佢
結果俾瑞典大炒4:0

2010-7-9

近幾日既新聞......

1)
消息指車路士出價3500萬鎊收購托利斯
而利物浦就還價5000萬鎊
報導仲話阿巴莫域治已經去左南非同當時人會面
不過當時人就表示將於世界盃後同鶴臣會面後先決定前程

另一方面,利記再次被傳斟酌祖高爾之餘
亦被指打算羅致費古羅亞,史堤芬泰萊,拜仁雷斯,列特尼同埋胡禮菲臘斯
胡禮仔被傳同時收到阿仙奴以及熱刺既斟酌

2)
李安納度表示想接手巴西

3)
韋拉同埋米基爾分別宣佈退出國家隊

4)
消息指國際足協考慮巴西世界盃引入底線球證

5)
熱那亞成功羅致伊度亞度

6)
雲加果然趁低吸納美路
祖雲達斯就被指想用佢交換基治

另外,蘇保迪再度被指成為兵工廠既增兵人選

7)
由於馬干忽然發表留隊宣言
西班牙傳聞指摩連奴打消用沙治奧拉莫斯踢中堅既計劃
並且會引入基亞連尼,大衛雷斯或者維迪
當中迪亞拉可能成為羅致前者既交易籌碼

另外,皇馬繼續被指打算收購舒韋恩史迪加
由於佢既贖身費高達5500萬歐元
皇馬將要求從洛賓既轉會費扣數

8)
AC米蘭落實從些路迪引入19歲左閘辛度諾斯圖
佢地忽然被傳考慮羅致丹普西同埋本田圭知佑
不過新日本國寶就表態最想加盟皇馬

另一方面,佢地被指為左套現收購法比安奴
而向熱刺以及馬賽兜售亨特拉爾

而卡卡細佬就率先被放棄
最終葡甲彭拿菲爾決定接收佢

9)
拜仁即將以2100萬歐元引入雲達韋爾
當中有400萬歐元係variable

10)
托度宣佈退休
不過會繼續留隊幫手打理足球學校

11)
巴塞新會長羅素親自遊說雲加放走法比加斯
但亦表明唔會以過高價錢入貨

報導指新總監蘇比沙列特已收到指示
收購目標可能改為洛賓或者羅賓奴
現時拜仁,華倫西亞同埋比錫達斯亦對後者好有興趣

基格連斯基落實以6折價錢1500萬歐元重返薩克達
巴塞寧願帳面蝕1000萬歐元都要賣佢套現
或者真係莫財得好緊要

12)
湯馬士梅拿,普度斯基,杜奧巴同埋干查奧都被指成為曼城最新既增兵對象
曼聯亦有興趣爭奪兩名德國國腳
好想將人腳年青化既車路士亦打湯馬士梅拿既主意
而英國傳聞就指葡萄牙人最終會以2000萬鎊過檔

另外,伊巴謙莫域一旦加盟
傳聞週薪將會高達25萬鎊

而佢地羅致高拉洛夫就有新進展
拉素方面就要加拉度作為交易條件

不過斯洛伐克中場 A.Rusnak 就快過一眾大班球星
早兩日率先加盟曼城

另一方面,一旦卡雲尼離隊
巴勒莫會向佢地出價700萬鎊接收辛達告魯斯
巧合既係這名烏拉圭射手早前亦同曼城扯上關係

13)
辛斯家族被債主迫落台
一般相信羅馬未有新老闆之前都唔會有大手買賣

14)
科蘭否認重返曼聯既傳聞
更表示唔考慮再踢英超球會

15)
卡華路被傳最快下星期轉投國米
而史尼達被指成為曼聯既增兵對象
不過國米同埋當時人都對交易反應冷淡

16)
基斯保迪落實以自由身降格加盟米堡

17)
基迪拉被指成為車路士1200萬鎊既新防中人選
不過曼聯亦被傳對佢有一定興趣
事關夏格維斯再被膝傷困擾
佢好可能趕唔到開咧復出

而車仔就落實以550萬歐元羅致17歲捷克新星卡拉斯
不過又隨即將這名可以踢中堅同埋右閘既佢外借返母會奧洛莫斯

18)
麥法頓被指成為紐卡素既增兵對象

而紐記被指打算向熱刺借用諾頓同埋丹尼路斯
報導亦指黑池對後者都有一定興趣

另一方面,熱刺同埋車路士亦準備同紐記爭奪高士寧

19)
紐亞再次同曼聯扯上關係
不過佢表明冇興趣離開德甲

20)
格蘭有意引入舊部屬莫高拿
不過佢獅子開大口叫價5萬鎊就令交易胎死腹中

而佢地羅致奇雲保定亦有困難
報導指熱那亞出價660萬鎊搶人

另一方面,佢地忽然被指有興趣接收高路斯

21)
比斯安奴以自由身轉投拉素
雙方簽約兩年

22)
準備買斷文沙既新特蘭被指打算接收埋厄遜
不過更早一步既就係蘇甘保
亦有報導指佢地想向AC米蘭借用艾迪耶亞

另一方面,簡拿落實以550萬鎊轉投加拉塔沙雷

23)
前利物浦中堅柏列達落實以自由身從小保加轉投帕爾馬

24)
曼聯被指準備賣走安達臣套現
里昂同埋馬賽都被指有興趣接貨
艾夫蘭同埋馬捷達就分別被指成為巴塞同埋國米既增兵對象

25)
禾夫斯堡成為最新一間同卡積亞扯上關係既球會

26)
阿根廷爆內訌醜聞
報導指華朗早於16強就因為出場問題而同助教嘈交
最終馬勒當拿亦未能安撫前者

27)
伯明翰被指出價550萬鎊收購阿休
佢地亦想同多蒙特,羅馬同埋切塞納爭奪長野佑都

28)
法林明高龍門般奴迪蘇沙向巴西警方自首
佢涉嫌殺死C7既前女友
而女死者生前同佢有個現時4個月大既女

29)
米斯達以自由身加盟FC多倫多

30)
維拉利爾落實從西布朗引入保查華利路
而希杭就從佢地接收自由身既烏拉圭中場艾古蘭

p.s.:
勾義嫂醜聞女主角忽然高調還泰利清白
如果係真既又會唔會已經太遲?

2010-7-8

德國頭5場入13球都唔代表攻力真正強勁
只因為反攻易過搶攻
而要有效阻止佢地既突擊
就唯有前場緊迫同埋快過佢地回防
而西班牙正正兩樣都做得到就為晉級打好基礎

西班牙尋晚算係踢出今屆代表作
另一關鍵就係迪保斯基終於肯用柏度洛迪古斯取代缺態既托利斯
算係半個 Plan B 令西班牙終於發揮到 4-3-3 陣式既真正威力
而正選有7個巴塞球員就令佢地更有默契上既優勢

幾日前提過德國要羸波就必須凍結沙維
不過冇左沙維既西班牙仍有其他球員可以靠短傳滲入
當中恩尼斯達經常墮後幫到球隊好多
令德國唔可以郁下就用幾個球員圍捕沙維
凍結沙維失敗就自然俾西班牙搓住踢
亦埋下輸波伏線
不過最終竟然輸在強項死球就令小弟好失望

佩奧爾上半場初段門前頂波底已係預警
德國佬失波一刻邊有理由可以睇漏佢
佢一條友企禁區邊就擺明大古惑
當時奧斯爾其實同佢成一水平線但相差至少10個身位
佢企既位置係德國佬最易解圍既地方
明顯等緊機會反擊
盯緊佩奧爾唔應該係佢既責任
真正要孭鑊既應該係幾個中路球員
碧基目標再大都冇理由 trible team 佢

及後雙方角色對掉
偏偏德國無本事平反敗局
原因唔係好似兩年前歐國盃決賽咁提早放棄
亦唔係好似對塞爾維亞咁冇帶射門鞋
而係冇板斧咬得入防守高度集中既西班牙
如果唔係柏度洛迪古斯獨食
佢地仲可以以其人之道還治其人之身咁買埋保險

西班牙同埋荷蘭既中前場各有殺著
不過前者既防守無論計個人抑或整體都比較優勝
只要保持到今場既防守水準同埋原陣出擊
絕對等如拎住盃耳去踢

另一方面,德國出局就代表小弟既世界盃已經完結
回顧過去6場波既整體表現算係唔錯
連挫英格蘭同埋阿根廷仲一掃多年烏氣
冇左波歷克果然仲好

路維應該因為冇其他好人選接手而有得留底
不過德國之後幾年有冇得打破14年既錦標荒
就要睇佢點樣改善球隊既主攻能力
畢竟真正既一線球隊唔可能冇 Plan B 揸手

而更多主力勢必外流取經亦會對球隊有正面影響
情況就好似早兩年既西班牙

2010-7-7

荷蘭一如外界預料踢走烏'圭'
不過過程比預期辛苦
整體表現亦一如8場外圍賽同埋決賽週頭5場比賽有欠突出
就算而家14場全勝都唔見得有咩霸氣

同之前對斯洛伐克以及巴西話咁易就俾人劏穿防線
荷蘭今場算係有進步
不過史迪基倫保,希丁加同埋後防替工保拿奴斯都先後犯錯
就幾乎搞到佢地唔可以準時收工
同即將退休,但依然有前有後既雲邦賀斯相比
直頭相形見拙

事實上荷蘭近年人腳攻強守弱
而青黃不接就令防線人腳仲差過早幾年
決實無論對德國或者西班牙都應該好受壓
雲邦美同埋尼祖迪莊既截擊可能先係捧盃關鍵

前線方面
洛賓對住串演左閘既馬田卡斯利斯其實好易食
相對於換入雲達華治
俾洛賓更多發揮空間會對攻力較有幫助

史尼達其實今場唔係特別搶
不過再入符碌波就真係吹佢唔脹
由傳媒選既世界盃最佳球員好似係決賽前截止投票
考慮到最佳球員通常來自決賽球隊
小豬輸蝕在踢防中通常冇攻擊球員咁受注意
韋拿應該係史尼達攞獎既最大障礙

烏拉圭方面
實力本身已經較弱
冇埋3件正選兼上場要踢多30分鐘
牌面明顯更蝕底
不過下半場頭20分鐘仲踢得好過荷蘭
尾段又逼到荷蘭有氣冇頂抖
已經算有交代

科蘭入唔到禁區都有遠射同埋死球可以出賣
係衰冇左蘇亞雷斯而孤掌難嗚
而更衰既當然係泰巴里斯提早換走佢

卡雲尼就越睇越似名大於實
熱刺如果高價入貨就多數再次損手
大舊衰艾比奧落場後又搞事多過踢波
反而兩個彭利拿每人有腳妙射仲幫到手
遲早跳出葡超

p.s.:
保羅既選擇竟然係西班牙
Oh! My God!

2010-7-6

近幾日既新聞......

1)
世界足球先生同埋歐洲足球先生將會合併為金球獎
出年1月會首次頒發

2)
史高拉利,李安納度,列卡度高美斯,拉馬奴同埋文尼沙斯都被傳接手巴西
不過前者已經作出否認

3)
鄭大世將轉戰德乙,加盟波琴
早前車正革已落實轉投瑞士乙組球會韋爾

4)
消息指耶耶托尼成為歷年來首名週薪超過20萬鎊既球員
事緣佢原本人工係18萬5000鎊週薪
不過由於佢既人工同埋其他收入都係免稅
所以當英國政府由下個財政年度起加稅
佢既週薪就會增至22萬1000鎊

而佢每年以165萬鎊將肖像權賣埋俾曼城
同埋另有特別獎金

另一方面,賓積洛夫就落實以500萬鎊正式轉會帕爾馬
而艾利蘭,胡禮菲臘斯同埋奧奴夏就被指將被放棄
報導指維拉有興趣接收前兩者

5)
保方背部手術成功
佢將要養傷3個月

而祖雲達斯繼續斟酌卡鍚

6)
川島永嗣將加盟比利時甲組升班馬利亞塞

7)
舒華沙再次被傳將以300萬鎊轉投阿仙奴
而由於伊度亞度既贖身費只係340萬鎊
兵工廠繼續被傳同熱那亞以及曼聯爭奪這名葡萄牙1號龍門

另一方面,路斯基同埋艾蒙尼亞都被傳將被賣走套現

8)
J.Perch 落實由森林轉投紐卡素
這名24歲本土球員可以踢中後場多個位置
佢多數踢右閘,中堅或者防中
不過亦曾經客串左閘同埋兩翼

另一方面,愛華頓仲未同養傷既高士寧續約
報導指曉頓考慮搵佢以自由身加盟

9)
些路迪宣佈已成功收購車斗里
而家等緊工作證

10)
車路士被指有興趣收購魯爾梅利斯,拉美利斯以及阿古路

而肥安表示仲未放棄羅致卡卡
車仔被傳有1億鎊預算收購佢同埋托利斯

11)
魯爾忽然被傳轉投史浩克04

12)
利物浦被指同拿玻里爭奪丹普西

而利記另一傳聞增兵對象巴迪斯達
就同時收到曼城以及熱刺既斟酌

另外,佢地仍然被傳同曼聯爭奪加利卡希爾
而艾殊利楊格就係利記另一傳聞目標

另一方面,古治以及格連莊臣就再次被指可能跟賓尼迪斯過檔國米
而利亞拿就被指可能回流西甲,加盟愛斯賓奴

13)
皇馬被指準備用沙比艾朗素以及戴倫特去收購基亞連尼
而馬干既經理人公開批評國米將這名巴西右閘既身價定得太高
令佢離隊既機會更大

另一方面,克服手肘傷勢而可以出戰烏拉圭既尹佩斯
忽然被傳成為皇馬3500萬鎊既增兵對象

14)
熱刺方面再次斟酌祖高爾之餘
亦被指再次出價700萬鎊收購比拿美

而派拿仲未同愛華頓達成續約協議
熱刺就當然繼續做嘢

另一方面,加里夫巴利被指成為國米既增兵對象

15)
韋斯咸被指打算以700萬鎊賣走厄遜
而佢地繼續斟酌比哈美同埋雷米

16)
莫天奴落實以1100萬歐元由士砵亭轉投波圖

17)
曼聯忽然被傳搵科蘭回巢
而佢地亦再次同賓施馬扯上關係
而奇雲保定亦忽然被指係費sir既增兵對象

18)
高禾落實以自由身轉投彭拿典奈高斯

19)
維拉被指斟酌賓艾化同埋艾迪達

20)
尼日利亞總統於各方壓力下撤銷國家隊既禁賽令
不過就堅持解散球隊

21)
紐根特被指成為布力般流浪既新箭頭人選

p.s.:
1)
一路好走......黎新祥教練

2)
C7要仔唔要乸單嘢
女主角原來係一個美國人
不過就應該唔係 Paris Hilton

3)
溫馨提示:
大婆台已成功研究出另一條頻道
如果覺地佢地把聲真係親切0的
今晚開始可以拑 audio 去選擇佢地既自家聲音
到佢地真係俾畸寶 cut 線先轉去二奶台

2010-7-4

3個月前阿根廷熱身賽羸左德國
馬勒當拿嫌湯馬士梅拿既唔係教練亦或係大牌球星
而唔肯同佢一齊接受傳媒訪問
老馬大概冇唸到幾個月後就現眼報

而老馬近來成日 call 摩連奴去惡補戰術知識
不過佢應該冇聽過巴塞因為冇 Plan B 而衰俾國米既例子
美斯今場終於俾德國佬成功圍捕
原來又係唔識踢逆境波既阿根廷即刻廢左半力
泰維斯同埋迪馬利亞亦因為類似情況而徒勞無功
老馬之後換入同類型既柏斯托利同埋阿古路
就只係繼續錯落去

如果老馬肯用大米或巴勒莫取代隱形人麥斯洛迪古斯
改踢簡單足球兼多個可靠既二傳點
最終搏唔搏到冇人知
不過至少可以擾亂德國既佈防

德國佬以前都經常靠穩守突擊制敵
死守既時候就似刀槍不入既鐵甲威龍
碧根鮑華,馬圖斯,森瑪等自由人之後因應場上形勢而忽然出擊
幾次傳波走位已經殺入對手腹地攞分
跟住繼續死守去等下一次突擊機會

近兩場既德國其實繼續都係打唔死既鐵甲人
尋晚梅迪薩卡既顏面擋球仲絕對係最佳寫照
唔同既只係冇左波歷克後
佢地而家係靠個別球員好似一幅布咁更快速去移動
奧達文迪離場前後既右路都咁多漏洞
自然最多時間成為德國進攻既重點

德國今場羸波比上場羸英格蘭更有說服力
亦係路維最 update 既代表作
不過冇嘢值得咁早開心
下場對西班牙隨時會係另一個故仔

雖然迪保斯基仲未夠吉士收起托利斯
搞到現時既 4-3-3 陣式三不像
而鬥牛國踢左5場既整體表現都只係一般
尋晚過到關都要多得卡斯拿斯回勇
不過德國佬最驚組織力超強既球隊
所以鬥牛國所帶來既威脅肯定大過英格蘭同埋阿根廷

暫時唔講心理質素之餘
亦假設迪保斯基唔變陣
用對付希古恩既策略已經可以搞掂托利斯
一對中堅雖然笨重
但只要保持集中力就應該唔會再俾佢入到波

而卡迪維拿助攻平平
除非恩尼斯達忽然轉邊幫拖
否則拿姆加埋隊友回防有足夠人手凍結韋拿

上兩場既關鍵係圍捕朗尼同埋美斯
下場既關鍵就應該係凍結沙維
好彩一對防中都唔使停賽
小豬一定要再有尋晚 man of the match 既水準

德國佬本身都有隱憂
暫時未知謝路美保定既背傷情況
馬素贊臣絕對冇本事對付恩尼斯達(甚至再多一個沙治奧拉莫斯)
所以普度斯基既回防繼續相當重要

而下場冇左無辜再攞黃牌既湯馬士梅拿
杜查奧斯基既技術型踢法對住卡迪維拿比較難搵食
而拿姆又有後顧之憂而唔敢太多助攻
折翼既機會幾大

p.s.:
1)
早前想搵冷門波衫
日前終於收到件洪都拉斯兒童版波衫
(件衫印左當地卡通圖案同埋代表球迷既12號)
一個字:正!
不過失望既係俾左錢十幾日買北韓波衫都仲未有貨

2)
C7忽然宣佈做左老豆
不過唔肯講邊個係嗰仔既阿媽
一個24歲法國內衣 model 就係傳聞女主角

2010-7-3

想講尋晚兩場波......

頭場方面
荷蘭對斯洛伐克已經暴露防線中路弱點
開波前仲要由奧查臨急頂替馬菲臣
自然更易俾巴西直線劏穿
失波根本係預期之內

而以荷蘭初段,甚至上半場夢遊咁既表現
洛賓又受制於巴西中後場既夾擊
只係輸一球其實有賺

有人話巴西反勝為敗係因為下半場縮得太後
不過踢穩守突擊就係咁架啦
論點唔見得有說服力

轉捩點應該係下半場既烏龍波
失波後唔止防線散散地
而係成隊波散晒
其實被追平後重頭再來絕對係兵家常事
要解釋佢地點解進退失據就只有怪佢地心理質素太差
成班老波骨原來一踢逆境波就收皮
唔怪得鄧加太多
怨就怨而家唔係打籃球冇得叫暫停

加埋出名燥底既美路又搵岩時間爆炸
結果令巴西連少少搏翻身既機會都冇埋
條友賽後仲頂癮到話自己冇踩斷洛賓對腳而唔算係茅柴
賓尼迪斯睇完之後九成九縮沙
最驚雲加又為左慳家而趁低吸納

睇返荷蘭
佢地下半場初段其實依然受制巴西既嚴防而表現一般
不過表現至少有改善
證明心理質素都唔太差
史尼達同埋洛賓都多左機會掂波
雲達韋爾亦先後俾到巴西兩個左閘唔少麻煩
肯搏又有運既結果係一舖翻身

另一方面,球證去到關鍵階段通常唔會一開始就狂俾牌
不過今場波初段已見有球員失控
洛賓亦真係有試過俾人踢得幾應
俾你係佢見到球證竟然唔多做嘢
見有腳埋身而本能反應跳左先都唔怪得晒佢

唔信可以參考皮里斯既例子
佢02年因為逃避攔截而斷韌帶後俾人批評插水成性
佢都反駁話當球證保護唔到自己
先逼於無奈跳得就跳

尾場方面
還原 4-5-1 既加納踢得唔太保守
領先後亦冇太龜縮
而就算因為三流龍門京治再次出錯而被追平
都冇好似巴西咁滯晒氣
之後仲靠體能上既優勢而越踢越進取

而烏拉圭防線雖然冇晒一對正選中堅
但中後場尚算緊密
令加納既中前場球員冇太多空位發揮佢地既爆炸力
加上梅斯利拿繼續有水準演出
令加納踢到加時都只係一直羸形勢

但最關鍵都係加時下半場補時階段蘇亞雷斯出手救國
平時習慣攞角既基恩
又因為太緊張又太冇運而狂抽中楣
對於陣中有唔少年青球員既加納而言
之後未互射12碼已經輸晒氣勢
畢竟心理質素有時係要培養
艾迪耶亞宴客都應該係因為咁

不過順帶一提
基恩係陣中負責互射12碼既第一人
於咁短時間內重拾信心兼夠吉士攞埋梅斯利拿既右上角
嗰份勇氣同埋責任感已經羸盡掌聲(至少有我掌聲!)
只可惜既係佢既心理質素調整得真係遲左
又或者可以講句'天亡加納'!

p.s.:
尋晚兩場波都睇到心理質素對踢波有幾重要
路維旗下既德國兩年前踢歐國盃決賽未夠70分鐘就泄晒氣
阿根廷今屆亦未踢過逆境波
今晚大戰隨時又因心理質素而定高低

2010-7-2

好耐冇講新聞......

1)
黎新祥教練既喪禮將於下星期一於香港殯儀館舉行
而佢生前包括蔣世豪,譚兆偉,丘建威等共8名愛將
將於星期二既大殮儀式為佢扶靈

2)
波腫位於佛光街既辦事處俾人淋紅油

3)
鶴臣落實接手利物浦
雙方簽約3年
佢表明首要留住謝拉特同埋托利斯
早前利記已為後者定價6000萬歐元

不過班拿約就將以550萬鎊轉投車路士
馬斯查蘭奴亦幾可能以2500萬鎊跟賓尼迪斯去國米

報導指鶴臣已有增兵對象
當中包括舊將梅菲同埋漢基蘭

而基拔圖施華以及雲達華治都同利記扯上關係
鶴臣未離隊前已被指想同莫耶斯爭奪前者
而後者近日亦被指係車路士既1000萬鎊增兵人選

另一方面,米蘭祖雲奴域就落實簽約3年

4)
安歷卡事件傳聞內情如下:

條友俾杜明尼治踢走後
艾比度提議罷操
艾夫蘭亦唔滿意醜聞曝光而同體能教練頂頸
杜明尼治心灰意冷唔想帶隊對南非而準備提前離隊

球員發覺玩大左後
施斯搵埋幾個隊友一齊氹掂杜明尼治好頭好尾帶埋最後一場

果然輸俾南非後
亨利同埋艾夫蘭聲言爆大鑊
前者仲提前離隊同薩爾科齊會面
不過杜明尼治又最終氹掂球員唔好將家醜繼續外傳
所以直到而家都冇一個球員開記招

5)
世界盃出局球隊再有多名教練下台
當中包括彭利拿,艾古爾,列哈格,拿古恩,許丁茂
前者就拒絕挽留而想返巴西同屋企人團聚

卡比路同埋拉格碧雖然有下台壓力
但報導指英格蘭同埋尼日利亞既足總都傾向留用佢地
不過後者既總統聲言禁止國家隊踢國際賽兩年就令事件

6)
保方開刀根治椎間盤骨突出既傷患而要休養半年

7)
巴塞同亨利提前解約

而伊巴就係下一個放棄對象
可能買家就包括曼城同埋AC米蘭
前者就想用羅賓奴換佢
現時交易最差煩既係伊巴既經理人同佢叫價加薪兩成至年薪1200萬歐元

不過巴塞已有賣唔走佢既最壞打算
準備借走佢以慳返佢既1000萬歐元年薪

另一方面,佢地被指想引入桑馬達

8)
法比安奴透露下季轉投AC米蘭
傳聞轉會費約1500萬歐元
報導指亨特拉爾將被賣走以套現1000萬歐元

9)
艾歷臣同埋曉士都係接手富咸既熱門

10)
迪馬利亞成為摩連奴入主皇馬後既首個收購
雙方簽約6年

而收購馬干就仲未成事
只肯收現金既國米唔肯沙比艾朗素成為交易既一部份
不過國米對現時2500萬歐元既傳聞出價仲未滿意

不過謝拉特,艾殊利高爾,格連莊臣同埋舒韋恩史迪加既交易
就繼續係傳聞階段

11)
英格蘭醜聞不絕......

部份球員被踢爆於出局後幾個鐘即刻開P
已肯定既參加者包括京治,迪科爾,艾朗連儂,哥治,艾殊利高爾
而朗尼就被踢爆於出局前兩日已經 book 機票去度假

另一方面,謝拉特同埋泰利被傳內訌
後者又扮大哥而令前者不滿
報導指事件最終被碧咸平息

12)
曼城落實引入謝路美保定同埋耶耶托尼

而消息指大衛施華將以16萬鎊高薪簽約5年
轉會費約2500萬鎊
辛達告魯斯亦可能成為交易條件

另外,占士米拿同埋高拉洛夫既轉會就依然係傳聞階段

13)
阿仙奴落實以1200萬歐元羅致24步法國中堅高斯捷尼後
忽然同泰斯治,基斯甸艾歷臣,連尼斯,森本貴幸,本田圭佑,伊度亞度
胡禮菲臘斯以及烏克蘭35歲龍門 O.Shovkovskiy 扯上關係

而巴洛迪利,梅迪薩卡,保查拉,舒華沙,哥古夫同埋積基卡等
一大堆舊名字就繼續被指入廠

而巴塞企硬只肯俾4000萬鎊收購法比加斯
令交易隨時胎死腹中
態度疑似軟化既當時人日前亦透露未必離隊

另一方面,桑治被傳成為加拉塔沙雷既400萬鎊新防中人選
J.森遜亦被指成為愛華頓以及黑池既羅致對象

另外,報導指雲加俾伊度亞度以500萬鎊離隊
目前維拉肯俾錢
但雲加唔想賣俾英超對手
所以佢應該等緊華倫西亞加碼

14)
祖高爾仍未落實去向
佢最近就被傳可能轉投AC米蘭

15)
祖雲達斯先後成功收購邦路斯,佐治馬天尼斯,馬哥莫達,柏比同埋史度拉利
不過基奧雲高最終冇成為收購前者既交易條件

而迪利尼想用迪亞高交換奧斯爾
不過後者就表明只想轉戰英戰
意味車路士同埋曼聯較有機會羅致佢

另一方面,祖記被傳同拜仁爭奪干查奧
而加拿斯被指會從佢地同埋羅馬二擇其一

16)
國米被傳睇中高甸同埋美路

17)
紐卡素近日同多名球員扯上關係
包括艾丁,森美爾,居迪斯戴維斯,韋定咸,森馬拉斯
當中紐記對艾丁既傳聞480萬鎊出價
已被巴黎聖日耳門還價820萬鎊
而曉頓就被指想出賤價50萬鎊收購森美爾

而韋爾斯,艾斯甸,保夫萊特同埋奧拜恩就繼續被指成為紐記既增兵對象
不過紐記就否認借用蘭斯貝利

而些路迪被指一旦冇左保路鍚
就會簽夏柏作為替補
馬體會就被指想簽古迪利斯返西甲

18)
熱那亞落實引入東尼
而杜斯山度士就被傳係下一個增兵對象

19)
馬體會為左留住科蘭而將佢標價1200萬鎊
不過熱刺只肯俾850萬鎊

20)
摩連迪斯同馬賽解約後
可能轉投阿美利加

21)
馬田柏杜夫投保頓

22)
巴勒莫表示熱刺開價3500萬歐元一併收購卡積亞同埋卡雲尼
不過後者已經作出否認

23)
莫耶斯打算以週薪5萬5000鎊既4年合約利誘派拿留隊

24)
森多利亞同埋禾夫斯堡為左唔想柏仙尼同埋迪施高離隊
而將佢地既身價定為1億以及5000萬歐元

25)
咸錫透露準備同拿玻里續約

26)
波歷克落實回流德甲
加盟利華古遜

而史度治亦以250萬鎊轉投費倫巴治

27)
AC米蘭落實由艾基利接手同埋借用艾米利亞

28)
韋根落實以580萬鎊收購保斯利

29)
迪拿達利被傳成為伯明翰既700萬歐元增兵人選
而鄭智最終轉投廣州恆大