2010-1-31

近兩日既新聞......

1)
賓尼迪斯再次否認下季接手祖雲達斯
而利記再次拒絕伯明翰對巴布既出價

另一方面,韋斯咸後防新星湯堅斯被傳成為600萬鎊增兵對象

2)
非洲足協以政治干預為理由
判罰多哥唔可以參加之後兩屆非洲國家盃
兼罰5萬美元
多哥足總已經提出上訴

3)
曼城仲未成功羅致加高
有報導指佢地可能改打帕爾馬肯亞中場馬列加既主意

另一方面,巴塞令人莫名其妙被傳想用保贊再加700萬鎊
向佢地收購胡禮菲臘斯

4)
祖雲達斯可能以基斯薜圖既一半擁有權加上500萬歐元
從熱那亞買回柏拿甸奴既一半擁有權

5)
愛斯賓奴證實米堡曾向佢地查詢中村俊輔既情況
不過就話從未收過任何 offer
而佢地亦表示唔相信佢會離隊

6)
AC米蘭落實從阿特蘭大引入16歲本土中場卡雲奴
佢地亦被指可能用贊古奴夫斯基同國米交換文仙尼
以及有興趣以2000萬鎊羅致維迪

另一方面,佢地早前落實將年青射手迪真拿路外借去利禾奴

7)
早幾日頭部中槍既卡賓拿斯已經恢復知覺兼可以同屋企人講嘢

8)
比高域決定轉投史篤城
令占士幾可肯定唔會離隊

而佢地亦準備同幾隊英冠球隊爭奪摩西斯

9)
愛華頓被指想以300萬鎊買斷當奴雲

10)
拉科可能收購佩尼亞替補長抖既菲臘比路易斯

11)
熱那亞,帕爾馬以及阿特蘭大達成三角交易
基斯普同埋艾基費斯卡分別以借用形式加盟帕爾馬同埋熱那亞
而N.阿武羅素(迪比亞路既大舅)就以賤價加盟阿特蘭大

12)
熱刺被指將會再次嘗試引入賓科士打

而由於治基治因傷再次提早收咧
哈利列納搵卡保爾作為替補
佢最初亦曾考慮過卡積亞
不過這名丹麥中堅索價10萬鎊週薪令交易胎死腹中

另一方面,新特蘭被指出價1000萬鎊收購羅比堅尼
而米堡,西布朗以及錫菲聯都想借用諾頓

13)
禾夫斯堡好可能因為價錢問題而放棄收購拉菲爾
而球隊早前從甘美奧引入利華漢拔圖
不過就有列卡度哥斯達離隊加盟里爾

14)
韋斯咸繼續斟酌比夏積
而巴勒莫就成為最新一間同比哈美扯上關係既球會

15)
阿仙奴被指打算從皇馬引入17歲西班牙翼鋒沙拉比
而沙格拿被傳成為國米既增兵對象

16)
新特蘭被傳準備截劫馬高莫達
而鍚菲聯就想向佢地借用諾斯禾菲

17)
波圖以500萬歐元從高士路羅致巴西射手基利巴

18)
朴主永落實同摩納哥續約3年

19)
些路迪即將從富咸接收卡馬拉

20)
士砵亭證實收購柏度文迪斯

21)
侯城唔打算賣走基賓尼

22)
漢堡被傳有興趣從拜仁接收泰摩斯卓克

23)
費倫天拿被傳想以借用形式增兵
對象包括卡斯辛奴以及賓菲加21歲巴西射手加利臣

24)
普雷斯頓,保頓同埋昆士伯流浪都打算向米堡借用安德魯泰萊
而後者就繼續斟酌卡辛

p.s.:
1)
華美倫最終冇事踢正選
相反曼聯有里奧停賽之餘
維迪連後備都冇
祝兵工廠球迷好運

2)
近日最屬目既花邊新聞一定係泰利勾義嫂
條友向來好色,篤背脊,衰格,貪小便宜收回佣咩衰嘢都齊
今次衰不忠仲要衰到連朋友妻都唔走雞
(同日多個舊情人亦乘機抽水爆料)

卡比路已經搵副手巴甸尼聯絡佢睇下點收科
隊長臂章同埋商業贊助冇晒都係事小
更大鑊既係有報導指佢老婆忍足10年終於心死
溝左條女,輸左頭家
抵死!

2010-1-29

1)
先講窮到官網都摺埋既樸茅
有傳格蘭同埋CEO史杜利都曾經考慮辭職
原因係球會唔問佢地就準備賣走卡保爾以及比高域
不過最後版本係佢地雙雙決定留隊

另一方面,樸茅成功從莫斯科斯巴達借用奧胡素
這名加納前鋒曾經效力阿仙奴
而佢地亦同美度以及奧尼爾扯上關係

2)
華美倫經檢驗後證實冇骨折
不過多數缺陣星期日對曼聯

另一方面,保頓成功借用韋舒亞到季尾

3)
消息指巴塞已準備暑假引入一名世界級球員
報導指哥迪奧拿屬意列貝利
但碧格列斯坦就主張羅致大衛施華

4)
紐卡素再借用兩名球員
來自昆士借流浪既中堅賀爾將會效力到季尾
而來自車路士既荷蘭年青左閘 Van Aanholt 就只係短暫效力1個月

另一方面,消息指紐記仍然準備為前線增兵
人選包括摩西斯以及挪威射手 E.Huseklepp

前者最熱門既落腳地應該不出紐記,西布朗以及森林
後者早前已經吸引利物浦,韋根,布力般流浪以及新特蘭既注意
而家就以史篤城最想同紐記爭人

不過兩者既身價都唔平
以紐記現時財力未必負擔得起

5)
保贊透過經理人否認將會轉戰英超

6)
梅度被驗出早前曾服用禁藥 Sibutramine
面臨停賽4年

7)
熱刺拒絕伯明翰對柏夫奴真高既800萬鎊出價
消息指佢地希望要收到至少1400萬鎊

而佢地亦拒絕外借賓特尼俾韋斯咸
因為佢地仲等緊願意收購佢既買家

另一方面,佢地落實外借杜斯山度士俾加拉塔沙雷

8)
消息指曼聯準備同安達臣同里昂交換洛里斯
不過現時形式只會係借用

而佢地亦落實經完成收購史摩寧
雙方簽約4年

9)
曼城落實外借週薪羅賓奴去山度士
先要多得當時人肯減薪4萬5000鎊
再多得曼城同埋山度士既贊助商肯以2:1既比例分擔餘數

而佢地已經同意新特蘭對馬華路禾尼既出價

另外,曼城有可能以1800萬鎊接收加高
以及以900萬鎊羅致阿當莊臣

另一方面,卡斯辛奴由於同迪蘭尼不和而可能離隊
曼城自然又同佢扯上關係

10)
國際米蘭即將以先借後買既形式羅致文路爾費南迪斯

11)
亨特拉爾表示唔會轉投英超球會
令佢既去向成疑

12)
韋斯咸羅致麥卡菲一事因為工作証而要延期
而占美尼斯就多數回流意甲,加盟帕爾馬

13)
拉素以先借後買形式由維拉利爾簽得烏拉圭中場艾古倫
而佢地被指想用洛基同烏甸尼斯交換G.迪亞哥斯天尼

14)
米堡從些路迪借用馬麥拿斯
不過佢地向黑池羅致查理阿當就失敗而回
另一方面,(米堡迷ck來料)佢地可能借用中村俊輔

15)
羅馬宣佈同艾斯普薛圖解約
佢以自由身轉投意乙格羅辛度
而卡卡奧亦再次有機以借用形式加盟富咸

16)
馬里足總決定唔同教練 S.Keshi 續約

17)
李天秀被沙地球會納斯放棄

18)
賓尼迪斯準備俾荷蘭年青中場 V.Weijl 返荷甲吸收經驗

19)
馬體會將巴西中場基巴辛坦拿賣到聖保羅

20)
C7上訴失敗而要停賽兩場
而佢既舊隊友里奧費甸南就上訴失敗之餘
仲被足總罰多場而要停賽4場

21)
森林落實外借後衛摩路尼到斯肯索普到季尾
而消息指佢地向史雲斯出價150萬鎊收購中場柏迪利

22)
古迪既經理人表示佢將會留隊

23)
費古羅亞落實同韋根續約到2012年
粉碎佢既離隊傳聞

24)
屈福特從伯明翰羅致馬田泰萊

25)
般尼落實從些路迪羅致左閘丹尼霍斯

26)
格流已經同意士砵亭對柏度文迪斯既出價

p.s.:
1)
香港隊選人又再次搞到好似羅氏夫婦邀請隊......

2)
祖記對國米羸左球符碌波就唸住下半場死守到尾
仿如縮埋牆角既'老婦人'
輸波而回後費拉利亦終於收皮
沙哲朗尼暫定做半季替工

意大利傳媒就再次指佢地想搵賓尼迪斯下季接手
仲講到似層層話會長白蘭斯已經去埋英國展開斟酌
係真唔係真呀?

2010-1-28

近兩日既新聞......

1)
祖國公安部尋日證實原足協副主席南勇同埋楊一民已經被刑事拘留
同樣命運既仲有裁判委員會主任張健強

另一方面,前足協高層範廣鳴被證實06年受賄操縱中甲賽事賽果

2)
史摩寧落實加盟曼聯
而曼聯之後將佢借用返富咸至季尾

而曼聯亦希望同韋根爭奪馬體會19歲年青龍門迪基亞
後者早前提出借用被拒絕

另一方面,佢地落實將杜錫外借去科隆
而安達臣就被傳擅自離隊返巴西
當地傳媒指佢可能加盟華斯高

3)
華美倫尋晚勇戰受創
消息指佢可能斷左腓骨
令蘇甘保星期日要臨危受命同加拿斯合作對付大勇既朗尼

4)
曼聯尋晚雖然反勝曼城入到聯賽盃決賽
不過球迷掟銀仔以及玻璃樽襲擊比拿美
最終佢俾球迷既銀仔掟中
肯定會俾足總追究

5)
紐卡素繼羅致魯迪治後
再從樸茅接收中堅威廉臣
而禾漢就被指係佢地既下一個增兵對象

6)
祖雲達斯最終可能由沙哲朗尼接手

7)
雖然莫斯科戴拿模聲稱已經同班拿約達成合作協議
只等賓尼迪斯落實放人
不過利記已經否認有關傳聞

另一方面,古治令人莫名奇妙咁同祖雲達斯扯上關係

8)
羅賓奴即將以借用形式加盟山度士
而曼城將獲對方兩名新星尼馬以及保羅漢歷基查加斯既優先收購權

另一方面,曼城好可能成功從羅馬借用馬高莫達

9)
皇馬被指將於下星期以400萬歐元收購簡拿利斯
而佢地亦再次同柏洛迪扯上關係

另一方面,魯爾既經理人透露佢可能於下季尾離隊

10)
C7最終被罰停賽兩場
佢同皇馬都表明會上訴

而佢既前隊友里奧費甸南因為早前開踭打法根
而俾英格蘭足總抽後算帳
面臨停賽3場處分
不過佢已經否認有關指控

11)
國米羅致16歲斯洛伐克射手積亞圖斯

另一方面,史尼達因為拍掌串球証而被罰停賽兩場
摩連奴以及總監柏利路因為賽後串球証而面臨相同命運

12)
AC米蘭決定同費華尼續約1年
佢將會兼任助教

13)
布力般流浪落實借用爾迪雷到季尾
而佢地可能順手從樸茅執埋迪丹尼

14)
古莊臣去左韋斯咸成功通過體測後
忽然改變主意加盟熱刺

而熱刺亦再次同卡積亞扯上關係

15)
哈利艾天托普為左爭取出場機會
而決定以借用形式法蘭克福

16)
樸茅可能將梅連斯賣去般尼套現
而奧哈拉就可能有機會重返樸茅

17)
新特蘭再次被傳出價1000萬鎊收購卡保奧

18)
狼隊再次被傳出價斟酌史堤夫亨打

19)
森比斯奧落實下季以自由身轉投羅馬

20)
水晶宮因為破產而即將被扣10分

21)
維拉利爾烏拉圭中場艾古倫即將以借用形式加盟拉素
而後者亦被指有興趣收購G.迪亞哥斯天尼

22)
查理阿當被傳成為愛華頓500萬鎊既羅致對象

23)
保頓同美國中場荷頓簽約到季尾

24)
基賓尼可能以40萬鎊轉投些路迪

p.s.:
尋晚曼聯羸曼城
曼城輸在中後場失色
只有基雲同埋甘賓尼表現比較好
文仙尼既調動亦唔係講波佬講得咁好

泰維斯一腳虎尾腳入波始終證明身價
更覺為討好費sir而貶低舊隊友既加利仔死討厭
不過更討厭既係本地政壇商界有無數類似'死蠢擦鞋仔'

2010-1-26 (2)

近兩日既新聞......

1)
國家體育總局局長劉鵬表示
在群眾體育,體育產業以及體育文化建設方面
中國同體育強國仲有差距
而當局會進一步整頓足球圈既假波問題

2)
消息指祖雲達斯同軒迪克就人工方面未能達成協議
而佢地被指改打賓尼迪斯既主意
不過賓帥已經否認有關報導

另一方面,尹巴士頓,白蘭斯,艾歷臣以及干地亦同老婦人扯上關係

3)
賓尼迪斯承認利記同新特蘭就堅韋尼鍾斯既轉會展開會談
已會談早於上個月展開

而利記亦被傳想羅致米蘭祖雲奴域
不過最終失敗而回

另一方面,有報導指阿仙奴可能接收巴布

4)
希斯賣走旗下棒球隊套現5億鎊
不過一般估計佢只會將資金同自己還債

5)
有報導指富咸已經同時接受曼聯以及阿仙奴對史摩寧既出價
不過最新版本係當時人決定加盟前者

6)
朗尼表態唔會離開曼聯
不過安達臣尋日缺席操練
因而再有佢既離隊傳聞

另一方面,費sir為左幫親生仔
落實將韋碧克借去普雷斯頓

7)
紐卡素爭羸米堡
成功從昆士伯流浪羅致魯迪治

8)
比安基拒絕由球會經理轉任教練後決定離後小保加
而球隊落實由看守教練艾維斯坐正

9)
山度士方面承認可能以借用形式引入羅賓奴
報導指當時人為左保住國家隊席位而願意減一半人工

而曼城仲未同皇馬就加高既轉會費達成協議

另一方面,佢地被傳同拜仁爭奪保方

10)
狂人基達菲嗰仔被傳有興入主樸茅
不過已被有幾個可能買家既樸茅拒絕

另一方面,樸茅既禁買令已經獲得撤銷

11)
科拿被傳將同昆士蘭風暴解約
而佢承認老婆唔適應當地生活

12)
告魯夫透露哥迪奧拿只係口頭承諾會同巴塞續約

13)
布力般流浪打算借用爾迪雷
而紐記被指想向佢地羅致安祖斯
不過報導話用到辣椒仔作為交易條件就反映可信性唔大

14)
韋斯咸正式出價50萬鎊收購麥卡菲
而佢地繼續同古莊臣,比亞堤,以及馬華路禾尼扯上關係既同時
佢地又忽然被指想用卡頓高爾同熱刺交換羅比堅尼

另一方面,佢地被指就艾殊頓代表英格蘭期間受傷而要提早掛靴
向英格蘭足總索償1500萬鎊

15)
加拉塔沙雷即將從熱刺成功借用杜斯山度士

16)
哥斯美向利禾奴請辭

17)
車路士拒絕安歷卡12萬鎊週薪既續約條件
因而有傳佢可能於暑假被賣走

18)
阿歷士施華落實以借用形式由漢堡轉投聖保羅

19)
辛達路斯落實以借用形式轉投愛華頓
而拖肥糖承認亦有興趣引入亨特拉爾

20)
般尼考慮從些路迪羅致丹尼霍斯

21)
些路迪從邦比借用24歲丹麥射手拉斯武臣

22)
禾堡決定解僱教練華亞

23)
卡賓拿斯遇襲,頭部中槍重傷

24)
艾沙姆可能為左爭取出場機會而轉投漢諾威

2010-1-26 (1)

幾場波想講......

1) 史篤城對阿仙奴

一對七十後既替工後衛頻頻出醜
加上法比安斯基已經雪到硬晒
令雲加少左個好機會結束冠軍荒

小弟都同意雲加選擇搏英超以及歐聯既決定
畢竟兩個大盃先係佢既終極目標
不過如果雲加唔為後防增兵
似乎最終要再失望多一季

小弟向來都話兵工廠買後衛緊要過買箭頭
因為要一對正選中堅到季尾都保持身體健康兼有貨交
絕對係苛求

2) 國米對AC米蘭

國米贏6分波羸在整體守得穩
用馬干以及辛尼迪夾擊細哨已經廢左對手一半武功
而齋靠速度打返擊已經玩謝對手
不過彭迪夫既兩腳靚波亦係球隊既及時雨

AC米蘭方面
艾比迪同埋費華利絕對係後防毒瘤
不過後者年老力衰兼俾人雪到硬晒
要怪就怪高層頭重尾輕既增兵政策
成隊波只有派路以及後備入替既施多夫比較似樣
佢地帶俾國米既麻煩
遠遠及唔上執法過嚴既球証

3) 皇馬對馬拉加

早前大學老師何良接受伯明翰喉舌報訪問
曾經講過覺得C7性格上似占士甸
小弟都幾有同感

事實上條友真係天使同魔鬼既混合體
今季第二次做完羸波英雄之後發老脾打人
不過佢今次更令人反感
賴拉衫在先既對手太矮先會俾佢打爆個鼻
真係等天收!

小弟唔信佢會被罰11場停賽咁誇
不過3場既最低消費應該走唔甩

佢係皇馬陣中最搶鏡既新兵
冇左佢仲有希古恩養傷
佢地同巴塞既差距隨時於短期內去到雙位數

p.s.:
想講下非洲國家盃
冠軍首選大象同埋心頭好獅子相繼出局
都可以話係衰防守

之前已經講過科特迪瓦中路防守唔掂
結果俾忽然回勇既阿爾及利亞偷雞

而喀麥隆90分鐘內唔使輸
只係有運兼對手埋門把握差

冇左尼高拔桑治出場
又輪到謝列美爆鑊
以佢地咁既防守加上全隊只有卡文尼以及伊文拿比較似樣
就算唔計哈辛既誤判入球
佢地都冇本事平返敗局

防守已經成為兩隊非洲強隊6月創造歷史既最大隱憂

2010-1-24

近幾日既新聞......

1)
國足既反假波行動已經捉到高層
國家體育局宣布委任水上運動管理中心主任韋迪
接替南勇出任足球管理中心主任兼黨委書記
而另一個副主任楊一民亦被撤職

消息指南勇接受調查
可能係選擇中超聯贊助商做手腳
搞到足協收唔返有5400萬人仔既贊助費
佢亦被指濫權向天津泰達推薦哈恩擔任主教練

另一方面,前遼寧球員呂東因為開賭場而被判監三年
另要罰款150萬元人仔

2)
利物浦同亨克達成合作協議
雙方簽約到2014年

雙方可共用球員資料庫
而利記可能將部份非歐盟球員先送去亨克吸取經驗
亨克亦有優先權向利記借兵

3)
泰維斯以及加利仔最終一齊俾英格蘭足總警告

4)
雲佬最終決定轉投漢堡
雙方簽約年半

5)
巴塞忽然被傳有興趣借用費文尼
佢地亦被指考慮從波爾多借用阿布度查奧爾半季
到季尾再正式買斷佢

6)
曼城最終可能將羅賓奴借返去山度士
而韋爾斯已率先被外借去保頓

另一方面,卡斯辛奴同埋比哈美再次同曼城扯上關係

7)
布魯士狂插利物浦向堅韋尼鍾斯招手
亦令巴布交換佢既交易未能成事

而新特蘭落實以200萬鎊引入基加隆
比耶亦可能以180萬鎊轉投

8)
艾辛因為膝傷而要缺陣1個月
而車路士被指考量從摩納哥引入謝高歷高作為替補

9)
賓菲加既大衛路易斯被傳成為皇馬既新中堅人選

10)
辛達路斯落實外借到愛華頓
而碧福特最終決定留隊到季尾
令佢同拖肥糖已經簽左協議書下季加盟既傳聞更可信

11)
蒿俊閔以自由身加盟史浩克04

12)
巴斯利因為小保加戰績差而請辭

13)
熱刺被指有興趣從皇馬接收迪亞拉

而國米再次被指有興趣羅致贊拿斯
報導指佢地想出價1000萬鎊或者以蒙達利交換

14)
利禾奴可能以借用形式引入龍格堡

15)
消息指韋斯咸以10萬鎊週薪吸引一名星級球員加盟
一般相信應該係已經落實加盟漢堡既雲佬

而麥卡菲亦被傳係另一個新箭頭人選
布力般流浪亦對這名南非射手有一定興趣

另一方面,佢地既副主席提議球會改名韋斯咸奧林匹克

16)
曼聯再次同基亞連尼以及杜尼扯上關係
而費sir被傳睇中兩名15歲瑞典球員
分別係布洛馬波卡納前鋒迪柏寧
以及華斯達拉斯隊中場史祖貝治

另一方面,杜錫同埋韋碧克可能被外借去科隆以及普雷斯頓
當中費sir嗰仔最近接手後者

17)
紐卡素被傳有興趣從樸茅以100萬鎊接收米克威廉斯

而蘇蘭奴最終決定加盟李斯特城
佢同領隊皮雅臣當年曾於紐記合作

18)
麥利殊再次被傳考慮同舊部屬基斯保迪合作
而加特拿即將以300萬鎊加盟

19)
薩拉戈薩決定同艾耶拉解約
佢會去河床跟操試腳
如果未能成事可能索性掛靴

20)
富咸再次同比亞堤扯上關係

21)
祖奧落實被外借去加拉塔沙雷

22)
巴勒莫既格魯吉亞射手麥希里迪斯被傳成為拿玻里既增兵對象

23)
科拿忽然唔肯為北昆士蘭風暴上陣
隨即有傳聞指佢可能離隊

24)
洪都拉斯射手 L.費古羅亞落實由熱那亞重返母會羅沙里奧

25)
維拉利爾既阿根廷中場馬高魯賓即將轉投韋根
而馬略卡射手阿杜利斯亦再次同韋根扯上關係

26)
施馬克落實由史特加轉投緬恩斯

27)
侯城控告前主席保羅杜芬穿櫃桶底

28)
國米被傳打算將哥利斯馬外借去士砵亭

29)
般尼落實從摩納哥借用法國前鋒利文尼
而佢地亦被指同史篤城爭奪鍚週三龍門李爾格蘭

p.s.:
1)
狄恩可能搵到格穆巴特幫手護級
佢當年有份幫喀麥隆羸悉尼奧運金牌
小弟這個喀麥隆球迷聽到都好興奮

2)
從來唔係愉園既球迷都唔想見到佢地衰
而家護級形勢水深火熱
仲要有消息指球員近日冇糧出
就算貝先生保證愉園唔會變普高既翻版
情況始終令小弟擔心

2010-1-21

1)
歐洲足協公布09年最佳陣容:
卡斯拿斯,丹尼爾,佩奧爾,泰利,艾夫蘭,
C7,卡卡,沙維,恩尼斯達,美斯同埋伊巴
(6個來自巴塞+3個來自皇馬)

而最佳教練就係落實同巴塞續約1年既哥迪奧拿

2)
軒迪克既經理人透露這名荷蘭教頭既下一站有9個選擇
當中包括利物浦,祖雲達斯以及土耳其國家隊

不過利記老闆吉列就公開支持賓尼迪斯
謝拉特亦否認同賓帥既不和傳聞

3)
由於董事局部分成員分擔部分開支
令本地波腫今年既財赤得以減半
而之後香港於東亞足球錦標賽至少收到15萬美元獎金
將會進一步減輕佢地既財政壓力

4)
雖然漢堡同亨特拉爾扯上關係
不過佢既經理人透露幾間英超球會都準備引入佢
一般估計佢既落腳地不出阿仙奴,利物浦以及熱刺

5)
曼聯既最新財政報告透露負責高達7億鎊
另一方面,奧沙因為罕有既血塊問題而好可能提早收咧

6)
桑坦德表明如果有球員肯收購簡拿利斯後
將佢外借俾佢地多半季
佢地會考慮於1月落實賣走佢
傳聞皇馬係最有可能既買家

另一方面,皇馬被傳有興趣引入畢斯杜巴以及迪羅斯

7)
有報導指巴布改變主意考慮轉投伯明翰
不過麥斯盧比斯就可能俾卡坦尼亞截劫
而伯明翰亦被傳打算收購史葛布朗

另一方面,馬田泰萊就可能轉投李斯特城

8)
聯賽盃4強既曼城打呲仲有手尾
加利仔可能因為向泰維斯做粗口手勢而被罰停賽
而曼城亦應要為球迷向艾夫蘭掟打火機而付出代價

9)
馬里正式向非洲足協投訴安哥拉以及阿爾及利亞既默契波令佢地出局
而簡奴迪宣佈退出國家隊

10)
文仙尼暗示準備羅致費文尼以及加高
另一方面,祖奧因為紀律問題而可能俾愛華頓退貨
佢可能被曼城回收再外借到加拉塔沙雷

11)
愛華頓被傳想搵碧福特季尾以自由身加盟

12)
基拔斯因為蹠骨傷患可提早收咧

13)
丹尼臣被傳可能轉戰澳職,加盟珀斯光輝

14)
侯城以及富咸被指爭奪美度

15)
祖亞昆被傳成為馬賽既羅致對象

16)
韋斯咸被傳打算出價200萬鎊收購雲佬

17)
樸茅上訴稅款太多一案被裁定失敗

而蘇甘保同埋烏甸尼斯就好似驚佢地唔死
兩者分別追討167萬鎊獎金以及肖像權費用
以及蒙達利當年轉會既350萬鎊尾數

另一方面,由於史篤城同佢地以及占士未能就人工達成協議
令佢未能如願以借用形式加盟

18)
史隆卡落實接手漢諾威

19)
除左紐根特外
般尼亦準備從摩納哥引入法國U-21射手 F.Nimani

20)
拿玻里被指有興趣將G.羅斯帶回意甲

21)
布力般流浪可能從維拉利爾借用烏拉圭中場艾古倫

22)
普斯邦由於紀律問題而俾布拉加送回曼聯
有報導指費 sir 考慮將佢外借去紐卡素

23)
利禾奴既借將簡達華落實轉投祖雲達斯
佢先以借用形式加盟
季尾老婦人會以700萬歐元正式收購

而利禾奴落實從熱那亞借用安德列艾斯普薜圖
以及從森多利亞免費羅致老將射手貝路斯以補充實力

24)
狼隊成功引入比利時新晉國腳 G.Mujangi
20歲既佢可以踢左右兩翼

25)
羅馬成為最新一間同森比斯奧扯上關係既球會

26)
中國足協副主席南勇以及楊一民因為假波案而俾公安部拘留

27)
史篤城被傳準備引入奧尼爾

p.s.:
雲加尋晚賽後厚顏話球員趁人地受傷繼續比賽唔應該被投訴
佢當年因為笨小孩事件而主動破天荒提出足總盃重賽
而家似乎已經唔記得咩係公平競技
羸波輸品先係尋晚兵工廠最真實既賽果

2010-1-20 (2)

兩場波想講......

1) 曼城對曼聯

曼城計表現算係略勝曼聯
不過羸波或多或少因為甸恩兩個具爭議性判決
事實上佢多個判決亦略嫌偏幫曼城

可能同對手係死敵曼聯有關
曼城尋晚既水準同上場對愛華頓簡直係兩隊波
防線全場都好集中
就算頭尾兩段俾人圍抽都守得好穩
踢左大半場波既新仔保耶達亦冇騰騰震
而文仙尼崇尚既3防中陣式亦發揮作用
當中以尼祖迪莊最為搶鏡

曼聯方面
後防一對中堅繼續靠唔住
拉菲奧達施華面對比拿美亦於速度方面處於下風
5人中場受制於對手而佔唔到太大甜頭
負責支援前線既安達臣亦再次隱形
令朗尼長時間於前線孤軍作戰
費sir求其搵多個前鋒轉踢4-4-2都好過靠安達臣

不過睇晒成場波
小弟覺得文仙尼既臨場調動值得商榷
換走保耶達既唯一合理解釋係文仙尼驚佢頂唔住曼聯既狂攻
但隨時唔覺意打擊左小朋友難得建立既自信
而換走最勁既泰維斯就不如一早換走傷癒未 top fit 既胡禮菲臘斯
搞到曼聯更加無後顧之憂
而最後換入施雲奴後無理由搵佢踢中場四圍走
無速度既佢就算有波在腳都冇本事突圍

一味死守都要守得其法
只憑3防中踢法就唸住獨步天下
佢就算繼續有運捧得到盃仔
都唔使旨意羸英超同埋歐聯
賓尼迪斯當年帶華倫落後皇馬11分都可以後上羸聯賽
而家就算利記超低潮
後上守住前4一定唔係 mission impossible

2) 紐卡素對西布朗

由於紐記既壓迫冇森林咁快咁緊
西布朗係踢得比上場輕鬆
其實客隊主要踢簡單足球
分兩邊再傳中搵機會
貝特拿同埋後備既米拿都唔係超班既空中霸王
紐記要防守其實唔太難
偏偏佢地全場俾對手於禁區太多機會
客隊反客為主於禁區既8次攻門仲多過佢地全場既機會
如果米拿好運少少
佢地隨時連主場不敗既金漆招牌都保唔住

紐記近況回落連和3場
當中和錫週三以及西布朗都係衰後防唔夠集中
佢地而家聯賽領先全因之前防守做得好
如果能夠改善防守
直接升班既機會其實依然樂觀

另一方面,佢地今季始終幾韌就值得一讚
佢地今季踢聯賽試過8次落後
最終有5場都追得返,甚至反勝
值得備忘

p.s.:
1)
盧雲卡蘭斯擺脫亡父之痛入波
夠晒敬業

當年利記既卡馬拉於聯賽前收到老豆死訊
一樣超專業咁延期返祖家奔喪
仲一樣入波獻俾亡父

利迷事隔多年依然記得只係踢過一季既佢
佢最近就俾利記選為歷來最受歡迎球星既第91名

2)
紐記下季轉著 Puma
睇非國盃見過加納同埋科特迪瓦既新衫
印象中 cutting 唔錯
大象既紫色龍門衫仲幾 sharp
大家下季可以考慮入貨

2010-1-20 (1)

講住部份新聞......

1)
羅傑承證實曾先後向薜琦鉉,列達斯,迪蒙尼恩同埋卡辛招手
全部都得到所屬球會免費放人
只係球員本身唔肯去香港搵食

另一方面,佢地亦曾向熱刺借用丹尼路斯
不過當然都係失敗而回

2)
查伯東尼,沙哲朗尼,拉莫斯,尹巴士頓以及米高勞特立
亦被傳可能接手祖雲達斯

而軒迪克被指原來唔受賠錢都可以提前同俄羅斯足總解約
令佢接手老婦人或者利物浦既呼聲越來越高

而消息指簡達華將於短期內加盟
基奧雲高就可能成為交易條件

3)
利物浦被傳一旦成功賣走巴布
將會向莫斯科中央陸軍開價1200萬鎊收購卡拉錫

4)
雲加否認考慮羅致文迪蘇加
而拜仁再次被傳打算接收辛達路斯

另一方面,岩岩加盟既玻利維亞年青球員被指涉嫌虛報年齡
不過事件仲未得到阿仙奴方面證實

5)
一個卡塔爾財團被傳1出價12億鎊收購曼聯

6)
國米羅致巴迪斯達失敗後
莫拉堤雖然表示唔會再增兵
不過森派斯奧以及列迪斯馬依然繼續同佢地扯上關係
而羅賓奴被傳可能以借用形式加盟就仲令人幾意外

7)
紐卡素同曼聯就森遜既轉會費達成協議
佢只要通過體測就會簽約兩年半

而紐記亦忽然被傳可能接收比亞堤

8)
麥斯盧比斯加盟拉素爛尾後
被指成為伯明翰既新箭頭人選

9)
奧林比亞高斯宣佈同薜高以及佢既教練團隊解約
球會將再次由球探文度域暫時接手

10)
由於借用奧卡卡爛尾
富咸可能從侯城引入卡辛
(正係羅先生之前既羅致對象)
而佢地亦被傳想搵沙夏於季尾以自由身加盟

11)
耶高保同埋費文尼亦被指成為蘇拿既增兵對象
後者尋日被傳可能以借用形式加盟曼城
不過AC米蘭已經否認有關報導

12)
列納承認有興趣羅致雲佬
而熱刺亦再次同亨特拉爾扯上關係

而佢地唔接受辛尼特借用柏夫奴真高
而這名俄羅斯射手亦表明唔會加盟
粉碎佢即將轉投辛尼特既傳聞

另一方面,諾頓可能以借用形式加盟侯城

13)
漢諾威宣佈同教練貝治文解約

14)
伯明翰方面表示有意羅致邵佳一以及鄭智
佢地亦被傳可能以500萬鎊接收李察臣

15)
愛華頓被傳打算截劫碧福特
而禾漢就可能以200萬鎊轉投布力般流浪

16)
般尼被傳考慮從錫菲聯引入比利沙柏以增強入球能力

17)
烏達卡被傳成為些路迪250萬鎊既增兵對象

18)
新特蘭被傳可能以700萬鎊從樸茅接收奇雲保定

2010-1-19

近兩日既新聞......

1)
網上投票結果顯示73%球迷想賓尼迪斯落台

而利物浦被傳用岩岩被扣薪一星期既巴布
同新特蘭交換堅韋尼鍾斯半季
不過消息已被黑貓方面否認

而巴布就繼續成為伯明翰既增兵對象
馬賽,加拉塔沙雷以及比錫達斯亦對佢好有興趣

另一方面,利記忽然被傳考慮借用施積半季

2)
曼聯被傳想搵哥迪奧拿做費sir副手
而曼聯獨立球迷會'Trust'不滿格拉沙家族既經營手法
要求費sir辭職向美國佬抗議

3)
艾辛於操練期間整傷膝頭
肯定緣盡今次非國盃

4)
阿仙奴落實將辛達路斯以及基拔圖外借
二人分別加盟些路迪以及彼德堡

不過佢地仲未落實將韋舒亞借去邊度
紐卡素就再次被傳有興趣借用半季

而雲加被指繼續搵新星
今次既對象就係奧斯爾,文迪蘇傑以及史摩寧

另一方面,雲佩斯可能提前於4月復出

5)
紐卡素同 Northern Rock 銀行續簽4年贊助合約
總值1000萬鎊

另一方面,蘇蘭奴同高車士打未能達成合作協議後返紐記跟操
消息指佢好可能會以35歲高齡同球會簽約半年

而紐記亦被指有興趣向錫週三開價80萬鎊收購年青中堅 M.Beevers

6)
曼城被指準備借用費文尼

7)
拜仁被指有興趣從史篤城引入蘇連遜

而佢地早前練波
洛賓由於唔滿意拿姆既過火攔截而同對方講手

8)
前伯明翰老闆蘇利雲以及高特落實入主韋斯咸
佢地出價1億500萬鎊買入5成股份
而佢地表明蘇拿既帥位唔受影響

槌仔幫將柏加既身價定為1900萬鎊
而有消息指戴亞可能因為傷患而提前掛靴

另一方面,賓菲加多數唔會借用紐奴高美斯俾佢地
消息指蘇拿將嘗試羅致古莊臣以及馬華路禾尼

9)
伯明翰被指準備收購阿當莊臣以及加特拿
價錢分別係600萬鎊以及400萬鎊

10)
薜琦鉉落實首次踢 K-League
加盟浦項制鐵
(不過賀歲盃真係有得見到佢?)

11)
祖雲達斯被指買人加強中場實力
傳聞人選包括簡達華,美斯度以及加高

另一方面,佢地早前落實從錫耶納回收柏奧奴斯

12)
車路士再次同柏仙尼扯上關係

13)
樸茅準備控告英超賽會超權扣起佢地既電視轉播收益
而佢地被傳將比夏積以300萬鎊賣去賓菲加
而里爾被傳成為卡保爾既另一可能出路

14)
皇馬忽然被傳有興趣引入摩西斯

15)
文尼斯被傳可能回流法甲,加盟馬賽

16)
基沙哥夫落實由莫斯科戴拿模轉投辛尼特

17)
新特蘭被指準備出價400萬鎊收購賓科士打

18)
由於國米未能同羅馬就巴迪斯達既轉會費達成協議
所以這名巴西國腳應該會以借用形式加盟
而國米亦未完全列迪斯馬既收購

19)
奧雲高尼透露有興趣引入紐根特

20)
侯城落實借用薩基到季尾

21)
財困既維拉利爾忽然被傳有興趣收購迪羅斯
華倫西亞被指視尼爾馬為韋拿既替補人選

22)
熱刺成為最新一間同卡積亞扯上關係既球會
而哈利列納否認曾出價羅致賓科士打既同時
占士就再次被傳過檔

23)
愛華頓被傳想以500萬鎊向雷恩收購左閘芬尼
而莫迪既挪威後衛連達萊爾就可能加盟

24)
米堡將耶迪斯以40萬鎊賣去錫菲聯
而狼隊成為最新一間同阿當莊臣扯上關係既球會
另一方面,布力般流浪再次同奧尼爾扯上關係

25)
費倫天拿落實從波圖以650萬歐元引入阿根廷中場保拿迪

p.s.:
1)
比利貼西班牙捧世界盃
鬥牛國真係多得佢地唔少

2)
早在分組賽抽籤前
國際足協好牽強咁唔將法國列為種子隊
西班牙已有報章爆料話係柏天尼出手玩嘢
條件係法國唔會入死亡之組
以及亨利唔會俾國際足協抽後算帳
而家通通成為事實

報導係真係假自己用腦唸
小弟只知發表聲明高呼裁決合理既法國足總
同高調叫反高鐵示威者反思過激行為既跛腳當奴
一樣咁唔知醜

3)
羅先生透露斟酌一名曾經訪港既25歲國腳級英超球員
大公報就估係紐根特
英國就有傳媒話係列達斯

不過前者早幾日對曼聯仲有機會落場
而般尼以及保頓都被指有興趣羅致佢
成功借用既機會仲低過薜琦鉉好多好多
而印象中後者就應該冇來過香港

其實條友踏實少少搵個有料之人好過啦
有話題冇實力又有差用咩?
想要話題不如季尾斟C7同埋美斯

2010-1-18

3場波想講......

1) 科特迪瓦對加納

大象有超過1/3時間踢少個都羸黑星
加納冇運係原因之一
不過關鍵一定係前者羸個人質素
3個入波都係質素既表現

佢地亦比上場踢得淡定好多
更有耐性搓波搵空位
唯一要彈既就只有後防唔算穩陣
高路托尼同埋班巴一對中堅都係計時炸彈

而加納中場廢左武功
全隊即刻走晒樣
艾辛只係負傷踢左半場
而艾比亞同埋蒙達利仲因傷冇份入選
一條貨不對版既中場於比賽前半段只係龜縮唔敢出去撲波
就令對手可以鬆客組織攻勢
陣中二線兵以及新仔仲有待磨練

2) 保頓對阿仙奴

兵工廠有法比加斯復出即刻升呢
唔計繼續態沉既艾沙維
中前場個個基本上踢高一皮波

而保頓既中場自加利麥臣接任後已經冇以前咁硬朗
單靠棄將梅姆巴又可以阻到班舊兄弟幾多次
新仔伊斯文特只負責簡單駁腳兼受壓力唔大
未見真章

另一方面,阿曼特查奧爾有助攻力兼速度
不過攔截功夫同埋位置感都唔係優質後衛既材料
雲加應該考慮俾基治重新踢返正選

3) 史篤城對利物浦

如果半力出擊既利記又怨因為冇運而失分
不如返更衣室兜巴星死自己好過
今季已經有晒心理準備佢地n+1次臨尾香
因為防線已經失去過往應有既信心

而家好多利迷等住賓帥下台買雞切燒肉還神
睇一個人有冇本事單靠指手劃腳就袋咁多人工
最好睇佢既 Risk Management

利記又唔係第一次冇齊謝拉特同埋托利斯
上季仲可以作客班拿貝連波都羸埋
而家只係冇埋當時入波既班拿約

賓帥而家最緊要係唔好自亂陣腳
將類似巴布既搞屎棍全部踢晒出門口
只要穩住陣腳同埋執好後防
從後趕過各有不利條件既熱刺,曼城同埋維拉又有幾難

p.s.:
丹普西近來真係黑到爆
早前對熱刺既猛虎罰球中楣
尋晚出埋倒掛都仲係中楣
更慘既係之後傷埋膝頭
可能連世界盃都踢唔到

2010-1-17

近幾日既新聞......

1)
賓尼迪斯被指將於短期內被炒
主要傳聞接手人選包括:軒迪克,杜格利殊,摩連奴,侯利亞,
史高拉利,麥利殊,奧尼爾,鶴臣以及奇連士文
當中前者已經被傳準備同俄羅斯足總解約返英超教波

另一方面,同賓帥關係日漸惡化既巴布被傳可能被借去馬賽

2)
哥迪奧拿再次拒絕續約
拉樸達要求佢於復活節前決定去向
而再有傳聞指佢將來會接手曼聯

3)
沙治奧山齊士肯定要開刀進行心臟手術而要缺陣一段長時間
不過迪拿列特就仲慘
佢已經被診斷心臟病斷唔到尾而要提早收山

4)
雖然桑坦德聲稱簡拿利斯會留隊續約
不過當地傳媒報導皇馬準備出價900萬鎊收購佢
而皇馬亦想於季尾從拉科羅致菲臘路爾斯

另一方面,消息指古迪即將離隊
而雲佬亦被指最有機會加盟加拉塔沙雷

5)
繼羅致真高拿後
康城亦打算搵尼維特復出

6)
侯城好可能以借用形式羅致薩基
佢地亦準備向曼城借用韋爾斯

7)
拿玻里落實將達托羅外借到奧林比亞高斯

8)
車路士以及曼城都被指準備爭奪薩拉迪
而前者為左羅致史杜歷治
被裁定先首先賠償350萬鎊俾後者
之後再根據上陣次數而可能俾多300萬鎊

9)
曼城被指出價3800萬鎊收購迪馬利亞
不過這名阿根廷因為唔想加盟曼城而拒絕離隊
佢地亦被指以15萬鎊週薪吸引祖高爾加盟
而羅致加高以及咸錫方面就仲未有大進展

另一方面,韋拉既週薪原來只得2萬5000鎊
就算達到某些指標
週薪亦只會得增加到7萬5000鎊

10)
洛基被指可能轉投巴里

11)
國米可能引入巴迪斯達
不過佢地仲未同羅馬就轉會費達成協議

12)
而帕爾馬被傳向佢地羅致占美利斯
這名智利進攻中場現時以借用形式效力韋斯咸

13)
碧咸否認世盃後掛靴既報導

14)
巴利笠臣,科特以及基倫都落實轉投米堡
當中後兩者仲係免費加盟

而埃及中場梳基就離隊加盟土耳其球會 Kayserispor

15)
路夫落實以借用形式由莫斯科中央陸軍加盟法林明高

16)
朗尼被指成為巴塞取代亨利既人選
而曼聯被指睇中波圖後衛路蘭度

另一方面,費sir表明唔會於1月放走賓科士打

17)
阿仙奴落實引入17歲玻利維亞小將加連度
而由於佢現時申請工作証有難度
雲加將會外借佢到其他聯賽吸收經驗

18)
AC米蘭落實將史杜拉利外借到森多利亞
而佢地成為最新一間同迪美扯上關係既球會

19)
樸茅被扣電視轉播收入以償還拖欠既轉會費
而比夏積以及柏巴迪奧普可能被賣去伯明翰同埋布力般流浪套現

20)
新特蘭可能放棄李察臣
而熱刺以及富咸都被傳可能接貨

21)
米列圖被指可能為左出場機會而轉投禾堡

22)
保頓落實向加利麥臣賠償100萬鎊

23)
雲達不來梅否認將奧爾斯賣去祖雲達斯

24)
熱那亞想向車路士借用阿歷士
而佢地亦可能將西班牙中場沙柏達送去費倫天拿

25)
保羅赫特教左5場就俾昆士借流浪炒左

p.s.:
近幾日最令小弟留意既新聞
唔係足球新聞
而係海地地震以及高鐵事件

唔係話唔撐興建高鐵
只不過之前起迪士尼,科技港等計劃全部冇好收場
今次仲要咁唔慳家使到咁大
延遲興建對造價既負面影響遠遠不及佢地執意用貴價方案
成本效益都唔肯公開就要草率通過撥款絕對唔係負責任既態度

一次高鐵撥款
足以令我哋睇清楚唔經民選既功能組別議員
加埋因為擦阿爺鞋而例必撐政府既保皇狗
有幾阻礙香港各方面既發展

2010-1-14 (2)

1)
利物浦主場輸埋俾雷丁出局
賓尼迪斯再次將被解僱
而雷丁既澳洲龍門費特歷斯就再次同利記扯上關係

另一方面,麥斯洛迪古斯就落實以自由身加盟

2)
辛尼特被傳出價1000萬鎊收購柏夫奴真高
不過熱刺就還價1380萬鎊
而伯明翰亦被指有興趣接貨

而祖高爾同車路士仲未續約
熱刺就被傳打算以13萬鎊週薪既合約乘機挖角

3)
保頓搵侯斯頓戴拿模美國中場賀頓試腳
布力般流浪亦對這名24歲球員好有興趣

而奧雲高尼就否認準備借用韋舒亞
(不過川迪就成為最新一間希望借用佢既球會)

不過保頓就被傳可能接收辛達路斯以及李奧曲加
後者同時成為布力般流浪,侯城以及韋根既羅致對象

4)
文仙尼即將以借用身份加盟馬賽到季尾
佢地更有權季尾買斷佢

5)
薜琦鉉決定同富咸解約
而佢決定加盟 K-League 球隊以增加踢決賽週既機會

6)
尼爾以75萬鎊轉投加拉塔沙雷
雙方簽約年半

7)
史篤城希望引入占士以及薩基
當中仲同前者傾緊合作細節

8)
史特加中場基迪拉被傳成為拜仁既羅致對象
而拿姆再次同曼城扯上關係

9)
費倫天拿落實以650萬鎊引入拉積域
佢既轉會費可能因應表現而最終增加至900萬鎊

10)
紐卡素希望續借森遜到季尾
然後於暑假再買斷佢
當時人就希望繼續踢紐記以爭取出場機會

11)
里昂羅致韋拉失敗後
被指將會改向新特蘭出價500萬鎊羅致簡拿

12)
查路錫落實加盟薩拉戈薩

13)
細哨被傳願意減3成人工以續約3年

14)
祖雲達斯被指有興趣引入阿費利以及基斯普

15)
拉莫斯接手貝迪斯

2010-1-14 (1)

尋日因為時間同埋篇幅既原因而冇講尼日利亞出閘脫腳

小弟腦海依然有佢地90年代中期超勁既表現
佢地兩度出戰世界盃靠驚人體力
搞到阿根廷同埋意大利要出盡九牛二虎之力先羸到佢地
西班牙仲因為佢地而要分組賽出局

96年羸奧運就簡直係經典
佢地接連力挫強陣出擊既巴西以及阿根廷
當時仲有球評家預期佢地會成為世界一線勁旅

不過近年佢地既表現算係差過眾人期望
只係偶爾於青少年組別以及祖國奧運有比較理想既成績
不過整體表現其實亦只係一般
更要多得抽到好籤

大國腳就只係成為世界大賽既陪跑份子
06世界盃入唔到決賽週就更令人失望

小弟覺得佢地近年冇一個出色 playmaker 係可能原因之一
以前佢地有 top fit 既奧高查以及簡奴
但而家可以倚靠既就只有庸才米基爾
連續兩屆睇非國盃都見佢帶唔起隊波
前晚簡奴後備入替亦明顯有老態
冇組織力既球隊根本唔可能成為勁旅

佢地經常出口射手以及翼鋒
皆因球員多數都有體能同埋速度上既優勢
球探搵新血都集中搵這兩個位置
試問仲有幾多人會想踢進攻中場

(其實球隊個別位置特別出色
同當地人既想法幾有關係
有冇人留意到日本點解特別多出色 playmaker?
小弟就覺得好可能同當地人睇戴志偉睇到上晒腦有關)

前晚見到佢地既陣式由伏士年代既 4-4-2 轉為 4-3-3
不過攻力繼續單靠個別球員艱苦經營側擊始終唔係上策
埃及教練舒赫達下半場加強邊線防守
超霸鷹就隨即折翼

而佢地亦有其他缺點
首先過份靠個人力量令球隊好容易失去控球權
佢地有必要學習踢整體戰

而3個入波都反映中場效率唔高兼回防不力
加上耶保領導既防線只係對應付傳中既高波比較有把握
整體防守能力好難令人放心

如果阿姆度搞唔掂以上問題
超霸鷹好難飛到去世界盃8強既新天地

相反對手埃及冇左一對星級箭頭
陣中只有施丹以及哈辛特別出色
不過佢地靠整體戰就已經成功獵鷹
加上有個淡定布錢剩既教練舒赫達
佢地冇得去南非踢決賽週其實好可惜

p.s.:
唔計未出場既加納
以及衰到入圍都冇份既南非
其餘有份踢世界盃決賽週既球隊現時全部出閘脫腳
真係唸都冇唸過
不過去到6月隨時又係另一個故仔
當年塞內加爾就係好例子

2010-1-13

1)
非洲足協可能因為多哥單方面退出而對佢地作出處分

2)
消息指麥斯洛迪古斯已去利記進行體測
即將落實以150萬鎊加盟

利記亦被指想引入文尼斯,查馬克以及占士米拿
又被傳想用巴布交換堅韋尼鍾斯

另一方面,利記決定出售新球場既冠名權

3)
蘇甘保戲劇性重返阿仙奴
佢尋日出戰預備組賽事45分鐘後
消息指雙方以2萬鎊週薪既條件簽約半年
一般相信佢係替補勢必於1月離隊既辛達路斯

另一方面,佢地落實引入玻利維亞U-21隊長加連度
不過這名17歲小將可能因為申請唔到工作証而被外借

4)
雖然有傳聞指軒迪克將於今晚意大利盃賽後接手祖雲達斯
不過佢既經理人已經作出否認

5)
熱刺雖然即將同辛度簽約
不過仍然被指打算引入費文尼

6)
費sir雖然連續兩場波於賽後都公開批評球証
不過英超賽會最終決定唔會起訴佢
而佢之前既兩場停賽緩刑亦唔會被正式執行

7)
馬體會落實從拉努斯以800萬歐元引入19歲新星沙維奧

8)
奧雲高尼表示唔會賣走加利卡希爾
而馬華路禾尼被指成為保頓既新箭頭人選

9)
愛華頓忽然被傳都想借用韋舒亞
而車路士就被指想向佢地收購費蘭里

10)
韋根最終成功從些路迪以100萬鎊羅致加利卡特維
雙方以2萬5000鎊週薪既條件簽約4年半

11)
加拉塔沙雷被指有興趣引入雲佬以及尼爾

12)
小野伸二以及稻本潤一落實重返 J-League
二人分別加盟前鋒同埋心跳

13)
般尼雖然被傳向唐卡士打挖角 Sean O'Driscoll
不過最終仍決定由白賴仁羅斯接手

14)
薩雷斯決定開除教練薜根達

15)
桑坦德表示同簡利拿斯既老豆達成協議
這名近期備受幾間大球會注視既18歲中場將會續約

16)
史篤城再次被指準備出價500萬鎊收購卡路爾

17)
國米被指將於季尾從賓菲加引入迪馬利亞以及拉美利斯

18)
阿特蘭大宣佈由名宿梅迪接手

19)
麥斯盧比斯將於短期內落實加盟拉素
一般相信洛基將會獲准離隊
另一方面,佢地否認薩拉迪轉投阿仙奴既報導

20)
迪丹尼被指成為伯明翰最新一個箭頭人選

21)
羅馬好可能引入森柏斯奧
而巴迪斯達就表態想留隊

22)
曼城再次被傳有興趣引入加高

23)
列斯聯被指準備收購希活替補勢必離隊既碧福特

24)
費倫天拿可能將迪尼利送到熱那亞

25)
狼隊被傳加碼至700萬鎊收購史堤夫亨打

p.s.:
五件唔肯證實斟酌浦項制鐵
不過就暗示唔可能借用巴塞既年青球員
亦表示初四搞既賀歲波唔止一場波

2010-1-12

1)
非洲足協否決多哥稍後返安哥拉續戰非洲國家盃既要求
仲證實已經取消佢地既參賽資格

2)
利物浦其中一個老闆希斯既衰仔
因為用粗口回覆一名球迷既 e-mail而要辭去總監一職
而衰老豆就表示球隊唔使賣球隊還債
於暑假仲會有資金增兵

另一方面,國米再次被指將於季尾收購謝拉特

3)
沙夏被傳成為阿仙奴既新箭頭人選
報導更指雲加會破例先同32歲既佢簽約兩年
不過利物浦同埋熱刺都被指對佢有一定興趣

而桑坦德18歲中場亦被指成為兵工廠既增兵對象
巴塞,皇馬,曼城以及車路士亦被傳有興趣爭奪
這名由桑坦德以及拉科共同擁有既球員

另一方面,加雲賀迪將繼續外借去白禮頓至季尾

4)
費爾透露曼聯向佢招手
雲達沙就已經重新投入訓練

而迪馬利亞,比哈美,桑斯,蘇亞雷斯,列特臣,堅韋尼鍾斯以及拜仁雷斯
都被指成為費sir既增兵對象

另一方面,曼聯將會搵銀行發行5億債券

5)
沙維奧拿被傳成為費倫巴治既新箭頭人選

6)
列貝利透露希望於世界盃前決定前途
而迪米捷利斯就威脅離隊以尋求出場機會

7)
卡拉迪斯被指可能轉投禾堡以尋求出場機會

8)
新特蘭拒絕伯明翰以及史篤城對堅韋尼鍾斯既出價
而佢地亦否認出價500萬鎊羅致卻克蘭

另一方面,佢地被指準備同布力般流浪爭奪薩基

9)
韋根被傳有興趣從亨克以及馬略卡
收購後衛祖奧卡路士同埋射手阿杜利斯
而史篤城被指考慮引入洛達列加

10)
些路迪落實從AIK蘇納引入荷蘭後衛蘇維特

11)
愛華頓被傳希望借用賓艾化半季

12)
白賴仁羅斯被傳可能接手般尼

13)
格芬落實以借用形式加盟雷丁

14)
韋斯咸成為最新一間同比亞堤扯上關係既球會
而哥利臣被傳成為狼隊既增兵對象

15)
保頓被指打算向曼城借用韋爾斯
這名斯洛伐克翼鋒之前亦同紐卡素扯上關係

而保頓再次被指想搵路蘭回巢
不過當時人已經表明冇興趣離開紐卡素

16)
森多利亞想從羅馬引入25歲本土中場古柏迪

p.s.:
前寶路華流浪球員魏維思尋晚有波入
協助馬拉維大炒阿爾及利亞3:0
忽然覺得港甲臥虎藏龍

2010-1-11 (2)

1)
多哥職球員已返回首都洛美
消息指佢地返祖家只係想參加為期3日既全國悼念活動
其實仲想繼續參賽以尊重死者
不過就要視乎非洲足協肯唔肯配合

2)
賓尼迪斯首次承認如果解決唔到球會財政問題
可能要被迫出售謝拉特以及托利斯
而利記被傳可能借用奧奴夏

另一方面,禾路連落實加盟莫斯科戴拿模
雙方簽約3年

3)
古蘭爾拒絕加盟新特蘭
車路士被指可能乘機打佢主意

4)
英超再傳召妓醜聞
4名嫌疑球員被傳來自曼城或者曼聯

5)
奧雲高尼打算以450萬鎊帶兩名舊部屬米耶斯以及伊高斯去保頓
而佢亦準備提出借用韋舒亞

另一方面,恩斯被傳可能接手般尼

6)
被傳同助手傑特不和既文仙尼向傳媒表示收購華朗一事只係講笑
而當時人亦相當清楚
佢亦表示唔會放走辛達告魯斯以及米卡李察士

而曼城被指出價700萬鎊收購被樸茅定價1400萬鎊既卡保爾
而漢堡既謝路美保定就被傳成為佢地1500萬鎊既羅致對象

另一方面,卡斯度拒絕加盟侯城而接受外借去馬拉加

7)
莫斯科斯巴達既柏迪高沙被指成為熱刺既新龍門人選
曼聯就再次被傳打算用卡域克再加現金交換摩達歷

8)
貝碧托夫可能要接受膝部手術

9)
比哈美同羅馬扯上關係
而施仙奴就再次同聖保羅扯上關係
年青射手奧卡卡就落實外借去富咸

10)
新特蘭從阿美利加借用墨西哥射手卡賓拿斯
而佢地再次被傳出價600萬鎊收購費古羅亞
佢地同狼隊亦被指開價250萬鎊截劫碧福特

另一方面,堅韋尼鍾斯只選擇有份踢歐聯既球會
而曼城就成為最新一間同佢扯上關係既球會

11)
高特立被指成為彭拿典奈高斯既新中堅人選

12)
博洛尼亞將奧斯華度外借去愛斯賓奴

13)
愛華頓被傳可能從奧林比亞高斯引入達比舒亞
佢地亦想搵基加隆季尾以自由身加盟

14)
布力般流浪同自由身法國進攻中場美林簽約6個月
佢地亦被指有興趣羅致濟州聯中場具慈哲

15)
狼隊有興趣借用奧哈拉
佢地希望英超賽會破例俾佢一季之內踢3間球會

16)
侯城可能借用希活

17)
哥斯達黎加射手魯華斯以借用形式加盟山東魯能

18)
浦項制鐵被傳來港踢賀歲盃

p.s.:
羅傑承向傳媒表示薛琦鉉願意來港發展
不過希望南華可提高出價
仲話最遲後日有定案
而報導指羅先生亦睇中侯城既法根
傳到似層層?!......

2010-1-11 (1)

幾場波想講......

1) 西布朗對森林

森林應該係全英冠中場壓迫最快既球隊
繼紐卡素後
另一升班熱門西布朗亦中招
佢地俾森林迫到平時慣常簡單分兩邊都做得唔好
加上後防繼續積弱
有睇直播都會覺得佢地抵死

而布歷史托適當時候適當地點做適當既嘢
馬澤維斯基突出既個人技術
同埋索尼勤力既助攻
就令佢地羸得更有說服力

2) 阿仙奴對愛華頓

兵工廠衰太想羸搞到攻守嚴重失衡
下半場中段起兵工廠連一對中堅都一齊出擊
兩個工兵迪亞比以及丹尼臣又係掛住進攻
又冇人補位既情況下就被愛華頓3次機會長驅直進
最終有運執返1分都應該偷笑

話說回頭
迪亞比而家係兵工廠陣中最可靠既工兵
好彩丹尼臣可能火速康復幫輕佢

3) 伯明翰同曼聯

各踢半場好波卻反而失守
曼聯上半場羸中場因為中場踢5個有人數上既優勢
下半場主隊搶羸中場就因為球員體能上略佔甜頭
加上兩個箭頭輪流墮後幫手

4) 祖雲達斯對AC米蘭

A米搵碧咸替補柏圖後
實際陣式已經比較似 4-4-2
仍然適應緊意甲既迪亞高就咁俾碧咸以及3個意大利工兵封殺
祖記既攻力亦即刻癱瘓
阿馬利要等供應
而沙歷咸美迪錫就抽水多過踢波
而以佢地咁既防線
講得唔好聽一開波已經係等死
而輸第一球美路肉酸到胯下大漏
雲加睇到應該慶幸暑假忍手冇入貨

5) 特內里費對巴塞隆拿

多得祖記超唔似樣而有大把時間八掛埋西甲
睇戰果以為特內里費好屎
其實佢地上半場前半段有好多機會置巴塞於死地
不過通通都把握唔到後一失守就散晒

今場見既美斯其實唔使出晒十成功夫
佢頭兩個入球只係要走位埋門
舖橋搭路既功夫大把人同佢代勞
反映巴塞中前場部份球員既技術好全面

p.s.:
最想睇但未睇既一定包括馬里絕地反擊連追4球
以及多哥可唔可以如願重返非國盃戰場

2010-1-10

1)
多哥全體球員最終決定繼續參賽
多哥方面亦澄清後備龍門以及安哥拉籍巴士司機仍然在生
而死者就係助教兼新聞官
以及一名隨隊記者

而安哥拉一個分離主義組織就承認責任
仲話會繼續發動襲擊
不過非洲國家盃賽會就話比賽一定會如期舉行
佢地既職員亦對傳媒透露多哥係唯一一隊無通知賽會既球隊
暗示令佢地難以提供保護

2)
利物浦被傳準備向狼隊收購史迪亞文
這名22歲本土後衛可以踢右閘或者中堅

另一方面,陣中19歲年青射手艾卡斯頓被傳成為曼聯既挖角對象

3)
紐卡素球迷會再次被傳希望籌旗5000萬鎊
另加部份財團既支持
以從新買入球會

4)
費sir尋晚失分後批評卡頓保執法過嚴
可能令佢俾足總抽後算帳

而有傳聞佢老人家將於季尾換血
貝碧托夫,維迪,蘭尼,安達臣以及杜鍚都可能被踢走

5)
史篤城主席透露嘗試羅致雲佬

6)
消息指米堡撥款800萬鎊俾史特根增兵
報導話佢準備從些路迪挖走5名舊部屬
卡達維,基倫,巴利笠臣同埋愛爾蘭中場科特加埋大約值250萬鎊
不過400萬鎊未必可以打動佢地放走史葛麥當奴

另一方面,由於基斯保迪仲未肯續約
報導指格流應該肯以150萬鎊賤賣佢

7)
孫繼海落實自由轉會陝西

8)
拉素應該仲有主力會離隊
先有國米向佢地出價1000萬歐元收購列迪斯馬

而消息指薩拉迪不滿巴拿甸尼態度惡劣
如果收唔到道歉就會提出轉會

9)
安沙迪即將落實由魯賓卡山轉投曼城

而樸茅將卡保爾定價1400萬鎊
曼城係最有可能既買家

10)
消息指AC米蘭俾唔起3600萬鎊收購迪施高
而改為向巴勒莫斟酌卡雲尼
車路士就被傳乘機出價截劫迪施高

11)
雲加表示由於基格納至少值2000萬鎊
以阿仙奴現時唔夠財力收購佢

12)
奧雲高尼同保頓簽約至2013年
而助手史超活以及J.亨利都跟佢離隊
而保頓被指亦會將艾文達掛牌500萬鎊

般尼就落實只收到100萬鎊賠償
而忽然有傳聞指佢地可能搵加利仔接手

13)
祖雲達斯成為最新一間同柏仙尼扯上關係既球會

p.s.:
南華竟然想簽薛琦鉉同埋丹尼卡辛
仲話前者提出希望下季先加盟

疑點一當然係人哋咁既級數都肯加盟?
後者連英冠都睇唔上眼
紐卡素,唐卡士打以及昆士伯流浪向佢招手都唔成事

疑點二係人工
前者月薪150萬港元
而後者叫價高於南華既出價5成
不過早前向佢招手既昆士伯流浪有更大既水喉
人哋既老闆仲疊水過艾巴摩域治
羅先生點同人爭?

更得人驚既係明報話羅先生既另一人選係巴塞既後備前鋒
最有可能既人選係而家扭計唔肯續約既謝法倫
唔會係佢掛?

2010-1-9

1)
多哥既隊巴俾槍手襲擊
司機傷重死亡之餘
亦有多人受傷
不過唔包括名氣最大既艾迪巴約
消息指佢地考慮退出非國盃

2)
碧福特即將以200萬鎊轉投紐卡素

3)
利物浦以及熱刺再次被指爭奪梳格斯

4)
由於拖連奴,巴勒莫以及布雷西亞近日都有球迷搞事
消息指球員工會可能發起意甲以及意乙罷踢

5)
阿仙奴方面表示有信心同雲加續約
而教授暗示一旦辛達路斯離隊
可能會同蘇甘保簽約6個月作為替補

6)
肥安澄清冇斟酌柏仙尼以及伊亞昆達

7)
韋拉最終同曼城簽約6個月
8)
比耶,卡保奧以及美迪都被指係新特蘭既新後衛人選
當中國米亦有興趣向漢堡羅致後者

9)
格芬可能為左出場機會而由史篤城轉投雷丁
而後者既澳洲龍門費達歷斯忽然被指成為利物浦既200萬鎊增兵人選

10)
侯城準備借用曼城既卡斯度
而佢地表明唔會放走史堤芬亨打

11)
米堡將迪加迪外借去尼斯

12)
利維犘亞被熱刺外借去彼德堡直至季尾
佢上半季就被借到打呲郡

13)
諾域治教練林拔被指好可能接手般尼

14)
拉素既葡萄牙中場艾利素落實轉投薩拉戈薩

15)
早前同普雷斯頓解約既 A.Irvine 落實接手鍚週三

2010-1-8

1)
韋拉已去左曼城進行體測
雙方即將簽約18個月
週薪高達13萬鎊

2)
愛斯賓奴就被傳想向佢地借用辛達告魯斯

3)
薩拉迪既經理人爆料阿仙奴希望引入這名阿根廷射手
傳聞轉會費更高達4000萬歐元
而雲加考慮從克魯日引入科特迪瓦19歲射手 L.查奧爾
身高6呎6吋既佢身價約值400萬歐元

4)
奧林比亞高斯未來成功羅致班拿約
隨即改打尼亞拿既主意
不過佢既經理人已經表明佢唔會於1月離隊
消息指佢地將再次斟酌犘頓柏達臣

5)
樸茅球員尋日終於收到12月波糧
而比夏積被傳成為布力般流浪既新左閘人選

6)
車路士羅致柏仙尼失敗後
被傳改向祖雲達斯開價800萬鎊收購伊亞昆達
亦有可能用唔滿意出場機會少既馬路達交換

7)
紐卡素收購碧福特既價錢又有另一版本
消息指佢地兩次出價只係100萬鎊同埋125萬鎊
(難怪唔能夠打動列斯放人)
而佢地亦第n次被傳打算借用L.確特

另一方面,畢特暗示季尾可能掛靴

8)
巴塞亦被指有興趣同皇馬爭奪維迪
而佢地再次被指準備季尾出價4000萬鎊收購法比加斯
而耶耶托尼亦可以成為交易既一部份以扣起1000萬鎊
不過皇馬亦同時被傳打算用希古恩另加2500萬鎊搶人

9)
歐洲足協被傳將於2013-14年球季起
禁止有嚴重虧蝕既球隊參加歐洲賽

10)
幾段曼聯既新聞......

加利卡希爾,蘇保迪,基亞連尼以及卡積亞
都被指成為費sir替補維迪既人選
不過巴勒莫表示未收過任何球會對後者既斟酌
而巧合既係曼城對佢4個都好有興趣

隨住佢同迪甘斯關係好轉
馬賽方面放走賓艾化既機會唔大
由於早前佢既經理人曾經聯絡曼聯
馬賽為左令費sir死左條心而表明要4000萬鎊先肯放人

另外,馬捷達將被外借
落腳地應該不出博洛尼亞,紐卡素或者薩拉戈薩

另一方面,消息指朗尼將於下季起出任新隊長

11)
韋根未能成功借用射手史葛麥當奴
事緣些路迪只準備賣走佢
而佢地亦想收購加利卡特維
不過100萬鎊既出價唔足以打動些路迪放人

12)
被指成為里昂1月增兵對象既皮利斯向傳媒透露
佢比較大機會於季尾同維拉利爾約滿後離隊

13)
韋斯咸再次被傳借用梅度
而佢地亦準備同布力般流浪爭奪古莊臣

14)
利禾奴中場簡達華被指成為國米既增兵對象
而文仙尼就好可能以借用形式加盟馬賽到季尾

另一方面,捷禾將要提早收咧

15)
史浩克04可能將拉菲爾賣去禾堡
而古蘭爾就否認離隊

16)
丹尼卡辛早前表示唔會考慮加盟英冠球會
幾日後就決定加盟財力優厚既昆士伯流浪

佢地既下一個借用對象就係保頓既薜圖
但這名尼日利亞中堅可能因為加利麥臣俾人炒左而願意留隊

17)
前諾士郡領隊漢斯碧克落實接手紐約紅牛

18)
薩雷斯被指希望向巴塞借用基利臣

19)
干地因為劣績而向阿特蘭大請辭
球隊將由青年軍教練保拿仙拿暫時接手

20)
希杭宣佈米高馬迪拿(前譯米希爾)離隊加盟伯明翰
佢地既西班牙U-21國腳簡利拿亦被指成為韋根既新左閘人選

21)
麥利殊拒絕評論堅韋尼鍾斯既轉會傳聞
不過佢就承認由於未能同捷克球會 Kosice 達成轉會費協議
而決定放棄年青射手盧華克

22)
諾頓被傳可能以借用形式重返鍚菲聯

23)
狼隊視史堤芬亨打為300萬鎊既增兵對象

24)
維拉被指提出以卡維另加500萬鎊收購羅比堅尼

25)
拿玻里,烏甸尼斯,河床以及大學隊都想羅致28歲烏拉圭射手 S.施華

26)
彼德堡中場 P.Cottus 被指成為般尼既增兵對象

p.s.:
拖連奴球迷由於唔滿意球隊降落乙組之後依然冇好表現
尋日竟然當眾襲擊球員
本地波總班狗官應該慶幸處身文明既香港

2010-1-7 (2)

繼續講新聞......

1)
利物浦忽然同查馬克扯上關係
佢地被指想等到季尾免費引入這名同波爾多約滿既射手
而菲臘迪根就可能獲准免費轉會去史特加

另一方面,伯明翰加碼至1000萬鎊收購巴布
佢既經理人透露已有5至6間球會有興趣接收佢

2)
曼聯再次被指將於1月引入賓施馬
而卡迪夫城既威爾斯後衛阿當馬菲士亦同佢地扯上關係

另一方面,傳聞加利仔決定季尾掛靴

3)
白蘭斯,迪甘斯,保賀斯恩以及泰簡拿都被傳將於世界盃後取代杜明尼治

4)
杜格拉斯哥斯達以650萬歐元轉投薩克達

5)
摩連奴證實尋晚正選上陣既韋拉將會離隊

6)
奧林比亞高斯羅致班拿約失敗後
改為向布力般流浪出價180萬鎊收購摩頓柏達臣

另一方面,Big Sam 決定將兩名射手麥卡菲以及羅拔士掛牌
當中愛華頓可能會接收前者

7)
AC米蘭落實引入16歲加納中場艾賀達

8)
格蘭表示將會重召紐根特返樸茅
而般尼被指改打碧福特既主意
當時人尋日已經向列斯聯要求轉會

9)
賓特拿將於聽日見隊醫檢查傷患
如果證實佢唔可以於短期內復出
雲加將會收購新箭頭
而迪施高以及巴洛迪利就再次同阿仙奴扯上關係

10)
古迪'傷癒'後再次跟大隊操練
有報導指佢最終唔會因為早前同柏歷堅尼不和而離隊

11)
維路素以及古莊臣忽然同熱刺扯上關係
而韋斯活特就被傳成為哈利列納既新龍門人選
另一方面,富咸打向佢地收購奧哈拉

12)
國米被指想用文仙尼交換巴迪斯達

13)
狼隊被指將會從侯城羅致基賓尼
而佢地再次被傳打算從財困既打呲郡收購甘文斯

14)
伯明翰既增兵過程唔算太順利

新特蘭忽然向史浩克04開價350萬鎊截劫古蘭爾
消息指交易將於短期內完成
以便布魯士有更多時間踢走堅韋尼鍾斯
而巧合既係伯明翰被指可能接貨

伯明翰亦被傳有興趣引入麥基迪
不過消息指些路迪索價至少1000萬鎊

15)
史杜亞借用合約期滿後重返富咸
消息指打呲郡打算改向保頓借用亨打

16)
曼城被指文仙尼有1億鎊資金買人
基於捷禾頭蓋骨受創而要養傷一段時間
佢地被指可能改為出價1800萬鎊收購卡積亞

17)
基斯保迪再次同米堡扯上關係

p.s.:
1)
AC米蘭尋晚大炒熱那亞5:2
碧咸滿場飛之餘
仲同串演右閘既艾比迪輪流出擊
不過現階段唔好過份睇好佢地
事關熱那亞由12月起戰績插水
而後防輸兩球都係輸自己亦有隱憂

2)
中國連敍利亞都羸唔到
最終出到線都唔值得太高興

而香港對巴林輸0:4就唔意外
不過見佢地用咁既人腳
教練又臨時話感冒唔隨隊
仲波都唔練一課就上機
難免令小弟失望兼費解

3)
C7同埋英雄輝竟然做埋警訊嘉賓主持?!
特別係前者成個爛仔咁

搵佢哋不如搵黃金寶
點解當年又冇人唸到搵400萬

2010-1-7 (1)

尋晚從知道耶耶托尼當選科特迪瓦足球先生
到睇住費文尼於垃圾時間出場
小弟第一時間聯想到既都係雲加
唔知佢老人家嗰心有冇為搵唔到好防中而隱隱痛

近年阿仙奴未能稱霸英超
其中一個比較少人提起既原因係防中
小弟有時覺得雲加收購防中既迫切性更甚於箭頭

自韋拉以及比堤之後
雲加其實從未間斷搵新防中

基拔圖施華曾有好表現
但唔算長時期穩定
而佢近年 keep 到既只係耐力而唔係速度
就算佢繼續踢英超或者歐聯都唔慌有高水準表現
雲加因為只係選擇同佢續約一年而令佢決定離隊
其實唔太可惜

真正令小弟可惜既其實係費文尼
佢等足幾年先於06-07球季有機會上位
法比加斯因為有佢先可以繼續專心進攻
兵工廠近幾年既中場線以當季最勁

條友偏偏為錢而轉投AC米蘭
要知道意甲球隊中場重戰術以及陣式更甚於效率
令佢空有高效率都冇好大既發揮空間
加上AC米蘭既中場根本有好多防中
論資歷講波底佢都爭唔羸幾個意大利佬
AC米蘭貪佢零機價而高薪挖角
咁既轉會根本係三輸

而迪亞拉只係踢得幾個月就離隊
教授因為唔想阻年青人發展而放走佢
帳面賺幾個錢都補唔返冇好防中既損失

另一方面,雲加亦幾次無緣羅致頂級防中
先有艾辛
不過車仔頂爛市出價2400萬鎊
咁既價錢就算而家教授都未必考慮
何況係05年

而柏拉斯奧斯試腳既表現好好
不過當時教授居然認為球隊冇位置俾佢
索性介紹件荀貨俾當時執教伯明翰既布魯士
之後既事就唔使再多講
都唔知應該話佢老人家大方定係笨賓

但最激心既都係 miss 左耶耶托尼
唔係話教授阻住人哋兄弟重逢唔岩
而係佢今次計數計得太盡唔肯俾300萬鎊新星價
結果眼白白睇住人地加盟摩納哥
之後既嘢又係唔使多講

近年半以來兵工廠亦先後同多名防中扯上關係
人選包括辛拿,沙比艾朗素以及美路等名牌
當中傳聞韋拉回歸仲令小弟超驚喜
不過全部都係冇米粥

球隊近年只好倚靠迪亞比以及桑治
兩位年青人勤力有餘
前者仲勤力到暑假請私人體能教練同自己加操
但講表現始終唔係好 sharp
唯有寄望佢地之後可以好似費文尼咁忽然爆發
以醫好教授近年多次未能羅致好防中既心病

2010-1-6

1)
幾段利物浦既增兵消息......

伯明翰想羅致巴布既報導原來係堅料
不過賓尼迪斯嫌900萬鎊既出價遠低於佢預期既1200萬鎊
所以已經即時拒絕

但同時間有報導指巴布以及尼亞拿
都有可能成為利記羅致麥斯洛迪古斯既籌碼
這名阿根廷右翼既經理人透露交易形式可能會係買斷

而賓帥早前放風想引入希斯基
不過以奧尼爾同賓帥既關係
維拉唔會放球員俾利記
加上傳聞車仔頂爛市出價500萬鎊搶人
令利記成功羅致大隻妙既希望更低

賓帥同時為後防增兵
報導指佢地準備出價800萬鎊收購厄遜

另一方面,杜辛拿以及禾路連落實轉投拿玻里以及莫斯科戴拿模
轉會費分別係400萬鎊以及200萬鎊
不過奧林比亞高斯對班拿約500萬鎊既出價就被拒絕

2)
貝加宣佈因傷掛靴

3)
韋斯咸既卡頓高爾以及迪亞文迪
被指成為阿仙奴同埋AC米蘭既羅致對象
消息指佢地打算除左借用紐奴高美斯之外
亦準備從維拉回購季尾約滿既希活

另外,一旦厄遜離隊
桔仔幫被傳可能搵侯夫作為替補

另一方面,馬來西亞富商 T.費蘭迪斯即將入主佢地
令佢地有望解財政困難

4)
雲加承認梅里達拒絕續新約
但就表示唔知佢同馬體會方面搞成點
而消息指雲加準備為加拿斯破例提供一份兩年或以上既合約

另外,愛葷頓再次被指想向佢地收購辛達路斯
另一方面,法比加斯將延遲至2月頭復出

5)
奧雲高尼將帶同副手史超活加盟保頓
不過般尼要求360萬鎊賠償同保頓既100萬鎊預算就仍然有好大差距
而保頓為左俾奧雲高尼有錢增兵
不惜肯將加利卡希爾以1500萬鎊出售
報導指曼聯同埋曼城都有興趣接貨

6)
施仙奴可能轉投聖保羅以尋求更多出場機會

7)
曼城破英國足球史紀錄一年蝕左9260萬鎊
不過佢地依然大把銀紙買人
只係增兵接連遇到阻礙......

先有韋拉表示亦考慮轉投里昂
(巴塞方面就否認接收佢)
而華朗亦拒絕曼城提供700萬鎊既1年合約
(同時間大學隊亦會收到700萬鎊轉會費)
捷禾亦透過經理人表明唔會於1月離隊

另一方面,佢地準備以5萬鎊週薪既新合約同祖赫特續約
之後下季仍會繼續將佢外借

8)
AC米蘭被指打算向摩納哥出價800萬鎊收購右閘蒙干古

9)
巴塞同國米以及祖雲達斯爭奪阿根廷12歲新星華達拿

10)
維迪否認同費sir不和
而足總決定唔就費sir日前再插球証一事抽後算帳

另一方面,近日同曼聯扯上關係既侯克
表示唔想季中轉環境影響佢入選決賽週名單而肯定唔會於1月離隊

11)
鬧後衛荒既西維爾從森多利亞借用立陶宛後衛史坦基域斯
而佢地將捷雲頓借去阿特蘭大

12)
拜仁為左利誘列貝利續約
全隊只有佢一個唔使減薪之餘
仲可以加人工

13)
保拉路斯被指可能轉投薩拉戈薩

14)
基達菲落實從華倫西亞羅致米古
佢地隨即將這名24歲委內瑞拉射手外借馬拉加半季

15)
樸茅仲未出到12份波糧俾球員
不過其他職員已經收到人工

而由於樸茅被禁止註冊新球員
同佢地借用合約於1月中到期既奧哈拉將被迫重返熱刺

16)
拿玻里被指想向法林明高收購21歲中堅蘇沙
以及阿祖安奴既優先購買權

17)
柏度文迪斯被指將回流葡超,加盟士砵亭

18)
馬體會落實借用迪亞高文迪斯到季尾
而佢地可能未能成功借用賓特尼
事緣維拉以及新特蘭都被指願意以1000萬鎊接貨

19)
韋根落實將趙元希外借去水原藍翼
而一旦費古羅亞離隊
佢地被指向紐卡素收購荷西安歷基作為替補

20)
侯頓被傳成為史篤城既新右閘人選

21)
艾度最終落實被外借到 Aris FC 年半
這間希臘球會更有權收購佢

22)
熱那亞被傳想各車路士借用阿歷士

23)
史特根被指想搵舊部屬雲尼古去米堡踢半季

24)
戴倫費格遜接手普雷斯頓

25)
紐卡素再次被指準備出價200萬鎊引入基隆加

26)
科特迪瓦教練公開投訴車路士用殘晒杜奧巴
而耶耶托尼當選科特迪瓦足球先生

27)
奧尼爾表態唔會俾戴夫以借用形式離隊

p.s.:
中國足協好騎呢咁改例偏幫參加亞冠既球隊
雖然話國內比賽外援出場人數冇變
不過佢地可以比其他球隊註冊更多外援已係唔公平
更荒謬既係如果聯賽同分
亞冠球隊可以有較高排名
怕且最終只會做成聯賽兩極化

2010-1-5

1)
舒利亞被指可能接手錫週三
報導仲話佢已經搵定史必做佢副手
不過舒利亞隨即否認有關報導

2)
雖然祖雲達斯方面一直死撐唔會炒費拉拿
不過佢既帥位應該唔保得幾耐
事緣佢竟然要靠傳媒先知道一名年青球員被外借到卡利亞里

另一方面,迪亞高同埋迪比亞路於操練嘈交

3)
賓特尼可能被外借去馬體會
佢地希望先借用半季再決定係唔係買斷佢
而熱刺希望佢地回禮外借麥斯洛迪古斯
不過這名阿根廷右翼不惜減人工轉投利物浦
消息指佢將於短期內落實加盟

4)
利物浦亦被傳可能出價300萬鎊收購卡維
而一旦里昂決定唔再借用比基安尼俾樸茅
利記可能以借用形式羅致佢

另一方面,杜辛拿可能於短期內轉投拿玻里或者祖雲達斯
而巴布就忽然被指成為伯明翰既增兵對象

5)
諾士郡3個月內第二度被申請破產

6)
車路士被指打算出價2200萬鎊收購柏仙尼
報導指車仔願意隨即將佢外借返森多利亞
等到下季先正式加盟

7)
由於最近冇太公波
卡比路決定星期四接受手術治療膝傷

8)
費sir決定下場對曼城既聯賽盃賽事更換7個球員
不過被指玩嘢聲稱熱身受傷既維迪就會繼續被雪藏
而報導指皇馬已準備於1月羅致佢

另外,費sir由於再次因為補時問題而投訴球証
足總好可能將早前兩場緩刑正式執行

另一方面,杜尼由於於羅馬苦無出場機會
所以未指可能索性轉投曼聯

9)
消息指般尼已同保頓傾好奧雲高尼轉投既補償
而價錢亦比之前400萬鎊既版本低
而由於佢地仲有細節未解決
所以仍未有具體公布

10)
蘇蘭奴可能轉戰英甲
由高魯大學轉投高車士打

11)
紐卡素發表聲明話而家有幾間球會想羅致謝列美
暗示係土耳其球會單方面宣佈佢加盟既消息

12)
曼城同韋拉,蘇保迪,卡積亞以及摩西斯扯上關係
當中韋拉被傳踢完下場意甲就會飛去曼城報到
曼城會先借用佢半季以決定係唔係季尾買斷佢

而蘇保迪既經理人就話從未收過曼城既 offer
不過巴勒莫就證實曼城對卡積亞有一定興趣

13)
艾利亞被指成為幾間英超球會既增兵對象
不過漢堡已表明唔會放人

14)
路斯基落實同阿仙奴續約
而兵工廠可能借用亨特拉爾失敗
事緣AC米蘭被指打算用佢另加2500萬歐元向禾堡收購迪施高

另一方面,西班牙傳媒指梅里達嫌出場機會少而決定季尾約滿離隊
報導指佢將同馬體會簽約5年

15)
皇馬成為最新一間同高洛哥夫扯上關係既球會

16)
葉士域治再次被指想向熱刺借用杜斯山度士

17)
摩連拿路最終決定改投史特加

18)
周海濱回流中超,加盟山東魯能

19)
雖然巴塞近日先後同維路素以及阿費利扯上關係
不過哥迪奧拿依然強調佢地唔會增兵
只會提升幾名青年軍

另一方面,哥迪奧拿既老豆向傳媒透露佢個仔將於季尾離隊
以爭取時間休息

20)
些路迪落實從史篤城借用戴夫傑臣

21)
消息指列斯已經拒絕紐卡素對碧福特120萬鎊既出價
已有報導指紐記早前曾提出借用侯頓
不過已被熱刺拒絕
這名蘇格蘭右閘近日一直同新特蘭以及愛華頓扯上關係

22)
國米再次被指有興趣羅致法比加斯

23)
費路卡利最終落實轉投拉素

24)
布魯士再次被指打算踢走堅韋尼鍾斯以及安頓費甸南
早前有報導指佢兩個曾被視為羅致賓特尼既籌碼

而新特蘭亦再次被傳有興趣從高雲地利引入韋斯活特

25)
米堡決定唔會於1月賣走阿當莊臣

26)
土耳其足總視曉士為新教練既最新人選
報導仲話決定搵杜基幫手遊說佢

27)
卡迪夫城被指想向維拉借用戴夫

28)
真高拿轉戰法丙,加盟康城

29)
韋斯咸以及保頓都被指希望借用紐奴高美斯

30)
列貝利因為腳甲倒生而要延遲復出

31)
錫耶納落實從拉素借用中堅巴施巴利到季尾

p.s.:
竟然有人提議奧雲靠風水轉運
以助佢重返英格蘭去南非踢決賽週......

2010-1-4 (2)

1)
賓尼迪斯暗示由於皇馬唔肯分擔部份雲佬高昂既人工而冇能力借用佢
不過消息指麥斯洛迪古斯將於短期內加盟
不過交易形式未明
而希斯基亦有一定機會過檔

2)
曼聯被指準備透過銀行發行6億鎊債券
而佢地被指有興趣向哈代柏林出價1000萬鎊收購塞爾維亞中場 G.Kacar

3)
魯賓卡山新晉阿根廷國腳安沙迪被指成為曼城600萬鎊新左閘人選
而梳格斯亦被指成為佢地既新中堅人選

另一方面,佢地已經拒絕伯明翰買斷祖赫特既要求

4)
里昂方面唔排除羅致韋拉以及皮利斯
而佢地亦同聖伊天右閘M.達保扯上關係

5)
英格蘭足總否認鶴臣係下任教練

6)
祖雲達斯發表聲明否認搵軒迪克接手
而俄羅斯足總亦表示這名荷蘭教練現時去左肯雅度假
仲話佢冇同祖記有任何接觸
同時亦有報導指佢同埋查伯東尼成為土耳其足總既新教練人選

7)
祖雲達斯再次同G.迪阿哥斯天尼扯上關係
而迪亞高文迪斯就將會加盟馬體會

8)
意大利傳媒指國米以及拉素準備亙換球員
前者用大衛辛頓既一半擁有權以及兩名年青球員
同後者交換哥拉洛夫既一半擁有權
不過大衛辛頓既經理人隨即否認有關報導

另一方面,費路卡利由於唔肯減人工
令佢以借用形式加盟拉素一事出現變數

9)
紐卡素俾謝列美以自由身轉投土耳其球會 Ankaragucu
雙方簽約年半

10)
基斯保迪可能轉戰法甲,加盟索察

11)
般尼表示如果奧雲高尼接手保頓
佢地會要求400萬鎊賠償

12)
早前有醜聞指一名英超領隊公然嫖妓
而家最新版本係佢因為俾人成功偷拍而面臨被勒索

13)
史浩克04從拜仁同埋水原三星羅致本土中場鮑祖漢以及巴西射手伊度

14)
鍚耶納有興趣從河床引入阿後衛P.費拉利

15)
費倫天拿落實從烏甸尼斯借用菲臘比達貝路
而士砵亭亦同意佢地對維路素既1100萬鎊出價

16)
莫耶斯否認俾禾漢外借到打呲郡

17)
巴塞以及西維爾都被指有興趣從羅馬引入右閘馬高莫達

18)
伯明翰被指可能出價800萬鎊向韋根收購洛達列加
李斯特城射手法耶特就被指成為後者300萬鎊既替補對象

19)
艾度透露侯城以及希臘球會 Aris Thessalonica 都有興趣於1月羅致佢
佢現時被賓菲加外借到比蘭倫斯

20)
辛尼特被指有興趣從加拉塔沙雷收購基維爾

21)
AC米蘭被指考慮引入雲布頓

22)
消息指波圖考慮以2000萬鎊出售侯克
曼聯,阿仙奴以及熱刺都先後同這名巴西射手扯上關係
費sir被指視佢為朗尼既替補

23)
托迪透露將於4月考慮仲有冇能力復出國家隊

24)
皇馬被指將於8月8 號於北京踢表演賽

25)
古莊臣可能回流英超
加盟布力般流浪

26)
盧卡利尼可能由利禾奴重返帕爾瑪

2010-1-4 (1)

想講 Big 4 踢足總盃......

冇得睇車仔
不過抽到上上籤主場對內憂嚴重既屈福特
羸5:0唔算誇張

而曼聯地頭俾表現如狼似虎既仇家列斯攞彩
大抵費 sir 唔好彩之餘亦有抵死既地方
唔好彩當然係維迪熱身受傷(玩嘢?!)
而替補既布朗又爆鑊

不過抵死既係中場線幾乎全部都係二線兵
最有級數既安達臣今季雪到硬晒
單靠吉遜做唔到幾多截擊
韋碧克墮後亦唔多幫到手
而前線繼續用 hea 碧而忽視奧雲又係莫名奇妙
前者根本因為膝傷而唔係 top fit
朗尼一個救全家又可以救到幾多次

而費sir就算換人都慢幾拍
而奧雲入場後唔入局既表現反映佢根本雪到硬晒
佢出場機會比當年既蘇斯克查少得多
又邊可能 keep 到埋門觸覺做後備殺手
費 sir 捉虫之餘亦隨時斷送人地4度踢決賽週既美夢

而阿仙奴可以反勝韋斯咸
全因雲加知錯能改
事關佢最初既排陣犯左兩個錯誤

一係唔明佢老人家據咩決定箭頭既位置
之前已經頻頻用賓特拿打右邊
今場就用卡路士韋拿打正箭頭
佢有速度但論埋門觸覺以及把握都唔及伊度亞度
反而巴西仔就要踢左邊支援佢

二係艾朗藍斯為左遷就梅里達而分擔左好多防守工作
更甚既係佢有時企位仲後過桑治
參與進攻既機會亦較少

下半場教授先要兩個箭頭換位
再於中段以迪亞比入替梅里達
解放艾朗艾朗藍斯既進攻能力
而兩個入波分別都同調動入關就係佢老人家撥亂反正既最佳回報

場波另外有兩個球員特別吸引小弟注意
一係比哈美
唔講唔知佢以前其實係專攻800米跑
今場佢移入中路代替養傷既柏加絕對稱職
梅里達冇貨交明顯係受制於佢同埋高華

二係每次出場都係全場最廢既豬達
尋晚迪亞文迪擺明當佢冇到
連左路既史坦尼拿斯都試過去搵佢著數
難為佢賽前同記者透露佢改變初衷想續約
仲話唔介意只係有得踢盃仔
兵工廠球迷真係要自求多福

最後想講既係利記
佢地最出力踢足總盃唔係賓帥最重視隻盃
只係佢地最唔夠人用
偏偏咁強人腳作客都只係好難睇咁逼和英冠護級份子雷丁
攻守繼續唔對板
後備落場既阿古蘭尼又忽然失準
以現時人腳繼續捱落去真係唔係辦法

唯有寄望麥斯洛迪古斯只係增兵成功既開始
之後就算冇雲佬都唔該多個希斯基
最完美當然係搵埋好後衛兼掃走幾件次貨

2010-1-3

近幾日既新聞......

1)
利記被指準備簽西甲班兵
佢地先被指準備以先借後買既形式引入麥斯洛迪古斯
亦再次同雲達華治以及雲佬扯上關係
不過皇馬唔肯分擔後者既部份人工就成為轉會障礙

另一方面,巴布拒絕費倫天拿既斟酌
因為佢表明只希望踢荷甲或者英超
而禾路連就好有機會以借用形式重返哈化柏林

2)
樸茅方面表示下星期會借到錢去補發球員12月既人工
不過佢就指球會老闆搵貸款既進展唔多順利

而樸茅可能將奇雲保定賣去布力般流浪套現400萬鎊
而消息指佢地亦向曼城推銷卡保爾

3)
俄羅斯傳媒指祖雲達斯開價1000萬歐元年薪利誘軒迪克接手

4)
馬達拉斯可能轉投彭拿典奈高斯以爭取出場機會

5)
拜仁落實將東尼外借到羅馬既同時
紐倫堡亦向佢地借用奧圖以及比連奴

6)
消息指阿古路玩嘢話要留隊
令車路士可能改為斟酌韋拿
報導指車路士準備出價4000萬鎊
兼為佢提供一份年薪超過1000萬鎊既合約

另一方面,馬路達暗示可能為左出場機會而離隊

7)
同時另有施積可能以800萬歐元加盟史浩克04
華倫西亞就可能接收柏夫奴真高作為替補

另一方面,早前講過米基爾好可能離隊
有消息指北京國安竟然向佢招手

8)
阿仙奴成功從富明尼斯羅致17歲巴西射手威靈頓
佢地亦同迪亞比續約

另一方面,有報導指由於雲加好有把握成功羅致查馬克
所以會等到佢季尾約滿先再向佢招手

9)
列貝利既經理人透露這名法國國腳一定唔會同拜仁續約
令佢既離隊只係時間上既問題
而有報導指拜仁仲拖欠皇馬引入洛賓既2500萬歐元轉會費
令皇馬而家有更大機會收購佢

皇馬亦被指打算於季尾出價6000萬鎊收購朗尼

10)
前阿仙奴以及富咸既德國右閘禾斯可能加盟史浩克04

11)
薩拉戈薩想向巴塞隆拿借用基利臣

12)
麥連落賓由史特加轉投蘇黎世

13)
辛尼特考慮引入柏夫奴真高或者洛基
而比基透過經理人否認轉投佢地

14)
紐卡素以及唐卡士打都被指有興趣借用古辛
不過佢透過經理人表示佢冇打算離開侯城去加盟英冠球會

15)
路亞路亞以借用形式由阿拉比重返奧林比亞高斯

16)
沙治奧辛捷士因為心臟問題而要暫時停操

17)
巴里既邦路斯亦被指係曼城既新後衛人選
而卡斯度就可能被外借去侯城

18)
杜維好可能接手雷丁

19)
卡普即將以借用形式離隊以爭取出場機會
佢既下一站可能係熱那亞,阿特蘭大或者布羅尼

20)
本田圭佑落實以900萬歐元轉投莫斯科中央陸軍

21)
維路素被指成為費倫天拿1000萬歐元增兵對象

22)
幾段熱刺既消息......

佢地同意以900萬鎊從國際體育會引入巴西中場辛祖
而家只係等緊勞工部批出工作證

而隨住哈利列納否認會引入占士以及厄遜
佢地就被傳出價1200萬鎊收購米卡李察士
不過樸茅就表明唔會出售比高域俾佢地

另一方面,侯頓就好可能以400萬鎊既價錢加盟新特蘭

23)
祖奧由於私自離隊返巴西度假而被愛華頓罰停賽
佢早前被指可能回流莫斯科中央陸軍

24)
雖然奧尼爾表示唔會理會希斯基離隊既傳聞
不過依然再有報導指維拉會接收比亞堤作為替補

25)
些路迪成為最新一間同麥卡菲扯上關係既球會

26)
彼德堡射手麥連被指成為伯明翰300萬鎊既增兵對象
而消息指佢地將於短期內從希杭以300萬歐元引入中場米希爾

27)
馬體會落實從祖雲達斯借用摩連拿路

p.s.:
對手唔係強都唔可以省港盃四連霸
錯一定唔係搏到尾既球員
成也阿古沙,敗也阿古沙亦只係部份原因

最錯一定係本地波腫
明知要應付3場太公波都可以安排本地波照踢
羅氏夫婦當然樂得有借口收起好多主力唔踢豬頭骨比賽
(咁亦自然會引起其他球會不滿)
而足腫夠膽死只安排5課操練亦兒嬉得可憐