2008-11-30

1)
賓尼迪斯拒絕皇馬既邀請
佢將會同利物浦續約兩年

2)
傳聞杜奧巴同大菲於幾日前對波爾多既比賽後炒大鑊
消息指佢幾乎肯定於1月轉投國米
而車仔被指準備向雷恩出價1500萬鎊收購 J.Briand
這名23歲法國射手被指踢法同亨利近似而備受注意

3)
因為堅尼亞將會得到最終話事權去買賣球員
有消息指韋斯因而會即將離開紐卡素

4)
舒利亞已經拒絕堅尼亞搵佢回巢出任前鋒教練既邀請

5)
沙維同意續約至2014年
粉碎佢轉投阿仙奴或者曼聯既傳聞

6)
杜錫已成功申請工作證
意味佢即將於1月加盟曼聯
但曼聯方面未有證實拿積會唔會一齊加盟

7)
查爾頓16歲中場 J.Shelvey 成為紐卡素,米堡同埋新特蘭既羅致對象
這名入球能力好強既中場球員曾經擔任英格蘭少年隊既隊長
現時係 U-17 代表隊既主力

8)
費倫天拿被指打算羅致C.盧卡尼利

9)
漢基蘭成為兵工廠既600萬鎊新中堅人選

10)
普度斯基被拜仁以1930萬歐元既價錢掛牌

11)
迪亞高盧比斯被指成為巴塞隆拿500萬鎊既新龍門人選

12)
禾夫斯堡新晉德國國腳舒希化成為紐卡素既新左閘人選
這名24歲球員有一定助攻力
自上季起已先後6次後上入波

另一方面,紐記再次被指打算引入蘇金寶

13)
泰禾再次被指成為曼城既增兵對象

14)
錫菲聯考慮以2500萬鎊作為同韋斯咸庭外和解既條件

P.S.:
賽後感聽日先講......

2008-11-29

大家好!我係丹尼斯.羅(Denis Law)!
唔識我係邊個?
你既波齡應該好淺......或者好唔識貨

我係曼聯第一代大帝
又係曼聯史上既第二號射手
費 sir 叫朗尼改著10號波衫都係想佢以我作為奮鬥目標
我於世界球壇一直都係'羅'氏宗親既代表人物

直至任職曼聯 press officer 既乖女講我知
遠在香港有另一個阿'羅'成日見報
影響力仲直逼神既境界
我先知自己既第一把交椅於晚年先至危危乎

我丹尼斯做得第一代曼聯 'The King'
霸氣同埋風範一定唔會少
如果香港既阿'羅'有真材實料
要我認佢做大佬都仲得

但佢做野偏偏雷聲大,雨點少
最衰既係佢仲要係一個偽君子
就叫我好睇佢唔起

我乖女識得人多
香港既同行爆料
阿'羅'炒教練就好似其他有錢佬玩女換畫咁頻密
而干預教練仲係佢既作風

另一方面,一句專業就將班球員當明星咁包裝
球場內外都有大把贊助
行去球場只有5分鐘路程都要球員搭旅遊巴士出入......

但問題係搞波同埋踢波既人
最重要既專業係踢波心態
否則講咩都係廢話

就以令阿'羅'聲名大噪既'豬扒飽事件'為例
點可能吹水話球員肚餓要食野
就於開波前兩粒鐘搵人接走自己旗下既10個球員去開餐
仲要開波前半粒鐘先送佢地返到球場

場波話晒係香港對澳門既國際友誼賽
點可能咁遲先到球場準備?

我地曼聯去香港搵快錢都會於開波前個幾鐘就到場準備
當年我既好友佐治去溝女
又或者我既後輩C7同埋朗尼等滾友去蒲去滾
都一定只會於休息時間進行
開波前永遠保持精神集中
自問做唔到既就唔好學人講專業

而據聞阿'羅'今次玩野
亦只係佢玩野既一種手段去同太公波總會 show quali
咁就令我更加不齒佢既為人
一個為左同人講數(或者搵著數)就不惜分化香港隊既人
根本唔熱愛足球
冇資格平時扮好人話要為本地波帶來正面影響

佢平時寫 blog 扮晒公正同埋玩透明度
實際同佢班 low B 教徙洗腦
佢個 blog 簡直係球壇毒藥
Blacky 個 blog 都比佢有貢獻得多
起碼睇既人可以每日慳返幾蚊報紙錢

乖女仲八到原來上年阿'羅'曾經傻到話要搵富咸同佢隊波結盟
佢仲原來係我地既球迷
搞到我早兩晚仲發惡夢佢遲少少搵我地做左兄弟球隊
講真紅鑽我地都未必睇得上眼啦
何況佢旗下0個隊唔知叫'華南'定係'SCMP'既垃圾

如果有朝一日俾我見到佢
我一定一巴打醒佢
因為......天地有正氣,佢條PK衰到秘

2008-11-28

1)
堅尼亞落實執教紐卡素至季尾
紐記隨即被指有興趣從布力般流浪羅致森巴同埋禾洛克

另一方面,由於辣椒仔到1月都應該未好得返
賣唔出就令佢可以至少留隊到季尾

2)
阿仙奴準備用10萬鎊週薪利誘法比加斯續約

3)
費蘭度托利斯因為觸傷腿筋舊患而要缺陣兩至三個星期

4)
祖雲達斯方面表示已經放棄羅致舒韋恩史迪加
而消息指這名德國國腳已決定加盟皇馬

5)
艾蒙度決定掛靴

6)
熱刺被指有興趣羅致阿祖安奴同埋巴洛迪利

7)
法比安奴被指成為曼城2500萬鎊既收購對象

8)
卡卡表態有興趣轉戰英超
不過一定唔係而家發生既事

9)
維拉被指打算1800萬鎊收購亨特拉爾

10)
日本傳媒指紅鑽將於季尾開除教練安高斯

11)
賓約哥既烏茲別克26歲中場德柏洛夫
同埋艾哈里既17歲阿聯酋前鋒 A.Khalil
將到車路士跟操1個月
佢兩個分別係本年度既亞洲足球先生同埋最佳年青球員

12)
由於阿古蘭尼同羅馬仿未就續約達成協議
有傳聞指國米打算出價1500萬鎊搶人

另外,羅馬被指要求國際體育會以射手尼爾瑪作為收購施仙奴既條件

13)
西班牙傳媒指貝迪斯打算向米堡出價300萬鎊收購普基迪斯

14)
華斯奧度被指成為費倫天拿羅致羅仙拿既交易條件
另一方面,盧普利被指成為韋根既借用目標

15)
科特迪瓦射手迪丹尼再次被傳將以600萬鎊既價錢由朗斯轉投西布朗

2008-11-27

1)
莫拉堤表示國米唔需要收購杜奧巴

2)
丹尼臣,桑治同埋佐羅都係紐卡素既借用對象
但堅尼亞表示知道一定冇機
而佢老人家越睇越似可以教到季尾

3)
羅斯表明冇意思重返曼聯
而祖雲達斯就被指仍然對佢好有興趣

4)
施多夫被指成為熱刺既羅致對象
另一方面,哈利列納亦想再同文迪斯合作
但這名葡萄牙防中表明冇意思離開格流

5)
阿仙奴落實搵美職副總裁加齊迪斯做球會既CEO

6)
阿仙奴被指準備同熱刺爭墨西哥防守球員沙斯度
這名28歲燕豪芬後衛可踢左閘或者中堅

另一方面,賓特拿被指成為莫斯科斯巴達既收購對象

7)
AC米蘭被指打算出價500萬鎊收購加拿斯
而消息指佢地更可能向羅馬出價3500萬歐元引入麥薩斯

8)
由於成功收購保方既機會唔大
曼城被指將改打紐亞既主意

傳聞夏文將被外借到西布朗

9)
卡希爾否認返澳洲落班既傳聞

10)
由於足總被政府干擾
比赫加暗示可能因而決定辭任波蘭教練一職

11)
沙治奧拉莫斯因為早前打記者而俾人告

12)
華倫西亞落實從山度士引入19歲左閘卡列托

13)
查斯古特被指成為皇馬既增兵人選
但佢傷都未好,有冇搞錯?

14)
美度被指成為韋根800萬鎊既增兵對象

15)
巴勒莫同埋熱那亞都被指想從國際體育會引入巴西射手尼爾瑪

16)
上季曾經短暫效力紐卡素既迪亞達可能以自由身加盟史篤城

17)
巴黎聖日耳門,西維爾,熱刺,拿玻里同埋奧林比亞高斯
都被指有興趣從多蒙特引入瑞士射手費爾

18)
唐寧再次被指成為熱刺既增兵人選

P.S.:
1)
咩叫EQ高?
睇尋晚既謝拉特就知......

2)
To: 路斯基
買左今期兵工廠官方刊物未?
不過封面係加拿斯......

2008-11-26

1)
杜奧巴被狗仔隊跟到
同摩連奴既經理人以及國米總監白蘭加飯局
不過摩連奴竟然表示唔知有咁既事

隨即有消息指國米提出以阿祖安奴加現金收購佢
同一時間亦有傳其實國米既穴正目標係賓施馬

2)
雲加竟然被指成為皇馬新教練既人選
而加拿斯亦暗示唔會以借用身份加盟巴黎聖日耳門
另外,高路托尼表態冇唸過離開阿仙奴

而兵工廠亦被指有幾個增兵人選
當中包括保贊,軒尼斯,伊亞昆達,阿古蘭尼同埋法斯奧

特別想講下名氣冇咁響既法斯奧
這名西維爾21歲阿根廷新晉國腳身高達6呎5吋
無論踢中堅同埋防中都殺晒

3)
尼索比亞表態想留隊
另一方面,迪斯甸成為紐卡素500萬鎊既羅致對象

4)
曼聯邀請挪威23歲射手阿德拉奧爾跟操
但華拿倫加表明唔會俾新蘇斯克查參加試腳

5)
熱刺竟被指有興趣羅致大哨
而佢地亦有想同阿仙奴爭軒尼斯

6)
意大利傳媒指祖雲達斯將借用薩卡度
老婦人亦被指有興趣向史浩克04出價1200萬鎊收購拉傑鍚

7)
加拿斯,哥甸同埋泰亞高施華都成為AC米蘭強化防線既人選
而佢地亦被指想羅致梅度
不過費倫天拿已經表明冇得傾
另一方面,柏圖就被指成為皇馬既增兵人選

8)
卡森李察士同埋端納都成為曼城既增兵人選

9)
消息指沙拉斯決定掛靴

10)
韋根被指打算引入奇雲杜里

11)
巴素利既28歲阿根廷龍門哥斯坦素成為拿玻里既增兵人選

12)
占邦達既經理人否認曾經同里昂方面接觸

13)
賓約哥既烏茲別克中場迪傑帕羅夫
爆冷壓倒遠滕保仁當選今年既亞洲足球先生

P.S.:
梁主席表示只要球員跟足操練就有5000蚊獎金
唸住咁就可以提升士氣
真係又傻又天真

幸好佢都仲識 ban 左羅先生再派人跟出跟入
算佢仲未傻得晒
不過羅先生見招拆招係必然既事
本地球壇依然冇日安寧

2008-11-25

近兩日既新聞......

1)
賓尼迪斯被指成為皇馬既新教練人選
而賓帥可能用扭計既班拿約同曼城交換艾蘭奴

另外,利物浦同埋AC米蘭忽然撈亂骨頭
既被指想爭阿祖安奴
AC米蘭又被指想從利記羅致艾加

另外,巴布被指成為皇馬既1500萬鎊新前鋒人選

2)
法比加斯成為阿仙奴既新隊長
而雲加就表示唔會賣走加拿斯
只要佢同所有隊友道歉就可以重返球隊
消息指佢為左合約餘下既1000萬鎊人工而會認衰仔

3)
阿仙奴依然被指想搵新中堅
最新既名字就包括森伯達,厄遜, M.佐真遜同埋艾比奧爾

身價約值800萬鎊既森伯達亦係AC米蘭既收購對象

厄遜就係前兵工廠舊將
財困既韋斯咸可能會為左500萬鎊而放人

18歲既 M.佐真遜而家踢緊哥本哈根
這名丹麥大國腳亦係利物浦同埋熱刺既羅致目標
佢曾到阿仙奴同埋紐卡素跟操
當時阿仙奴既出價仲被拒絕

至於艾比奧爾身價約1000萬鎊
近幾個月已經第3次同兵工廠扯上關係

另一方面,兵工廠亦準備為其他位置增兵
佢地被指睇中拉科魯尼亞既27歲加拿大防中迪根士文
季尾就約滿既佢可能迫到拉科割價放人

而川迪既21歲荷蘭射手伊利亞成為佢地350萬鎊既增兵對象
愛華頓,布力般流浪同埋侯城都被指對佢好有興趣

4)
奧雲再次被指想離開紐卡素
傳聞仲話佢願意唔收簽紙費同埋減人工
而紐記驚最終人財兩失
所以好可能會以100萬鎊跳樓價出貨
阿仙奴,曼聯,曼城同埋熱刺都被指有興趣接貨

尼索比亞亦被指會於1月轉投巴黎聖日耳門
但堅尼亞已表示唔準備放人

另一方面,史基比特既經理人表示一直都冇收過紐記既斟酌
意味佢加盟既機會好低

5)
由於物色新領隊同埋賣盤都唔太順利
堅尼亞可能因而有機會教到季尾

6)
由於舒韋恩史迪加仲未同拜仁續約
祖雲達斯同埋皇馬被指想搵佢以自由身加盟

而普度斯基就表示會於1月離隊
科隆,曼城同埋熱刺都被有興趣出價1500萬歐元收購佢

另外,卻奧斯就被指成為車路士既羅致對象

另一方面,拜仁被指打算從史浩克04引入拉菲爾
不過這名巴西右閘已經否認

7)
曼聯被指從柏迪遜引入翼鋒杜錫同埋進攻中場拿積
交易總值900萬鎊

而曼聯亦被指打算向維拉利爾出價1000萬鎊買返羅斯

8)
西維爾,馬體會同埋韋斯咸都被指想向祖雲達斯借用基奧雲高

9)
艾明費華亞被史特加開除
球隊暫時由巴布接手

10)
達施華將於12月16號聯實盃既8強賽事復出
而佢將於下星期參與球會既熱身賽

11)
樸茅將於象徵式1鎊既價錢求售
不過買家就要負責球會9500萬鎊既街數

12)
拿玻里被指想從沙士菲引入阿根廷左路球員 E.柏柏
26歲既佢可以踢左閘同埋左翼

13)
曼城又想收購艾殊利高爾,高路托尼
同埋薩拉戈薩28歲巴西射手奧利華拉

另一方面,佢地被指將放棄米高波爾
佢被指將以70萬鎊既價錢加盟布力般流浪或者新特蘭

14)
巴西傳媒指大菲仲想引入羅賓奴

15)
消息指如果哥連泰斯可能因為贊助而羅致大哨

16)
韋拉被指成為奧比亞高斯既增兵人選
國米被指可能願意放走這名抖多過踢既球員
而佢地被指認定里昂既25歲喀麥隆中場馬干係替補人選

17)
馬度奴將被華倫西亞外借去其他球隊

18)
路夫表示暫時只收過愛華頓既斟酌

19)
奧查表示多數因為家庭理由而重返荷蘭
燕豪芬,阿積士,阿爾克馬爾同埋飛燕諾都被指想搵佢加盟

20)
希斯基表示最少會留隊到季尾
而熱刺被指想搵佢以自由身加盟

21)
由於洛基埋怨冇出場機會
拉素被指打算用佢同費倫天拿交換柏仙尼

22)
查爾頓答應賠償160萬鎊同柏度解約

23)
為左改善博洛尼亞既防守能力
達葛治同埋利華士都成為米赫洛域既增兵對象

24)
占邦達可能以400萬鎊既價錢轉投里昂

25)
納比表示會等到阿馬利申請到護照先召佢入國家隊

26)
羅馬尼亞進攻中場迪卡被指將從卡坦尼亞轉會到星隊

27)
西布朗被指打算從樸茅引入靴達臣

28)
由於保拿特仲未同富咸續約
佢再次被指將轉投愛華頓或者維拉

29)
卡頓高爾同韋斯咸續約5年

P.S.:
打到手都跛......

2008-11-24 (2)

再講餘下3場波......

5) 國米對祖雲達斯

親愛的阿祖安奴:

睇國米踢波好多時都似去茶餐廳食常餐
皆因無甚驚喜
而今場波摩連奴同埋雲尼亞里比賽前後都冇炒大鑊
仲令小弟覺得個餐好似冇左餐湯同埋凍檸啡
多得有你先令碟頭飯突然變成巴西燒烤

你出名紀律奇差
飲酒仲多過飲水
竟然肯賽前自發加操
對摩連奴同埋小弟而言都好似提早收到你派既聖誕禮物

而摩連奴肯再俾機會你係佢對你發憤既回應
其實在公在私佢都應該重用你
因為只有你既力量先可以撞散祖記條防線
否則國米即使羸中場效率都唔足以羸波
而佢亦唔可以再次俾顏色雲尼亞里睇

祝你球場內外都生活愉快

6) 米堡對保頓 (謝米堡迷 ck!)

今次以對話形式評價:
記者:今場又主場輸波,有何看法?
領隊:先睇下條防線,全部都唔用腦既,下下亂標波；
奧尼爾更攪笑,你駛唔駛咁大動作去標泰來,人地唔知幾冷靜過左你........
記者:咁中場呢,好像成日斷纜?
領隊:你睇下人地個梅安巴, 一個打你兩個,甚至三個；
加利同迪迪爾就真係得過望字,佢地已經不止一場係成日斷纜
記者:艾維斯於天空電視的評分只有兩分,係咪真係咁一無是處?
領隊:你睇下佢果兩球搶住射的罰球炒到十八樓咁高,你話呢?(越來越火滾)
記者:多謝你接受訪問(突被搶咪)
領隊:下場打比,你班友再唔振作,真係死硬.......(下刪數個粗口)

(To ck:
唔知既話仲以為係堅尼亞輸波後既 comment
修夫基從來都唔夠'火'

而班後衛經常都有唔集中既問題
中場靠奧尼爾踢防中(或者工兵)亦係敗筆
艾維斯就越睇越似貴價水貨
前面冇殺手,後面冇防守就解釋左點解米堡踢得咁差同近年一事無成)

7) 哥倫布機員對紐約紅牛

以下係舒洛圖既得獎感受......

我真係好感謝一班隊友
因為如果佢地屎波
我幾好波都唔可能一季有25個助攻
更加唔可以成為第一個踢 final 都有3次助攻既球員
常規賽同埋季後賽都羸 MVP 同埋總冠軍就更加唔使唸

覺得我個人太謙虛?
踢波真係踢11個人架
你地唔使唸以前比利同埋碧根鮑華去美國搵食既經歷
只要睇下而家碧咸效力既銀河就會明架啦
不過佢地既老闆安舒侯斯同埋前任總經理拉拿斯只係對盤數上心
食得鹹魚無錯係要抵得渴

我 top fit 既時候踢小保加冇咩人識
35歲踢美職盟先有得做主角
講真都要多得碧咸令美職盟咁受注目
幾年後冇左碧咸既美職盟好可能打回原形
所以都係趁而家大家都未收山再威多兩季

2008-11-24 (1)

7場波想講,先講 Big 4......

1)
曼城對阿仙奴

阿仙奴兩個星期前先羸曼聯反底
點知尋晚就要同聯賽 say bye

隊波本身多傷兵
法比加斯又要停賽
而自爆家醜既加拿斯又被雪藏
邊有可能有運行

冇左法比仔即係冇組織能力
結果佢地全場最有威脅既兩次攻門都係靠罰球

頭兩球輸波都熟口熟面
基治犯錯同埋冇防中阻止對手突擊已經見過 n 次
如果唔係代隊長艾蒙尼亞守得好
佢地半打都有得輸

2)
車路士對紐卡素

計攻門次數車仔大勝33:2
控球指數都係七三之比
不過踢波永遠冇點數計

基雲上半場擋出林伯特既必入頭槌係場波既轉捩點
之後車仔越攻越急
疲累既迪高又唔識後上攻門
林伯特同埋安歷卡又目標太大
波歷克亦太遲入替迪高
結果攻唔入守出本季作客代表作既紐記血肉長城

紐記比開咧作客曼聯時更集中
(不過畢特就例外......)
巴斯桑治仲係小弟心目中既最佳球員

另外,奧雲今場取代艾美奧比
小弟希望係因為堅尼亞唸住靠佢踢突擊
而唔係早前奧雲向佢俾過壓力

3) 利物浦對富咸

冇左謝拉特即刻冇左重心
賓尼迪斯識得改用4-4-2陣式靠兩翼側擊踢簡單足球
不過一對箭頭托利斯同埋羅比堅尼都唔夠態兼作用近似
而兩翼傳中落點唔準繩
仲要多數出高波
又點足以令漢基蘭出醜

如果用古治取代其中一人
再用班拿約踢右中場
兩邊出波出地波同埋中腰波
小弟認為效果會好好多

4) 維拉對曼聯

對小弟而言
場波既賣點只有兩個:
一係計埋曼聯
Big 4 終於自93年2月以來第一次同日比賽都冇波入

二係朗尼同埋里奧費甸南既既火速復出
雖然賓尼迪斯聲稱謝拉特一來一回超過400公里去驗傷加重左傷勢
但小弟從來都認為謝拉特係有責任去以示清白
不過卡比路好應該搵埋林伯特,朗尼同埋里奧費甸南一齊去驗傷
(偏偏而家唔使去驗傷既佢地星期六晚全部都可以復出踢正選!)
赫特就因為睇直播望住佢受傷而例外

費 sir 一句話佢兩個受傷
卡比路就選都唔選
幾年前佢老人家話史高斯傷左而申請免役
3日後就史高斯就踢成場聯賽
咁既人都信得過既?

p.s.:
晏少少仲有3場波既賽後感

2008-11-23

1)
堅尼亞雖然得到續約1個月
但佢都承認球會想搵舒利亞回巢接手
而佢亦好歡迎舒利亞去了解球隊近況

堅尼亞雖知自己時日無多
但仍然早好自己本份為球隊1月增兵做準備
又有消息指其中一個收購目標其實來自英超
仲要係曾於今季入過紐記波
所以丹尼臣,費查同埋迪米捷利都被指成為紐卡素既可能增兵人選

而紐記再次被指將從洛辛堡羅致21歲挪威中場史基比特
消息稱洛辛堡已經唔唸住強留佢
不過雙方仲未就轉會費達成協議
估計最終價錢約600-700萬鎊

(問題係負責轉會既好似係韋斯
傳聞轉會能否成事頓成疑問)

2)
現時紐記仍同幾個買家傾緊
不過仲未事成
而早前同美國買家既會談已擱置
因為佢地既出價遠低於艾殊利既要求

3)
消息指雲加已決定將加拿斯雪藏到1月
之後再將佢賣走
消息指佢好可能會回流法甲加盟里昂或者母會馬賽

4)
里昂被指已就賓施馬既轉會同曼聯,巴塞隆拿同埋皇馬展開會談

5)
里昂被指有興趣羅致最少一名後衛
除加拿斯外,貝迪素同埋 S.干查都係佢地既考慮人選

19歲既後者現時效力巴勒莫
這名丹麥 U-21 中堅同時亦吸引祖雲達斯既注意
巴勒莫就被指想搵維拉利爾既24歲阿根廷中堅 G.洛迪古斯作為替補

6)
曼城被指打算向車路士出價6000萬鎊收購泰利
仲用20萬鎊週薪利誘佢

7)
拖連奴被指想搵鄧納東尼執教

8)
巴素利打算從拜仁引入23歲阿根廷進攻中場蘇沙

9)
卡普由於得到歐塞爾既垂青
佢好可能因為家庭理由而要求離隊返法國落班

10)
費格遜考慮提前重召費沙甘保
不過當初將佢借俾熱刺到季尾係羅致貝碧托夫既條件
費 sir 同哈利列納點樣拆掂就係後話

11)
安德烈治打算從梅斯引入34歲盧森堡後衛 J.Strasser

12)
波爾多既25歲阿根廷射手卡雲拿基被指成為熱刺1600萬歐元既羅致對象

13)
保斯尼治現時跟悉尼 FC 試腳

14)
禾夫斯堡被指有興趣從神户勝利船引入大久保嘉人

15)
巴塞隆拿希望同伊度奧續約至2012年

p.s.:
1)
加斯居尼早前企圖自殺
幸好有自己友及時阻止先至執返條命
一代天才搞成咁真係好浪費

小弟肯勤力偏偏最近因為韌帶受傷而要第 n 次同田徑場暫別
有時睇到類似既負面新聞都幾扯火

2)
賽後感聽日先講

2008-11-22

1)
加拿斯冇份隨隊踢對曼城既聯賽
有傳聞雲加已經通知佢可以離隊
而法比加斯,艾蒙尼亞同埋基治都被傳係兵工廠新隊長既人選

2)
謝拉特表示想同利物浦續一份終身合約

3)
賓尼迪斯表示冇收過任何對班拿約既斟酌
而佢亦唔準備放走這名以色列攻擊球員

4)
有傳聞指曼城想開價5000萬鎊利誘祖雲達斯出售保方
不過祖記已經表明唔會放人
而保方就表示如果傳聞屬實
祖記應該買走佢去套現擴軍

5)
土耳其傳媒指費倫巴治打算向車路士出價2200萬歐元
再加上西班牙射手古爾沙以收購杜奧巴

6)
曼城想搵前些路迪既瑞典龍門希特文客串做卡斯伯舒米高既副手

另一方面,夏文同埋米高波爾因為紀律問題而俾曉士罰佢地去預備組跟操
前者仲好有可能於1月離隊

7)
傳聞皇馬想搵安察洛堤執教
但當時人已經否認

另一方面,皇馬被指想同迪維斯簽一份加盟協議書
一旦曼聯冇買斷佢
佢就會於暑假加盟皇馬

8)
消息指柏迪遜同意以800萬鎊既價錢
將塞爾維亞攻擊球員 Zoran Tosic 賣俾曼聯
而交易最終能否成事將取決於佢既工作證申請
21歲既佢可踢右翼同埋進攻中場

9)
烏甸尼斯方面表明唔會賣走森伯達同埋迪阿哥斯天尼

另外,佢地被指將於1月引入19歲芬蘭中場 S.Mattila
同埋格流既 22歲阿根廷射手 Gaston Cellerino

被稱為新波歷克既前者亦係阿積士既羅致對象
而錫耶納就被指亦有興趣出價200萬歐元羅致後者

10)
居爾透露如果夏柏續約紐卡素
就意味佢短期內都只可以於預備組比賽上陣
佢唔排除會於1月轉會

佢亦透露原本於暑假已經轉投飛燕諾
只因韋斯於最後一刻中止轉會

另一方面,基雲再次被指成為熱刺既700萬鎊新龍門人選
而查伯東尼亦將基雲推薦俾幾隊意甲球會

11)
AIG 可能提前同曼聯終止贊助合約

12)
費倫天拿被指想從士砵亭羅致維路素
不過當時人已經表明冇意思離隊

13)
布力般流浪被指即使以350萬鎊既價錢引入奧地利射手贊高
而熱那亞就係佢地既競爭對手

14)
馬體會上訴失敗
下場歐聯對燕豪芬要閉門作賽
不過罰款就可減半

15)
馬切尼表示想離開車路士以增加出場機會
富咸,韋斯咸同埋狼隊都有興趣接貨

另一方面,水晶宮方面承認想向車路士借用賓沙夏

16)
樸茅搵唔到買家
令佢地既財政壓力大增
迪亞拉,哥治,迪科爾同埋卡蘭積卡都可能會被賣走

17)
傳聞拜仁準備搵薩爾斯堡先以3000萬歐元贖身費收購馬里奧高美斯
再立即將佢賣俾拜仁
令史特加唔可以阻止佢轉投拜仁

18)
阿祖安奴否認回流費林明斯既傳聞

19)
祖雲達斯被指有興趣向雷恩羅致21歲法國中場 F.Lemoine

20)
阿仙奴計劃搵加斯迪斯出任 CEO
佢係美職盟既高層

2008-11-21

1)
拉素被指打算於季尾向利物浦開價2000萬鎊收購馬斯真蘭奴

2)
班拿約同賓尼迪斯攤牌後
佢被指成為曼城600萬鎊既增兵人選
而曼城亦被指希望羅致巴洛迪利同埋辛達告魯斯

3)
加拿斯為左幫自己本新書宣傳
竟然公開爆阿仙奴既內訌問題去引人注意
佢面臨俾雲加罰款同埋禠奪隊長一職
更有傳聞指佢可能會選擇離隊

4)
禾確特為國捐軀
阿仙奴因而獲得英格蘭足總賠償150萬鎊

另一方面,雲加為左解決球隊畏高既弱點
(應該同加拿斯無關)
打算從拜仁羅致比利時中堅雲布頓

5)
堅尼亞透露希望可以透過先借後買既形式
從意甲羅致兩名高質素球員
而其中一個就係懷斯
堅尼亞積極引入新球員
可以睇得出佢幾有熱誠執教

不過佢可能唔開心得好耐
因為舒利亞始終係大熱
仲有傳聞指佢想搵羅拔李爾做副手
而奇勒, J.Carver(波比笠臣以前既副手), 紐維爾,艾利洛
都被指係佢既考慮人選

6)
簡安表示車路士準備同波歷克續約1年

7)
由於判錯12碼俾利物浦
漢臣接連收到利記球迷既恐嚇電話同埋 message

8)
祖雲達斯公佈他們將會動用1億歐元去重建迪爾艾比球場
這個預計2001年完工既新球場將由祖記全資擁用
而佢地將會成為第一間全資擁有球場既意甲球會

9)
貝碧托夫再次被插為踢太公波既時候唔夠落力
佢好可能因而決定退出國家隊

10)
標準烈治勢必繼續被其他富有球會以本傷人
迪科亞成為維拉800萬鎊既增兵對象
曼聯更被指願意出價1800萬鎊收購韋素

11)
紐卡素將居爾外借到卡素利一個月

12)
英超賽會批准唔夠龍門用既曼城問其他球隊借人

13)
當路雲將以借用身份加盟拜仁
佢既借用期將至少到3月中,甚至季尾
而奇連士文就表示希望佢最少可以留隊到季尾,甚至下季

14)
賽會以經濟轉差為理由取消好多英超元老球星參加既'名將盃'

15)
白蘭恩19歲岡比亞中場 Tijan Jaiteh 將到布力般流浪試腳

16)
墨西哥於外圍賽既表現虎頭蛇尾
僅僅靠得失球壓倒牙買加晉級
當地傳媒強烈要求艾歷臣辭職
更有人提議墨西哥足總賠400萬美元送走這名瑞典教練

另一方面,葡萄牙既昆洛斯同埋保加利亞教練馬哥夫亦要面對下台危機

2008-11-20

1)
舒利亞再次被指重返紐卡素
不過條件係韋斯要離開球隊

2)
西班牙傳媒披露歐洲足球先生既前3名
分別係C7,美斯同埋托利斯

3)
科利斯同埋費蘭迪斯都被指係皇馬新教練既人選

4)
些路迪被指想向韋斯咸借用比拿美

5)
巴利被指成為阿仙奴既增兵對象

6)
費 sir 格遜因為早前鬧球證
而俾英格蘭足總罰停賽兩場同埋罰款1萬鎊
而莫耶斯亦因同樣罪名被罰款5000鎊

7)
布力般流浪被指將於1月從特羅素引入 T.Reginiussen
這名22歲挪威中堅亦可串演防中

8)
烏甸尼斯後衛森柏達被指成為AC米蘭800萬鎊既羅致對象

9)
卡文尼被指成為熱刺新龍門既人選

10)
埃塞俄比亞足總同國際足協傾唔掂數
令佢地既國家隊將會被罰停賽

11)
維度卡已恢復操練
可於幾星期後復出

12)
迪拿列特可能因為心臟問題而提前掛靴

13)
艾沙維既經理人透露皇馬最有機會成功羅致這名俄羅斯攻擊球員

14)
保羅蘇沙接手昆士伯流浪

15)
紐卡素尋晚派左球探去睇加納對突尼西亞既友誼賽
以觀察艾比亞既表現
而事實上英超同埋德甲好多球隊都有派球探去觀察佢既狀態
這名加納隊長現時狀態一定唔足
佢只係於布雷西亞跟操
不過佢既質素同埋領導能力就絕對唔使懷疑

16)
由於球迷搞事
烏拉圭足總宣布無限期暫停甲組聯賽

p.s.:
南華同埋天水圍10個球員開波前俾羅先生搵人接左去開餐
實在好離譜
仲要開波前幾個字先到球場
空肚既話買條 Power Bar 食住先會死咩
明顯有老闆想玩野啦
香港難得大炒澳門9:1都唔值得高興

2008-11-19

1)
禾確特練波時受傷甩骹
好可能要養傷3個月

2)
韋根班主韋倫表示相信布魯士有朝一日會加盟紐卡素

3)
班拿約同賓尼迪斯講數
表明如果再冇出場機會就會選擇離隊

4)
紐卡素兩名球探 J.Vetere 同埋 L.Fuccillo 被發現
去左睇布力般流浪對新特蘭既聯賽
禾洛克隨即再次被指成為紐記既增兵對象

5)
雲邦賀斯想搵拿臣返飛燕諾

6)
意大利乙組球會森索羅被指有興趣羅致朗拿度
而大哨就聲稱曼城好想簽佢

7)
熱刺決定同龍門教練 H.Leitert 解約
另一方面,格連同埋古迪仙尼就被指成為佢地既新龍門人選

8)
奧尼爾表示寧願一拍兩散
都唔俾巴利於2010年約滿前離隊

2008-11-18

近兩日既新聞......

1)
竟然有傳聞紐卡素想搵格蘭接手
同時夏積亦有興趣搵這名以色列教頭任教

2)
巴頓因為膝頭韌帶既傷患而要休息8個星期

3)
基斯普極有可能於1月轉投皇馬
而艾沙維就被指可能以先借後賣既形式加盟
價錢約1800萬鎊
另一方面,AC米蘭已經否認軍刀過檔皇馬既傳聞
而阿馬利,杜奧巴,胡仙歷同埋艾迪巴約都被指係可能人選

4)
米積杜域同埋魯爾公開力撐蘇斯達
(有人會相信嗎?)
而文仙尼同埋米高就被指係接手既大熱
前者仲已經表態肯即時上馬
另一方面,魯爾被指今季已先後同雲達華治以及史奈達嘈交

5)
杜辛拿被傳將被利物浦割價以500萬鎊既價錢出售
而祖雲達斯同埋羅馬就可能係佢既下一站
交易形式可能係先借後買
而利記就被指想搵布歷治做替補

6)
車路士被指有興趣借用阿祖安奴
另一方面,狼隊希望可以買斷馬切尼
而伯明翰就想羅致史葛冼佳亞

7)
約基即將被新特蘭放棄
傳聞佢將重投悉尼 FC

8)
米堡被指有興趣向列斯出價200萬鎊收購阿根廷射手比治奧

9)
沙格拿因為腳踭傷患而要抖幾個星期

10)
雲佩斯原來於暑假成為AC米蘭800萬鎊既增兵對象

11)
羅賓奴表示希望卡卡轉會到曼城

12)
16歲希臘中堅 K.Papadopoulos 被指將於300萬歐元既價錢
由奧林比亞高斯轉投曼聯

而辛尼特既烏克蘭防中泰摩斯卓克亦被指係曼聯既新防中人選

13)
拿玻里被指有興趣引入沙維奧拿

14)
里賈納,拉素同埋拿玻里都被指打算向費倫借用柏斯哥利

15)
維拉利爾被指打算於1月從樸茅羅致蘇金寶

16)
卡蘭積卡同埋漢基蘭都被指成為熱刺既增兵對象
另一方面,消息指哈利列納已經決定放棄高美斯
有傳聞指熱刺仲願意開出過高既1000萬鎊向曼聯收購賓科士打

17)
本地足總決定改斟鹿島鹿角參加賀歲盃

18)
阿特蘭大既巴西中場 F.賓圖被指成為羅馬既增兵人選

19)
加納中場達米尼希望可以正式轉投史篤城
22歲既佢可以踢右路既所有位置
亦可踢中場中,甚至前鋒

20)
東尼出錢資助母會摩德納

21)
昆士伯被指有興趣引入紐根特

22)
夏積20歲克羅地亞射手 N.卡連歷
車路士,華倫西亞,拿玻里同埋巴勒莫都有興趣收購

23)
馬勒當拿仲未就助教人選同埋人工而同阿根廷足總傾掂數

24)
班士利15歲前鋒 Reuben Noble-Lazarus
成為曼聯,車路士同埋阿仙奴既羅致對象
而消息指班士利將要求200萬鎊賠償

25)
比錫達斯14歲進攻中場迪美斯成為歐洲球隊既收購目標
巴塞隆拿上年曾經出價350萬歐元被拒
而家車路士被指亦有興趣提出收購
消息指比錫達斯將要求至少500萬歐元

26)
馬體會既17歲西班牙中場 Jorge Resurreccion Merodio
成為兵工廠既另一長線投資目標

P.S.:
謝拉特,林伯特同埋赫特都因傷退隊
卡比路決定補選柏加,保拿特同埋保羅羅賓遜

當中卡比路命令謝拉特俾國家隊軍醫驗傷
小弟都好贊成卡比路既做法
因為咁先係公正
不過如果里奧費甸南,朗尼同埋林伯特都要去'強制'驗傷
小弟就會覺得仲公道

2008-11-17

幾場波想講......

1) 保頓對利物浦

愛隊利記 charge 足電
保頓冇左 Big Sam 之後又冇咩料到
最佳領隊既魔咒亦冇發發在賓尼迪斯身上
利記羸在有質素絕對正路
保頓只得鬥心輸都冇話好說

場波其中一個焦點(又)係 Styles
佢今次吹左保頓一球詐糊
小弟避嫌就唔想講太多

2) 阿仙奴對維拉

早前利記羸曼聯之後竟然和左史篤城
小弟講過如果冇穩定表現
羸幾多次曼聯都冇用
原來阿仙奴都岩用同一個 comment
亦由於佢地咁走樣
搞到小弟要睇重播去搵佢地既死因

而兵工廠條防線積弱多時
但早幾季都仲有個好防中幫輕下
不過今季連費文尼都冇埋
對手踢突擊變得暢通無阻
今場絕對係好例子

3) 紐卡素對韋根

對手既泰萊一下怪腳都射到滑翔衝力射球
輸都冇野好講
巴頓俾韋達莫重創更加係雪上加霜
不過要到35分鐘先有第一次比較有組織既攻門
而對手仲只係護級對手韋根
真係點都講唔通

如果唔係球證罰錯保斯第二面黃牌
同埋主場條遠柱幫手頂住卡馬拉入波
小弟夠膽講紐記今場輸硬
而就算最終反超前
又因為唔集中而俾棄將巴布爾剃眼睸
真係好抵死

值得慶幸既係今次奧雲落場後既表現好過上場
而3箭頭既分工同埋走位都好左

另一方面,今場波冇左卡卡巴做頭號罪人
就令小弟覺得畢特信唔過
佢近兩場好似隱左形
就算出鏡都俾對手既柏拉斯奧斯同埋韋達莫比下去

而家巴頓因為膝頭韌帶傷患而要抖8個星期
格夫里應該會做佢替工
但佢拍畢特始終令人好唔放心
堅尼亞絕對應該考慮試下謝列美(甚至卡卡巴!)
都唔好再用傷患不絕既畢特

4) 華拉度列對皇馬

睇左波20年
印象中冇俾球員玩死既皇馬教頭只有迪保斯基同埋卡比路
蘇斯達冇迪保斯基咁識做人
又唔似卡比路可以硬朗到底
就整定同皇馬班球星冇好下場

而家既皇馬就好似早前既熱刺咁死氣沉沉
班球員似係想送蘇斯達一程
而隊波防守唔掂怕且只係將來炒蘇斯達既其中一個藉口

5) 侯城對曼城

兩城會和局收場
雙方總算可以為近期劣勢止血
尋晚見到既侯城依舊有火
早前輸俾曼聯同埋車路士都係非戰之罪
而保頓可以羸佢地亦只因門框同埋謝斯高連倫夠勁
小弟對這隻老虎既評級仍然係審慎樂觀

p.s.:
費 sir 原來加入左球壇50年
睇下有幾多人向佢道賀就知佢幾受人敬重

聽聞大婆台前晚搞個大 show 分獎俾自己友
黎耀祥同埋夏雨攞獎既時候最多人當場向佢兩個道賀
羸到同行既讚賞有時比攞獎更珍貴

2008-11-16

近兩日既新聞......

1)
卡比路點兵用左幾個新人
當中包括20歲既馬切尼
佢從未替車路士一隊上陣

2)
馬勒當拿已飛到格拉斯哥以準備首度領軍對蘇格蘭

3)
德國傳媒指拜仁打算向洛杉磯銀河出頜1500萬歐元收購當路雲

另一方面,沙洛可能因傷而決定於季尾掛靴

4)
消息指曉士將得到撥款2億鎊去增兵

5)
早前講過巴塞隆拿有興趣同玻利維亞商人 M.Claure 合作進軍美職聯
後者提出一旦可於邁亞密成立球隊
將提出從巴塞隆拿引入亨利

6)
柏金以助教身份加入荷蘭B隊以協助尼斯堅斯

7)
辛尼特向艾沙維開出新約以吸引佢繼續留隊

8)
艾比路亞否認轉投馬體會既傳聞

9)
路夫同埋薩基都被指成為皇馬既新前鋒人選
當中前者已經表態有興趣加盟

另一方面,皇馬亦派左球探去巴西觀察3個巴西前鋒
當中包括彭美拉斯既33歲老將阿歷士文尼路,
仲有兩名年青射手哥連泰斯既迪天奴同埋高士路既 Guilherme

10)
迪科爾年初由熱刺轉會到樸茅既交易
被指可能涉及非法回佣

11)
堅尼決定放棄占邦達同埋約基

另一方面,蘭特奴被指成為新特蘭既增兵人選
早前阿仙奴亦被指有興趣羅致這名法國龍門

12)
厄瓜多爾射手 C.賓尼迪斯被指成為韋根同埋維拉800萬鎊既羅致對象

13)
格流被指打算於1月向曼聯借用伊雲斯

14)
國米被指打算用蘇亞素作為交易條件
以向賓菲加收購法國防中耶比達

另一方面,巴勒莫想向佢地借用阿祖安奴

15)
美度被指想於1月由米堡轉投韋根

16)
紐卡素被指打算從新特蘭引入14歲龍門 J.Alnwick
佢已經先後入選英格蘭 U-16 同埋 U-18 代表隊

17)
些路迪想從巴塞隆拿引入施雲奴
不過這名巴西左閘希望先同球會完成到季尾既合約

p.s.:
賽後感聽日再講

2008-11-15

講得太多新聞同埋賽後感
其實好耐之前已經唸住要試新野
之前試過介紹'燒銀紙排名榜'同埋新星介紹
今次就係有趣短片介紹

今次想一次過介紹超過二十條短片
等你地對號入座

首先講既一定係 Nike
佢地咁多年來拍左勁多超正既廣告
最初既係'大戰惡魔'
http://hk.youtube.com/watch?v=BOM1k4oLGJU&feature=related

之後'巴西隊大鬧機場'仲搵埋吳宇森執導
雖然個廣告好好睇
不過小弟就睇唔到任何佢既風格
http://hk.youtube.com/watch?v=sbFmK4zZ9Ys

之後仲有 'Secret Mission'
廣告人唸到戴維斯副超可以用來睇紅外線
真係好絕
http://hk.youtube.com/watch?v=fMEzLJf-hTU&feature=related

而鐵籠足球3人賽就係小弟多年既至愛
http://hk.youtube.com/watch?v=wP24MJIFLtA&feature=related

之後既'葡巴'大戰當然亦係經典
http://hk.youtube.com/watch?v=140Z3wpdLRU&feature=related

06年 Nike 再次搵巴西隊拍廣告
佢地由更衣室玩到出球場
越係睇得賞心悅目就越覺得當屆既巴西貨不對辦
http://hk.youtube.com/watch?v=IE2z3-yXvuE&feature=related

提係 Nike 就一定要講班球星既個人廣告

C7最近有個廣告 sell Nike Pro 戰衣
俾個 uncle 串到啤一聲
http://hk.youtube.com/watch?v=N3VcDddwHzQ

而佢亦同過 Bugatti Veyron '鬥快'
http://hk.youtube.com/watch?v=m89ahcVC73g&feature=related

至於細哨
最經典既當然係'連續射中橫楣'0個個
http://hk.youtube.com/watch?v=FTH5Mr7oHc0

不過'free style'都唔錯
即係睇細哨做返自己
http://hk.youtube.com/watch?v=ZDm1BlTIt_E&feature=related

而提起亨利
好多人以為佢同埋簡東拿去踢街波已經係最經典
http://hk.youtube.com/watch?v=0jzIjI74-8o&NR=1

其實小弟覺得以下0個個仲正
http://hk.youtube.com/watch?v=ilP5F3rih1E

至於朗尼
最正既就係當年客串做出擊龍門既廣告
http://hk.youtube.com/watch?v=ZDm1BlTIt_E&feature=related

而馬達拉斯亦為 Nike 拍過廣告
佢地借施丹頭槌過橋就絕對係神來之筆
http://hk.youtube.com/watch?v=SDTdFCr5tEw

相對於 Nike
其他既運動品牌明顯比較遜色
咁多年來小弟認為 Adidas 既佳作就只有06年既 '+10'
http://hk.youtube.com/watch?v=fncOu6dp1IY&feature=related

如果唔計體育品牌
百事應該係拍過最多足球廣告既品牌
當中有好多都幾得意

例如卡路士借韓國人既禮儀而射入罰球就已經夠抵死
http://hk.youtube.com/watch?v=tIwRF_o4Jsg&feature=related

而有個細路仔整古皇馬班球星就仲絕
http://hk.youtube.com/watch?v=75uNdJmewLk&feature=related

另外,成班球星同相撲手鬥波既日本版廣告都唔錯
http://hk.youtube.com/watch?v=aYKRXx8sLYM&feature=related

而曾經有眼鏡公司搵施丹拍廣告
個 concept 仲好得
http://hk.youtube.com/watch?v=BU_nYo2oOJA&feature=related

而 DHL 搵花式控球王金先生既廣告亦令人印象深刻
http://hk.youtube.com/watch?v=CbbAHfv3JqI

至於 M & M 亦搵過馬達拉斯(又係佢?!)拍廣告
http://hk.youtube.com/watch?v=wMgAdNJQHQE&NR=1

另一方面,球星咁有影響力
除左搵錢之外,其實應該為大眾出力
當年 Stand up......Speak up 既廣告就宣揚反種族歧視既訴息
http://hk.youtube.com/watch?v=6sbetvlu9Qg&feature=related

2008-11-14

1)
由於阿根廷足總會長格朗當拿反對同佢有私怨既盧基利出任馬勒當拿既副手
有傳老馬威脅劈炮唔教
但貝拉度已經否認有關傳聞
不過19號踐蘇格蘭既友賽就有可能要由巴迪斯達客串領軍

2)
消息指如果艾殊利未能如期賣盤
就會索性先俾堅尼亞1年合約

而堅尼亞就希望可於1月引入4個新球員
佢亦就日前向艾堅遜惡意批評一事作出公開道歉

3)
維拉被指有興趣向紐卡素出價700萬鎊收購奧雲

4)
聖伊天既右閘 M.Dabo 被指成為阿仙奴既增兵對象
這名 U-21 球員亦可客串左閘

5)
利物浦被指有興趣以1100萬鎊從由財政壓力既樸茅引入迪科爾
另一方面,艾比路亞就成為馬體會取代史達尼迪斯既人選

6)
艾沙維表明要於1月離開辛尼特

7)
杜查奧斯基被指成為拜仁既增兵人選
雲邦美就似乎會被拜仁放棄

另一方面,舒韋恩史迪加同拜仁仲未傾掂續約
季尾就約滿既佢被指可能於1月以500萬鎊既轉會費轉投曼聯

8)
西班牙傳媒指如果戰績仲冇改善
皇馬就會搵列卡特或者拉莫斯去取代蘇斯達
而拉莫斯亦一直同馬體會扯上關係

9)
雲佬因膝傷而提早收咧

10)
卡比路表示想教英國奧運隊

11)
沙維被指成為阿仙奴既2000萬鎊增兵目標

12)
施多夫質疑碧咸於借用期間有否足夠狀態為AC米蘭踢正式比賽

13)
薩基,保拿特,鄧尼,巴利同埋費沙甘保都被指成為熱刺既增兵對象
另一方面,杜斯山度士就被傳會以800萬鎊既價錢轉投車路士

14)
熱那亞方面可認將迪亞高米列圖賣到皇馬既傳聞

15)
名波浩季尾掛靴

16)
哥古夫透露想留於波爾多發展

17)
卡斯迪路好可能會重返墨西哥聯賽,加盟 Guadalajara

18)
賓納特被指成為保頓450萬鎊既羅致對象
而佢地就拒絕打呲郡借用薛圖既要求

P.S.:
近兩日特別多唔自愛既新聞
杜奧巴小不忍則亂大謀故然係頭條
至少停賽3場令大菲同埋班隊友多得佢唔少

馬華龍京治同埋韋達斯於賭場內生事
亦令人擔心已經連輸3場既侯城會繼續沉落去

而阿祖安奴俾摩連奴落 order 要佢3年內唔可以於意甲既傳聞
(不過唔識波既老闆莫拉堤依舊撐佢......)
就話俾世人知就算有天份,但冇紀律
都唔慌會有運行

2008-11-12

1)
由於利物浦有3億5000萬鎊既債務到出年1月到期還款
以現時兩位美國老闆緊拙既財政狀況
銀行隨時會逼佢兩個賣盤以還債

2)
傳聞曼城以1500萬鎊既年薪利誘摩連奴接手
而艾蘭奴,夏文同埋華素爾都被傳將於1月被放棄
前者就係被傳以1200萬鎊既價錢加盟摩佬執教既國米
(不過消息指摩佬既頭號目標其實係身價1000萬鎊既馬路達)
但艾沙維就成為佢地1200萬鎊既羅致目標
另外,祖奧被揭發於病假期間落 club 夜蒲而被罰款

3)
洛杉磯銀河班主安舒侯斯否認有興趣收購紐卡素

4)
夏格維斯因為膝傷而提早收咧
另一方面,有消息指費 sir 決定唔同加利仔續約
佢好可能於季尾掛靴

5)
樸茅成為一個南非財團既收購目標
消息指價錢介乎6000-7000萬鎊
而傳聞一旦成事
樸茅將改由格蘭執教

6)
皇馬尋晚踢國王盃俾丙組既皇家聯盟踢出局
蘇斯達即刻被傳有下台壓力

另一方面,皇馬被指可能於1月以2000萬歐元既價錢引入亨特拉爾

7)
由於利加大學坐地起價要求200萬美元戲金
香港想改約塞爾維亞下個月踢熱身賽

8)
希斯基再次被傳成為紐卡素既500萬鎊增兵對象

9)
高爾宣佈退休

10)
舒靈咸表態有興趣加入熱刺既教練團

11)
前格流同埋紐記中堅奇歷治摩亞由於患上睪丸癌
佢已於尋日接受手術

12)
艾比亞再次被傳將以自由身加盟阿仙奴

13)
祖雲達斯被指有興趣向維拉利爾出價3000萬歐元收購羅斯

14)
巴塞隆拿仲未同兩名青訓產品布斯基斯同埋保贊達成續約協議

15)
即將到布力般流浪試腳既剛果射手 T.Mputu
被指成為熱刺既增兵人選

16)
基加斯同埋辛洛高都成為法蘭克福既新射手人選

17)
西維爾被指有興趣從阿積士羅致荷蘭左閘艾曼紐臣

18)
葉士域治既24歲愛爾蘭中堅 A.布魯士
被指得到查伯東尼既推薦而有機會加盟費倫天拿
可客串防中既佢係現任韋根領隊布魯士既仔

19)
路斯基因為筋腱傷患要再開刀
所以最快要到2月中先可以復出

20)
國米被指打算於季尾用阿祖安好再加現金向馬體會羅致阿古路

21)
英格蘭足總打算修訂藥檢制度
會加設5次突擊抽樣藥檢
被抽中既30名英超國腳將要向足總交代行蹤以隨時接受藥檢

2008-11-11

近兩日既新聞......

1)
早前講過有興趣收購紐卡素既兩個買家都來自美國
有傳聞指分別係洛杉磯銀河班主安舒侯斯
同埋 FC 達拉斯班主奇勒亨打

另一方面,舒利亞再次被傳係紐記既下任領隊
不過賣盤都未事成
又何來下任領隊?

2)
利物浦既兩位美國老闆雖然肯將賓尼迪斯既人工加到500萬鎊
但就只肯同佢續多1年約
兼且要佢保證唔再公開批評球會

3)
高院即將就錫菲聯向韋斯咸既索償官司作出裁決

4)
車路士被指打算向巴塞隆拿出價800萬鎊收購亨利

另一方面,佢地否認興建新球場既傳聞
不過就會撥款大搞青訓

5)
意大利傳媒指羅馬為左減輕財政負擔
所以打算於1月放棄懷斯,施仙奴同埋文尼斯
佢地將會被外借,甚至賣斷

6)
熱刺打算向愛華頓開價1000萬鎊收購耶高保
而雖然夏格維斯被傳傷患危及佢既球員生命
佢地依然被傳有興趣以1000萬鎊既價錢接貨

7)
雲佩斯同埋禾確特即將落實同阿仙奴續約
續約5年既前者想同艾迪巴約睇齊而要求8萬鎊週薪
不過傷患不絕而被雲加還價6萬5000鎊
而後者就續約3年,週薪6萬鎊

8)
英國傳媒報導利物浦,紐卡素,樸茅韋斯咸同埋愛華頓
都成為中東富豪既收購目標
當中以後兩者既成事機會比較大

9)
列文指德甲球證水準好差
威脅考慮提早退休

10)
曼城方面表示曉士既領隊職位依然穩固
不過包括摩連奴在內既幾個名牌領隊已被指係可能既接任人選
而對於費 sir 個仔戴倫費格遜都被指係繼任人選
彼德堡已經否認這個離譜既傳聞

11)
迪亞高被指即將加盟祖雲達斯

12)
紐卡素被指將於1月向些路迪出價800萬鎊收購麥基迪

13)
迪羅斯被指成為阿仙奴既羅致對象
而兵工廠亦被指有興趣向修咸頓收購19歲防中 M.Schneiderlin
這名前法國 U-18 隊長亦可客串進攻中場
而且擅於處理死球

14)
華拉度列19歲門將阿辛祖成為曼聯400萬歐元既增兵對象

15)
韋斯咸想羅致保頓龍門艾哈比斯

16)
西班牙傳媒指皇馬即將從葡萄牙小球會艾維羅致巴西16歲杜拉迪

17)
南非球會金箭隊既南非中場 K.Dikgacoi 將到富咸試腳

18)
占邦達,施斯同埋迪奧夫
早前於大敗俾車仔既比賽前兩日走去參加馬田斯既生日會
而激嬲左堅尼
由於前者於暑假加盟後已經第3度犯事
令佢被罰只能跟預備組操練
隨即有消息指佢將被新特蘭放棄

p.s.:
愛爾蘭有個足球網站搞插水王選舉
謝拉特竟然壓倒C7,迪高同埋杜奧巴當選
小弟不禁要為佢平反

馬體會場波既12碼只係球證犯錯
佢冇好似當年科拿咁誠實向球證澄清就要俾人狂插
咁應該有好多人同佢一齊俾人插先岩數

而至於C7,美斯,阿古路同埋杜奧巴等真正既插水王
咪應該俾如花姦殺10次
再掛0係 FIFA 總部俾人鞭屍?

2008-11-10

4場波想講......

1) 阿仙奴對曼聯

星期五有同事問起小弟對場波既睇法
小弟劈頭第一句就話兵工廠未必可以羸
但就一定冇得輸
因為佢地已經無路可退
如果今場6分波既賽事有咩閃失
不但益左死對頭曼聯
更大鑊既係佢地會比利記同埋車仔失多9分
聯賽幾乎肯定玩完

不過當時小弟對兵工廠既羸波機會都有所保留
畢竟佢地前面冇殺手,後面冇防守
而有半隊都係傷兵就更加令小弟睇淡佢地既羸波機會

有細心睇場波既都會發現
阿仙奴當日無論前線同埋後防都仍有不足
賓特拿多次失機就令小弟更加寄望伊度亞度既復出
又或者卡路士韋拿可以早日上位
而龍門加上4名後衛依舊偶有失誤
特別以基治為甚
佢上下半場各一次既失誤都冇出事講真都幾有運

阿仙奴比曼聯有更強既鬥心
雲加用迪亞比踢多個中場既神來之筆
加上拿斯尼既神勇表現
就解釋左點解佢地有咁多問題都依然可以擊敗表現略為失準既曼聯

而家士氣大振既阿仙奴比車仔同埋利記只係失多6分
加上首循環仲未對以上兩隊
爭聯賽仲未絕望
不過如果佢地既防線繼續爆鑊
隨時未到聖誕就已經脫離爭標行列

而近年 Big 4 對決既羸家多數可以羸埋聯賽
不過曼聯現時只得1和2負既成績
雖然全部都係作客賽事
但就已令佢地既衛冕路途變得好艱辛

2) 利物浦對西布朗

羅比堅尼聯賽終於開齋兼起孖
加上托利斯可以復出
絕對令利迷飲得杯落
不過利記部份球員既疲態就值得賓尼迪斯留意

3) 曼城對熱刺

曼城既輸波罪人固然係費蘭迪斯同埋鄧尼
兩條友爆鑊都絕對唔令小弟意外

攔截功夫未到家既費蘭迪斯代替高賓尼踢防中
面對熱刺技術型既中場就只有等住出事

而鄧尼自06-07年球季令人眼前一亮之後
近兩季既表現就一如以往咁唔穩陣
轉身慢同埋解圍出錯令佢成為防線上既毒瘤

4) 富咸對紐卡素

主隊上半場乘勢搶攻
紐記防線雖然冇左因傷缺陣既史堤芬泰萊
但初段都仲頂得住
直至替工卡卡巴解圍失誤益左安德魯莊遜為主隊先開記錄

落後下既紐記嘗試反撲
不過佢地面對富咸人多好辦事既防線
未能從中路突破同埋沉底之餘
兩邊三閘線斬高波又過唔到漢基蘭
結果成個上半場既有威脅攻門
就只得馬田斯兩腳中距離射門
同埋杜夫把握對手失誤既中柱波

下半場紐記改變進攻模式
依舊兩邊傳中
不過改為傳地波同埋中腰波
專攻漢基蘭既死穴
結果憑艾美奧比於一次門前混戰有運下為紐記返平
之後紐記把握對手保拿特同埋梅菲補位不足既弱點
繼上半場後再先後靠巴頓同埋畢特兩次中距離射門去考驗舒華沙

正當紐記既士氣同埋形勢都轉盛
卡卡巴既失誤就令紐記一盆冷水照頭淋
安德魯莊熟把握這名巴西老將轉身慢既弱點而輕易擺脫佢
補位既高路仙尼情急下將佢踢跌
12碼俾梅菲操刀又邊有得救

落後下既紐記嘗試再度反撲
不過決心明顯唔及第一次落後咁強
而富咸又唔俾紐記有空位發揮
最衰既係堅尼亞搵奧雲入替古迪利斯
破壞球隊既結構平衡
廢左紐記既左路攻勢
而冇態既奧雲亦浪費左追平既黃金機會

卡卡巴固然係頭號罪人
但紐記仲有幾方面要留意
首先畢特今場波於防守方面幾近隱形
保拿特幾次後上攻門
回防既都係巴頓
入波既簡接功勞已經係畢特今場波既最大既貢獻
巴頓加上格夫里可能先係紐記既最佳防中組合

而今場波古迪利斯同埋杜夫既發揮明顯只係一般
其中一個原因係兩閘既支援不足
特別係荷西安歷基
如果佢既後上助攻可以更加徹底
既可以疊瓦式助攻
亦可以分散對方防守球員既注意力
令蜘蛛人可以推大位搵食

而前線多左奧雲
3個射手點樣配合又係問題

最後要提既係堅尼亞
佢火爆原本唔係問題
不過唔識控制自己就好有問題
球12碼冇野好爭議
而家口多多即係等住坐波監
英格蘭足總對好有江湖地位既費 sir 都唔手軟
何況對佢?

2008-11-9

過去兩日既新聞......

1)
賓尼迪斯要求老闆提供5年新約

2)
祖雲達斯極可能於1月以1500萬歐元既價錢從華倫西亞引入祖亞昆
如果連埋尋日講過賣走維亞拿同埋希迪布蘭
又借走施積同埋俾希古拿提早離隊
應該可以舒緩華倫西亞沉重既財政壓力

另一方面,西班牙傳媒指佢地都有興趣羅致沙比艾朗素

3)
克羅地亞進攻中場拉傑錫亦係祖雲達斯既另一收購對象
而法國傳媒更指祖記準備用現金加上查斯古特向里昂收購賓施馬
另一方面,泰亞高再被指可能於1月離隊

4)
堅尼亞否認奧雲1月轉會車仔既報導

5)
奇連士文表示拜仁依然有物色新前鋒

6)
夏格維斯被指可能會因傷提早掛靴

7)
施蒙尼因為河床成績差而向董事局請辭

8)
雲佬既膝傷可能要開刀先可以解決
佢將要抖6至8個星期

9)
馬賽被指打算於1月向格拉斯哥流浪收購阿爾及利亞中堅保靴拉
而佢地既阿爾巴尼亞中場簡拿就成為愛華頓900萬鎊既增兵對象

10)
除左簡拿之外
拖肥糖亦有幾個增兵人選
當中包括傳左幾個月既士砵亭葡萄牙中場莫天奴,
Al Ahli 既埃及射手 E.Meteb 同埋中央陸軍既巴西射手路夫

11)
由於阿仙奴唔肯向剛果球會 TP Mazebe 俾400萬鎊收購 T.Mputu
這名剛果射手將去布力般流浪試腳兩星期
佢為 TP Mazebe 同埋國家隊出賽既入球率都超過每場1球
因而亦吸引到侯城既注意

12)
鴨巴甸方面唔排除羅致韋達斯

13)
前南非 U-23 代表紐杜卡由於已申請到比利時護照
令佢提前被車路士從比利時球會 K.V.C. Westerlo 收回
佢可踢右閘,中堅,右中場同埋防中4個位置

14)
羅馬右閘施仙奴成為國際體育會同埋薩克達既增兵對象

15)
由於迪亞拉有一定機會於1月離隊
樸茅成為最新一間打算引入 F.Delph (生果報譯作迪夫) 既球會
之前已經有阿仙奴,西布朗,新特蘭同埋紐卡素4支英超球隊對這名防中好有興趣

另一方面,哈化柏林既30歲射手彭達歷同球會既合約將於季尾屆滿
由於佢仲未肯續約
消息指哈化柏林好可能於1月將佢割價出售
樸茅就被指係佢既下一站

16)
祖佐敦落實加入熱刺既教練團
而樸茅既龍門教練高爾斯就係哈利列納既另一目標

17)
利華古遜既20歲進攻中場 R.阿古士圖成為米蘭市兩間球會既收購對象
而佢地就被指想羅致瑞士年青射手戴迪約克

18)
雖然有傳利物浦想於1月將杜辛拿賣返俾烏甸尼斯
不過這名意大利國腳表明想繼續留隊

19)
沙維治可能轉戰黎巴嫩
加盟當地聯賽冠軍 Al-Ansar

20)
朗斯既科特迪瓦26歲射手 A.Dindane 被指成為西布朗既借用目標
消息指西布朗仲想於借用期後提出以600萬歐元買斷佢
佢於暑假曾一度被指係紐卡素同埋樸茅既羅致對象

21)
盧卡斯成為最新一個俾賊光顧既利記球員

22)
韋根打算出價300萬鎊向莫斯科火車頭收購波斯尼亞23歲後衛 E.Spaphic

23)
西班牙傳媒再次指巴塞隆拿打算出高價收購法比加斯

24)
基昂表示暫時只想專注做講波佬
冇興趣出山去樸茅做教練

25)
標準烈治既新晉比利時國腳 A.Witsel 被指成為曼聯既羅致目標
這名19歲中場先後同阿仙奴,保頓,米堡,熱那亞同埋馬賽扯上關係已經

26)
由於16歲西班牙防中巴斯古斯成為利物浦,阿仙奴同埋祖雲達斯既羅致對象
巴塞隆拿為免夜長夢多而將同佢續約至2013年

27)
國米為左增強防線實力
即將於1月費林明斯羅致巴西中堅 T.施華

28)
前國米教頭交仙尼提議岩岩接手既博洛尼亞既米赫洛域
於1月從國米羅致告魯斯或者基斯普

30)
一個男人控告巴頓早前醉酒打傷佢
令佢既口唇而家多左條疤痕
佢而家要求巴頓賠償2500鎊

p.s.:
兵工廠好爭氣既賽後報告等埋紐記今晚場波先講

2008-11-7

1)
賓尼迪斯表示下星期將同兩個美國老闆傾續約

2)
路易斯法比安奴同埋奧雲都被指係車路士1月既增兵對象
不過消息指西維爾企硬要收到至少2500萬鎊先肯放人
而車仔打算最多都係俾紐卡素500萬鎊買人

3)
意大利傳媒指尼斯達可能因為背傷而提早掛靴

4)
卡路爾被傳將於1月被紐卡素外借
諾域治更係佢既熱門落腳地
而悉斯高就可能被賣走

5)
西班牙傳媒指奧沙辛拿打算向皇馬收購沙維奧拿

6)
格蘭表示有興趣重返英超

7)
新特蘭將查柏借回卡迪夫城兩個月

8)
洛賓將要缺陣5-6個星期

9)
大哨已透過經理人拒絕錫耶納既斟酌

10)
足總主席梁先生透露水原藍翼好有機會參加賀歲盃

11)
加斯居尼兩年冇交報稅表
佢亦當然冇交英國稅局所估計既20萬鎊稅款
好彩英國稅局開恩俾佢9個星期補交報稅表
同埋唔就佢既欠稅申請佢破產

12)
聖保羅24歲巴西中堅米蘭達同埋
小保加18歲阿根廷中堅 E.梅路斯都被指成為AC米蘭既增兵對象

前者現時被索察外借到聖保羅
佢曾經被鄧加徵召一次
不過就冇份出場

後者今季被提升上一隊
亦係 U-20 代表隊既主力

13
占士否認轉投熱刺以追隨哈利列納既傳聞

14)
意大利傳媒指費倫天拿想搵普度斯基以作為梅度既繼承人
另一方面,佢地既21歲塞爾維亞中場古斯曼奴域被指成為皇馬既羅致目標

15)
熱刺左後衛巴里被指成為曼聯1000萬鎊既增兵對象

16)
費 sir 因為對侯城賽後搵球證理論
而俾英格蘭足總控告佢行為不檢

17)
魯賓卡山被指打算向愛華頓出價600萬鎊收購派尼亞

18)
艾沙維再次表明想離開辛尼特

19)
迪亞拉被指成為曼城1500萬鎊既羅致對象

20)
祖佐敦離開樸茅
消息指佢將會加入熱刺既教練團

21)
法國傳媒指韋托特即將由雷恩轉投南特

22)
德國傳媒指賀芬賀打算從聖伊天引入21歲科突迪瓦後衛賓拿奴安尼

23)
華倫西亞落實於1月將施積外借俾桑坦德
西班牙傳媒指佢地亦打算俾希古拿提前於1月離隊
而希迪布蘭同埋維亞拿亦勢必離隊
前者好可能重返德甲加盟賀芬咸
後者現時就得到維爾瓦既垂青

另一方面,佢地就被指想從漢堡引入奧歷
這名克羅地亞國腳現時仲未到漢堡傾好新約

24)
艾美利亞既24歲西班牙中堅卡路士加西亞為左爭取更多出場而好可能離隊
西班牙傳媒指波圖同埋幾間英超球會都打佢主意

p.s.:
原來奧巴馬係韋斯咸既球迷
槌仔幫準備邀請佢去觀戰

2008-11-6

首先要更正(亦已改正)兩件事
一係辛尼迪有份入選阿根廷
二係恩尼斯達既傷係大腿肌肉撕裂,而唔係骨裂
請見諒!

今日新聞如下......

1)
消息指而家向紐卡素積極出價既兩個買家都係來自美國
艾殊利既叫價雖然係2億8000萬鎊
但最終價錢應該只係2億5000萬鎊
消息亦指艾殊利唔會只考慮價錢
仲會考慮買家既財政信貸狀況

2)
就巴頓向艾邦拉賀講種族歧視既說話
由於後者大方決定唔追究
英格蘭足總決定 close file

3)
禾夫斯堡既22歲前德國 U-21 前鋒 A.Dejagah
同埋尼斯既17歲法國翼鋒 L.Remy 都被指成為紐卡素既增兵對象

前者既入球率唔算高
因為佢好多時都串演中場或者翼鋒
佢球場外既事比佢於球場內既表現更受人注意
佢於伊朗出世
伊朗教練艾雲洛夫一直都想召佢入國家隊
不過因為伊朗足總高層既反對而唔成事
而佢上年(21歲)曾代表德國 U-21 出賽
所以往後只可以代表德國踢國際賽
佢由於覺得自己係半個伊朗人
而伊朗一直都唔肯承認以色列既存在
所以上年佢曾經拒絕跟德國 U-21 代表隊到以色列比賽

而後者出身自里昂
年紀輕輕已經入選 U-21 代表隊4次
今年更曾經一次入選大國腳既B隊

4)
杜拜財團放棄收購利物浦

5)
由於阿根廷足總堅持要搵巴迪斯達同埋布朗做馬勒當拿既副手
但球王就表明想同自己友盧基利以及文古素合作
令佢對足總主席格朗東拿不滿

6)
阿當斯表示想搵柏金加入樸茅既教練團

7)
曼聯同埋曼城都被指有興趣向車路士出價700萬鎊收購布歷治

8)
費甸南決定加入熱刺既教練團
佢會負責教前鋒入波

9)
AC米蘭既合約將於季尾屆滿既恩沙基表示將會續約1年

10)
競賽會既18歲阿根廷中場蘇古連尼被指成為烏甸尼斯既500萬鎊羅致對象

11)
因為上場波鬧球證
堅尼被英格蘭足總抽後算帳

12)
德國傳媒報導指哈化柏林有興趣收購普度斯基

13)
富咸既15歲中場 D.Vose 被指成為曼聯同埋阿仙奴既羅致目標

14)
芬寧斯向路維道歉

15)
奧查同布力般流浪既合約將於季尾完結
傳聞燕豪芬同埋阿爾克馬爾都有興趣接收到時自由身既佢

16)
薜羅拔圖透露由於家庭理由
佢好可能於1月轉投 FC 達拉斯

17)
昆士伯流浪,卡迪夫城同埋修咸頓都有興趣以150萬鎊
收購列斯中場巴特利莊臣

p.s.:
費 sir 透露有力同曼聯爭今季歐聯既對手
包括車仔,兵工廠,皇馬同埋巴塞隆拿
但竟然冇提及愛隊利記
唔該賓 sir 同埋佢班0靚要爭氣
唔好俾人睇死

2008-11-5

近兩日既新聞......

1)
兜兜轉轉後馬勒當拿宣布馬斯查蘭奴成為新隊長
而佢基本上沿用上手巴斯利既人選
不過甘比亞素同埋艾邦丹斯利就例外

2)
賓尼迪斯公開要求利物浦同佢提早續約
佢亦透露想艾加同埋古治盡快落實同球會續約

3)
英格蘭足總決定唔會 follow up 巴頓動粗單野
不過由於佢曾向艾邦拉賀講種族歧視既說話
如果維拉方面作出正式投訴
英格蘭足總表明將會展開正式調查

4)
小弟早前介紹過列斯既英格蘭 U-19 中場 F.Delph
消息指阿仙奴更肯出價600萬鎊買人
點知紐卡素出人意表地正式出價
不過已被列斯即時拒絕

5)
曼聯睇中賀芬咸既24歲波斯尼亞射手伊比斯域

6)
哈利列納接受訪問時表示好欣賞基雲
英國傳媒即刻指熱刺有可能出價700萬鎊收購佢
實情熱刺所考慮既新龍門係曼聯既科士打同埋辛尼特既馬拉費夫
不過費 sir 表明唔會放走前者
而樸茅同埋奧林比亞高斯就想同熱刺爭奪後者

而布歷治,耶耶托尼,尼爾遜同埋文迪斯都被指成為熱刺既其他增兵目標
另一方面,戴倫賓特就被指有可能被放棄
維拉同埋新特蘭都被指有興趣接貨

7)
西班牙傳媒報導阿仙奴同埋利物浦都有興趣將艾比奧爾帶到英超
這名23歲西班牙國腳現時效力華倫西亞
佢擅長踢中堅,亦可客串防中

8)
博洛尼亞炒左阿里干尼之後
宣佈搵到米赫洛域接手

9)
由於艾蒙尼亞最近表現失失慌
隨即有傳聞指阿仙奴準備於1月向巴黎聖日耳門開價200萬鎊
收購佢地既29歲法國國腳龍門蘭特奴
另一方面,兵工廠被指打算於1月向祖雲達斯借用基奧雲高

10)
保夫萊特同屈福特達成解約協議

11)
奧咸同埋當卡士打都想向侯城借用韋達斯
而列斯方面就已經否認想這名39歲射手

12)
法國有傳媒報導賓施馬表示季尾必定離開里昂
目的地將不出皇馬或者巴塞隆拿

13)
羅馬被指打算於1月各樸茅借用哥治
另一方面,阿當斯表示球隊想向朗斯買斷比夏積

14)
泰禾再次被指成為曼城700萬鎊既增兵對象

15)
恩尼斯達因為大腿肌肉撕裂而要最少休息6個星期

16)
德國傳媒指拜仁準備於1月向AC米蘭借用邦尼拿

17)
艾迪巴約因為足踝傷患而要抖3個星期

18)
曼城新星史杜歷治被指成為維拉既收購目標

2008-11-4

5場波想講......

1) 愛華頓對富咸

兩個領隊唔係鬥法,而係鬥廢
莫耶斯以為用多個箭頭就好進取
點知將費拉尼調走就搞到拖肥糖俾富咸搶左個勢
保拿特仲即刻生猛晒
點知鶴臣仲廢
搵件右閘拜亞特入替踢 keyman 既保拿特
早知佢兩個咁廢
就算轉台睇Do姐跳忘情森巴舞都唔會有損失

2) 車路士對新特蘭

場波踢左52分鐘就5:0
新特蘭既進攻數據仲全部都係零
小弟咁都肯繼續睇落去只係為左3個問題:

一係黑貓最終可唔可以有機會射門?
(答案:靠施斯79分鐘既浪射錄得全場唯一一次攻門
之後仲靠佢而有一次越位記錄
不過角球方面佢地最終都係食白果)

二係杜奧巴既狀態如何?
(答案:5成都冇)

三係有'三肺人'之稱既明尼路係咪真係咁好氣好力
(答案:由於黑(病)貓太廢
明尼路行行企企唔使出功夫
所以冇機會見識佢既驚人運動量)

3) 史篤城對阿仙奴

原來兩個手榴彈就足以將兵工廠移為平地......
出年如果羅先生想再搞外隊訪港
不妨考慮阿仙奴
因為靠迪天奴屈機隨時可以入幾粒

4) 紐卡素對維拉

雙方各踢半場好波
上半場維拉比較佔上風
因為羸速度同埋左路既側擊又幾有威脅
加上紐記唔可以徹底凍結卡維
不過拿臣頭槌中柱,艾邦拉賀大意失機加上基雲既神勇演出
就解釋左點解羸形勢既維拉會羸唔到實際
紐記其實自上半場開始亦已有攻門
不過就唔夠維拉咁有威脅

下半場初段形勢持續
不過馬田斯一腳推大位再射近柱死位既中距離射門為紐記打開記錄之後
就改寫左場波既發展
紐記成隊生猛晒
馬田斯上腳學人車前倒後
同埋畢特既炮彈射球中柱都令紐迷睇得賞心悅目
唔講點唸到紐記原來排緊榜尾

相反維拉就跌晒 watt
講波佬話覺得維拉班波因為疲累而無力反撲
仲話佢地7月就率先開操
所以而家只係11月就已經散散地
但小弟就唔多同意
因為維拉唔係一支老人球隊
冇理由只有4個月貨仔

小弟覺得佢地可能因為比賽前半段將節奏帶得太快
而略羸形勢但反而先落後令佢地泄晒氣
加上奧尼爾落後下既調動失當
令維拉冇本事還拖之餘
之後仲要輸多球

今場可以講係紐卡素近來既代表作
亦係兩個幾月以來第一次唔使失波
加上 Seymour Pierce 方面證實原來仲有兩個買家積極出價
應該會係紐記球迷近來最開心既一日

p.s.:
超人後代一句'以為坐過監既人會改過'串到誠實商人啤一聲
但亦令小弟唸起巴頓
佢老哥近兩場都踢得唔錯
不過尋晚又幾乎同艾邦拉賀講手
真係令人好擔心

5) 熱刺對利物浦

雙方領隊既排陣同埋調動都唔算好
先講哈利列納
熱刺左路側擊力依舊疲弱
只靠狀態回勇既賓特尼唔足以解決問題
而佢下半場用哥魯卡客串左閘亦幾離譜
至於賓尼迪斯
佢既用人令利記於比賽既最後1/3部份失去火力
巴布明顯唔擅長踢正箭頭
而長期將古治固定於右路亦唔係上策

賓尼迪斯埋怨冇運所以輸波
條門框3次阻住利記入波
加歷查又送份厚禮俾哈利列納
一來一回利記由羸幾球變到輸波
所以小弟都同意冇運係輸波既其中一個原因
不過利記因為後段死晒火
熱刺班友先有機會乘勢反撲
講到尾都爭唔落

p.s.:
馬沙早前講過要羸車手總冠軍
技術,穩定性同埋運氣缺一不可
講真同羸聯賽既要求相若
馬沙前晚由天堂跌落地獄既慘痛下場
唔知會唔會令賓尼迪斯(以及其他領隊)有所頓悟

2008-11-3

1)
杜辛拿由於加盟以來既表現未如理想
有傳聞指賓尼迪斯準備於1月賣走佢以套現

2)
今日英國有傳媒報導艾殊利最快可於月底前出售紐卡素
最遲亦可於年尾前搞掂
意味其中一間財團既出價得到艾殊利既同意
不過消息未經 Seymour Pierce (得到艾殊利委託將紐記放盤既投資銀行) 證實

3)
堅尼亞表示萬一艾殊利未能如期賣盤
球隊就要唸下先搵老闆傾球員去留同埋增兵
佢表示第 n 次成為熱刺增兵對象既奧雲值得球會重金挽留
而佢亦認為球隊可以從英冠聯物色新球員

4)
足總主席梁先生話今次要搵紅鑽同埋布拉格斯巴達踢賀歲盃

5)
英國傳媒指哈利列納如果幫熱刺護級成功
將可得到400萬鎊 bonus

6)
消息指柏夫奴真高同埋伊高圖都準備於1月離開熱刺
前者既阿媽就向俄羅斯傳媒爆料
後者就親自向英國傳媒表示想轉投巴黎聖日耳門

7)
歐洲足協最終只係罰馬體會唔可以於最後一場分組賽招待球迷
不過佢地依然唔滿意
準備繼續上訴

8)
西班牙傳媒爆料指巴塞隆拿方面曾打算一旦成功收購法比加斯
就會出售沙維以吐現
哥迪奧拿隨即否認有關報導
另外,有消息指巴塞隆拿打算向沙維提供一份終身合約

9)
法比加斯被指成為AC米蘭3500萬歐元既增兵對象

10)
曼聯被指準備向C7提供一份15萬鎊週薪既合約

11)
上星期車仔將25人球探部門大瘦身
當中包括前德國國腳邦賀夫在內既15名球探被解僱

12)
李雲在於1年既禁賽令後重新入選南韓代表隊

13)
伯明翰向保頓借用亨打1個月

14)
曼城被指準備出價3500萬鎊收購阿古路

15)
新特蘭被車仔大炒後
隨即有消息指堅尼準備向愛華頓提出以800萬鎊收購尼史葛

16)
奧奴夏被指成為布力般流浪既羅致對象

17)
迪亞拉被指成為曼聯1600萬鎊既新防中人選
而阿當斯就向傳媒表示如果球會未經佢同意就買賣球員
佢將會即刻劈炮
另一方面,韋拉被指成為佢加強樸茅實力既增兵人選

18)
史雲斯既26歲荷蘭中場 F.Bodde 否認會轉投保頓

2008-11-2

今日一定要講馬勒當拿單野
因為實在拖左好耐

小弟有4大理由支持老馬接掌阿根廷:
首先,近年巴薩里拉,比爾沙,柏卡文同埋巴斯利先後執教國家隊
後者仲前後教左兩次
不過全部都一事無成
唯一未教過國家隊既實力派比安基既叫價又高於阿根廷足總既 budget
全國其餘人選就只有古柏,巴迪斯達,施蒙尼等睇落亦唔見得信得過既人
所以,球王實情係無選擇中既選擇

其次係綽頭
大家永遠唔會見到比利教國家隊
只會聽到佢點樣講就天下無敵咁批評班後輩唔夠創造力
同埋佢點樣靠把烏鴉咀去發功
所以老馬接手就令阿根廷成為只此一家咁有個球王教練
奇連士文,尹巴士頓,鄧加,比歷同埋基斯巴亞等人對比下就即刻可以靠邊站

第三就係球王以前教波失敗既例子根本就唔可以作準
當年既曼迪尤同埋競賽根本唔係勁隊
最終既成績雖然係差
但都唔可以全部入老馬數

而佢有貝拉度,布朗同埋巴迪斯達幫手帶隊
而哥高查亦好似話有興趣加入教練團
佢教波往績差同埋冇教國家隊既經驗都變得冇咁大影響
同埋教國家隊根本冇教球會咁辛苦
佢應該會比較易上手

第四係佢教既波技術含量肯定好高
仲有美斯,列基美,阿古路等人去實行
肯定係當今世上最好睇既足球
雖然最終可唔可以捧盃就仲係後話

當然,阿根廷足總搵佢教波就要預左幾樣風險
第一當然係上樑不正下樑歪啦
佢如果好似以前咁唔守紀律同埋火爆
佢班後輩只會步佢既後塵
而佢條友咁火爆
上上下下頂得佢幾耐亦係一個疑問

第二係好彩下次世界盃於南非舉行
佢都仲可以入境
如果於日本,美國同埋澳洲等地方
佢隨時因為以前既吸毒案底而冇得入境領軍
另外,意大利稅局依然對佢虎視眈眈
如果佢再去意大利
一定唔可以帶貴重財物
否則只會全部被充公去拍賣以填返稅局條數

第三既係驚佢唔識計數
雖然有傳佢想將隊長一職交俾馬斯查蘭奴
但佢又曾經講過戴維斯咁既類型既球員令現代足球冇咁好睇
小弟都有少少驚佢上任後會略為忽略中場攔截,甚至防守
而巴迪斯達雖然幫手教波
但就係負責青訓而唔係佈防
真正幫手執靚條防線既只得布朗
要知道如果老馬咁天真唸住只靠技術就可以稱霸天下
就隨時俾軒迪克,納比,卡比路,甚至乎鄧加算死佢

第四既係壓力
佢教阿根廷唔同奧巴馬做美國總統
奧巴馬只要做得好過小布殊
而任內經濟又唔衰過而家
就已經可以過骨
但老馬想要國民收貨
就只有捧走已經失落左超過20年既世界盃
難度同埋從而引身既壓力有幾高可想而知

而佢條友有請辭既前科
而家阿根廷既出線機會已經有少少危機
萬一之後教得幾場波佢見唔順利又玩辭職
咁邊個同佢執個爛攤子呀

p.s.:
'氣難下'既賽後感等埋紐記場波先講

2008-11-1

1)
哥列迪巴19歲巴西射手基利臣同球會將於出年4月約滿
仲未肯續約既佢好可能於1月被賣到利物浦
這名踢左巴甲100場就入54球既射手被形容為'新羅馬里奧'
消息指巴塞隆拿同埋華倫西亞都有興趣收購佢

2)
小保加會長邦比里奧因心臟病發於星期四逝世
享年55歲

3)
高爾同諾定咸森林解約
但並唔代表佢決定退休

4)
錫耶納方面承認有意斟酌朗拿度
合約條件為每入1球10萬歐元

5)
舒活決定加入熱刺既教練團

6)
馬勒當拿想搵美斯出任球隊既新隊長
另一方面,佢將會改於11月2號至8號到英國觀察馬斯查蘭奴同埋泰維斯既表現

7)
雖然皇馬同埋曼城都有興趣展開斟酌
但泰維斯聲稱唔會離開曼聯

8)
阿當斯表示下星期約左基昂
商討後者加入樸茅教練團既可能性

9)
韋根被指打算於1月向墨西哥球會蒙特瑞開價480萬鎊
以收購佢地既27歲智利射手 H.蘇亞素

10)
雖然有傳昆士伯流浪想搵堅尼亞接手
但當時人表示現時只會專注紐卡素既野

另一方面,消息指艾殊利星期三曾同堅尼亞通電話
表示賣盤出現左阻滯
3個比較認真既買家都冇提供證明佢地有足夠既錢收購紐記

11)
米堡被指睇中洛辛堡既科突迪瓦攻擊球員 Didier Konan Ya
這名24歲球員可以踢進攻中場,翼鋒同埋前鋒3個位置

12)
日前比賽中暈倒既迪拉列特表示完全唔記得當時發生過咩事
佢將會留於屋企休息而缺席對艾美利亞既比賽