2011-5-31

1)
亞洲足協宣佈張吉林代任亞洲足協主席

2)
消息指侯利亞可能於聽日宣佈因為健康問題而請辭
麥卡倫,莫耶斯以及曉士都被傳可能接手

3)
熱刺被指如果收到理想出價
唔排除賣走格夫里巴利以及摩達歷

4)
多蒙特落實以550萬歐元從布魯日引入克羅地亞中場柏歷
雙方簽約5年
而佢地亦被傳打算出價1000萬歐元收購彭迪夫

另一方面,有消息指羅馬想同佢地爭奪普度斯基

5)
安歷基證實已同羅馬高層會面
商討下季接手既細節

6)
巴塞被指已出價3000萬鎊試探阿仙奴放走法比加斯
而西維爾就想以800萬鎊接收丹尼臣

7)
紐卡素被指準備出價700萬鎊接收貝碧托夫
而卡比耶已同里爾攤牌
希望球會賣佢去紐卡素

8)
消息指賓尼迪斯已經拒絕接手馬體會
原因係佢一心重返英超

9)
車路士被指希望同杜奧巴續約至2013年
而佢地亦被指同熱刺爭奪身價2500萬鎊既伊度奧

另一方面,施哥夫就表態考慮回流俄超

10)
意大利傳媒指祖雲達斯於尼維特拒絕接手後
先再斟酌干地

11)
史雲斯於英冠附加賽羸雷丁4:2
成為英超首隊威爾斯球隊

12)
彼德堡就於英甲附加賽以3:0擊敗夏德斯菲爾德
成功重返英冠
球隊領隊正係費sir嗰仔戴倫費格遜
場波就地點亦巧合係奧脫福球場

另一方面,佢地既射手馬卡爾史勿夫就被指係諾域治既增兵對象

13)
賓菲加表明只要有球會出價3000萬歐元
佢地就會放走干查奧

14)
拉素再次被指有興趣羅致高路斯
而辛尼特就想從佢地接收莫利

15)
卡迪夫城被指想搵奧尼爾,加比士利或者侯頓接手
不過民意調查結果卻顯示比拿美最得球迷歡心

16)
艾文達落實同加拉塔沙雷簽約3年

17)
基達菲決定開除教練米高

18)
西班牙傳媒指馬拉加高層已經決定最多撥款1億歐元增兵
蒙利爾,雲佬,柏斯托尼以及祖亞昆近日都先後同佢地扯上關係

19)
基拿,迪拉彭拿,哥柏,馬基里尼以及史高斯近日都宣佈退休
不過後者就仍然會留隊轉任教練

另一方面,西雅圖發音機就被指想搵杜迪克取代基拿
不過有消息指這名波蘭龍門可能索性退休

20)
昆士伯流浪被指準備以600萬鎊接收巴斯桑治

21)
舒夫真高宣佈出年歐國盃決賽週後掛靴

2011-5-30

近兩日既部份新聞......

1)
國際足協宣佈暫停涉嫌賄選既哈曼暫停出任亞洲足協主席
佢早前先宣佈退出競逐國際足協會長
消息指原來既副主席張吉龍可能接任主席

2)
貝碧托夫冇份被列入歐聯18人名單
費sir雖然表明佢冇因為咁而一走了之
不過關於佢離隊既傳聞就越傳越勁
報導指佢最有機會以1000萬鎊重返熱刺
亦有消息指費sir可能搵用佢作為收購摩達歷既籌碼

3)
哥達奧拿表示下季仍會留隊
但佢就再次暗示佢將來會離隊搵其他挑戰

4)
安歷基被傳可能執教羅馬

5)
卡達莫被指成為利物浦1200萬鎊既增兵對象

6)
維拉宣佈10名球員約滿離隊
當中包括皮利斯,李奧曲加以及卡維

7)
卡迪夫城解僱戴夫鐘斯

8)
消息指拉菲爾即將以550萬歐元加盟拜仁
而高路斯唔滿意拜仁只俾佢1年新約
消息指愛華頓好有興趣接收佢

9)
韋拉表態希望同曼城續約
粉碎佢回歸阿仙奴做教練既傳聞

10)
紐卡素被指打算出價450萬鎊收購艾文拿
不過貝迪斯將這名喀麥隆進攻中場定價700萬鎊就成為交易既最大障礙

11)
祖雲達斯被傳可能用馬治斯奧作為收購蘭尼既籌碼

12)
普度斯基被傳可能轉投多蒙特

13)
雲達華治,辛度,杜奧巴以及丹巴巴亞都被傳係AC米蘭既增兵對象

14)
馬體會被指視細哨為取代阿古路既人選

15)
費倫天拿被指視辛拿為新防中人選
而馬賽就被指想向佢地收購基拿甸奴

16)
梅斯利拿被指成為熱刺既新龍門人選
而佢地亦被指考慮羅致比拿美

17)
阿歷斯被指成為辛尼特既1000萬鎊新中堅人選

18)
消息指查斯古特將回流意甲
拉素以及拿玻里都被指考慮接收佢

19)
維維安奴而家雖然係國米以及博洛尼亞共同擁有既球員
不過消息指佢有可能轉投羅馬或者熱那亞

20)
布力般流浪被指想帶雲佬返英超

21)
消息指麥士維將會重返國米

22)
消息指恩拿將轉投祖雲達斯
雙方將簽約4年

23)
安德魯莊臣被指成為昆士伯流浪既400萬鎊新箭頭人選

2011-5-29

想講尋晚既歐聯決賽......

唔扮嘢,做自己
正係尋晚巴塞再次技術性擊倒曼聯既寫照

同09年既歐聯決賽一樣
除左開波頭10分鐘遇過險情外
巴塞其餘時間都算係主導球賽
行行企企都可以食飯幾味

中前場每個球員都恰如其分
雖然表現未至於好似打緊 winning eleven 咁誇
但明顯級數上高過曼聯唔止一班

如果唔係雲達沙有水準演出
巴塞羸兩球絕對唔係合理戰果
佢老人家亦隨時以半打失波作為告別戰既紀念品

印象中近兩年都未過曼聯踢得咁無助
而對上一次正係09年輸俾巴塞嗰場
小弟愚見
佢地輸波雖然係非戰之罪
但費sir個別部署明顯蝕章

除左開波乘半個主場之利而搶攻外
其餘時間都打算靠穩守突擊去對付巴塞
朗尼繼續墮後搵波踢
前線基本上只得小豆四圍遊走
唸住靠佢既靈活走位去偷雞

不過費sir似乎再冇 plan B
因為後備名單既球員似乎都係配合相同戰術
唔計古斯錫同埋史摩寧兩名後防
其餘既就係3名中場中
進攻方面特別有用既大抵只得蘭尼以及奧雲
某程度上反映費sir認為球隊有力死守巴塞到尾

可能俾人覺得小弟事後孔明
雖然貝碧托夫兩年前決賽嗰場既表現幫唔到球隊
不過如果費sir將佢放於後備席
球隊至少可以於落後下多一招高波屈機

畢竟巴塞後防仍然畏高
何況身高不足既馬斯查蘭奴仲臨場取代佩奧爾踢中堅
費sir知道後怕且揼晒心口後悔將嗰後備名額俾左安達臣

另一方面,費sir之前話過會請教摩連奴點樣對付巴塞
但尋晚所見既曼聯佈防同鐵洞陣仲差好遠
既唔能夠圍捕美斯
亦俾唔到幾多壓力沙維以及恩尼斯達

其實多得旁證誤判而半場唔使落後
費sir應該收起冇甚截擊力兼波都冇咩機會掂既傑斯
而派費查或者史高斯落場
就算前者狀態唔足
就算後者年老力衰
以當前形勢對球隊始終有較大幫助
小弟唔敢講踢多個防中就唔使輸
但至少可以多個人對付沙維先係正路既防守部署

要羸幾年前既巴塞
搞掂細哨前要先ko迪高
要羸而家既巴塞
搞掂美斯前要先ko沙維
因為佢地先係巴塞既靈魂

上季對國米同埋今季對皇馬
面對串王既大巴士戰術
俾人逼到抖唔到氣既巴塞一度要變身藝人足球隊去搵著數
但尋晚既巴塞可以做回自己同曼聯純技術較量
就可能係另一個指標反應曼聯其實俾唔到佢地幾多壓力

p.s.:
溫馨提示:
大婆台會直播下晝既足總盃決賽
不過想搵最後一戰既基士文簽名影相
就要頂住32度高溫去大球場

2011-5-28

近幾日既部份新聞……

1)
摩連奴表態唔會重返車路士執教
比歷連尼仲透露已經拒絕車仔既斟酌
而軒迪克就轉口風暗示有興趣接手
不過以賠率推敲就以哈利列納最有機會上車

另一方面,尼馬被指將以2300萬鎊過檔
車仔就被指想同利物浦爭奪迪亞高

2)
英超賽會最終公布公平競技既最後排名
由於車路士,熱刺以及曼聯都已經攞到歐洲賽資格
曼終排名第4既富咸因而可以再戰歐霸盃

3)
皇馬決定同華丹奴解約

4)
Big Sam落實接手韋斯咸

5)
利物浦被指打算截劫干查奧
而佢地亦同達寧,羅渣莊臣以及史葛丹恩扯上關係

6)
史尼達既經理人透露曼聯未有出價收購佢

7)
消息指列卡度艾維斯將於7月以自由身加盟阿仙奴

8)
祖雲達斯被指打算借用迪斯高
泰維斯,艾朗連儂以及禾確特都被傳係佢地既增兵人選
不過消息指前者只係一心轉投皇馬

9)
皇家蘇斯達決定同教練拿沙迪提前一季解約

10)
曼聯即將落實從朗斯引入華蘭尼
而迪基亞就透過律師發表聲明
澄清自己仲未同曼聯簽約

另一方面,皇馬就忽然被指想挖走小豆

11)
基雲表態有興趣轉投細細個就開始支持既些路迪

12)
AC米蘭被傳有興趣收購卡華禾艾沙姆以及咸錫
而佢地就表示因為法比加斯既身價太高而唔會打佢主意

另一方面,施多夫就落實續約1年

13)
消息指馬拉加打算帶雲佬重返西甲

14)
馬體會表態只要收到4000萬鎊既報價
就會放走阿古路
不過佢地亦表明唔會賣佢去皇馬

15)
巴頓既經理人透露紐卡素已經決定下季尾約滿後唔同佢續約
不過紐記就唔傾向今個暑假賣走佢

16)
曼城宣佈高路托尼因為誤服禁藥而要停賽半年
由於佢地由2/3開始已經要求佢停賽
所以佢既停賽期只會直至2/9

而佢地落實以100萬歐元從切爾達引入18歲小將丹尼斯山齊士

另一方面,雲加被指想搵韋拉回巢出任教練

17)
新特蘭被指有興趣羅致高治

18)
賓施馬既經理人否認阿仙奴出價3500萬鎊收購佢既報導
另一方面,艾夫蘭提議拿斯尼過檔曼聯

19)
湯堅斯表態唔會離開韋斯咸

20)
杜斯山度士表態希望桑坦德買斷佢

21)
北愛中堅麥艾利以自由身由葉士域治轉投西布朗

22)
連拿度回流巴甲,加盟保地花高
雙方簽約4年

23)
維拉被傳有興趣羅致查理阿當

24)
伯明翰宣佈6名球員約滿離隊
當中包括施巴斯坦拿臣,菲臘斯以及保耶
前者自從1月起已同多間球會扯上關係

25)
保頓決定唔同6名球員續約
當中包括森姆,奧拜恩以及泰高馬漢
而史杜列治以及洛迪高摩連奴亦會於借用期滿後離隊
麥肯就因為腳踭傷患而提前掛靴

26)
紐卡素成功擊敗馬體會以及愛華頓
從朗斯引入18歲進攻中場 Mehdi Abeid
而紐記亦被指希望從里爾引入法國25歲新晉國腳卡巴耶
佢地亦繼續同加美路,保夫萊特以及哥治扯上關係

另一方面,迪奧迪就被指成為熱刺既新防中人選

p.s.:
費sir話有預感今晚場波會係近10年最精彩既決賽
不過如果輸左波
唔知佢仲會唔會咁講?

2011-5-26

非常感謝讀者'舒利亞'超高水準既歐聯決賽 preview
全文如下:

今屆歐聯決賽
有網友戲言係全世界最黑人憎果兩隊對決
不過無可否認
或者今季只有曼聯
先至係實力上最接近巴塞

數據上巴塞無疑係較出色
無論係射門次數
或者係入球
都比曼聯高出唔少
而且09年歐聯決賽
正正又係巴塞對曼聯
結果大家都知
就咁睇落去似乎巴塞贏歐聯機會幾大

不過巴塞亦都有隱憂
一、決賽係位於英國倫敦既溫布萊球場，
曼聯可謂有半個主場之利。
況且巴塞作客英國既成績一向唔算好，
今屆就試過作客輸俾阿仙奴
二、四強巴塞對皇馬果陣，
巴塞球員被侵犯時過於誇張既動作，
已經被全球大罵
決賽球證一定捉得緊左，
對巴塞無疑係另一隱憂
三、最後就係上年累到巴塞出局既冰島火山灰問題。
上年火山灰令巴塞搭n個鐘巴士
結果就作客輸俾國米，
間接攪到佢地出局。
咁岩今年歐聯決賽前，
冰島火山灰又出馬，
巴塞大軍又要經陸路去倫敦，
話無影響一定無人信。

身為中立既小弟
只希望睇到一場精彩既決賽
而雙方傷兵問題唔大
巴塞艾比度同佩奧爾相信都可以復出
曼聯相信亦都可以全力迎戰
同時呢場都係雲達沙告別戰
曼聯上下付出既一定係120%
相信球迷果晚一定唔會失望

決賽既關鍵
小弟覺得係雙方門將
特別係兩隊門將幾乎係今季表現最佳既門將
相比下域陀華迪斯仍然稍有不穩
希望決賽唔會係佢出事

小弟係兩隊中都有一個球員特別想提
曼聯既小豆係巴塞要特別提防既球員
比起貝碧托夫同朗尼
小豆更加活躍，威脅可能更大
至於巴塞
秘密武器應該係多數打後備既阿費利
唔知佢下季仲會唔會係巴塞
不過後備出場下真係隨時趁曼聯唔覺意而偷雞
就好似對皇馬咁

雖然係中立
不過基於一向唔like曼聯
小弟其實都係偏向支持巴塞
希望巴塞踢出漂亮一仗
唔好再被人抽水

2011-5-25

1)
馬勒當拿爆大鑊
佢聲稱阿根廷於94世界盃外圍賽附加賽主場對澳洲前
曾經集體服用興奮劑

2)
阿古路要求離隊

3)
阿仙奴落實以100萬鎊從查爾頓引入19歲後衛C.Jenkinson

4)
基拔圖施華回流巴甲,加盟甘美奧
雙方簽約半年

5)
消息指黑池將查理阿當定價800萬鎊
而曾經為佢地上陣1次既小將J.麥當奴就落實轉戰港甲,加盟晨曦
這名18歲球員可以踢左翼以及前鋒

6)
韋舒亞以及卡路爾落選英格蘭U-21大軍

7)
巴頓被指成為布力般流浪既增兵對象

另一方面,如果史雲斯升班失敗
報導指史葛冼佳亞就會考慮轉投紐卡素

8)
熱那亞被傳有興趣引入波里路
不過佢既經理人就暗示羅馬會買斷佢

9)
華倫西亞同教練艾馬利續約1年

10)
拿玻里被指考慮接收柏林保

11)
韋斯咸被指想搵戴夫鍾斯接手

12)
消息指羅比堅尼可能轉投昆士伯流浪

13)
維拉被指打算接收布歷治
消息指佢地亦繼續搵防中
馬列加以及索高拿都係佢地既考慮人選

另一方面,費度就被指將以自由身重返利物浦

14)
消息指傑斯雖然備受性醜聞困擾
不過仍會於歐聯決賽上陣

另一方面,消息指曼聯將於歐聯賽後宣佈迪基亞加盟

15)
西班牙傳媒指羅斯即將由維拉利爾轉投巴塞

16)
西布朗被傳準備出價400萬鎊收購卡頓高爾

17)
加利仔告別賽
曼聯俾祖雲達斯後上羸2:1

p.s.:
羅斯,尼爾馬,卡尼同埋馬高魯賓一齊甩底
中後場又唔齊腳
黃色潛艇仲有幾多吸引力呀???

2011-5-24

近兩日既部份新聞……

1)
車路士煞科日輸俾愛華頓後
賽後球隊高層於隊巴當面宣佈解僱肥安
消息指佢將會賠償750萬歐元

而尹巴士頓,波亞斯以及軒迪克都被傳接手
於皇馬發展未如理想既摩連奴亦當然被指考慮食回頭草

2)
皇馬落實以550萬歐元從愛斯賓奴引入荷西卡利祖
雙方簽約5年
而干查奧亦被指將以2500萬歐元加盟

另一方面,杜迪克約滿離隊後
仍未宣佈去向

3)
羅馬被指想搵肥安或者雲加領軍
而馬治奧就被傳係佢地既新右閘人選

4)
由於謝拉於煞科戰攞紅牌
好可能令黑池取代富咸憑公平競技獎出席下季歐霸盃

5)
AC米蘭被指視列貝利為3500萬歐元既增兵對象

6)
一旦羅致艾殊利楊格失敗
利物浦被指可能改打尼索比亞既主意
而紐卡素以及新特蘭都被指對佢好有興趣
前者仲被傳打算以6萬鎊週薪利誘佢回巢

7)
費sir決定放棄夏格維斯

而蘭尼就被指成為祖雲達斯既增兵對象
奧雲就被傳以自由身轉投愛華頓

8)
拿玻里決定同馬沙尼解約
一直有傳聞佢同高層關係好差

9)
巴塞被指考慮以400萬鎊從希杭引入左閘荷西安祖
而麥士維就好可能回流意甲,加盟費倫天拿

10)
紐卡素被指有興趣從標準烈治收購E.文加拿
這名法國U-21國腳可以踢中堅以及左閘

11)
曼城被指有興趣引入本田圭佑以及阿部勇樹
而朗斯18歲右翼衛S.Aurier亦同佢地扯上關係

12)
鳥甸尼斯勢必賣走阿歷士山齊士
消息指國米打算出價2500萬歐元再加大衛辛頓以及彭度夫

13)
維拉被指將以400萬鎊接收格連

14)
阿積士落實從川迪引入本土29歲中場T.贊臣
雙方簽約兩年

15)
阿仙奴被指即將從沙士菲引入進攻中場列卡度艾華利斯

另一方面,賓特拿既老豆兼經理人透露這名丹麥射手已經決定離隊
而艾沙維以及卡路士韋拿亦再次被傳離隊

16)
富咸被指有興趣接收希斯貝加

17)
新特蘭被指將以75萬鎊接收DJ甘保

18)
西維爾落實同杜查奧斯基簽約5年
而佢地亦從基達菲引入射手迪摩奴

p.s.:
連傑斯都去滾
英超又一個好男人神話就咁幻滅
話時話攞個twitter名單有鬼用咩?

2011-5-23

想講英超護級求存......

黑池作客奧脫福都一如以往繼續有前無後
雖然最終都係反勝為敗
不過總算對得起自己同埋球迷

其實以佢地既人腳同埋資源
可以捱到最後一刻已算超額完成

查理阿當勢必離隊
其實禾漢,卡尼,比亞堤以及費查都應該有一定市場

至於伯明翰
港人老闆當日評論本地波既水準只係大家心裹有數
而家真係現眼報

上個月寫 preview 已經提過佢地作客超唔掂
(果然之後5場作客只得1分)
護級關鍵一定要靠3場主場賽事
不過結果只得4分
仲要輸埋俾大踢風流波既富咸
港伯其實未對熱刺已經半隻腳踩落英冠

另一方面,攻力薄弱應該係佢地降班既另一主因
當幾個名牌射手因傷打柴後仲簡直只係英冠水準
畢竟唔可能每個對手都好似兵工廠咁勁驚佢地既死球戰術
加特拿既類似世界波亦好睇彩數

當佢地輸緊一球俾熱刺
麥利殊都唔敢即刻換入達比舒亞
而又當佢地逼和熱刺後
老麥都寧願搏另一邊既狼隊再入唔到波
而派多個大衛梅菲一心死守
某程度反映老麥對球隊疲弱既攻力幾冇信心

另一方面,4月既時候小弟打死都唔信韋根同埋狼隊可以同時甩難
自問真係睇唔通佢地可以靠鬥志絕地反擊
5月既4場波分別搶到8分以及7分
絕對值得護級成功

雖然唸爆頭都唔明狼隊點解忽然跌watt
主場半場居然吞足布力般流浪3蛋
不過鼓其餘勇追返兩粒都算係咁
亦係對消極港伯既最大懲罰

不過以佢地咁既人腳連續兩季死裡逃生
如果下季再唔增兵
繼續齋靠鬥志未必再有咁好彩

韋根方面
尋晚既英雄無疑係洛達列加
不過前3場幫球隊搶足5分既尼索比亞其實先係最大功臣
但條友出名養唔熟
唔乘機搵工跳槽至奇

至於馬天尼斯可能因為護級成功而保住份工
不過如果再唔知死為豆腐防線增兵
小弟始終唔認為佢可以撈得好耐

2011-5-22

近兩日既部份新聞......

1)
白禮達表示一旦有證據卡塔爾申辦委員會涉及行賄
2022年世界盃決賽週既主辦權將要重選
澳洲方面已經率先表示有興趣

2)
雲加重申會盡全力挽留法比加斯
消息指阿仙奴會將佢定價6000萬鎊

3)
祖雲達斯終於決定開除迪尼利
消息指佢地幾日後會宣佈由干地接手

4)
盧斯奧被指成為馬拉加既新中堅人選

5)
漢諾威以及科隆都被指有興趣接收祖雲奴域

6)
羅馬被指打算收購大衛辛頓
而皮奧利就被傳下季由基爾禾過檔執教

7)
迪肯尼奧落實接手下季降到英乙既史雲頓

8)
拜仁被指準備從慕遜嘉柏收購20歲本土中場靴文

9)
薩克達落實引入哥連泰斯22歲巴西射手迪天奴
雙方簽約5年

10)
迪斯甸被指成為熱刺既新中堅人選
而一旦肥安離隊
車路士被傳考慮向佢地挖走哈利列納

另一方面,燕豪芬被指考慮以400萬歐元回購高美斯

11)
史篤城被指準備從韋斯咸接收卡頓高爾,哥利臣以及麥克盧保

12)
泰林第3度執教加拉塔沙雷
雙方簽約3年

13)
富咸被傳考慮出價600萬鎊收購巴斯桑治

14)
費卡坦迪由於同切塞納高層不和而將於季尾離隊
而梅度下季就可能加盟佢地

15)
拿玻里被指考慮羅致莫達
不過佢既300萬歐元年薪就成為一大障礙

另一方面,AC米蘭再次被指想向佢地收購咸錫

16)
費sir以及維迪分別當選英超最佳領隊以及球員

17)
哈化柏林被傳視曼寧加為新龍門人選

p.s.:
今晚5隊有3隊可以逃出生天
希望包括黑池

2011-5-20

1)
杜格利殊被指希望引入迪亞高
但價錢就唔可以高過900萬鎊

而魯爾梅利斯要求利物浦加薪兼同佢續長約

另一方面,高捷斯基就被指以200萬鎊回巢富咸

2)
岩布仙尼成為最新一個同AC米蘭續約既老將

3)
國米被指擊敗羅馬
將以800萬歐元引入班尼加

另一方面,費倫巴治就否認向佢地收購馬干

4)
熱刺方面暗示艾迪巴約以及杜奧巴既週薪太高而冇能力羅致佢地

5)
加拉塔沙雷宣佈艾文達將以自由身加盟

6)
昆士伯流浪被指打算以200萬賤價接收沙維奧拿

7)
皮利斯透露亨利搵佢過檔紐約紅牛

8)
一旦基拿甸奴離隊
費倫天拿被傳將會收購謝雲奴取代佢

9)
祖雲達斯被指睇中薩拉迪

10)
里昂被傳有興趣引入荷西安歷基
傳聞轉會費更高達1000萬鎊

11)
丹尼臣表示希望離開阿仙奴
而費倫巴治就被指打算羅致艾沙維

12)
波連尼被指考慮為爭取出場機會而轉投愛華頓

13)
卡維以及希斯基分別被傳轉投新特蘭同埋李斯特城

14)
消息指布力般流浪將以75萬歐元從巴塞B隊引入蘇利安奴
早前西維爾,利雲特以及韋根都被指打佢主意

15)
咸美艾天托普落實加盟皇馬

16)
迪沙素斯基被指成為漢堡既增兵對象

17)
一旦謝路美保定離隊
文仙尼被指將會引入列治史甸拿取代佢

另一方面,曼城就否認羅致C7既傳聞

而泰維斯就向祖家傳媒表示一定要走
兩日前文仙尼先聲稱佢願意留隊
似乎只係一廂情願

18)
莫斯科火車頭被指已向韋斯咸提出收購丹巴巴亞
而槌仔幫就被指想搵保夫萊特以自由身加盟

2011-5-19

近兩日既部份新聞……

1)
進軍歐聯後既曼城隨即同多個大牌球員扯上關係
當中包括伊巴謙莫域,恩尼斯達,法比加斯,卡卡,C7以及阿古蘭尼

2)
阿古路被發現現身都靈
意大利傳媒隨即再次將佢同祖雲達斯扯上關係

3)
消息指加利卡希爾希望轉投阿仙奴
而雲加被指打算開出9萬鎊合約利誘雲佩斯續約

4)
迪亞高施華落實同AC米蘭續約到2016年
而雲邦美,恩沙基,尼斯達以及羅馬亦續約1年
後者留隊亦意味艾美利亞冇得留低

另一方面,派路就宣佈季尾離隊

5)
熱刺被指視賓科士打為新龍門人選
而迪科爾威脅離隊後
維拉,紐卡素以及愛華頓隨即被指打算接貨

6)
巴塞被指派球探觀察尼馬既表現

7)
艾基歷以500萬歐元由拜仁轉投雲達不來梅

8)
羅馬被指想搵迪甘斯或者加西亞領軍
而當路雲被指成為佢地既新箭頭人選

9)
紐卡素被指準備以600萬鎊回購巴斯桑治

而佢地亦被指視卡頓高爾以及迪亞比迪為新箭頭人選
後者既6呎5吋身高雖然羸晒高空優勢
不過今季平均6.5場先入一球就反映這名馬里射手既質素未必太高

另一方面,財困既愛華頓可能面臨星散
消息指佢考慮引入身價唔高既巴頓作為替補

10)
巴黎聖日耳門亦被指有興趣爭奪加美路

11)
由於公平競技獎得主車路士已有歐聯資格
排名第2既富咸因而獲得歐霸盃席位
而佢地就被指打算接收希斯佩加

12)
丹巴巴亞被指成為布力般流浪既500萬鎊新箭頭人選

13)
迪米捷利斯落實同馬拉加續約到2013年

14)
皇馬再次被指準備收購洛蘭迪
而賓施馬就會被賣去曼聯套現

另一方面,佢地亦被指考慮引入沙格拿

15)
昆士伯流浪被指準備接收古莊臣

16)
哥斯達黎加取代日本參加美洲國家盃

17)
傑志搵中田英壽客串對維拉利爾既表演賽
佢同埋這隊西甲球隊都會於下星期三傍晚到港

p.s.:
1)
有理由相信比利重注曼聯
條友身為名燈都夠膽死表態睇好巴塞

2)
泰維斯又話唔走
聽住先啦

3)
7月中有兵工廠
26/7就利記
27 & 30/7 就有車仔,維拉同埋布力般流浪
4/8 就皇馬
6/8 就隨時係米蘭打呲
再加埋可能訪港,但未知幾時既施多夫

邊有咁多時間呀?
唔使做咩?

2011-5-17

近幾日既部份新聞……

1)
馬勒當拿轉戰阿聯酋
落實同艾瓦斯爾簽約兩年

2)
法蘭克福降班後
決定同只係領軍7場既杜姆解約

3)
基於疑點利益歸於被告
歐洲足協宣佈布斯基斯種族歧視既罪名唔成立
令佢可以於歐聯決賽上陣

4)
費倫天拿考慮放棄梅度
意大利傳媒指佢可能轉戰中東或者東歐

5)
韋斯咸肯定護級失敗
格蘭隨即被開除
報導指麥卡倫,戴夫鍾斯,禾諾克以及馬田阿倫都被傳可能接手
但前者已經表明冇興趣

而多名球員都被傳離隊
當中包括柏加,格連,厄遜,麥克盧保,卡頓高爾,湯堅斯,施亞斯,戴亞
沙方軒斯,希斯貝加,丹巴巴亞,達哥斯達,哥利臣以及史坦尼斯拿斯
而域陀奧賓拿,羅比堅尼以及布歷治就會重返原屬球會

6)
迪亞高日前因為唔滿意冇正選而唔肯隨隊
扯晒火既馬加夫表明考慮賣走佢

7)
路夫否認重返巴甲,加盟法林明高

8)
阿仙奴再次被指有興趣引入泰斯治
雲加亦令人意外咁被指考慮接收夏格維斯

另一方面,祖雲達斯被指有興趣羅致迪亞比

9)
米高利被傳季尾離開巴勒莫
佢可能重返賓菲加或者轉投萊切

10)
夏薩特表示一旦離隊
只會考慮轉戰意甲

11)
拜仁落實引入紐亞
而謝路美保定就再次同佢地扯上關係

另一方面,佢地同埋AC米蘭
就係最新兩間同拿斯尼扯上關係既球會

12)
史葛丹恩被指成為利物浦既新中堅人選

13)
堅恩被控醉酒駕駛

14)
薛羅拔圖暗示有興趣轉投加拉塔沙雷

15)
泰維斯再次放風想離隊

p.s.:
今年7人賽唔多掂
巴里斯同埋以前踢紐記既摩亞都甩底冇踢名人賽
好彩本地波既老嘢爭氣
決賽羸 Citibank 明星隊嗰場仲係今年最好睇既一場

而主賽亦冇咁好睇
擅踢7人賽既維拉人腳比往年弱左好多
阿積士最出名既史尼達細佬以及南韓仔又係甩底
至於小保加直頭派班更年青既牛奶咀參賽
輸晒經驗同埋高度自然冇運行
俾維拉炒5:0已經算輸得少

愛隊利記既中前場有唔少有潛質新血
上到一隊既肯定唔止蘇素一個
恩斯嗰仔既球風同佢老豆完全唔同
踢左翼既佢速度同埋波底兼備
不過成日冇必要都上腳就絕對有礙發展

多得維拉弱陣
以及其他名牌唔擅踢7人賽
阿積士嗰教頭仲直情話到左香港先試踢3種陣式
平時練波都已經搓慣地波既傑志偷到雞
都算實至名歸

至於尋日冒雨等左巴里斯粒幾鐘
終於等到佢現身跑馬地球場教十幾個非洲裔小朋友踢波
雖然只係示範基本動作
不過世界頂級後衛既功架果然瀟洒
絕對大開眼界

另一方面,有消息指遲下施多夫,韋亞同埋柏賓都可能來港客串教波
係真既話都幾吸引

2011-5-14

近兩個 post 於星期四當日既所有 comment
唔知點解冇晒
尋日仲 login 唔到寫 blog......

以下係近幾日既部份新聞......

1)
杜格利殊落實同利物浦續約3年
而佢被指考慮引入柏加,馬高馬連同埋朗治

2)
西班牙傳媒指華丹奴將於季尾離開皇馬
而摩連奴因而會全權負責買賣球員
消息指咸美艾天托普,洛蘭迪以及干查奧都可能會隨後加盟

3)
維拉決定提前同傾達寧續約
而列卡特被傳可能取代侯利亞

4)
AC米蘭被傳想搵卡卡回巢
亦考慮羅致丹巴巴亞

5)
費sir於上星期既榜首大戰前玩心理戰稱讚球證韋比
英格蘭足總考慮對佢抽後算帳

6)
安歷基下季轉投馬體會

7)
馬捷達被傳將被曼聯掛牌

另外,消息指迪基亞已同意轉投曼聯
雙方只待簽字落實
不過仍有報導將梅斯利拿同曼聯扯上關係

另一方面,法國傳媒就再次指華拉尼將會加盟曼聯

8)
阿仙奴被指準備以40萬歐元從巴塞搶走年青右翼比列連
雲加亦被指考慮引入有離心既保方

另一方面,拉素被指考慮以900萬鎊接收查馬克
而沙格拿就被指成為拜仁既新加閘人選

9)
伊巴謙莫域,迪羅斯以及魯迪維爾都被指係曼城既羅致對象

另一方面,薩巴尼達就被傳可能轉戰意甲
以500萬鎊加盟祖雲達斯

10)
紐亞只要幾日後通過體測
就會落實以1800萬歐元加盟拜仁
而如果拜仁捧到德甲以及歐聯
史浩克04仲會分別多收300萬以及400萬歐元

11)
熱刺雖然冇份踢歐聯
不過仍然被指會繼續增兵
人選包括史達基倫保,雲佬以及艾迪巴約

另一方面,布魯士被指想帶柏拉斯奧斯去新特蘭

12)
紐卡素被指視禾洛克為新左閘人選
而佢地繼續同丹尼格拉咸扯上關係

13)
巴黎聖日耳門被指考慮出價800萬鎊收購丹普西

14)
基雲被指成為些路迪既新門將人選

p.s.:
1)
利記終於俾曼聯過頭
不過費sir所羸得既所有聯賽錦標
都係杜格利殊以壓力問題而辭職後既事
即管睇下下季曼聯仲有冇運行

2)
雖然多左利記同埋小保加
不過今季既7人賽既星味倒頭來原來只係一般......

2011-5-11

近兩日既部份新聞……

1)
曼城落實取得下季歐聯資格
文仙尼透露法比加斯係佢增兵既頭號目標

2)
英國方面再次爆料指科特迪瓦以及喀麥隆既國際足協委員受賄
令俄羅斯羸得主辦權
而佢地就先後拒絕千里達以及泰國既委員既無理要求

3)
聖保羅被傳考慮帶卡卡返巴甲
不過佢阿媽就透露佢地全家會搬去倫敦定居
暗示佢下季轉投車路士

4)
國際足協專家委員會提議取消加時制
如果90分鐘打和就即時射12碼分勝負
而如果保留加時制
雙方就應該各有多一次換人機會

另一方面,如果防守球員阻止對方入波既職業犯規唔係惡意傷害
球證判罰12碼之餘
可以考慮以黃牌代替紅牌

5)
AC米蘭公布泰禾以及麥薩斯下季以自由身加盟

6)
阿費利,桑馬達,捷西斯拿維斯以及艾朗連儂
都被傳係杜格利殊既新右翼人選

7)
皇馬落實以1000萬歐元羅致紐尼沙軒
而佢地下一步就係出價3500萬鎊收購泰維斯

8)
賓特拿透露希望轉投巴塞
不過西班牙傳媒指阿歷士山齊士,基奧斯比羅斯以及尼馬
先係哥迪奧拿既新箭頭人選

9)
紐卡素被指準備接收奧哈拉

10)
雖然雲高爾早已表明會休息一季
不過祖雲達斯依然再次被指搵佢下季領軍

11)
鍚菲聯決定解僱領隊M.阿當斯

12)
甘素因為拉傷右腳肌肉而要休戰8星期

13)
拿斯尼既經理人否認這名法國中場轉投國米既報導
而丹尼臣就被指成為西維爾既羅致人選

另一方面,一旦盧卡古落實離隊
安德烈治就會收購卡路士韋拿作為替補

14)
由於皇馬,巴塞以及兩間米蘭球會都被傳睇中華倫西亞
曼聯因而被指準備同佢提前續約

15)
艾哈比斯以及懷斯被指成為維拉既羅致對象

16)
英國傳媒指保頓想搵紐根特以自由身過檔

p.s.:
1)
麥斯洛迪古斯3場入7球
狀態忽然似足5年前
其實佢9萬鎊週薪
早就應該定時交功課
否則幾場好波始終唔值杜格利殊俾佢長居正選

2)
連基士文都嗌走
想搵佢攞簽名既朋友真係要快手

2011-5-9

近兩日既部份新聞......

1)
就之前違規羅致科連
英格蘭足總表明昆士伯流浪唔會於今季以及下季被扣分
意味佢地落實以英冠冠軍身份重返英超

2)
車路士被指打算從阿積士一併收購雲達韋爾以及基斯甸艾歷臣
而肥安就表態希望下季繼續留隊

3)
拜仁即將從大板飛腳引入日本U-22射手宇佐美貴史

4)
之前講過拿玻里可能搵白蘭斯教波
佢早前提出唔俾擁有雙重國藉既球員代表法國出賽
不過法國足總反對之餘
法國傳媒亦批評佢種族歧視
傳聞佢考慮因而劈炮

5)
消息指維拉已經決定季尾同心臟有問題既侯利亞解約
而賓尼迪斯就係接手既頂頭大熱

另一方面,費度被傳可能轉投西布朗

6)
高捷斯基,李奧曲加,丹巴巴亞以及卡頓高爾都被指成為紐卡素既增兵人選
而伯明翰就被指考慮挖走巴頓

7)
意大利傳媒指祖雲達斯董事會可能撥款1億歐元擴軍
而佢地考慮接收實施馬以及保羅費拉拿

8)
大陸傳媒指阿仙奴將於7月中訪華
同杭州綠城踢表演賽

而拿斯尼以及基治仲未續約
國米同埋曼城就乘機搶人
而雲加就考慮索性引入馬里奧葛斯去取代前者

另一方面,森巴聲稱阿仙奴曾於1月考慮引入佢
而佢當時亦有興趣過檔

9)
利物浦被指有興趣引入達寧,占士麥卡菲以及奧哈拉

10)
邵佳一被指將轉投同係德乙既杜伊斯堡
早前佢就一度同波琴扯上關係

p.s.:
曼聯拆車
英超爭霸已完

相對於兩個入球球員
傑斯,雲達沙以及卡域克對球隊更加重要

特別係後者自從費查養傷後回勇
除左足總盃4強發波瘟外
其餘水準都可以話係職業生涯既代表作

既然雙特冇咩貨交
巴利過左曼城後又水準下滑
他日卡比路再排4-3-3陣式
卡域克絕對值得俾機會同韋舒亞同埋柏加拍住上

2011-5-7

1)
摩連奴因為行為不檢而俾歐洲足協判罰停賽5場

而西班牙傳媒爆料指佢俾佩雷斯干預佢排陣
於歐聯次回合被迫起用卡卡

2)
英國傳媒指楊家誠減持伯明翰股份以減輕球會債務問題
報導指佢而家既持股量已由24.9%減至23.3%

3)
消息指杜格利殊要有買賣球員既實權
先會同利物浦續約
而佢已成功說服史比寧續約

另一方面,利記方面公佈兩名美國前老闆離任前既最後一個財政年度
(Year end dated 31 July)
利息支出急增至1770萬鎊
令稅前虧損高達2000萬鎊

4)
體育學院下個月將舉辦義賽為蔣世豪籌款

5)
曼聯被傳有興趣從畢爾包引入查維馬天尼斯
費格遜證實艾夫蘭趕及聽晚砌’車’

6)
紐卡素被指睇中圖盧茲22歲新星 F.Tabanou
這名前法國U-21國腳可以出任左閘以及左翼
AC米蘭,祖雲達斯以及韋斯咸亦被傳睇中佢

另一方面,賓艾化將於今晚對伯明翰既比賽出任後備

7)
由於漢堡只肯提供1年新約
令薛羅拔圖決定季尾離隊

8)
一旦馬沙利季尾離隊
拿玻里被指考慮搵白蘭斯接手

另一方面,柏拉斯奧斯被傳成為佢地既新防中人選

9)
消息指艾比度同意續約3年
意味佢會於巴塞踢到掛靴

另一方面,國米被傳想挖走哥迪奧拿

10)
丹巴巴亞被傳成為維拉既新箭頭人選

11)
由於港隊對沙地既世界盃外圍賽
與英超挑戰盃撞期
傑志被傳打算搵迪拉彭拿客串

2011-5-6

近幾日既部份新聞.......

1)
卡達朗公開批評摩連奴於歐聯4強失利後既言論同埋行為
認為佢咁冇風度會影響皇馬既形象
而佢亦唔肯表明串王下季留隊

2)
謝雲奴已經拒絕里爾既新合約
英國傳媒指利物浦以及阿仙奴都準備出手挖角

3)
迪拜亞已同標準烈治續約到2016年
粉碎佢轉投利物浦或者曼聯既傳聞

4)
利物浦被傳考慮搵懷斯回巢
而馬賽亦想羅致佢去取代勢必離隊既泰禾

5)
華美倫將於對史篤城既比賽復出

6)
AC米蘭被指考慮羅致艾辛
不過佢既經理人已經否認有關傳聞

7)
皇馬被傳將以500萬歐元從愛斯賓奴引入荷西卡里祖

8)
柏夫奴真高被傳轉戰西甲,加盟西維爾

9)
奧斯華度被傳可能轉戰英超
曼聯,熱刺,富咸以及愛華頓都被傳打佢主意

10)
意大利傳媒指派路已派經理人同祖雲達斯開會
報導仲話祖記以300萬歐元既肥約利誘佢

另一方面,祖記亦再次同蒙杜利禾扯上關係
佢拒絕同費倫天拿續約後亦同時被指係羅馬以及國米既增兵對象

11)
一旦拿斯尼唔肯續約
消息指阿仙奴就會索性賣走佢套現
國米,車路士,曼城以及巴塞都被指考慮接貨
而雲加就被傳會從薩克達搵韋利安去取代佢

另一方面,馬賽想帶查馬克重返法甲
不過佢就prefer同兵工廠完成餘下4年合約

12)
域咸以及格拉度都再次同紐卡素扯上關係

另一方面,迪科爾被傳可能離隊
紐記同埋新特蘭都被指準備接收佢

13)
熱刺再次同薩拉迪扯上關係
消息指拉素考慮索價1500萬鎊
而拉素亦被指有興趣從昆士伯流浪羅致泰拉拔

14)
波圖方面為左阻止幾間英超球會以及AC米蘭羅致侯克
聲稱要有1億歐元先肯放人

15)
國米被指考慮以彭迪夫加現金收購同隊友再傳不和既洛賓
不過拜仁就澄清佢唔會離隊

16)
艾夫蘭由於拉傷小腿而要缺席對車路士既大戰

17)
曼城方面表明要有5000萬鎊先肯放走泰維斯

而艾迪巴約以及謝路美保定都被指成為拜仁既新箭頭人選
但消息指曼城只準備放走前者

18)
查斯古特被傳季尾離隊
靴高斯方面就已經表明唔會強留佢

19)
阿祖安奴由於過唔到體測
令哥連泰斯擱置同佢簽約

20)
香川真司可能於德甲最後兩輪比賽復出

21)
打呲郡否認下季引入奧雲既報導

p.s.:
今晚只要傑志ko業餘球會港會
就肯定可以捧走聯賽獎盃
足總已經借定隻盃佢哋影威水相
有興趣既可以8點去港會場趁下熱鬧

2011-5-3

1)
伊薩古利當選蘇格蘭足球先生
利物浦,阿仙奴以及曼聯都被指睇中佢

2)
希比亞宣佈提前一季掛靴
不過利華古遜就說服佢繼續留隊出任助教

3)
諾域治肯定以英冠亞軍既身份重返英超

4)
文仙尼被指準備重建防線
佢被傳會用比拿美以及保耶達,再加現金
向保頓收購加利卡希爾
佢亦會用布歷治作為收購巴尼斯既交易籌碼

另一方面,雖然迪施高已於英超開齋
不過文仙尼依然被指想搵卡雲尼取代佢
而一直對這名波斯尼亞射手好有興趣既AC米蘭就準備接貨

5)
皇馬被傳想搵賓尼迪斯取代摩連奴

另一方面,西班牙傳媒指紐尼沙軒決定下季過檔
轉會費可能高達1200萬歐元

6)
由於國米方面企硬要500萬鎊先肯放走蒙達尼
新特蘭可能因而放棄買斷佢

7)
利物浦被指睇中菲爾鍾斯

8)
祖雲達斯被指同熱刺爭奪聖保羅年青中場卡斯卡路
而意大利傳媒亦再次指佢地同拿玻里爭奪派路

9)
由於紐亞過檔已係公開既秘密
拜仁因而決定放棄希望爭取出場機會既卡夫特

至於原本決定收山幫外父做生意兼轉型教波既畢特
就改變主意肯續約1年

10)
朗治以及洛達列加都被指成為紐卡素既新箭頭人選

11)
一旦韋斯咸護級失敗
維拉就會乘機出價收購格連

p.s.:
1)
南華收晒皮
羅神識醒未?!

2)
Keymansoho已於前日復刊
由於發行量少左
幾近斷市
有買趁手

不過由於所有稿交返晒俾幾個編輯分工
小弟既寫手夢就暫時到此為止

2011-5-2

1)
利物浦被傳希望於今個星期內落實同杜格利殊續約
而紐卡素就被打算接收尼哥治

2)
西班牙傳媒指施蒙尼近日於馬德里搵屋
因而分析佢下季可能轉投馬體會

3)
簡路迪透露準備去卡塔爾或者美國落班
而尼格度就再次同利物浦扯上關係

4)
車路士被傳考慮以4000萬鎊接收泰維斯
而國米就否認羅致佢既報導

5)
巴塞已同年青中場沙治羅拔圖續約至2016年
而佢地忽然被指考慮帶古爾沙返西甲

6)
曼聯被指希望引入基雲以及加利卡希爾

另一方面,消息指國米只要收到3500萬鎊或以上既出價
就會將史尼達賣俾佢地
而當時人被傳要求19萬鎊週薪

7)
阿仙奴忽然被指加入爭奪紐亞
不過當時人表明會繼續於德甲搵食
意味佢即將加盟拜仁

8)
維拉,愛華頓以及愛斯賓奴都被指準備接收戴倫特

9)
祖雲達斯被指睇中蒙杜利禾,阿古路以及軒斯

10)
沙格拿被指成為羅馬既新右閘人選

11)
英國傳媒指屈福特將丹尼格拉咸既身價定為250萬鎊

12)
西布朗被傳將於季尾向富咸收購A.莊遜

2011-5-1

近兩日既部份新聞......

1)
足總將於14/5下晝兩點於青衣場為蔣世豪搞告別賽

而8/5舉行既籌款賽就落實有20隊出席
消息指佢既遺孀亦會出席

2)
馬拉加被傳有興趣搵汝路以自由身加盟

3)
迪甘斯以及肥安被傳下季互換東家
而車路士亦忽然被指考慮蘇拿以及保亞斯

4)
華倫西亞,馬體會以及西維爾都被指想搵普捷天奴過檔

5)
消息指阿仙奴決定季尾回收宮市亮
不過前題係同佢申請工作證

而柏比斯施斯以及普度斯基就被指成為雲加既新箭頭對象
另一方面,教授亦被指想搵荷西安歷基取代基治

6)
迪比亞路落實同祖雲達斯續約1年
而人工就由400萬歐元大減至100萬歐元

7)
維拉被傳考慮羅致阿馬利以及紐尼沙軒
而莫耶斯就表態唔會接手

8)
柏度公開要求艾殊利將出售卡路爾套現既3500萬鎊
撥俾佢暑假買人
亦希望球會挽留陣中主力

9)
法國傳媒指古利仍然希望留隊多1年
不過巴黎聖日耳門要佢減薪5成就令雙方未能達成協議

10)
英國傳媒指有利物浦市議員已經向當地議會提議
要求為杜格利殊封爵
以表揚佢對當地球壇既貢獻

11)
希比表示希望季尾同巴塞解約
之後重返德甲落班

12)
布歷治斯宣佈掛靴

13)
史浩克04被指希望羅致費度
以取代勢必離隊既紐亞

14)
胡仙歷被傳轉戰英超,加盟熱刺
而雲達華治以及格夫里巴利就再次被指成為曼聯既挖角目標

15)
莫斯科斯巴達否認搵雲尼亞里執教

16)
薩巴利達被傳重返西甲,加盟華倫西亞

17)
布魯士表態希望新特蘭可以買斷4名借將之餘
再有資金俾佢買多4個新球員

18)
基亞連尼否認離開祖雲達斯既報導

p.s.:
1)
馬刺最終爆個半冷俾灰熊ko
原因一定包括內線頂唔住蘭度夫
不過平均年齡偏高先係真正死因
睇完就更加擔心近年最愛塞爾特人
特別係佢地整體陣容唔算健康

由籃球睇到足球
雖然一直都認為摩連奴同埋軒迪克領軍勁過費sir
不過講到擅用老嘢既功力
當今球壇又真係冇人叻得過佢

2)
久違既 Super Sunday
正!