2010-12-30

近兩日既部份新聞......

1)
前利物浦名宿馬漢上星期一遇到交通意外
延至星期二逝世
終年54歲

2)
曉士承認面對下台壓力
而馬勒當拿竟然被傳可能接手

3)
巴塞再次被傳斟酌法比加斯
而哥迪奧拿仲提議留定4號波衫俾佢

4)
迪施高即將以4000萬歐元加盟曼城

5)
馬達拉斯被傳考慮轉戰美職盟

6)
西班牙傳媒指國米同埋皇馬既代表前日開會
商討卡卡轉會既細節

7)
侯利亞準備引入法國U-19中場G.Fofana 同埋牙買加箭頭O.甘明斯
而比基安尼亦被傳係佢既另一目標
不過韋斯咸已經表明唔會放人

另一方面,李斯特城打算買斷居迪斯戴維斯
不過後防不穩既雲達不來梅亦打算爭埋一份

8)
由於1月2號係法定假期
加上部份球員長期面對拖糧困境
球員工會打算於當日罷工抗議
西甲5場聯賽同埋西乙多場聯賽將會受到影響

9)
祖雲達斯由於幾乎無望羅致迪施高
消息指佢地會改為斟酌賓施馬

10)
香川真司當選德甲上半季最佳球員

11)
史篤城落實羅致賓納特
轉會費只係172萬5000鎊

12)
戴倫特聲稱5個月冇糧出而拒絕出賽
不過靴高斯就表示只係拖左佢1個月糧

13)
細哨離隊因為解約賠償傾唔掂數而仲未落實
佢透露唔排除轉投歐洲其他球會
而AC米蘭亦表態願意以800萬歐元賣走佢

14)
馬拉加落實借用阿辛祖
而佢地亦從馬體會引入年青中場甘馬曹
另外,巴迪斯達亦以賤價170萬鎊過檔

15)
普雷斯頓解僱戴倫費格遜
而白賴仁羅斯就向班士利請辭

16)
貝利安以借用形式加盟尼斯

17)
狼隊再次被指斟酌羅比堅尼

18)
由於辛達告魯斯唔希望以借用形式離隊
令佢轉投拉素既轉會胎死腹中
而家多蒙特,雲達不來梅以及基達菲就可能接貨

19)
細貝萌落實加盟利華古遜
雙方簽約4年半
不過佢先會被外借去奧格斯堡

p.s.:
簡直唔敢相信利記會屎到咁既田地
高捷斯基固然係 worst of the worst
連費托都踢出加盟以來既劣作
兩個字:激心!

同樣睇到嘔血既可能仲有一眾廠迷
拆車之後居然唔可以除'根'
同曼聯既差距就咁又拉返遠
咁冇穩定性都唔知點爭英超

2010-12-29

足球小將中學篇曾有以下既情節:
新田於比賽期間練成必殺既凌空窩利
偏偏南葛隊中冇人跟到佢既高速
唯有以越位陷阱裝佢
同埋截斷佢既所有供應

前晚既倫敦打呲
雲加亦有類似對策封殺杜奧巴

車路士既進攻好多時由兩閘做起點
雲加刻意用禾確特既高速牽制艾殊利高爾
加上肥安’讓賽’起用保羅’廢’拉拿
教授既策略已經成功左1/3

話說回頭
艾沙維同埋查馬克忽然冇正選
或多或少同佢地既防守能力有關

跟手到中場
車仔兩大主力林伯特同埋艾辛都明顯缺態
後者既表現仲可算係上車以來少有既劣作
衰到要靠米基爾
車仔自然九死一生
偏偏條友仲唔多爭氣

教授繼續只派1名防中應戰
但多左法比加斯幫手
專心防務既桑治自然食得住林’伯’
當然助攻入波就仲係 bonus

後防方面
大抵兩個法蘭西柔弱中堅加埋都未必撞得羸杜奧巴
雲加寧願用佐羅都唔用史基拿斯
再將成條防線推前
令速度上冇優勢既杜奧巴更易趺落越位陷阱

而少有現身禁區內亦令佢冇啖好食
只係處理死球既佢根本好難帶俾兵工廠麻煩

至於卡奴同埋馬路達由於同樣面對支援不足既問題
靠單挑基治以及沙格拿根本冇咩著數可言

近季交手
兵工廠多次輸在唔夠車仔硬朗
今場勝仗靠中前場既效率攞晒甜頭
雲加應該會更加認同’唯快不破’……

p.s.:
1)
曼聯臨尾香
抵死......

2)
又係買Keymansoho既大日子
你今期買左未?

2010-12-28

近幾日既新聞......

1)
利物浦被指有興趣爭奪迪施高
仲可能會用艾加以及巴布作為交易條件

而文仙尼就承認想帶佢去曼城
而佢既經理人亦現身曼城
明顯同轉會有關

2)
槙野智章以自由身加盟科隆

3)
國米已經落實從熱那亞收購簡奴捷亞既餘下50%擁有權

4)
韋利落實同巴丙球會博維斯塔體育會簽約半年

5)
些路迪搵龍格堡以及迪羅沙里奧跟操

6)
皇馬被傳考慮借用碧咸
而布魯士就透露上季曾經提出以借用形式將佢帶去新特蘭
不過俾佢拒絕

7)
普度斯基被指成為加拉塔沙雷既增兵對象

8)
消息指如果泰維斯幫曼城攞到歐聯席位
佢就會獲准季尾離隊

而巴洛迪利就被指因為思鄉病而影響情緒同埋表現
英國傳媒指佢隨時要求返意甲搵食
文仙尼就表態佢要以表現換取出場機會

另一方面,辛達告魯斯被指將於日內落實被外借去拉素
這間意甲球會仲有權於季尾以300萬歐元買斷佢

9)
維拉被指準備賣走唔肯續約既艾殊利楊格
消息指曼聯同埋熱刺都打算接貨
後者仲願意用羅比堅尼,賓特尼,奧哈拉以及卡蘭積卡作為交易條件

10)
曼聯同時另有多名羅致人選
當中包括拉爾拿,巴尼斯以及阿歷士山齊士

11)
紐卡素被指考慮借用胡禮菲臘斯
而史堤芬泰萊就落實同紐卡素續約5年

12)
辛格上星期俾艾拿沙解約
佢透露球隊已經半年冇出糧俾佢

13)
車路士雖然錄到4000萬鎊財赤
不過一旦阿歷士唔可以於1月前復出
消息指肥安依然會要求油王撥款買中堅
加利卡希爾仲係佢既頭號人選

14)
蘇亞雷斯透露將來轉戰西甲

15)
伯明翰將M.賓特掛牌

p.s.:
1)
兵工廠拆廠
稍後再講

2)
羅神(羅傑承)所謂比畢特更有名氣既英超兵
原來只係高爾
難免有點失望......

2010-12-26 (2)

想講下尋日本地波銀牌4強……

1) 公民對流浪

明顯優勝劣敗既一場波
防守既集中力係雙方既最大分野
流浪失既兩球都係可以避免
基藍馬今場既表現明顯失準
隋維杰就向來唔穩陣
保連奴狂抽近柱
佢居然離譜到冇任何反應

公民既整體戰真係唔差
而法圖斯以及謝德謙真係越踢越好
加上好多時於30碼過外就以輕微犯規整停場波
令佢地羸左兩球後可以平穩守到尾

另一方面,平哥尋日既排陣亦值得商榷
馬高遜同埋陳耀麟居然先列後備
傷患已經係唯一 make sense 既解釋
不過佢兩個後備落場又唔覺有咩異樣

2) 南華對大埔

卡里祖以返祖家探老豆既老套原因離隊
史高斯又要停賽,
艾維斯同埋蘇沙又唔似係陳浩然杯茶
南華事前已經表明靠全華班應戰

大埔方面
兩隻黑鬼針對雙閘
高大既陳立明忽然正選就針對唔穩既鬥莉王
雖然最終偷唔到雞
但都睇到張寶春既心思

半場南華只係略羸形勢
後防仲曾經因為鬥莉王同埋聞屎忽既犯錯而出現險情

南華羸3粒
不過表現唔見得特別好
佢地既地面戰亦有改善空間
9號既王子同埋8號既帥哥經常有位置重疊既問題
真係’九唔搭八’
而當帥哥移入中路搵食
原居中路既強哥就要左移
最終就搞埋 Edison
所以王子半場俾蘇沙入替
完全唔令小弟意外

而隨住祖爾1月上山
鬥莉王同埋聞屎忽應該有1個會被剔出正選陣容
小弟就覺得以後者機會較高
事實上右閘本身已經有客串中路既李志豪
點解要用一個唔好波但又成日對隊友指指點點既廢柴
如果佢唔係靚仔兼識唱歌
羅神段估一早踢走佢

職業生涯首次梅開二度既鄭大世
賽後成為傳媒焦點
不過最堅既怕且係瞻前顧後既白鶴
入波同埋助天各一只係統計上既貢獻
佢既跑動同埋補位同樣重要
佢同埋李志豪亦係小弟認為尋日南華陣中表現最似樣既球員

話說回頭
如果唔係白鶴下半場初段就助攻打破悶局
加上基頓兩黃一紅
南華球員尋日隨時要開OT

p.s.:
1)
Kim sir 最終都係返南韓教波
upset ending 但又真係意料之內
即管放長雙眼睇下陳浩然同埋兩個回歸港甲既森巴外援
可以捱到羅神幾耐

2)
卡拉維拿真係上山?

2010-12-26 (1)

近幾日既新聞……

1)
國米最終炒左賓尼迪斯
仲隨即宣佈由李安納度接手
國米亦被指同步用馬干作為交易籌碼去斟酌卡卡
擺明要AC米蘭冇面
而任期只有年半既’李安’就被指打算引入阿歷士山齊士以及蘭奴捷亞

另一方面,消息指賓尼迪斯既離職補償約有250萬鎊
連埋利物浦早幾個月賠俾佢既400萬鎊
佢唔計人工都已經搵左650萬鎊

而佢依然唔愁出路
利記就被傳想搵佢回巢領軍
佢成為利記下任領隊既1賠6
仲只係低過1賠4既列卡特

2)
利物浦近日再同幾名球員扯上關係
當中包括雲禾夫斯雲基,艾迪巴約,侯夫,
艾利亞,史葛丹恩,拜仁雷斯以及查維斯

3)
甘美奧聲稱已同細哨傾好合作條件
而堤亞高施華就爆料佢唔係自願離隊

另一方面,AC米蘭同佢仲未就補水達成協議
貝老希望唔補水就踢走佢
不過佢就要求收返8成人工

4)
拉素被傳希望引入高路斯

5)
布力般流浪被傳打算引入奧哈拉
而愛華頓同埋熱刺都有興趣接收森巴

6)
維拉被指亦準備踢走費度,鄧尼,比耶以及卡維
而伯明翰就否認羅致後者既傳聞

另一方面,保頓一旦賣走加利卡希爾
就可能從維拉收購居迪斯戴維斯作為替補

7)
費sir表示唔準備於1月外借奧雲
佢同雲加亦表示唔考慮借用碧咸

8)
曉高艾美達將以200萬歐元轉投比錫達斯
球隊早前已羅致另一葡兵森保沙

9)
文仙尼由於唔滿意巴洛迪利既比賽態度
而決定今晚雪藏佢

另一方面,羅馬就被傳打算借用基雲

10)
消息指熱刺準備將活基治外借
而羅比堅尼就會被掛牌出售
不過身價約3000萬鎊既摩達歷就一定係非賣品

另一方面,羅比仔既 case 就比較難搞
消息指由於熱刺仲未收到任何 offer
所以都唔介意將佢外借
而韋斯咸就最有興趣接貨
不過熱刺要求槌仔幫負責晒佢既6萬5000鎊週薪之餘
如果最終佢地護級成功
仲要為佢提供一份年薪200萬鎊既3年合約
以及100萬鎊護級花紅
令同時希望借用胡禮菲臘斯既佢地隨時打退堂鼓

11)
阿仙奴,森多利亞以及桑坦德都被指希望借用簡拿利斯

12)
紐卡素再次被指有興趣引入韋達
同樣打佢主意既仲有維拉以及熱刺

13)
香川真司被指成為多間西甲球會季尾既獵物
當中包括皇馬,巴塞,西維爾以及華倫西亞

14)
波爾多被指打算收購沙夏

15)
消息指沙維將會當選世界足球先生
而美斯亦向傳媒表示自己好難衛冕

16)
拜仁落實引入16歲奧地利進攻中場沙拿希
迪米捷利斯透露將以先借後買既形式轉投馬拉加

p.s.:
祝各位既愛隊今晚都有得拆禮物

2010-12-23

近兩日既新聞……

1)
莫拉堤否認已經開除賓尼迪斯
但意大利傳媒指國米打算控告賓尼迪斯
指佢早前要求增兵既言論破壞球會形象
仲打算借勢唔俾佢任何離職補償

而賓帥既經理人就承認同國米傾離隊
佢走人明顯只係時間問題

而李安納度既傳聞就越傳越勁
因為辛尼特要收巨額補償先肯放走原先熱門史巴利堤
另一方面,摩連奴就否認回巢國米

2)
利物浦落實從米禾爾羅致15歲土耳其龍門 Y.Mersin
而利記亦忽然被傳有興趣引入賓特尼以及韋碧克

另一方面,韋斯咸被指準備接收保臣

3)
格拉沙家族被指終於肯出售曼聯
不過價錢唔可以少過15億鎊

4)
意大利82年世界盃冠軍教頭比亞索逝世
終年83歲

5)
雲加透露華美倫要養傷至1月尾
而佢可能將賓特拿外借去拉素

另一方面,蘋果就可能成為兵工廠下一個贊助商

6)
Goal.com公布上半季英超最差陣容:
格連
白治 厄遜 艾卡拉斯 高捷斯基
艾利拉斯 保臣 艾利蘭
保斯利 卡頓高爾 沙夏

7)
細哨離隊既傳聞越傳越勁
彭美拉斯,甘美奧,聖保羅以及阿聯酋同埋美國既球會
都被指準備接貨

8)
消息指羅馬決定將杜尼,巴迪斯達以及施仙奴掛牌
以套現1000萬歐元
前兩者就可能加盟馬拉加

9)
哥迪奧拿被指暗示離開巴塞
佢既好拍檔碧格列斯坦被指將會轉投車路士

另一方面,巴塞忽然被指有興趣以1000萬鎊從阿仙奴接收丹尼臣

10)
曼聯成為最新一間同卡路爾扯上關係既球會
佢地亦被指有興趣引入格里夫巴利以及迪施高

11)
英國傳媒指曼城高層為左留住泰維斯
承諾球隊繼續以佢做重心之餘
仲會撥款5000萬鎊繼續增兵
而佢亦可以定期返祖家探佢個女

另一方面,新特蘭打算向佢地借用阿當莊臣

12)
雲達不來梅未能就續約同曉高艾美達達成協議
而決定將佢掛牌

13)
烏德勒支既丹麥中場施貝巴華
被傳成為愛華頓既增兵對象
不過財困既拖肥糖未必俾得起400萬鎊轉會費

14)
布力般流浪正式任命基恩為領隊
不過合約只係到季尾
佢早前以看守領隊身份領軍唔夠10日

而 Big Sam 就透露有人篤佢背脊
令佢俾球會解僱
森巴就表明唔滿意球隊高層炒佢而準備1月離隊

15)
賓艾化可以提前於2月復出

而維拉就被指有興趣接收巴頓
消息指柏度其實唔想放人
另一方面,紐記就再次同查理阿當扯上關係

16)
雲昇同科隆簽約到季尾

17)
曉士被指想引入兩名舊部屬艾利蘭以及辛達告魯斯

18)
當路雲透露拒絕再次以借用形式加盟愛華頓
以爭取時間休息

而碧咸就被指希望再次以借用形式返歐洲比賽
不過消息指銀河方面提出反對

19)
史特加被指有興趣羅致岡畸慎司

20)
史奈達透露希望退休後回巢執教阿積士
而辛尼迪就透露希望踢到2014年

21)
亨特拉爾透露現階段冇同祖雲達斯有任何接觸

22)
艾哈比斯可能以200萬鎊由保頓轉投韋根

23)
迪達重返巴甲,加盟法林明高

p.s.:
森馬比主席聲稱'中國'球證執法不公
令佢地輸俾國米
引發日前有剛果球迷襲擊當地中國人舖頭
但搞笑既係其實嗰日執法既係日本球證西村雄一

2010-12-21

近兩日既新聞…….

1)
卡斯辛奴即將轉投AC米蘭
由於佢於2013年前轉投其他球會
皇馬有權向森多利亞索償500萬歐元
由於兩隊都係只肯俾200萬歐元
一度令交易可能爛尾
最後當時人肯包底俾埋餘數100萬歐元而促成轉會

消息指佢將會同AC米蘭簽約3年
年薪為300萬歐元

另一方面,細哨就被傳可能因為佢既加盟而離隊
AC米蘭方面雖然否認
不過多間巴甲球會都同佢扯上關係
當中甘美奧仲表態想搵佢回巢

2)
車路士被指有興趣收購摩達歷

3)
日本球員工會威脅
如果足總再唔提高獎金,
改善肖像權分配以及受傷賠償準則
一眾國腳可能會罷踢國際賽

4)
路維承諾2012或者14年
將會帶領德國再次於大型國際賽捧盃

5)
巴洛迪利當選2010年歐洲金童

6)
辛尼特被指準備撥款7600萬歐元俾史巴利堤增兵
佢地就被指有興趣接收施治
傳聞車路士一旦成功收購艾堅菲夫
就會將佢掛牌

7)
賓尼迪斯威脅國米要為佢引入4名新兵
否則就會考慮於球隊既前途
消息指莫拉堤對佢既言論好反感
考慮搵史巴尼堤取代佢
更有報導指賓尼迪斯聖誕前會被解僱

8)
泰維斯最終願意留隊
早前有報導指曼城寧願踢佢去預備組
都唔益佢離隊

而米高莊遜就打算離隊
佢表態希望以借用形式加盟列斯聯

另一方面,艾利蘭當日離隊曾協議唔可以再批評曼城
而曼城就應允補水150萬鎊
不過近日佢再度向曼城及文仙尼發炮
曼城即刻扣起佢此筆補水
艾利蘭而家決定告上法庭

9)
卡塔爾基金贊助巴塞後
打算再資助佢地1億歐元
俾佢地一併收購托利斯以及法比加斯

而保贊就落實續約到2015年
粉碎佢離隊爭取出場機會既傳聞

另一方面,巴塞全體球員將會捐1%人工搞個基金
以協助退休職員保障生活

10)
消息指盧卡古將於星期四宣佈留隊

11)
賀芬咸方面證實拜仁即將收購巴西防中古斯達禾
而拜仁被指打算出價900萬鎊羅致巴尼斯

12)
消息指史堤芬泰萊準備同紐卡素續約5年半

13)
蘇保迪被指成為皇馬2000萬歐元既新中堅人選

14)
消息指一旦韋斯咸護級失敗
就要賣球員套現4000萬鎊
否則就會有破產危機

另一方面,雖然艾迪巴約唔肯轉投佢地
不過總算多個薜維爾幫手護級

2010-12-19

近幾日既部份新聞......

1)
歐聯16強已有抽籤結果
好多結果都熟口熟面

阿仙奴再遇尅星巴塞之餘
皇馬亦繼上季後再於16強硬撼里昂
國米就撞正拜仁
重演上季決賽戲碼

另一方面,油王嗰仔近日被指有興趣收購哥本哈根
佢地16強即刻抽中對車仔

其餘戲碼就包括:
曼聯對馬賽
熱刺對AC米蘭
史浩克04對華倫西亞
薩克達對羅馬

2)
有中東財團睇中紐卡素
消息指已為紐記付出左3億鎊既艾殊利
目標收返2億鎊止蝕

另一方面,熱刺被指睇中卡路爾
不過因為佢既身價高達2000萬鎊
所以羅比堅尼,杜斯山度士或者賓特尼可能被列作交易既一部份
英國傳媒指艾殊利可能肯放人
以套現俾錢柏度增兵

3)
阿仙奴落實引入日本18歲小將宮市亮
而丹尼臣就被傳成為禾夫斯堡1100萬歐元既增兵人選

另一方面,雲加公開大讚新仔龍門施捷斯尼
仲話睇到舒米高既影子

4)
雲尼斯度萊可能重返燕豪芬
不過佢地想唔俾轉會費就成為交易障礙

5)
侯利亞表明艾利蘭可以於1月離隊

6)
由於索高拿以及羅馬歷於對巴塞前夜蒲
令西維爾高層非常不滿
仲好可能從皇馬引入加高
而家傳聞指佢地可能會被放棄

7)
莫耶斯表示可能於1月賣走仲未續約既派拿
而佢透露由於球會冇錢增兵
佢打算以借用形式引入艾迪巴約或者辛達告魯斯
不過亦同韋斯咸扯上關係既前者
近日又第n次改變主意話唔肯離隊

8)
泰維斯被指希望重返曼聯

9)
巴塞被指打算以1億歐元
一併收購法比加斯以及托利斯

10)
拜仁忽然決定市通知雲邦美可於1月離隊
禾夫斯堡早前亦被傳對佢有興趣
消息指除非可以轉戰英超
否則當時人傾向留隊到季尾

11)
利物浦被指將米蘭祖雲奴域掛牌
希望可以賣到300萬鎊

12)
阿祖安奴被指可能重返巴甲
加盟哥連泰斯以同大哨合組雙箭頭

13)
史浩克04被傳受到嚴重既財政壓力
而被迫放走亨特拉爾
祖雲達斯就被指有興趣接貨

14)
卡塔爾皇室被指有興趣出價15億鎊收購曼聯

15)
費倫天拿表明唔會同梅度續約
條友早前串串貢聲稱拒絕球會同佢續長約既要求
消息指拿玻里有興趣接收佢

16)
洛頓透露可能轉戰希臘超聯

17)
曼城表明唔肯以少過800萬鎊既價錢賣奧奴夏俾新特蘭
而報導指佢地將來外借球員
必定要對方承擔球員既全部人工先有商量

18)
伯明翰被指打算收購賓特尼以及羅比堅尼
而麥利殊就表態希望季尾約滿既拿臣續約留隊

19)
一旦艾夫蘭離隊
曼聯被指打算收購基斯薜圖作為替補

20)
馬略卡成功引入家長昭博
不過會先將佢外借

21)
再講其他同紐記有關既傳聞......

維拉被指有興趣以200萬鎊跳樓價收購史堤芬泰萊

而柏度被指打算從修咸頓
搵舊部屬葡萄牙後衛 Jose Font 過檔

22)
艾曼紐臣透露可能轉投禾夫斯堡

23)
哈利列納表示樂意於熱刺結束領隊生涯

24)
菲爾鍾斯因為膝傷而要提早收咧

25)
消息指BBC打算於全年風雲人物頒獎禮中
頒終身成就獎俾碧咸

26)
早前一度同祖雲達斯扯上關係既19歲後衛米蘭奴域
最終好可能加盟巴勒莫

p.s.:
馬贊比見晒底
仲要13分鐘就打破悶局
國米羸波自然輕鬆
不過絕對唔代表佢地勁
當中迪亞高米列圖既狀態仲一定係最沉嗰個
除非伊度奧忽然受傷或者跌watt
否則都幾難爭得返正箭頭位置

2010-12-16

雖然 out 晒
但有3場波始終想講……

1) 南華對傑志

銀羅艦隊擱淺
衰在繼續中路唔同埋歐沖再次化身足球黑洞

上場睇飛馬
小弟已經同舊同事講一旦畢特落實加盟
白鶴一定 suffer
因為佢最有可能要移後串演中堅
偏偏佢既最佳位置只係防中

球隊本身中堅各有問題
牛奶咀艾維斯肯搶肯拚
但經驗同埋路數唔夠
香港鬥莉王又未夠班
聞屎忽就更加唔使唸

白鶴同埋艾維斯各自可能有好表現
不過就一定要有人帶住去踢
而家兩個半桶水既走埋一齊
上場對飛馬冇今場既傑志踢咁多兩翼傳中

而進攻方面
神之子又一次因為過份上腳而玩死自己同埋隊友

如果本地波有 one on one 項目
佢一定羸硬
不過返到現實
佢一日未轉型同隊友更多合作
佢一日都做唔到好既 playmaker

進攻唔掂
另一個又係明顯唔掂既係卡尼祖
條友又係上腳太多之餘
仲冇左一個箭頭應有既積極性
上一個hea下hea下都搵到食既箭頭已經係’河馬里奧’
佢有冇運行可想而知

最後好想講下 Kim Sir 單嘢
羅神就算係足球白痴
都應該知南韓人精在練體能
而拙於戰術部署
如果唔係羅神都唔使搵陳浩然返來幫手

半場輸3球就已經通知傳媒有嘢宣佈
似係已經決定炒教頭出氣

唔係好明本地波老細點解咁鍾意搵藉口炒人
睇下近期英超既肥佬同埋印度佬
會唔會唸晒藉口,
扮晒好老細先去做嘢

佢隊波居然3年內會有兩個教頭忽然因為健康問題
死對頭早兩年既智利教頭又咁巧合
要返祖家照顧親人而忽然走頭
炒人都驚俾人講閒話
可想而知佢兩個平時放風既嘢有幾多成係堅料

2) 紐卡素對利物浦

利記輸波唔意外
畢竟隊波好一場後又衰返幾場
心態上已經對季尾成績表冇咩期望
但求佢地每場正正常常已經收貨

不過今場點講都係失望
上半場仲算正常
起碼有少少組織能力同埋攻門睇到
下半場既表現
講得唔好聽就只係等死

紐記基本上踢卡路爾1個已經夠殺
史基泰爾對住佢
力量上原本唔輸蝕
偏偏自己踢到失失荒
連簡單解圍都唔湯唔水
表現其實唔好得過南華既艾維斯幾多
咁既水準都一直可以同曼聯,國米以及祖記扯上關係
真係難明
更難明既係點解當年賓帥肯用高價入貨

紐記今場既踢法都係曉頓套
暫時未知柏度有咩新構思
不過以紐記現時冇左賓艾化既人腳
佢多數繼續靠卡路爾做重心

小弟最關心既反而係紐記既防守
條友當年教槌仔幫一樣大踢進攻足球
不過因為防務做得唔好
07-08年球季都係靠泰維斯季尾回勇先護級成功
以紐記現時後防既人腳
唔見得比當年槌仔幫好
加上佢增兵都幾頭重尾輕
一眾紐迷都咪話唔驚

3) 曼聯對阿仙奴

雲加輸波居然賴地硬
失望!

兩隊都踢4-3-3
勝負分野就在於防守
只要逐個位置對比就清楚易明

中堅方面
兵工廠一對法國中堅對住朗尼應該有身高優勢
偏偏多數爭唔羸高波
亦俾到態沉既朗尼幾多空位

另一邊既維迪睇到查馬克好緊
就算一千零一個機會射空門
都俾里奧護到空門

左閘方面
雖然輸12碼唔怪得晒基治
不過佢再次出醜人前就係事實
蘭尼對住佢幾乎話過就過
打死都唔信咁既廢閘會係串王既選擇

相反艾夫蘭全場只有一次走甩陣中最fit既拿斯尼
後者無機會表演
法比加斯只能紮住後備上陣既兵工廠自然死晒火

右閘方面
沙格拿跟唔實移入中路既朴智星固然要負責
而助攻都冇咩表現
某程度同拿斯尼阻住佢條路有關

拉菲爾方面
佢本身表現其實都唔係搶鏡
只係艾沙維持續沉令佢唔算辛苦

中場方面
考慮到雲加多數只派一個防中
費sir明顯有針對部署
費查主打搶截之餘
卡域克同埋安達臣都出力唔算
當中後者活動範圍好大
係佢加盟以來既其中一場代表作
亦係小弟心目中今場既最佳球員
難怪費sir肯同佢續約到2015年

2010-12-15

1)
消息指曼城為左唔俾泰維斯離隊
無論佢轉會抑或掛靴
都會告佢違約而要求佢巨額賠償

至於當時人就表示自己仲係曼城球員
願意於週中既歐霸盃上陣
文仙尼亦透露約左佢星期五私下會面

2)
傳聞肥安季尾離隊
佢落車既導火線係球隊因為慳錢而踢走韋健士

3)
收到150萬鎊分手費既 Big Sam
被傳可能接手韋斯咸
而亦有報導指佢會乘機抖下
再睇下有冇機會執教英格蘭

而有報導指佢唔滿意老闆只肯俾500萬鎊買人
而曾經同老闆開火
搞到連份工都冇埋

另一方面,曉頓,奧尼爾,古比士利以及祖爾
都被指可能接手布力般流浪
而馬勒當拿亦被傳對份工好有興趣

4)
賀芬咸從費古倫斯引入19歲進攻中場法美奴

5)
米列圖被指季尾離開巴塞
重返祖家球會獨立隊

6)
AC米蘭方面表明細哨唔會季中離隊
不過佢阿哥兼經理人指佢最終會返祖家落班

7)
雲馬維克表態將來轉戰西甲

8)
巴尼斯忽然被傳成為拜仁既新左閘人選

9)
奧臣暗示賓特拿應該為國家隊席位而離開阿仙奴

10)
國米搵葡萄牙18歲翼鋒祖奧里斯試腳
而佢地決定外借大衛辛頓去費倫天拿

2010-12-14

近兩日既新聞……

1)
布力般流浪忽然宣佈開除Big Sam

2)
曉頓被傳接手韋斯咸或者錫菲聯
後者有史必即將接手威爾斯

3)
利物浦被指有興趣以1500萬歐元收購蘇亞雷斯

4)
馬干既經理人忽然放風
這名巴西右閘將於世冠盃後考慮前途

5)
白禮達表示國際足協會將8000萬歐元傳入信託基金
俾當地發展足球運動

6)
曼城表明唔接受泰維斯既離隊要求
而當時人表明件事同文仙尼無關
佢仲透露早於暑假已經向會方講過想離隊

佢仲威脅如果冇得走人
就寧願提早掛靴
有消息就指佢其實最想轉戰西甲

另一方面,國米成為最新一間被指有興趣接貨既球會
消息指佢地預左6000萬歐元收購佢同埋蒙杜利禾
不過同市宿敵AC米蘭就表態對佢冇興趣

7)
利物浦亦被傳睇中雷恩20歲防中Yann M’Vila
熱刺以及維拉亦有興趣以1300萬鎊爭奪這名新晉法國國腳

8)
曼城落實同以色列小將阿蘇連簽約兩年半
而哥古夫亦再次同佢地扯上關係

9)
史特加開除上任只有兩個月既J.高拿
同時搵左前漢堡教練拉巴迪亞接手

10)
首爾既26歲南韓箭頭鄭祖國落實加盟里爾
雙方簽約3年

11)
曼聯被指有興趣向維拉利爾引入尼爾馬

p.s.:
阿祖安奴3奪金草莓
真係梅到冇隊友……

2010-12-12

近兩日既部份新聞……

1)
紐卡素被指因為祖爾巴頓既6萬7500鎊週薪對財政構成壓力
而考慮將佢掛牌出售
不過佢地叫價500萬鎊就明顯唔 make sense

韋斯咸只準備以125萬鎊接貨
就算佢肯大幅減人工過檔
佢地都只係準備加碼到200萬鎊

而合約年期亦係交易障礙
佢要求5年半既長約
槌仔幫就只願意同佢簽約3年半

另一方面,當時人尋晚大打爭氣波
協助紐記主場羸3:1
仲當選最佳球員
佢就話要將個獎獻俾曉頓

2)
一旦韋斯咸成功羅致祖爾巴頓
就會增加佢地放走柏加既機會

佢地之前已經將佢定價2000萬鎊
而熱刺就只肯俾700萬鎊
消息指哈利列納而家考慮加碼到800萬鎊

另一方面,槌仔幫被傳有興趣接收羅比堅尼
未知佢會唔會俾哈利列納列作交易條件

3)
泰維斯正式要求離開曼城
消息指原因係佢同文仙尼不和
巴塞,皇馬以及車路士都被傳有興趣接貨

4)
卡比路現身世冠盃賽場
被指係為左接手國米前觀察佢地既表現

而意大利傳媒就指史巴列堤早前返國同國米高層會面
辛格,施蒙尼以及李安納度都被指可能接手

另一方面,費倫天拿既巴西中堅菲臘比就被傳係佢地既新中堅人選

5)
丹普西,恩拿,阿馬利,列治史迪拿
以及以色列射手 I.Shechter
都被指係利記最新既增兵對象
不過前兩者已經否認有關報導

另一方面,格連莊臣繼續被傳離隊
祖雲達斯亦被指有興趣接收艾加

6)
卡塔爾基金會下季起贊助巴塞
每年最低消費3000萬歐元
如果捧盃就每隻盃再加500萬歐元
另巴塞今次簽約另有1500萬歐元簽紙費

7)
上海申花教練巴拉斯域兼職執教國奧隊
合約期至12年年尾

8)
賓特尼被傳考慮回歸布力般流浪

9)
再講紐卡素既新聞……

狼隊被指想以200萬鎊跳樓價收購史堤芬泰萊

而域咸被指係柏度既收購首選
堅尼幾日前高度評價佢
仲估佢會成為另一個朗尼
阿仙奴以及熱刺都被指有興趣出價600萬鎊搶人

另一方面,奇雲基瑾公開炮轟艾殊利
仲話只要有佢一日
紐記都唔會有運行

10)
費sir被指考慮外借伊雲斯
俾機會佢重新建立信心
曼聯就忽然被傳考慮回購C7

另一方面,季尾掛靴既加利佬就會出任預備組教練

11)
2012年歐國盃將試用底線球證

12)
雲加否認賣走艾蒙尼亞既傳聞

p.s.:
恭喜紐迷!

利記尋晚下半場走晒樣
抵死!

賽後感就之後再寫
到時再講埋南傑大戰
打死都唔信阿 Kim 係因為健康理由而離隊

2010-12-10

1)
柏度已同紐卡素簽約5年半
佢透露將會要求艾殊利撥款增兵
佢聽晚會首度領軍迎戰有謝拉特缺陣既利物浦

另一方面,根據民意調查
佢原來只得2%既超低支持率
相反紐迷最希望奧尼爾或者祖爾接手
佢兩個成為超過3/4受訪者既心水領隊

2)
卡路爾表態冇意思離隊

3)
鶴臣否認打算引入細哨
而近日同拜仁,祖雲達斯以及熱刺扯上關係既格連莊臣
佢亦表明冇唸過棄用

4)
報導指卡塔爾皇室為左宣傳足球發展
有興趣收購英超球會
熱刺,愛華頓以及紐卡素都係佢地既傳聞目標
當中前者仲係佢地既首選
新主場隨時會命名為卡塔爾航空球場

另一方面,前亞協秘書長韋立本
提議2022年世界盃改於冬天舉行

5)
史篤城方面承認想買斷賓納特
不過就暗示薩拉戈薩為佢定既600萬鎊身價定得過高

6)
李斯特城方面承認借用碧咸失敗

7)
意大利傳媒指一旦國米羸唔到世界冠軍球會盃
賓尼迪斯將要被迫落台

8)
馬拉加被指打算接收艾蒙尼亞
而佢既經理人透露有中東球會打佢主意

9)
保羅達施華既經理人否認佢轉投薩拉戈薩

10)
杜迪克因為肋骨受傷而要休息個半月
而皇馬忽然被指有興趣向新特蘭收購基恩

11)
吳偉超被傳可能回流港甲,加盟南華

12)
阿美利加既25歲墨西哥龍門奧查
去左富咸試腳

13)
丹尼爾艾維斯講明就算離開巴塞
都唔會加盟皇馬

另一方面,巴塞波衫將有3個廣告位置
會方希望每年可以搵多4900萬歐元

14)
愛華頓有興趣收購舒巴拉拿

p.s.:
今晚,向空櫈致敬……

2010-12-9

1)
消息指柏度即將接手紐卡素
報導仲話星期日下晝佢兩個已經於意大利開會
換言之艾殊利早有計劃踢走曉頓

另有報導指其實艾殊利最終有3大人選
分別係柏度,祖爾以及古比士利
但艾殊利刻薄成性
提供年薪只有45萬鎊之餘
仲表明冇簽字費同埋唔會有巨額離職補水

後兩者總算有咁上下名氣
當然唔肯屈就
而有傳祖爾有可能回巢執教漢堡

另一方面,有傳艾殊利曾考慮搵奧尼爾接手
仲表明會科水1000萬鎊俾佢增兵
但奧尼爾就企硬要有2000萬鎊買人先係加盟

(小弟對報導好懷疑
因為條肥佬節約左咁耐
唔似忽然肯撥款1000萬鎊)

2)
利物浦再同尼索比亞扯上關係之餘
仲忽然被指有興趣接收細哨

3)
龍格堡被傳考慮回歸英超

4)
傳聞艾文達一旦離隊
保頓就會收購辛達告魯斯作為替補

5)
摩連奴被指想搵伊度奧回歸皇馬
(不過這名射手當年同皇馬咁多牙齒印
似乎好難成事)

6)
弗賴堡塞內加爾射手P.D.施斯
被指成為富咸既500萬鎊新箭頭人選

7)
曼城被指與熱刺爭奪史葛路治
另一方面,佢地被指準備拉攏迪士尼合作搞主題公園

8)
法蘭迪保亞接手阿積士後既首個難題
就係挽留已有離心既蘇亞雷斯
消息指一旦失敗
就會搵賓特拿過檔作為替補

9)
紐維利同比勒費爾德解約
仲再次宣佈掛靴

2010-12-8

近兩日既新聞……

1)
紐卡素突然宣佈開除仲未達成續約協議既曉頓
賠償金仲低到只得20萬鎊
而龍門教練巴朗亦有份落鑊
‘原因’係高層認為要搵一個更有經驗既領隊

傳聞祖爾,古比士利,柏度,奧尼爾,麥卡倫
同埋曾經執教諾域治既林拔
都被傳可能接手紐記

當中前者幾乎於同時間向阿積士請辭
(位置已落實由法蘭迪保亞取代)
更已去左英國東北部
令傳媒相信佢此行係為左見工

但另有分析指艾殊利根本唔準備出高人工請領隊
所以叫價同曉頓差唔多既柏度
最有可能接受這份年薪45萬鎊既 offer

而家球隊暫由比士利領軍
史東就從旁協助

另一方面,舒利亞同埋蘇甘保都公開為曉頓抱不平
前者亦同時表明唔會接手

2)
曉頓離職前被指考慮引入韋達
而維拉以及史篤城都有興趣搶人

3)
利物浦被指即將以300萬鎊
從雷恩引入26歲法國右閘芬尼

4)
畢特落實於1月起加盟南華
消息指佢既週薪高達3萬鎊
雖然遠低於英超價
不過已經係近年港甲最貴外援

5)
國米第n次被指卡斯辛奴
意大利傳媒指雙方將會簽3年死約同埋1年生約
年薪高達400萬歐元既佢仲會繼續著99號波衫

而國米亦被指有興趣以1400萬歐元引入仲未續約既比比
不過派拿既經理人否認佢會轉投國米

另一方面,文仙尼以及馬列卡就被指會被賣走套現

6)
消息指拿斯尼即將以8萬鎊週薪既條件同阿仙奴續長約

而雲加被傳考慮出價800萬鎊從奧沙辛拿收購左閘蒙利爾之餘
亦被傳準備以150萬鎊既價錢放走艾蒙尼亞

7)
馬拉加希望於1月從馬體會借用阿辛祖
而馬利斯卡就落實以自由身加盟

8)
維拉被指準備以700萬鎊羅致施素高

9)
消息指曼城即將同艾度曉解約

10)
曼聯被傳有興趣以2600萬歐元
從薩克達一併收購威廉以及杜格拉斯哥斯達

另一方面,消息指緬甸軍政府獨裁統治者丹瑞
曾經考慮出價10億美元收購曼聯

11)
韋斯咸以及保頓都被指有興趣向皇馬借用簡利拿斯

12)
羅比堅尼被傳轉投狼隊

12)
莫斯科中央陸軍既1名球員涉嫌強姦1名22歲女子
不過暫時仲未知邊個係男主角

13)
保羅達施華好可能於1月離開新特蘭
佢既經理人透露墨西哥球會 Cruz Azul 打佢主意
不過亦唔排除佢會轉戰西甲

p.s.:
1)
意甲工潮有望解決
今個假期都仲有意甲睇

2)
招積重申唔會同足總續約
可惜......
不過總算見好就收

2010-12-6 (2)

近兩日既新聞......

1)
利物浦再有增兵對象
當中包括麥薩斯,布隆特以及卡頓高爾

另一方面,有傳一旦鶴臣落台
利記會搵奧雲高尼接手
同日更有傳聞指曼聯高層想搵佢於費sir退休後領軍

2)
英國人繼續小家
傳媒聲稱普京指示國家安全局收買國際足協委員
而佢地亦指包括南韓,美國等7個國家代表反口唔撐英格蘭
而更奇既係英格蘭足總副會長竟然亦被指其實唔撐自己友
更 cheap 既係話要趕艾沙維出英超

阿根廷足總就否認收賄7840萬美元
以支持卡塔爾主辦2022年世界盃

3)
碧咸被指打算於約滿後
成為美職盟球會班主
唔少球隊都因為佢既名氣而有興趣同佢合作
不過更有可能係佢會成立一間新球會

4)
侯利亞承認有興趣表收奧雲

5)
巴塞被指想同哥迪奧拿續約5年

6)
英格蘭足總表示哈利列納係新教練既首選

7)
薩拉戈薩被指希望借用卡路士韋拿

8)
意大利傳媒爆料史尼達緣盡金球獎
因為沙維,恩尼斯達以及美斯成為最後3強

9)
日前對保頓既聯賽
泰維斯唔滿意俾文仙尼換走而即場同佢理論
令外間更懷疑文仙尼既管治威信

另一方面,日前提到曼城想買丹尼爾艾維斯
出價原來高達5000萬鎊
佢地亦有興趣以4500萬鎊引入格里夫巴利

而消息指布歷治一旦離隊
將會考慮離開英超

10)
雖然有報導指曼聯仲想同傑斯續約1年
不過當時人就暗示會於季尾掛靴

另一方面,費sir被指將獲撥款1億鎊增兵

11)
哈利列納表示如果價錢合理
佢準備賣走羅比堅尼
而祖雲達斯就再次被傳有興趣接收佢
佢地既宿敵AC米蘭亦令人意外咁同另一個'堅尼'--堅尼米拿扯上關係

12)
阿倫史勿夫表態唔會轉投布力般流浪

13)
巴勒莫暗示願意放走柏斯托尼

14)
車路士成為最新一間同加利卡希爾扯上關係既球會
肥安於球隊被愛華頓逼和後
批評防線制空能力差

2010-12-6 (1)

想講兩場波......

1) 拉素對國米

賓尼迪斯例牌賴傷兵多
不過佢教波水準進一步滑落似乎先係國米沉淪既主因
佢太想走出摩連奴既影子
咩都為改變而改變

除左因為解放伊度奧而令佢回勇
(但就玩死米列圖!)
對隊波其實冇其他'德政'
而變得越亂就越易得罪隊中嗰班大哥

佢今場失驚無神用牛奶仔拿達利奴踢正選
最終埋下輸第二球既伏線

2) 西布朗對紐卡素

穆林保停賽缺陣
對西布朗既截擊力原本好蝕底
不過格夫里同埋迪奧迪水準以下既表現
就令西布朗既5人中場仍有優勢

紐卡素近期進攻多左時間靠一對高大箭頭做二傳
中後場好多時只係簡單將個波大腳送去前場
格夫里同埋迪奧迪既助攻職責應該輕左
偏偏佢地專攻防務都交唔足貨
就好難講得過去

紐記作客主場強勢既西布朗
略為主守好正路
偏偏中後場只係人多
攔截真係好唔積極

印象中俾左西布朗差唔多10次機會於禁區頂前後3碼發炮
中場中兩個球員要負既責任特別大
俾迪祖爾第二時間入波就絕對係抵死結果
而格夫里蝦碌送既第二球就更加離譜
亦令場波提早進入垃圾時間
如果唔係陣中其他中場中路球員各有問題
佢兩個唔使半場已經可以 early shower

西布朗方面
奧丹維治傷癒後其實唔算 fit
不過於比賽前半段總算成功牽制紐記一對箭頭
令5人中場有幾多機會後上攻門
至於下半場可以梅開二度
雖然係多得格夫里同埋蘇甘保唔多掂
但畢竟會對佢既信心有幫助

而布隆特近日被指成為利物浦既300萬鎊增兵對象
令小弟今場更加留意佢
佢今季移入中路後雖然表現升晒呢
不過似乎仲未夠班踢大會正選
與其搵佢做謝拉特既替工
鶴臣更應該將資源收購中堅或者防中

2010-12-4

近兩日既新聞......

1)
俄羅斯以及卡塔爾分別奪得
2018以及22年既世界盃決賽週主辨權

而英格蘭爭唔到18年既主辦權之餘
仲只係恥辱性得到兩票而於首輪出局
英格蘭仲連風度都輸埋
首相卡梅倫唔肯向普京發賀電之餘
國內傳媒亦聲稱俄羅斯係內定既主辨國

2)
郭家明落實出任中國國家隊既技術主任
負責為聯賽以及青訓等範疇提供專業意見
佢透露目標幫助國足重返亞洲一線

3)
羅神透露而家斟緊1名比畢特更有名氣既英超球員
(羅比堅尼?!)
如果成事會一齊於1月加盟
兼於2月於賀歲盃上陣

而佢亦透露賀歲盃會有3隊外隊
而家已斟妥1支中超同埋1支韓職球隊
只係等緊 J-League 球會回覆

4)
哥迪奧拿既經理人證實佢受到6間球會既垂青
英國傳媒指其中一間正係車路士

5)
AC米蘭方面透露球隊會買箭頭
不過並唔係大熱既馬特尼以及賓施馬

6)
利物浦被傳考慮出賤價收購厄遜
佢既韋斯咸既合約將於季尾完結

而利記就落實同兩名小將馬田基利以及柏捷高續約到2014年

7)
德國女足既正選龍門安格勒
承認自己係雙性戀者

8)
皇馬主席佩雷斯透露球隊將於1月買箭頭
而迪施高就係最熱門人選

而希古恩被指去左巴塞市既專科求醫
(馬德里冇好醫生咩?!)

另一方面,就洗底事件
摩連奴被罰停賽兩場
其餘涉案球員以及皇馬就可以罰款了事

9)
拜仁方面表明舒韋恩史甸加係非賣品

10)
幾段曼城既消息......

由於巴塞唔肯將丹尼爾艾維斯既人工加到600萬歐元
所以好可能於1月賣佢套現

車路士同埋曼城就最想接貨
當中後者仲準備以22萬鎊週薪利誘佢

而文仙尼再次被指有棄將名單
當中基雲以及艾迪巴鉉會被外借
而辛達告魯斯,胡禮菲臘斯,尺史葛以及布歷治就會被掛牌出售

另一方面,巴洛迪利尋日練波期間
由於唔滿意謝路美保定既攔截過勇
一度企圖罷操

11)
艾巴莫域治既17歲大仔
被傳準備收購哥本哈根

12)
普度斯基日前於練波期間同隊友蘭歷開拖

13)
曉頓透露而家未有打算於現時陣容作出任何改變
不過紐卡素就被傳考慮借用阿當莊臣

而紐記落實同蘭加以來威廉臣續約到2016年

另一方面,阿仙奴被指有興趣以2000萬鎊收購卡路爾

14)
博洛尼亞由於財政問題而俾聯賽賽會扣左1分

15)
奧雲高尼暗示如果收到好價錢
唔介意放走艾文達

16)
舒華沙落實同富咸續約兩年
粉碎佢轉投阿仙奴既傳聞

17)
雲加被指已轉打基雲以及迪亞高洛迪古斯既主意

18)
愛華頓被傳準備外借碧福特

19)
維拉被傳有興趣接收羅比堅尼

20)
馬勒當拿表態希望回巢執教小保加

21)
麥斯盧比斯暗示有興趣轉投祖雲達斯

p.s.:
1)
國米官網竟然於文字直播既最後20分鐘
一直錯誤顯示球隊羸緊1:0
但實情係佢地破蛋前已經失左兩球
最後仲輸1:3
大抵連佢地既職員都接受唔到賓帥教到國米咁屎

2)
巴西有出版商將於2013年為大哨出版純影集
仲要賣成2萬5000蚊港幣
佢係咪咁有市場呀?

3)
溫馨提示:
黑池對曼聯場波
因為天氣問題改期

2010-12-2 (2)

近幾日既新聞......

1)
利物浦方面證實加歷查要養傷3個月
利記隨即被傳希望收購加利卡希爾作為替補

而消息指曼城已拒絕利記借用艾迪巴約既要求
熱刺亦有興趣借用佢
仲願意負擔佢一半人工(即係6萬鎊)

另一方面,利記亦同多名法國球員扯上關係
當中包括傳左成個夏天既雷米

2)
意甲球員工會宣佈下星期罷工
事緹佢地唔滿意新條例唔保障剩返1年合約既球員

3)
艾蘭奴決定回流巴甲,加盟母會山度士
價錢只係290萬歐元

4)
AC米蘭被指即將以1200萬歐元回購前青年軍射手馬特尼
交易仲包括艾斯托利既5成擁有權

5)
費sir被指準備於1月賣走幾個球員
當中包括朴智星,卡域克以及吉遜
當中前者可能轉戰西甲,加盟西維爾

另一方面,費sir聲稱已接受雲達沙季尾掛靴既事實
而當時人就向佢推薦史達基倫保

6)
保方表態唔準備離開祖雲達斯
而佢地亦打算季尾買斷阿古蘭尼

另一方面,佢地尋晚踢歐霸分組賽再次和波
宣佈提前出局

7)
雖然葉士域治打入聯賽盃4強
(對手為阿仙奴)
不過堅尼依然面對好大既下台壓力
畢竟球隊於英冠4連敗

8)
波歷克已經可以接受輕量訓練

9)
國米方面再次否認已經同卡斯辛奴簽約至2013年
而佢地被傳有興趣1月羅致查斯古特

另一方面,辛尼迪聲稱全體球員都好撐賓尼迪斯
不過意大利傳媒就懷疑佢只係為左穩定軍心而出口術

10)
碧咸表態唔會加盟愛華頓

11)
雲加聲稱1月唔會增兵
不過法國傳媒指佢睇中羅連安特既射手加美路
消息指利物浦亦對這名可客串翼鋒既23歲球員好有興趣

12)
胡禮菲臘斯被指可能轉投維拉
而辛達告魯斯就可能重返布力般流浪
亦可能轉戰西甲,加盟愛斯賓奴

2010-12-2 (1)

兩場波想講……

1) 巴塞對皇馬

如果睇返皇馬既自殺式佈防
所謂既意外賽果其實都好正路
罰少個12碼更加唔係勝負關鍵

摩連奴根本冇用到證明成功既4大法寶:
死守再突擊+犯規戰術+凍結沙維+圍捕美斯

球隊防線由開波一刻已經冇明顯縮後
俾晒空間巴塞發揮
講得唔好聽只係等死
當然巴塞今場多左邊線發難
就更易搵到空位

而皇馬雖然都有好多犯規
不過大部份都係於垃圾時間發生
實情只係班友連品都輸埋
球隊根本冇好似上季國米咁
於中前場已經靠毛手毛腳阻礙巴塞將個波運去前場

至於沙維以及美斯
前者今場破開季紀錄有110次傳球
後者全場亦少有被圍攻
造就佢多次一個扭幾個
佢地有幾 free 真係可想而知
(偏偏C7同埋賓施馬就反而多次被圍攻
真係諷刺)

至於摩連奴點解要自殺
可能性有兩個:

一係佢知道高層同埋球迷唔接受球隊死守巴塞
所以無奈用球隊既弱去硬撼對手既強
但現階段唯有高質素既大巴士戰術足以尅制巴塞

二係旗下球員根本做唔到佢既死守要求
而唯有放手一搏
偏偏補位同埋截擊既效率都唔夠對手
皇馬今季既防守雖然有進步
不過陣中始終唔夠岩用既實用球員
當年摩連奴都要第二季先成功改造國米
皇馬真係好似佢形容既'重建中'球隊

雖然西甲歷史多次證明輸左對賽成績
(段估皇馬次循環羸唔返6球掛?)
就多數失落聯賽
不過聯賽而家只係落後兩分
當然未絕望

因為事實證明摩連奴旗下既皇馬面對巴塞以外既球隊
攞分比率都幾高
加上人腳其實亦略比巴塞充足

現階段既關鍵係摩連奴點樣調整球員既心理狀態
次循環點樣復仇已經係後話

2) 南華對天水圍飛馬

畢特一定係焦點
如果只睇新聞精華仲會覺得佢好勁
不過有入場既都應該知幾個月冇比賽既佢始終冇態

大抵知道自己冇體力捱足90分鐘
畢特由熱身到上半場都幾 hea
佢上半場既表現仲似足踢衛生波既元老球員
除左一腳冇咩可能入到既窄角度勁射中楣
同埋吊個高波俾泰利史高斯打倒掛
南華其餘時間真係好似踢少個人

佢下半場既表現係有大改善
至少多左參與組織
不過同隊友冇默契
加上其他人始終同佢有級數上既距離
效果唔算太搶亦係意料之內

睇慣英超既都知佢既死球水準只係有限公司
靚罰球怕且只係撞彩之餘
仲要多謝李瀚灝失位兼竟然唔搵人企遠柱
而未射12碼都知佢可能出事
因為小動作唔多唔少都已經出賣左佢
羅神英超價簽佢
就當佢碧咸咁用
真係笑話

南華羸波
頭號功臣其實係對巴拉圭出醜既神貓
其餘球員都唔見突出
泰利史高斯有球靚倒掛
不過亦有高章後踭射空門唔中枉
艾維斯同埋完場前建功既卡里祖其實繼續冇態
小弟覺得佢地至少有一個會俾羅神解約

飛馬方面
麥保美同埋伊達都唔錯
不過都唔夠李康廉咁搶
小弟越來越覺得佢仲勁過阿哥
即管睇下佢下季會唔會俾羅神收歸旗下

p.s.:
港版巴塞既老闆5件
豪言巴塞羸皇馬5粒
下星期六對銀羅艦隊都要重演
係真唔係呀?!

2010-11-29 (2)

1)
利物浦被指考慮將艾加賣去漢堡或者拜仁

2)
斯洛文尼亞16歲神童被指成為多間大球會既增兵對象
當中包括曼聯,曼城,阿仙奴以及阿積士

3)
車路士總監晏尼臣季尾離隊
碧格列斯坦成為接手大熱
亦令傳聞吹風油王可能順手搵埋哥迪奧拿接替肥安

4)
維拉將艾殊利楊格既身價定為8000萬鎊
希望可以嚇走一眾英超買家

5)
雲加副手柏懷斯季尾退休
傳聞保特有機接手

另一方面,雲加再次被指考慮引入加利卡希爾或者積基卡

6)
泰維斯透露會於30歲前掛靴
而阿當莊臣被傳可能於1月以借用形式離隊

7)
曼聯被指打算出價1200萬鎊斟酌舒韋恩史迪加
而佢地唔打算將韋碧克賣俾新特蘭

8)
夏薩特表態現階段唔會轉戰英超

p.s.:
今晚04:00再睇摩連奴既犯規戰術!

2010-11-29 (1)

想講過去兩日既英超:

1) 維拉對阿仙奴
小弟就唔覺得皮利斯會對維拉唔會有好大貢獻
佢雖然俾波好叻
不過佢已經冇餘力幫手搶截
只會變相削弱中場截擊力

維拉更值得注意係幾個來過香港踢7人賽既小朋友
艾邦拉賀同埋迪方尼素唔使多介紹
班蘭,鶴治,艾布列頓等小朋友俾到中場既機動力
其實更令小弟期望

2) 曼聯對布力般流浪
貝碧托夫一場入5粒係超勁
不過條友同朗尼其實都係狀態唔夠穩定既球員
一係起勢咁入
一係就個幾月都入唔到球波

考慮到奧雲已經入左冷宮
而馬捷達既發展又比預期慢
曼聯今季最值得期待既應該係小豆
當然費sir而家最希望見到既始終係朗尼回勇

3) 紐卡素對車路士
尋晚車仔果然失分俾紐記
天氣對雙方發揮都冇大影響
如果紐記叫陣容不整
咁車仔就一定係殘陣

冇左林伯特既中場冇晒組織力
前線盡派攻擊球員根本冇用
馬路達有必要更多時間以進攻中場既角色現身

而以拉美利斯同埋米基爾現時既功力
加埋都唔夠一個艾辛

後面仲要冇埋泰利
靠當年俾摩連奴批死冇料到既阿里士
結果咪又係出事
肥安之前已經講明1月唔會大手增兵
不過一個稱職既中堅就絕對必要

肥安慶幸既應該係泰利同埋林伯特兩大巨頭
下場應該可以候命

紐記方面
就繼續佢地既簡單踢法
表現算係不過不失
一對中堅,快翼以及箭頭都算係交到功課
不過森遜同埋古費利既狀態就始終唔及上季

紐記冇左賓艾化之後
如果要再變招
唯有從速度入手
卡路爾二傳俾幾隻快馬應該會好殺食

盧雲卡蘭斯,貝斯同埋蘭加都大派用場
不過唸極都唔明點解前者今季要入雪櫃
小弟估佢隨時1月同紐記和平分手

4) 熱刺對利物浦

戲劇性輸波都唔想搵藉口
始終係冇對手踢得咁好
高捷斯基出事根本亦只係意料中事

而家仲要冇埋加歷查
有危就有機
原本可以趁機換血
偏偏基傑亞高斯同埋艾加都各有問題
前者有體能冇質素
後者長期玻璃腳兼隨時1月去國米跟賓尼迪斯搵食
(段估賓帥1月都仲未落台)
(不過亦有傳佢會被賣去德甲)

2010-11-28

近兩日既新聞.....

1)
莫耶斯透露想以借用形式引入碧咸
佢兩個當年曾於普雷斯頓合作

2)
報導指艾迪巴約將會申請雙重國藉
(選擇離唔開英國或者法國)
以符合以歐盟球員身份加盟祖雲達斯

消息指萬一過程出左問題
祖記就會改為斟酌賓特拿

3)
曼城成功引入以色列小將艾蘇列
被形式為新美斯既佢已經簽約4年
巴塞將會收到40萬鎊賠償

4)
因為槍傷而仲未可以復出既卡賓拿斯
炮轟球會阿美利加拖糧130萬美元

5)
羅比堅尼被傳將會轉戰美職聯
加盟新加入聯盟既溫哥華白帽

6)
祖爾面臨下台壓力
報導指阿積士隨時會搵法蘭迪保亞接手

7)
尋晚對布力般流浪賽前
先有傳聞指費 sir 準備唔同貝碧托夫續約
點知之前連續10場食白果既佢就一場入夠5球
仲憑11個入球反彈上射手榜榜首

而連迪加特已落實加盟曼聯
不過要到1月先會去曼聯報到

另外,曼聯被指即將同傑斯以及史高斯續約1年
不過加利佬就冇份
意味佢季尾掛靴

另一方面,史浩克04被傳有興趣接收奧雲

8)
博洛尼亞老闆保斯達決定將球會放盤

9)
派特利將於季尾同史雲斯約滿
不過雙方仲未達成續約協議
一直同佢扯上關係既紐卡素因而被傳準備出賤價搶人

10)
熱刺再次被指將以1200萬鎊收購迪亞拉

p.s.:
1)
祝紐記同埋利記今晚都好運

2)
見到皮利斯倒戈兵工廠
感覺真係好怪

3)
讀者路斯基話最近唔知點解留唔到言
小弟暫時都搵唔到原因
大家又有冇遇到同類情況?

4)
又係買 Keymansoho 既大日子
今期封面係張繼聰
多謝支持!

2010-11-26

近幾日既部份新聞......

1)
利物浦公佈由華拿出任新主席

而拉爾拿就表示利記如果想留得住陣中大牌球員
就要盡快改善佢地既聯賽成績
而佢亦要求球迷支持領隊鶴臣

2)
利物浦被傳同車路士爭奪巴勒莫21歲防中巴斯洛域
不過利記唔似俾得起這名新晉斯洛文尼亞國腳既1200萬鎊身價

利記亦被指有興趣收購安利
仲考慮將奧拿里奧作為交易既一部份

而巴布以及米蘭祖雲奴域再次被傳將被放棄
柏捷高就成為最新一個傳聞套現人選

3)
就日前固意領紅洗底
歐洲足協已經表明會調查
摩連奴,杜迪克,卡斯拿斯,沙治奧拉莫斯以及沙比艾朗素
都有可能要面對罰款,甚至停賽既處分

4)
克盧日已接受富咸對拉斯拿查奧爾既300萬鎊出價
意味這名科突迪瓦射手將於1月轉戰英超
阿仙奴1月既時候亦曾經同這名6呎8吋長人扯上關係

5)
卡斯辛奴被傳將於1月加盟國米
報導仲話佢已經於米蘭買屋
而烏甸尼斯中場艾沙姆就係最新一個國米增兵傳聞人選

不過最早落實既就係基爾禾18歲箭頭達路

6)
法比加斯因為腿筋傷患而要休息至少3星期
而雲加決定將艾朗藍斯短暫外借到諾定咸森林

另外,艾沙維被傳可能離隊
原因係佢老婆唔適應英國既生活之餘
佢亦因為長期踢左中場而唔能夠發揮佢既最高水準

另一方面,薩格勒布戴拿模透露拒絕兵工廠
對兩名新星M.高華斯域以及沙積高合共2000萬歐元既出價
前者被形容為克羅地亞美斯
至少有6至7間大球會打佢主意

7)
艾迪巴約聲稱將於1月以借用形式加盟祖雲達斯
而泰維斯就再次透露準備3至4年後掛靴

8)
車路士於U-15級別比賽狂數曼城9:0
而佢地已同斯洛文尼亞球會馬里博爾達成合作協議
不過已提升王1隊既小將米高活士就被外借到諾士郡

9)
達寧表態希望侯利亞於1月引入5名新球員

10)
連迪加特即將落實以420萬鎊加盟曼聯
而古斯鍚就好可能於1月離隊

另外,曼聯再次同森本貴幸扯上關係
更被指打算用貝碧托夫交換保方

11)
紐卡素被指打算向巴士利出價50萬鎊收購咸美爾
這名22歲翼鋒當年係利物浦既青訓產品

12)
保頓落實同李青龍續約至2013年
粉碎佢既離隊傳聞

而佢地下季將引入中國17歲小將張稀哲
如果佢到時搞唔掂工作證
先考慮將佢外借

13)
赫臣被傳回巢執教韋斯咸

14)
韋碧克表態希望新特蘭買斷佢

p.s.:
朗尼做足門面功夫同曼聯球迷認錯
有用咩?

2010-11-23

近兩日部份新聞......

1)
利物浦再有多名傳聞增兵對象
當中包括奧斯卡加度素,夏薩特以及謝雲奴

另一方面,利記將於暑假再次去亞洲搵錢
似乎係贊助商渣打銀行既影響

2)
南華方面聲稱畢特將於下星期二對飛馬既比賽列陣
佢地已經為佢辦註冊手續

而佢地唔會透露畢特既人工係唔係20萬鎊天價
不過當時人接受英國傳媒訪問既時候已經暗示左唔係

3)
車路士近況插水
油王決定擱置同肥安續約

而肥安亦對球會踢走韋健士
以及佢一直對冇權買人而耿耿於懷
早前索性炮轟油王
英國有賭波公司仲將佢離隊既賠率封盤

另一方面,車路士被傳準備出價800萬鎊接收史堤芬泰萊

4)
熱刺被指有多個增兵對象
當中包括賓施馬,格連莊臣,荷西安歷基以及柏加
不過前者只係借用形式
事關熱刺既財力始終有限

5)
盧馬斯表態有興趣接手韋斯咸
而槌仔幫已經率先踢走助教柏杜域

6)
侯利亞透露打死都唔放走艾殊利楊格
而佢被指打算引入舊部屬P.祖連奴

而傳聞一旦洛蘭迪離隊
畢爾包將從維拉接收卡維作為替補

7)
細哨再次俾傳媒踢爆夜蒲
傳聞艾基里已經決定請示老闆1月踢走佢

8)
曼聯同埋阿仙奴繼續搞青訓
前者被指準備出價100萬鎊從列斯聯引入16歲高速小將基比
而後者就搵中國17歲防中李源一試腳

另一方面,亦有傳聞指曼聯睇中格流既24歲翼鋒賴史勿夫

9)
杜明尼治做義工
為一間體育會任教 U-11 球隊

10)
標準烈治既26歲布隆迪射手 M.Tchite
被指成為紐卡素350萬歐元既增兵人選

11)
國米被指有興趣於1月從烏甸尼斯引入沙柏達華倫西亞
不過曼城亦有興趣出價800萬鎊搶人

12)
蘇超球證決定罷工
以抗議些路迪會長出口術令一名球證冇得撈

p.s.:
赤道畿內亞女足既主力射手辛寶莉被傳原來係男人
係真既話都好屈機!

2010-11-21

1)
消息指貝尼斯干尼準備暑假俾佢個女接棒
仲會撥款8000萬歐元增兵
收購名單包括巴洛迪利,大衛雷斯以及M.施素高

2)
阿仙奴打算引入17歲日本箭頭宮市亮
不過先要解決工作證既問題

3)
樸茅就蒙達利既轉會
向國米追討100萬歐元特別獎金
不過國米聲稱當日樸茅從烏甸尼斯收購蒙達利
亦有45萬歐元既類似獎金未俾
所以已經將條數直接過俾烏甸尼斯
(咁即係仲走數55萬歐元?!)

4)
戴倫賓特透露日前於商店購物時
俾紐卡素球迷用玻璃樽襲擊佢架車
即使佢朋友既女友當時身在車廂
佢地依然繼續攻擊

p.s.:
1)
香港破紀錄7金
勁!
仲要唔多靠祖國既剩餘物資

2)
尋晚真係多波入
不過紐迷同埋兵迷應該好傷

2010-11-19

1)
報導指利物浦就謝拉特為國捐軀要養傷1個月
將會向英格蘭追討50萬鎊
大約等如佢既4星期人工

另一方面,巴素利既 B.Safari 被傳成為利記另一左閘人選
而佢地亦被傳有興趣接收卡蘭積卡

2)
皮利斯落實同維拉簽約到季尾

3)
連迪加特即將加盟曼聯
阿里辛特錯誤提早於官網公布消息就令消息曝光

4)
R.Yanbaev 被指成為阿仙奴既增兵對象
這名俄羅斯國腳可以踢左右二閘

另一方面,奧華馬斯暗示想加入兵工廠既教練團

5)
泰利透露傷患雖然斷斷續續左5年
不過情況似乎冇當初版本咁嚴重
佢最快可以下星期於歐聯紮住上

而梅迪薩卡就被傳成為車路士10000萬鎊既新中堅人選

6)
傳聞施蒙尼將會接手小保加

7)
當路雲被傳將再次加盟愛華頓
佢向傳媒透露即將決定係唔係再次短期效力歐洲球會

8)
李華度返巴西落班
出任地區球會莫吉米連既主席兼球員

9)
印度財團 Venky 正式入主布力般流浪

10)
曼城被指將於1月賣走艾迪巴約,布歷治,胡禮菲臘斯,辛達告魯斯,祖奧以及基雲
再以3500萬鎊收購迪施高

另一方面,阿當莊臣就改口風話要留隊

11)
薩拉戈薩落實由艾古爾取代基爾領軍

12)
高禾因為今季第二次唔守隊規去劈酒
可能俾里昂提前解約

2010-11-18

近來部份新聞......

1)
BBC決定於世界盃主辦權公布前3日
推出有關申辦世界盃醜聞既節目
傳聞部份節目內容可能會爆自己友大鑊
佢地因而俾英格蘭既申辦委員會狂插

2)
英國傳媒指費sir其實多年來
都希望有機會執教巴塞

3)
隨住艾曼紐臣決定季尾以自由身離開阿積士
利物浦隨即同佢扯上關係
不過祖雲達斯,多蒙特,漢堡,拉素以及愛華頓亦對佢好有興趣

而瑞典國腳雲迪亦係利記既另一左閘人選
報導指400萬鎊足以令哥本哈根放人

另一方面,利記被指打算用祖雲奴域以及巴布
同多蒙特交換巴里奧斯

4)
伊朗足總再次被指想搵老馬執教

5)
皮利斯將於短期內落實加盟維拉
而侯利亞表示唔會於1月引入奧雲
不過佢地就被指睇中賓施馬

6)
車路士以及紐卡素都被指希望羅致保夫萊特

7)
賓特拿威脅再冇正選就會要求離隊
消息指拜仁打算於1月接貨

8)
鄧納東尼接手卡利亞里

9)
賓尼迪斯被指希望於1月引入艾加以及派拿
不過賓仔到時仲有冇得撈都係 unknown
事關國米被指想搵史巴尼堤接手

10)
韋斯咸被傳搵迪肯尼奧回巢接手

11)
泰利透露可能要養傷幾個月
車路士隨即被指將於1月以2500萬鎊收購大衛雷斯

12)
賴恩泰萊因傷缺陣4個月

13)
皇馬再次被指有興趣收購柏斯托尼以及洛蘭迪
當中後者既身價已經勁升至6300萬歐元

14)
曼城再次被指準備賣走艾迪巴約
報導指佢最有可能去祖雲達斯
事關迪比亞路季尾約滿
貨不對辦既阿馬利又可能會被迪利尼放棄

另外,曼城被指打算出價700萬鎊
同國米爭奪愛斯賓奴既西班牙中堅域陀雷斯

另一方面,辛達告魯斯訪港期間
本地傳媒就佢既去向有兩個版本
(不過小弟親口問佢
仲未做決定既佢就話未必走人)
而表態希望離隊既就有基雲以及阿當莊臣

15)
蘇蘭奴開班教人跳南美舞蹈 Salsa

p.s.:
尋晚又係太公波既日子
美斯以1敵4都入波固然全球最勁

最火就係睇住謝拉特又為國捐軀
冇老嘢帶隊就要佢 over-run
No way!

而西班牙居然輸俾葡萄牙0:4就一定最估佢唔到
不過最唔開心都係睇住香港吞足巴拉圭7蛋

預左香港最低消費都要4至5球
不過睇住右路好似不設防咁
加上中路又只係得李志豪頂住
輸7球其實好合理

加埋隻衰貓雪到硬晒都居然有正選
開生波撻Q變助攻
真係頂佢唔順
唔係小弟馬後炮
賽前睇佢練高波甩手甩腳
小弟已經同 fd 講今次肯定大檸樂

同意因為香港冇好龍門
佢可能仲夠實力入選
不過有冇正選就好值得商榷
今次隨時又係'腦細'足球既另一例子

2010-11-16

近幾日超忙
所以只講幾單新聞
之後先正式補返個 round-up
請見諒!

1)
消息指紐卡素準備同曉頓續約至2013年
而史堤芬泰萊就再次同曼城扯上關係

2)
巴塞已落實於1月引入阿費利

3)
文仙尼俾曼城解約既賠率持續下滑
而軒迪克透露暑假既時候
曼城以及利物浦都對佢展開斟酌

4)
納比被傳接手烏克蘭

p.s.:
1)
香港16強吞足3蛋
係唔夠對手好波
不過問題12碼就明顯係關鍵

2)
真係俾小弟講中
南華搵既真係謝利柏拉斯奧斯......

2010-11-12

近幾日既部份新聞......

1)
拉爾拿再次否認離隊傳聞
而有消息指佢一旦離隊
鶴臣就會以700萬鎊引入紐亞作為替補

而本田圭佑就再次被指成為利記1月既900萬鎊增兵對象

另一方面,消息指利記新老闆約翰亨利
日前向31歲女友成功求婚而即將再婚

2)
恩沙基因為膝部韌帶撕裂而提早收咧
不過佢表明唔會就咁掛靴

3)
車路士會方忽然同韋健士解約
消息指原因係高層嫌佢人工太高
肥安表示理解會方決定
不過擔心球隊士氣會受到影響

傳聞肥安可能搵馬甸尼或者加利幫佢手
亦有傳聞指前巴塞技術總監碧格列斯坦下季可能會過檔車仔

4)
史奈達日前突然暈倒
原因證實係貧血

另一方面,隨住森美爾提早收咧
國米被指睇中愛斯賓奴既21歲西班牙中堅域陀雷斯

5)
雲加決定同3號門將施捷斯尼續約5年
佢既人工由原本既2千鎊急升至3萬鎊
有分析指雲加應該好睇好佢
隨時放棄引入基雲或者舒華沙

另一方面,雲加透露華美倫日前再次觸傷舊患
仲未知佢今次要休養幾耐

6)
摩連奴被指睇中帥睇中哥迪奧巴禾以及迪亞高艾維斯
以取代杜迪克既後備席位
這名波蘭龍門好可能於季尾被棄用

另一方面,馬體會被指為左套現
而願意以1800萬歐元將科蘭賣去皇馬

7)
祖雲達斯以超筍價40萬歐元
從莫斯科火車頭引入塞爾維亞19歲後衛 M.米蘭奴域

8)
阿費利透露夢想加盟巴塞

9)
西甲聯會公布「國家打吡」將於29/11上演
(即係香港時間30/11既凌晨)

10)
熱刺被指打算出價400萬鎊收購米克威廉臣

11)
伊恩胡禮公開表示胡禮菲臘斯1月離開曼城
而費倫巴治就有興趣接收成為眾矢之的既尼祖迪莊

p.s.:
睇到香港幾十年來再次衝出亞運分組賽
真係超興奮
最衰未埋晒數
如果唔係一定上廣州捧場

眼前既亞運隊
兩閘仲係有漏洞
不過中路殺晒就補返數
最驚喜都係佢地既組織力有改善
對弱隊唔會因為唔識攻而縛手縛腳

2010-11-9

近兩日既部份新聞......

1)
托利斯以及拉爾拿被指已同利物浦達成君子協定
如果利記下季冇份踢歐聯
就要俾佢地離隊

而阿仙奴就再次同拉爾拿扯上關係

2)
早幾日半場暈左既史尼達經檢查後證實冇大礙
不過森美爾就證實要提早收咧

3)
恩沙基暗示可能於1月離隊以尋求出場機會
佢透露有兩間球會垂青佢

4)
蘇斯克查決定接手莫迪而向曼聯請辭

5)
戴維斯落實同水晶宮解約

6)
阿根廷足總邀請巴迪斯圖達出山擔任技術總監
佢既主要工作係考察於歐洲搵食既阿根廷球員

7)
利物浦搵左以色列天才中場艾迪文試腳
不過紐卡素以及阿仙奴亦有興趣搶人

8)
曼聯方面證實卡路爾要抖5個星期
而查維亞靴南迪斯被指成為皇馬既增兵對象

9)
丹尼爾艾維斯仲未同巴塞達成續約協議
曼城被指打算乘機1月搶人

10)
由於豬達超級唔掂
雲達不來梅被指打算於1月搵人取代佢
人選包括贊古奴夫斯基以及瑞典左閘雲特

11)
史篤城領隊佩利斯提議球證要實施升降制

12)
祖雲達斯被指可能於1月收購麥斯盧比斯
而歷高達利下季就可能轉投巴里

13)
阿費利暗示有可能加盟巴塞

14)
卡蘭積卡威脅1月離隊以尋求出場機會

15)
熱那亞決定同加斯柏連尼解約

16)
卡維由於同侯利亞不和
可能索性於1月離隊他投

17)
卡路爾既物價已升至2000萬鎊
當中車路士就被指有興趣接貨
不過紐卡素表明佢係非賣品

另一方面, Big Sam 再次被指打算引入阿倫史勿夫

18)
巴勒莫打算於1月再次引入森比斯奧
佢暑假以自由身加盟羅馬後發覺幾近冇機會出場

19)
華倫西亞同桑馬達續約至2015年

20)
泰國蒙通聯被指準備斟酌皮利斯
而維拉仲以加入教練團作為條件
準備靠佢身兼兩職

p.s.:
1)
仲羸埋烏茲別克
雖然表現唔係水銀瀉地
尾段亦食左唔少驚風散
不過總算係停不了既驚喜......

2)
上星期四出版既足球周刊(封面係迪比細路)
有篇名為'英格蘭東北激情打比'既 article
講紐卡素同埋新特蘭遠自17世紀既恩怨
值得紐迷睇下

2010-11-7

近兩日既部份新聞......

1)
約翰亨利透露未來兩年都未必有錢起新球場
而佢早前決定搵高莫利出任總監
這名39歲既著名球探被指隨即推薦聖伊天防中馬度迪

2)
雲加被英國傳媒踢爆佢同一個名叫泰達既法國業餘歌手有婚外情

3)
又係雲加
佢向卡比路推薦卡路爾入選英格蘭

不過後者就俾傳媒踢爆佢同路蘭開 sex party
當中仲涉及可卡因兼長達14個鐘

4)
抖左777日既夏格維斯尋晚驚喜正選上陣
不過踢左4分鐘又為拉傷大腿後肌而要退下火線
費sir賽後用'災難'去形容佢咁快又受傷

5)
史尼達尋晚於對布雷西亞既聯賽
半場休息時候於更衣室暈倒
暫時未知原因同埋實際情況

6)
艾夫蘭再之被傳準備轉投皇馬

7)
艾咸達奧被指成為車路士既增兵對象

8)
伊巴謙莫域再次同球隊後備開拖
佢粗野攔截安祖胡後
惹來對方同佢埋牙

9)
碧咸否認申請入藉美國

10)
泰維斯被指已經3度因為思鄉病而要睇心理醫生

2010-11-5

近兩日既部份新聞......

1)
南華方面透露已經同畢特
以及一個曾參加南非世界盃既中美洲國腳
達成初步合作協議

佢地將連同經理人於今個月中至月尾到港
參與南華既操練
順便睇下香港岩唔岩住以及港甲咩嘢環境
如果佢地同意加盟
最快1月成事

2)
沙維否認退出國家隊既傳聞

3)
紐卡素被傳打算羅致基拔圖施華
而維拉以及富咸都有興趣出價150萬鎊搶人
紐記亦同時被傳睇中曉高艾美達以及米高莊遜

另一方面,利物浦忽然被指有興趣引入路蘭

4)
AC米蘭被傳想斟酌季尾約滿既迪比亞路

5)
西班牙傳媒指皇馬已經準備隨時出售卡卡

6)
消息指卡比路打算徹召保夫萊特

7)
熱刺打算以球會頂薪合約(約6萬鎊週薪)同格夫里巴利續約到2014年
而消息指熱刺已將佢既身價估值為5000萬鎊
國米就已經表明唔會出天價收購佢

另一方面,莫達歷忽然被傳成為巴塞既增兵對象

8)
同時間另有西班牙傳媒聲稱巴塞另有增兵名單
人選包括法比加斯,柏斯托尼,蘇亞雷斯,阿費利,格夫里巴利以及洛蘭迪

9)
阿古蘭尼表態希望祖雲達斯買斷佢

10)
費sir早前俾傳媒發現親身觀察麥基哥既表現
曼聯隨即再次同佢扯上關係

而消息指費sir可能索性一次過收購兩個新龍門
以維持良性競爭
當中連迪加特,紐亞,艾達,史達基倫保同埋迪基亞
都係其他傳聞人選

而曼聯亦被指同曼城以及車路士爭奪
河床既19歲阿根廷射手富尼斯摩利

另一方面,佢地證實已將朗尼送去 Nike 既美國總部接受治療
希望可以根治佢既腳踭傷患

11)
柏歷堅尼落實接手馬拉加
雙方簽約3年

12)
文仙尼表態唔會辭職

13)
拿姆落實同拜仁續約到2016年

14)
碧咸透露打算全家定居美國

15)
維拉一對大隻佬箭頭希斯基以及卡維再次因傷而缺陣1個月
消息指侯利亞打算1月引入賀拉奧以長遠解決前線唔夠人既問題
不過巴黎聖日耳門已經表明唔會放人

16)
伊巴謙莫域表態想恩沙基做佢拍檔

p.s.:
1)
多得拿玻里咁客氣
四哥踢半場都已經夠殺
不過如果其他人仲唔出力
佢又做到幾多次救世主?

2)
前文提過南華搵踢過南非世界盃既中美洲國腳
小弟第一個反應就係:謝利柏拉斯奧斯
大家點睇?!

2010-11-3

近兩日既部份新聞......

1)
利物浦被傳將於1月收購胡禮菲臘斯
而盧卡斯利華就可能以400萬鎊被賣去史篤城

另外,陣中兩名年青小將湯恩斯以及達比就被外借去諾士郡
當中前者係係諾士郡現任教練恩斯嗰仔

2)
巴迪斯達正式接手阿根廷
佢既合約將至世界盃外圍賽結束為止
傳聞巴迪斯圖達仲可能出山做佢副手

而上手教頭老馬就透露希望有機會執教阿仙奴或者車路士

3)
消息指蘇斯克查考慮接受莫迪既斟酌

4)
費爾要養傷5個月
幾近提早收咧亦令佢既轉會希望幻滅

5)
早前被指成為曼聯1月增兵對象既連迪加特
近日再同利物浦,阿仙奴,維拉,拜仁以及AC米蘭扯上關係

6)
雲加透露準備將禾確特移入中路搵食
踢法類似以前既亨利

7)
傳聞英格蘭足總考慮於歐國盃決賽週前踢走卡比路

8)
史高拉利透露將於2014世界盃後退休
佢表態希望以教練身份出席祖國主辦既世界盃

9)
阿歷斯山齊士既經理人放風曼聯睇中這名智利新星
而身為曼聯另一羅致對象既迪科亞
佢既經理人講得仲誇
聲稱而家至少有7間球會打這名比利時中場既主意

10)
紐卡素被指準備同韋根爭奪派特利
這名史雲斯25歲中場既身價約值400萬鎊

而列基亞聲稱佢既經理人收到紐記既聯絡

另一方面,史堤芬泰萊再次同些路迪扯上關係

11)
迪拿列特最終因為心臟問題而提前退休
只有25歲既佢將留隊參與青訓工作

12)
卡普以自由身加盟些路迪

13)
馬拉加決定同教練謝素度費拉拿解約
消息指佢地想搵柏歷堅尼接手

14)
杜倫雖然近日再同多間英超球會扯上關係
不過佢表態冇興趣轉戰英超

p.s.:
1)
見到格夫里巴利再次ko馬干
真係爽爽爽爽爽

2)
周秀娜識左里奧費甸南?
網交真係咁易?

2010-11-1

近日部份新聞......

1)
消息指利物浦將有2500萬鎊增兵資金
鶴臣既傳聞目單包括哥治,辛達告魯斯,尼索比亞以及迪科亞

2)
卡斯辛奴同球會主席公開道歉之餘
仲表態唔希望離開森多利亞

3)
曼城球員被指想逼走文仙尼

4)
意大利傳媒指史尼達續約後既週薪可能高達27萬鎊

5)
咸錫暗示有興趣轉投曼聯
而費sir透露朗尼唔止抖3個星期

6)
香港印度裔商人錢禮正式成為樸茅主席

7)
消息指格蘭即將俾韋斯咸解約

8)
謝菲斯落實加盟紐卡素噴射機

p.s.:
想簡單講幾句英超
利記作客雖然羸波
不過表現一般
絕對要多謝球證罰少左兩個12碼

紐記主場羸波
證明現時既紐記踢簡單既兩翼側擊
應該最搵到食
畢竟卡路爾實在有本錢為隊友開路
而冇左賓艾化
回勇既路蘭亦有更多機會後上攻堅

不過千祈唔好一下子睇得紐記太高
畢竟今場既黑貓已經由9月尾既老虎變返隻病貓

2010-10-30

近兩日既部份新聞......

1)
史尼達落實續約至2015年
粉碎佢轉投曼聯或者皇馬既傳聞

另一方面,被傳同白蘭加不和既球隊經理奧里亞利
就決定同國米解約

2)
德國奧博豪森水族館否認保羅於世盃決賽前兩日已經死左既傳聞

3)
阿聯酋球會艾亞里被指希望從曼聯引入
傑斯,史高斯以及加利佬
當中前者既週薪仲可以高達20萬鎊

4)
西班牙國家隊被指將於出年6月訪問中國
以300萬歐元出場費同國足友賽

5)
森多利亞被傳準備同卡斯辛奴解約
事緣條友早前放飛機冇去頒獎禮之餘
仲同球會主席嘈交

6)
巴塞方面表明如果丹尼爾12月底前都唔肯續約
將於1月被掛牌出售

7)
恩斯接手諾士郡

8)
拿姆表態希望同拜仁續約

9)
紐卡素被指睇中史雲頓既19歲中堅 S.摩利臣
打算1月收購後再將佢借返去史雲頓吸收經驗
報導指昆士伯流浪亦對佢好有興趣

10)
漢諾威市政府打算將漢諾威主場附近既一條街
同安基嗰名命名

11)
阿仙奴準備同韋舒亞續約
消息指佢既週薪將由1萬5000鎊加至5萬鎊

12)
細哨重返巴西國家隊

13)
軒迪克成功遊說拜仁年青中場艾基歷成為土耳其大國腳

14)
曉士表示希望引入辛達告魯斯

2010-10-28

近兩日既部份新聞......

1)
德國聯邦體育科學研究所踢爆祖家靠興奮劑先羸到54年世界盃

2)
西班牙傳媒指米蘭雙雄暑假都曾經斟酌哥迪奧拿
而美斯就表明一定唔會轉投國米

3)
利物浦成為最新一間同胡仙歷扯上關係既球會

但另有消息指新老闆唔準備放水買人
仲令托利斯以及拉爾拿心都灰埋
不過利記就表明後者唔好打佢兩個主意

4)
卡斯歷因為涉嫌強姦1名17歲少女而被捕

5)
紐卡素否認唔同曉頓續約既傳聞

6)
施丹最快下星期開始跟摩連奴做嘢

7)
納比放風仲想教波

8)
拜仁被指準備於1月收購迪施高
而馬里奧高美斯就會被出售套現

9)
祖雲達斯令人意外地被指準備收購羅比堅尼
而基拿甸如就否認轉投祖記既傳聞

10)
馬體會準備以100萬歐元賤買艾菲利

11)
國米方面表示賓尼迪斯於1月增兵前
必須放走部份球員套現

而維維安奴被指成為佢地既新龍門人選
藍黑兵團亦被指同祖雲達斯爭奪杜查奧斯基

12)
奧雲暗示如果季尾冇得續約
可能會索性掛靴

而曼聯被傳準備引入迪羅斯
另一方面,佢地俾甘馬雷斯踢爆只係用左480萬鎊收購碧比

13)
標準烈治既21歲中場卡西拿干沙里斯被指成為皇馬既增兵對象

14)
阿仙奴準備同艾沙維續約1年至2013年

15)
曼城被指準備從士砵亭收購中堅丹尼爾卡力加
而辛達告魯斯透露打算1月轉戰西甲之餘
亦多口踢爆泰維斯最終會因為思鄉病而離隊

16)
安頓費甸南可能轉戰意甲
費倫天拿,巴勒莫以及巴里都打佢主意

17)
伊雲洛域終於以6萬鎊週薪既條件同車路士續約至2014年

p.s.:
又係買 Keymansoho 既大日子
今期小弟繼續以'蘇斯黑查'同埋'波歷黑'既筆名
寫外國波新聞同埋追星專欄之餘
仲同幾個 partner 一齊寫本地波既花邊新聞
請多多捧場!
Thx a lot!

2010-10-26

1)
更正:
尋日講柏魯加出山協助費拉拿執教意大利U-21代表隊
其實應該係佩雷斯先岩
佢兩個當年曾於祖雲達斯合作

2)
李斯特城被傳希望借用碧咸
不過艾歷臣已經否認有關報導

3)
印度財團 Venky 即將以4600萬鎊入主布力般流浪

4)
熱刺已同南非中堅古馬奴簽左 pre-agreement
消息指佢既轉會費約150萬鎊

5)
巴勒莫聲稱收到一間西甲球會對柏斯度利既2500萬歐元出價
西班牙傳媒估計正係皇馬

6)
紐卡素同比利時攻擊球員扯上關係
23歲既佢可以踢箭頭或者翼鋒
英國傳媒估計這名安德烈治球星約值400萬鎊

7)
迪科爾表態想轉投曼聯
而朗尼高薪續約後
勢必引發隊內加薪潮
消息指艾夫蘭即將加4成人工

8)
國米被指有興趣出價1500萬歐元收購侯克

9)
芬寧斯仲未同雲達不來梅達成續約協議
傳聞紐約紅牛打算下季搵佢以自由身加盟
佢亦暗示有興趣轉戰美職盟

10)
米堡最終搵莫比利接手

p.s.:
R.I.P.保羅......

2010-10-25

近兩日既新聞......

1)
約翰亨利己身安排兩個自己友加入利物浦既董事會

2)
柏天尼表態起用第五球證
都唔肯用科技幫助執法

3)
國米方面否認史尼達唔肯續約既報導
而佢地被指打算出價1900萬歐元收購胡仙歷

4)
阿仙奴終於同富明尼斯就威靈頓施華既轉會費達成協議
兵工廠先就340萬鎊既總數俾住1/4做首期
只要英國勞工部1月批埋這名巴西小將既工作證
再俾埋餘數255萬鎊

5)
朗尼既新約人工再有新版本
有報導指佢以25萬鎊成為英超既打工皇帝
亦有報導指曼聯同佢續約
只係為左季尾高價賣走佢

另一方面,費sir被指將有1億鎊增兵
收購人選仲包括保方,史尼達,列貝利以及格夫里巴利
當中前者俾英國傳媒踢爆佢於英國搵屋
令傳聞更有可信性

而佢地率先同荷蘭小將簡積哥利簽約兩年
這名17歲球員可以踢箭頭或者翼鋒

6)
戴維斯將與水晶宮解約

7)
由於雲邦美仲未同拜仁達成續約協議
消息指熱刺準備乘機搶人

8)
意大利足總最終決定搵費拉拿接手U-21代表隊
而柏魯加就出山做佢副手

9)
卻克蘭威脅如果繼續冇正選
將於1月要求離隊

10)
消息指燕豪芬準備於1月賤賣艾菲利

11)
卡路爾上年年尾既襲擊罪罪名成立
罰款1000鎊

12)
靴高斯以及桑坦德都準備於1月向皇馬借人
對象分別係柏度李安以及簡拿利斯
當中桑坦德正係後者既母會

13)
德國傳媒成功放蛇
揭發國際足協有內鬼以2000歐元出售經理人考試既答案

14)
消息指紐約宇宙即將重組
仲打算3年後加入美職盟

15)
馬田柏度夫因為膝傷而要抖兩個月

16)
艾迪巴約宣佈放棄1月離隊

p.s.:
1)
燕豪芬竟然炒飛燕諾10:0
打到個都唔使羸到咁誇掛?
就算比赫加開聲撐佢
教練 Mario Been 都唔慌擺得耐

2)
治基治以借用形式加盟南華?
打死我十次都唔信!!!

2010-10-23

近兩日既主要新聞......

1)
朗尼戲劇性同曼聯續約到2015年
雙方都冇透露續約條件

2)
本地足總透露
巴拉圭將會強陣於15/11訪港
38人初選名單中有21人曾參加南非世界盃
而列基美好可能於12/11到港
為賽事宣傳

3)
樸茨茅夫仲未搵到新買家
球會方面己表明如果唔可以同債權人達成協議既話
球會可能捱唔過下星期

4)
加斯居尼因為藏毒而被捕

5)
國際足球歷史及統計協會公布雲加當選近10年最佳教頭

6)
利物浦忽然被傳有興趣收購賓施馬

7)
意大利足總決定同U-21教練卡沙拉基解約
哥斯達古達,馬甸尼以及柏高美都係接手人選
當中以前者味聲最高

8)
英國警方決定唔再跟進巴布爾既涉嫌強姦案
意味佢已經甩身

9)
艾殊利楊格被傳希望轉投熱刺

10)
現時執教泰國既白賴仁笠臣
早前推薦1名20歲龍門去曼聯試腳

11)
由於季尾同新特蘭約滿既巴士利仲未續新約
紐卡素被指打算搵佢下季以自由身加盟

12)
紐尼沙軒否認轉投拜仁既傳聞

13)
謝菲斯即將轉戰澳職盟
加盟紐卡素噴射機

14)
華拿落實同斯肯索普簽1個月既短期合約
佢以前踢過利物浦
07年隨富咸訪港參加英超挑戰盃

p.s.:
朗尼既離隊風波簡直係錢作怪既鬧劇
關於錢既版本聽得太多
一時聽到週薪係英超第二高既20萬鎊
轉頭又聽到曼聯肯屈服俾佢之前要求既15萬鎊週薪
另外又有報導指佢因為攞到肖像權而肯續約

唔知係佢經理人同係外母教路
成件事佢應該好部署咁借傳媒同埋其他球隊
去測試自己既身價兼向曼聯施壓

佢而家同球迷,隊友以及費sir既關係已經差晒
仲要名譽掃地
有大把錢又點?

2010-10-21

1)
列卡特最終俾加拉塔沙雷解約
佢既職位將由赫傑接替

另一方面,利物浦一旦炒左鶴臣
就被傳會搵列卡特接手
不過佢既代表已經否認有關傳聞

2)
消息指史杜捷哥夫將重返巴塞做助教

3)
消息指朗尼離隊幾成定局
當時人亦聲稱因為唔滿意球隊唔肯保證引入世界級球員
而決定唔再續約

曼聯方面就打死都唔肯將佢賣俾曼城
而由於朗尼既合約剩返唔耐
車路士方面只準備出價2000萬鎊
不過就會為朗尼提供一份25萬鎊週薪既合約

4)
國際足球理事會將於出年3月進行投票
以決定係唔係引入’底線技術’

5)
拜仁被指準備向奧沙辛拿收購24歲西班牙左閘蒙利爾
而迪米捷利斯就考慮離隊

6)
雖然羅馬戰績持續插水
不過雲尼亞里表明唔會辭職

7)
雖然曉頓已經表示1月唔會買人
不過紐卡素依然同桑斯以及 M.費蘭迪斯扯上關係
後者係士砵亭既智利箭頭
現時身價約700萬鎊

另一方面,愛華頓再次被指準備收購阿倫史勿夫

8)
查爾頓既英格蘭U-16中場迪亞高普耶
被指成為阿仙奴既羅致對象
佢老豆就係前車路士以及熱刺既名宿普耶

9)
比比忽然同巴塞扯上關係

10)
基利士比而家去左達寧頓跟操

11)
紐約紅牛宣佈唔會同安祖續約

12)
朗奴高交表態冇興趣接手米堡

13)
雲尼斯特萊表示至少踢到下季

14)
消息指靴高斯已邀請10名日本年青球員跟操15日
希望從中羅致最多兩名球員作長線投資

15)
巴黎聖日耳門決定同洛頓解約

16)
新特蘭既本土新星佐敦軒達臣
被指成為曼城同埋曼聯既增兵對象
當中前者仲打算出價1500萬鎊搶人
後者就肯用卡域克作為交易籌碼

p.s.:
1)
加斯居尼被控醉酒駕駛
法官表示會考慮判佢坐監
加科夫城應該慶幸佢早前唔肯接手

2)
賓尼迪斯接手後
國米防線明顯走晒樣
尋晚幾乎衰收尾只係其中一個例證

3)
卡路爾架車俾人縱火
係咪得罪人呀?!

2010-10-20

近幾日既新聞......

1)
車路士,維拉以及布力般流浪
下年暑假將來港同港甲聯賽冠軍爭奪英超挑戰盃

2)
費sir證實朗尼要求離隊
佢老人家被傳想搵托利斯做替補

而多間富豪球會就被指準備搶購朗尼
否認1月羅致佢既皇馬被指打算用賓施馬以及2000萬鎊收購佢
曼城更被指準備以7500萬鎊搶人之餘
再以30萬鎊週薪利誘佢
而肥安表態有興趣
亦令車路士同佢扯上關係
其他傳聞球會仲包括巴塞以及米蘭雙雄

另一方面,消息指朗尼可以於季尾以520萬鎊買斷合約離隊

3)
國米方面表示會認真考慮收購美斯既可能性

4)
史特根向米堡請辭
佢表示會方唔使賠錢俾佢
傳聞莫比利將會接手

5)
祖雲達斯被傳打算接收法比安奴

6)
熱刺打算出價800萬鎊收購加利卡希爾
不過消息指保頓唔準備接受低過1500萬鎊既出價

7)
梅迪薩卡被指成為曼聯既新中堅人選

8)
消息指列卡特將被加拉塔沙雷解約

9)
由於艾穆罕默迪表現出色
惹來阿仙奴以及曼聯既垂青
新特蘭提前同恩彼達成1月買斷佢既協議

10)
卡達活向紐卡素請辭
原因係佢決定接手喜伯年

11)
施丹表態願意加入摩連奴既教練團

12)
巴斯利透露早前婉拒中國以及阿聯酋足總既斟酌

13)
基士文被傳於1月轉戰意甲
以200萬歐元加盟布雷西亞

p.s.:
卡路爾因為襲擊前女友而再惹官非
法官下令佢於下年1月再出庭前
於非比賽日都要於路蘭屋企過夜

事緣條友居然帶新歡去舊女嘢屋企搞嘢
咁 cheap 都仲要打人
真係頂佢唔順

咁鬼麻煩
至驚佢未上晒位就成為另一個哥利摩亞

2010-10-18

Soccernet 既標題 ‘New Regime Same Problems’
真係寫得好......

易主後係解決接管危機
不過隊波依然死下死下

4-2-3-1 陣式原本係賓尼迪斯時代利記既最佳陣容
不過而家人腳差左兼且個別球員既收態下滑
鶴臣繼續用咁既陣式
就只有死路一條

就以尋晚為例
加歷查加埋麥斯洛迪古斯既配搭就整定右路癱瘓
左路又唔好得幾多
高捷斯基既助攻繼續冇料到之餘
有晒自由度既祖高爾又成日無咩意義咁斬中
結果兩路進攻起點死晒火
更令利記只有靠中路硬闖

偏偏冇左馬斯查蘭奴
無論用盧卡斯利華或者保臣都唔係理想替補
加上拖肥糖既爛仔中場向來難搞
同處中路既謝拉特結果唔上唔落
亦令未 top fit 但偏偏要一敵二既托利斯更加辛苦

當然最終輸波收場
都係因為魯爾梅利斯兩度走甩卡希爾以及阿迪達
不過’學神’既排陣其實已經埋下輸波伏線
而變陣太遲亦係球隊破蛋乏力既原因之一

條友如果唔想唔想俾人炒
就應該轉陣踢4-4-2
麥斯洛迪古斯以及盧卡斯利華咁既南美廢物都應該收起
另一巴西球員奧拿里奧憑死球同埋助攻能力
就值得重獲正選
而米蘭祖雲奴域以及尼哥治當中至少有一個
應該上陣為托利斯拉開更多空位

2010-10-16

近幾日既新聞......

1)
利物浦終以3億鎊既價錢易主
不過NESV入主既過程都幾波折

英國高院日前宣判希克斯同埋吉列無權干涉紅軍賣盤
不過佢兩個透過美國德克薩斯既地方法院發出臨時禁制令

好彩倫敦法院及後宣佈禁制令無效
佢地亦知難而退主動申請撤銷臨時禁制令

令利記可以踢走兩個人渣之餘
仲避免被接管兼俾賽會扣9分

不過兩條人渲索償10億鎊賠償就係成件事既手尾
而佢兩個亦發表聲明話賓尼迪斯唔識買人
先係球會唔掂既罪人

2)
馬勒當拿被傳可能執教上海申花

3)
柏天尼希望於2012年歐洲國家盃決賽周
增設底線球證

4)
雲加表示唔會重簽皮利斯
但會將佢推薦俾其他英超球隊

5)
加歷查續約至2013年

6)
盧斯奧被指成為漢堡1300萬歐元既羅致對象

7)
朗拿度開設諮詢公司
主要業務係為球員管理財務

8)
朗尼聲稱自己腳踭冇事
變相踢爆費sir講大話

皇馬隨即被指打算以7500萬鎊搶人
不過時間就係季尾
事關摩連奴一早表明季中唔買人
雖然佢地早兩日先被傳考慮於1月以2000萬歐元收購法比安奴

9)
麥基哥被指成為曼聯最新一個新龍門人選

10)
55.1%既德國球迷指波歷克應該退出國家隊

11)
拜仁以及禾夫斯堡都被傳有興趣羅致希丁加
當中這名荷蘭後衛表態願意加盟前者

而莫耶斯就視史堤芬泰萊為接班人
些路迪亦對佢好有興趣

12)
車路士成為最新一間同柏斯度利扯上關係既球會
而佢地近日從洛咸頓引入11歲既加耶斯
佢比其他同年齡既球員強壯
被形容為杜奧既既接班人

13)
法比加斯透露皇馬曾經對佢展開斟酌
而佢表示隊友既心理質素唔掂
成日於關鍵時刻脫腳

14)
阿費利放風有興趣加盟曼聯或者利物浦

15)
泰禾雖然被傳成為利物浦,拜仁,曼城以及熱刺既增兵對象
不過佢就表態即將同馬賽續約

16)
祖雲達斯被指打算於1月以1400萬歐元收購辛迪卡蘇拿
而疏格斯否認轉投祖記既傳聞

17)
端基威脅如果再冇出場機會
會考慮於1月離隊

18)
紐卡素被指打算於季尾引入自由身既大衛鍾斯
而蘭加被指成為米堡既借用對象
另一方面,曉頓早前否認1月引入艾文達既傳聞

19)
洛蘭迪否認轉投皇馬或者巴塞既傳聞

p.s.:
1)
施素高同埋美路日前於操練期間隻揪
同行如敵國
同位置更加唔使講......

2)
今日有兩場本地波
頭場大埔15:00於主場對傑志
尾場就係南華於小西灣對屯門
不過開波時間就由18:00提早至16:30
心水清既應該唸到點解

2010-10-14

1)
英國高院尋日就利物浦兩名美國老闆
申請禁制董事會決議將球會賣俾NESV
而判佢地敗訴
令利記易主在望

而另有報導指由於債主臨門
佢兩個準備屈服而接受賣盤

另一方面,新加坡富商林榮福仲未放棄收購利記
佢表示希望利記董事會再考慮佢既 offer

2)
德國前U-19射手恩辛列高已經失蹤接近一個星期
佢既所屬球會1860慕尼黑日前公開要求外界幫手搵佢

佢地表示這名身價高達700萬歐元既21歲新星
上星期因為同父異母既哥哥於祖國烏干達遇害
而要請假一日
不過之後佢就人間蒸發
連佢阿媽都唔知佢而家去左邊

3)
廣州恒大已 confirm 足總將於年初參加賀歲盃

4)
路爾斯安達臣暗示希望離隊,重返波圖
而曼聯被指睇中靴拔圖蘇亞素

5)
皇馬高層再次否認出售賓施馬

而卡卡表示唔會於1月1離隊
但會於季尾'等待神既安排'

6)
尼維特落實出任祖雲達斯既總監兼入埋董事會
而由於伊雲奴域決定同車路士續約
祖記被指改打格連莊臣既主意

7)
由於阿費利將同燕豪芬約滿
馬體會希望先同佢簽 pre-agreement
等佢下季可以以自由身加盟

8)
列馬倫既家鄉為左表揚佢對芬蘭足球作出既貢獻
特別為佢鑄造銅像
日前仲搵佢為銅像剪綵

9)
美斯今年既收入高達3300萬歐元
已經成為當今球壇既打工皇帝

10)
史特加開季1勝6負
最終決定同教練哥斯解約

p.s.:
1)
古治為國捐軀......
shit!

2)
塞爾維亞既球迷好x煩......
佢地陣中既好波之人隨時有排冇得踢國際賽

2010-10-13

1)
英國法院將於英國時間今日上晝
就白禮頓及其董事會引入NESV既交易既合法性作出判決

消息指利物浦其實仲有其中選擇
新加坡富商林榮福尋日已經加碼到3億6000萬鎊
而佢表明更會負責利記既2億6000萬鎊街數
另會撥款俾球會以應付一般營運以及增兵

如果NESV既交易告吹
他已經表態會即刻再向利記董事會提出收購

另一方面,美國財團 Mill Finance 亦有意入主利記
佢地同利記其中一個老闆吉列早有生意內往

2)
夏格維斯表示如果今次復出再失敗
佢就會索性退休

3)
尼斯達被傳下季轉戰美職盟
加盟洛杉磯銀河

4)
拜仁成為最新一間同卡卡扯上關係既球會

5)
車路士方面透露將同伊雲奴域續約
粉碎佢下季以自由身轉戰意甲既傳聞

6)
熱刺被指打算接收伊亞昆達

7)
史達基倫保同埋紐亞都暗示有興趣季尾過檔曼聯
而費sir被傳考慮羅致史基泰爾以及艾穆罕默迪

8)
蒙杜利禾仲未同費倫天拿達成續約協議
傳聞國米可能趁機出價引入佢

9)
維維安奴再次同阿仙奴扯上關係

p.s.:
尋晚黑山既表現
絕對值得有分落袋
英格蘭班大佬繼續都係老問題
關鍵時刻總係冇人挺身而出

2010-10-12

近兩日既部份新聞......

1)
英國法庭將於今日解決利物浦既賣盤糾紛
董事局主席白頓對球會最終成功易主好有信心
蘇格蘭皇家銀行亦會使賴手保住董事局

2)
迪比亞路考慮季尾掛靴

而祖雲達斯就打算同AC米蘭爭奪伊雲奴域
車仔現時同佢仲未傾好續約
另外,佢地亦準備於1月收購實施馬

3)
甘比亞素於日前對日本既友誼賽受傷
要倦勤8至10個星期

4)
馬賽準備就賓艾化既重創
而向尼祖迪莊索取賠償

5)
雲達沙被指因為老婆施壓而於季尾掛靴
報導指費sir已就新龍門有4大人選
迪基亞,史達基倫保,紐亞以及連迪加特

6)
一旦派拿離隊
愛華頓被指會羅致卡蘭積卡作為替補
而紐卡素就再次被傳將於1月出手引入這名克羅地亞球星

7)
摩連奴表示想搵施丹出山加入佢既教練團

8)
薩格勒布戴拿模既16歲天才新星高華錫
被指成為阿積士,拜仁,史特加,國米以及祖雲達斯既增兵對象

9)
卡卡雖然表示唔會離開皇馬
不過意大利傳媒指佢私下聯絡AC米蘭
表態想於1月回巢
佢老豆仲被發現返米蘭開會

另一方面,柏柏斯達素普路斯以及耶比斯被傳將被放棄
迪亞高施華就向會方推薦大衛雷斯

10)
韋拉表態季尾掛靴

11)
曼聯被指準備於1月引入迪科
而比比就被傳可能於2012年同皇馬約滿後
以自由身加盟紅魔鬼

12)
卡比路證實繼續由里奧費甸南出任隊長

12)
希比表態伯明翰既踢法同佢格格不入

p.s.:
1)
祖赫特被發現同巴利去左西班牙既夜店蒲通宵
4個字:好學唔學!

2)
泰維斯再次放風想掛靴
原因又係壓力太大

3)
國米方面聲稱1月出價收購美斯
(係真唔係呀?!)

2010-10-10

近兩日既新聞......

1)
英超賽會已經批准利物浦既易主申請
不過兩個貪得無厭既美國老闆因為嫌錢少
而考慮玩法律以阻止交易進行

最壞既後果係如果蘇格蘭皇家銀行於今個星期五都收唔到錢
利記將會宣布破產兼被扣9分
而買家早前已表明如果件事搞到咁
佢地會放棄入主利記

另一方面,鶴臣被傳打算於1月以借用形式引入辛達告魯斯

2)
馬勒當拿涉嫌收黑錢去挑選邊緣國腳以及部份新仔入國家隊
西班牙傳媒仲話軒斯既屋企人都有份搵著數

俾錢既球員希望成為國腳後
有助佢地歐洲搵食

阿根廷足總已表示會開 file 做嘢
仲唔排除搵相關既人問話

3)
聖保羅打算於1月以借用形式搵卡卡回巢
而車路士亦再次同佢扯上關係

4)
阿仙奴被指考慮從拿玻里引入辛達哥斯
而熱那亞以及費倫天拿都對這名中堅好有興趣

5)
曉頓透露唔會於1月入貨
而卡路爾就落實續約5年
粉碎佢離隊既傳聞

另一方面,尼祖迪莊日前想去醫院探賓艾化
但遭後者拒絕
事後曼城方面唯有將禮物送去醫院

6)
巴塞被傳有興趣於1月接收泰維斯
而雲禾夫斯雲高亦係佢地既傳聞增兵對象

另一方面,柏圖聲稱巴塞係唯一一間令佢肯離開意甲既球會

7)
消息指布朗因為早前同費sir嘈交而被打入冷宮
佢可能於1月被賣去新特蘭

8)
國際足協暫時取消尼日利亞既禁賽令

9)
西甲賽會為左滿足亞洲球迷
將28/11既國家打吡改為香港時間19:00舉行

2010-10-8

近兩日既新聞......

1)
報導指利物浦兩個美國人渣老闆
打算玩法律以阻止利記轉手
而球迷會既發言人表示現時只以觀望態度迎接新班主

2)
格里夫巴利,艾殊利高爾以及卡路爾
都被指成為曼城既增兵對象

另外,韋拉暗示可能季尾掛靴

3)
韋利重返拉素跟操
不過就表明只係玩票
佢根本唔打算重返球壇

4)
AC米蘭被傳有興趣回購卡卡
不過同時會踢走近日又有新緋聞既細哨

而卡卡既去留亦被指將會影響簡拿尼斯既前途
事緣皇馬可能打算接受桑坦德既回購方案

5)
尼爾馬被踢爆同隊友於酒店開性派對
山度士方面反而狂插球員針對這名新星

6)
利華古遜方面透露波歷克要1月初先可以復出

7)
消息指最近烏拉圭足總唔俾科蘭既哥哥為國家隊既熱身賽做搞手
科蘭一怒之下決定罷踢對印尼既比賽

8)
曼聯既龍門教練暗示雲達沙季尾退休
佢地隨即被指將於1月向挪威球會阿里辛特收購丹麥龍門連迪格特

9)
盧森貝高落實接手法林明高

p.s.:
列基美落實隨巴拉圭訪港
今次妹仔一定大過主人婆
唔知到時有冇得跟 Keyman 去訪問佢

2010-10-6

近幾日既新聞......

1)
利物浦官方宣布兩個美國老闆希克斯和吉列正式落台
新英格蘭體育風險投資公司將會入主晏菲路
不過巧合既係背後老闆約翰亨利又係美國人

消息指原本兩個美國老闆為左私人理益曾經一度提出反對之餘
仲想將營運總監 C.Purslow以及商業總監 I.Ayre 踢出董事會
不過最終因為街數到期而收皮

另一方面,鶴臣被傳打算於1月引入3名新兵
當中包括安東尼奧基士文,疏格斯以及柏保路靴南迪斯
而巴布就會被掛牌套現
不過佢到時仲有冇得撈都仲係疑問
部份球迷已經表態想杜格利殊出山接手

2)
英格蘭足總被指打算搵麥卡倫再次執教

3)
意大利傳媒指祖雲達斯將於季尾以3000萬歐元成功引入迪施高
由於禾堡早前收購迪亞高既時候
仲未還清1000萬歐元尾數之餘
仲想接收身價1000萬歐元既施素高
因此祖記到時實際只係要俾1000萬歐元

4)
曼城被指準備用艾迪巴約作為收購柏圖既籌碼
而曼聯被指有興趣接收基雲

5)
雲加近日俾皮利斯跟操
但現時未有消息指雲加會俾合約佢

而舒華沙暗示可能於1月再次同富咸攤牌
以轉投阿仙奴

另一方面,兵工廠被指同曼聯爭奪洛達咸既14歲小將A.基禾馬
佢係國內U-15 60米同埋100米既紀錄保持者

6)
國米被指於1月將有多個增兵對象
除左傳左好耐會出天價1億鎊收購卡卡外
柏拉斯奧以及舒韋恩史迪加等人都同佢地扯上關係

另一方面,馬干既經理人代佢開聲
暗示賓尼迪斯教得國米唔好

7)
紐卡素要求英格蘭足總做嘢
處分令賓艾化養傷半年既尼祖迪莊

而佢地被指同維拉以及摩納哥爭奪卡蘭積卡
前者就同時打卡路爾既主意
打算搵佢將來希斯基或者卡維

8)
尼爾馬暗示希望下季轉投車路士

9)
邦利拿被指考慮轉戰英超
於1月加盟伯明翰或者富咸

10)
尼日利亞因為政府干預足總事務
而俾國際足協禁賽

11)
拉素以及愛華頓都想於1月借用馬捷達
不過費sir已經表明唔會放人

另一方面,比拿美暗示費sir於暑假考慮接收佢

12)
科蘭暗示將來重返英超
熱刺隨即被指打算於1月引入佢

13)
中國足球打假反賭案近日再有多人被捕
當中包括謝亞龍,李冬生以及蔚少輝

14)
白蘭斯決定搵心理醫生跟進球員既心理狀況

15)
張呈棟成為首名於葡超入波既中國球員

16)
迪亞拉威脅1月離隊以爭取出場機會
報導指曼聯以及熱刺都有興趣接貨

17)
李斯特城方面表示艾歷臣將有1000萬鎊擴軍

18)
本田圭佑既經理人放風只要有巨型班斟介
這名日本國腳就肯過檔

19)
基利士比因為冇錢交稅而俾當地法院宣布破產
連物業都俾當局接管
不過另有報導指佢搞到咁都係因為以前賭錢賭到輸身家

p.s.:
法國足總日前重罰室內足球國腳比迪尼停賽91年
不過原因竟然只係違規註册
最初仲以為自己眼花
真係荒謬!!!

2010-10-4

1) 新特蘭對曼聯

如果唔係冇運兼把握力一般
新特蘭應該袋晒3分

成隊曼聯踢得好既大概只得一對中堅同埋雲達沙
佢地既3人中場完全失勢
加上馬捷達同埋奧雲只係行行企企
幾乎覺得佢地踢少兩件
就算之後換入貝碧托夫都唔幫得幾多
因為中場真係輸晒

2) 車路士對阿仙奴

兵工廠表現真係唔差
至少有力還拖
不過最終都要輸波
雲加就只好怨自己以前大好機會都唔簽杜奧巴同埋艾辛

印象中前者近幾年對兵工廠既入波已經超過一打
後者就勁到好似無處不在
亦對比到兵工廠既工兵其實未夠機動

p.s.:
1)
紐記作客輸俾曼城唔算慘
畢竟班底有別
賓艾化咁樣重創先至大鑊
難怪尹馬維克要大義滅親踢迪莊出國家隊

2)
至於利記
真係差到難以致信
當中格連莊臣直情係差中之差

鶴臣被指打算於1月積極增兵
最新傳聞人選仲包括梳格斯,柏保路靴南迪斯以及A.基士文
不過睇而家個勢
佢未必捱得到1月

2010-10-2

1)
利物浦被傳打算於1月以400萬鎊搵奧雲回巢
而祖雲奴域就威脅如果再冇出場機會
就會要求離隊

2)
艾歷臣即將接手李斯特城

3)
英格蘭足總被傳想搵摩連奴接手
不過串王已經表明佢地應該搵土炮執教

4)
朗拿度透露將於2011年球季後退休
佢表示希望於退休前為哥連泰斯捧走南美自由盃

5)
比比同皇馬未能就新約條件達成協議

6)
費sir早前表示朗尼要養傷3星期
不過英國傳媒爆出另一版本
指費sir其實係認為身心俱疲既朗尼應該休息
不過後者就反而認為佢應該踢多幾場波以改善狀態

p.s.:
雲加透露如果想羸車路士
就必須成功凍結杜奧巴
科特迪瓦人就透露阿仙奴其實於02年曾有機會引入佢

2010-10-1 (2)

1)
曼城方面公布錄破紀錄蝕左1億2100萬鎊
其實佢地單係出糧俾球員已經用左1億3300萬鎊
比總收入仲要多800萬鎊

2)
拿玻里方面聲稱就算收到5000萬歐元既出價
都唔準備賣走咸鍚

3)
利華古遜方面透露希望波歷克可以於年尾復出

4)
熱刺既新球場計劃已經得到當地市政府批准
報導指新球場將有56000個座位
預計建造成本高達4億鎊

另一方面,格夫里巴利被傳成為禾夫斯堡2500萬鎊既羅致人選

5)
墨西哥性派對醜聞既變性人'女'主角
向傳媒證實同佢發生性行為既係沙斯度
不過對方當時並唔知情

6)
米基爾同埋卡雲尼都被指成為利物浦既增兵對象
前者暗示希望過檔
後者就火速同利記畫清界線

而謝拉特就被指成為AC米蘭既增兵對象

7)
奧邦拿被指成為阿仙奴650萬鎊既新中堅人選
這名現時效力拖連奴既22歲球員曾經入選意大利U-21代表隊

8)
李斯特城決定解僱上任唔夠3個月既保羅蘇沙
奧尼爾被傳可能回歸之餘
艾歷臣亦同佢地扯上關係

9)
費sir因為唔妥傳媒而決定封咀1個月

10)
富咸成為最新一間同雲禾夫斯雲高扯上關係既英超球會

11)
基雲因為超速駕駛而被警方罰款以及警告

12)
消息指法比加斯同埋艾蒙尼亞星期日晚肯定缺陣
而肥安既87歲老父星期三過身
專業既佢今日於意大利參加葬禮後會趕返倫敦領軍

13)
薜高決定向法林明高請辭
報導指原因係佢頂唔順球會既內部鬥爭

14)
C7於電視台直播節目失言爆粗

15)
傑斯正式拒絕威爾斯足總搵佢出任領隊兼球員既斟酌

2010-10-1 (1)

由於近幾日公私都超忙
所以連續3日都交唔到功課
以下係近幾日既部份新聞......

1)
有報導指卡比路想繼續用謝拉特做隊長

2)
辛當斯既18歲南非中堅蘇路
下個月將去阿仙奴試腳
而迪亞高盧比斯再次被傳成為兵工廠既新龍門人選

另一方面,法比加斯仍未徹底克服傷患問題
星期六對車仔既大戰上陣成疑

3)
仲未成為德國大國腳既賀治比透露
由於老豆於利物浦出世
所以將來仲有機會選擇代表英格蘭出賽
不過消息指卡比路對佢冇咩興趣

4)
熱那亞出閘脫腳已令加斯柏連尼有下台壓力
傳聞李安納度以及費拉拿都係佢地既新教頭人選

5)
加斯居尼出山執教非聯賽球會加科夫城

6)
雲達韋爾以及蘇亞雷斯都被指係AC米蘭既增兵對象

7)
拜仁長遠要為龍門位置搵新血
拉爾拿就被傳成為佢地1500萬鎊既考慮人選

8)
紐卡素免費引入法國18左翼莫約
雙方簽約4年
佢俾索察放棄後
一度引起曼聯,阿積士以及波爾多既注意

而紐記亦同另一左翼柏拉斯扯上關係
新特蘭同時被傳亦對這名波爾多球員好有興趣

另外,贊拿斯被指可能於1月以500萬鎊回歸紐記

另一方面,曉頓被傳媒發現去觀察域咸既表現
不過佢否認有興趣羅致這名17歲葉士域治新星既傳聞
熱刺,利物浦以及阿仙奴等多間英超球會一直對佢虎視眈眈

9)
活基治好可能要再抖多1年

10)
艾辛被指成為國米既新防中人選

11)
曼城再次同荷西安祖扯上關係
這名西班牙左閘既身價已被炒至1500萬鎊

12)
布魯士被指考慮從韋根引入舊部屬卻克蘭
佢亦打算從安德烈治引入普洛克
不過史篤城亦對這名捷克工兵好有興趣

13)
維拉被指考慮出價600萬鎊收購尼索比亞

14)
本地足總宣佈搵來自英國既偉信顧問集團有限公司
出任改革顧問
佢地最快將於10月中抵港開工

p.s.:
近日其實花邊新聞仲吸引......

1)
羅馬里奧同埋白必圖不約而同參政
星期日既巴西大選就係佢地既考牌作

2)
白蘭高貪得意加入祖家娛樂圈拍戲

3)
緬恩斯雖然係德甲既暫時一哥
不過球隊依然莫財
上星期作客拜仁
竟然嫌啤酒節搞到酒店房租太貴而租時鐘酒店畀球員休息

4)
前晚竟然先係伊度奧職業生涯首次連中三元

5)
阿巴俾2000萬鎊搞夜總會
班球員以後實多個安全蒲點

6)
杜明尼治被指向法國足總申請失業救濟金
每月金額高達5600歐元
年期仲長達3年
法國人民似乎又多一個xyz佢既理由

2010-9-27

4場波想講……

1) 利物浦對新特蘭

鶴臣越睇越似係一個過份保守既領隊
對阿仙奴以及曼聯既排陣
居然同主場對付黑貓既幾近相同
前線多個人幫輕唔 fit 既托利斯
總好過中場太多工兵
唔等使既仲要係越幫越忙既保臣
令端納送既大禮就咁嘔返出來

2) 阿仙奴對西布朗

身處茶餐廳睇波既好處就係可以同時兼顧兩場波
右邊利記唔爭氣
點知左邊既兵工廠仲唔掂

路人甲都知艾蒙尼亞因為冇左信心而越來越海鮮波
小弟亦一早講過一對法國中堅
因為未適應到英超節奏而唔多可靠
加上兩閘因為支援前線而暴露太多空位
有睇場波既都應該會同意
佢地守唔住超水準既西布朗其實唔係好意外

更衰既係前線唔爭氣
法比隊長繼續養傷
責任更大既艾沙維偏偏越踢越沉
積極性絕對唔及拿斯尼
亦搞到查馬克更加成為對手防線既眾矢之的

而路斯基以及韋舒亞係唔係太遲落場
兼且係唔係雲加為左留力而計錯數
就好視乎佢有幾睇重歐聯同埋下場既倫敦打呲

3) 羅馬對國米

繼幾個月前既羅馬打呲
今次被換走既又係托迪
偏偏雲尼亞里又係靠胡真歷食多次糊
不過有留心王子近來既言論
都可能同意佢地之間既不和問題應該越來越嚴重
亦令小弟對羅馬既借勢反彈好有保留

國米方面
賓尼迪斯果然將隊波越執越衰
防線明顯走樣之餘
進攻結構亦有隱憂

佢地而家仲有少少優勢
大抵只係競爭對手都唔見得爭氣
不過可唔可以捱到季尾
倒成疑問

4) 利雲特對皇馬

客隊羸形勢但冇實際
只係前線幾個大佬冇帶射門鞋
只要C7唔好獨食
進攻結構有望於短期內成型

更可喜既係防線有明顯改善
亦係佢地挑戰巴塞既最強本錢

p.s.:
1)
紐記應該係今季英超頭號海鮮波......

2)
本地足總搞咩呀?
對澳洲U-20既熱身賽居然14:00開波
返工返學既都唔知點去睇?

3)
28號又係Keymansoho正式出版既大日子......
請多多支持!!

2010-9-26

1)
由於艾蒙尼亞表現持續不穩
有傳聞指阿仙奴準備再次出價收購拉爾拿
而禾頓漢亦被指係兵工廠既新中堅人選

2)
哈利列納承認準備引入南非中堅卡謙莫路
報導指轉會費約170萬鎊
而活基治就再次被傳可能要提早掛靴

另一方面,佢地再次同艾殊利楊格以及派拿扯上關係

3)
明尼路決定解僱盧森貝高

4)
愛華頓準備引入自由身既迪馬特
這名美國國腳上季季尾俾屈福特放棄

5)
聯賽盃16強已有抽籤結果
阿仙奴將會作客紐卡素

6)
曼聯再次被指有興趣引入阿歷士山齊士

7)
香川真司由於表現出色
祖雲達斯以及米蘭雙雄都被指打佢主意

8)
西布朗將勞基摩亞外借去打呲郡1個月

9)
車路士被指有興趣於1月羅致卻奧斯
而佢地亦再次同卡卡扯上關係

10)
韋定咸透露即將同卡迪夫城續約
粉碎佢轉投英超球會既傳聞

p.s.:
阿仙奴,車仔,熱刺,國米以及拜仁全部唔見3分
利記,皇馬同埋阿積士就和波失分
都算係比較多名牌脫腳既一個星期......

2010-9-24

1)
托利斯被指唔滿意球隊成績以及戰術
而打算於1月離隊
隨即有傳聞指曼城準備出價5000萬鎊接貨

而同期離隊既可能仲有盧卡斯利華
佢被傳可能轉戰意甲
加盟國米或者祖雲達斯
後者可能有施素高轉投禾堡

2)
報導指蘇拿已 apply 加納教頭一職
而頂頭大熱迪西里仲未同加納足總達成協議
不過佢就否認自己獅子開大口
另一方面,現任烏干達教練B.威廉臣亦被指可能接手

3)
皇馬再次被指有意收購格夫里巴利
傳聞收購價更高達2000萬歐元

而佢地同巴塞都同柏斯度利扯上關係
巴勒莫方面更將佢形容為新施丹

4)
奇連士文透露已口頭答應執教美國

5)
夏柏因為膊頭韌帶而要養傷3個月

6)
熱那亞收購奇雲保定既首個分期已經脫期
惹起樸茅不滿
佢地更準備向兩地足總投訴

7)
保辛華於預備組聯賽復出

8)
伊度奧透露曾提議老闆莫拉堤收購美斯

9)
幾個月前俾里昂提前終止合約既克拉克
最終克服膝傷,加盟朗斯

2010-9-23

1)
利物浦尋晚踢聯賽盃
主場竟然衰俾英乙既諾咸頓
隨即有賭波公司估佢可能有下台壓力而為佢開盤

2)
雲加透露希望收山前可以返母會斯特拉斯堡執教
而佢收到好消息
法比加斯可能趕及對車仔既大戰復出

3)
羅馬方面否認搵納比取代雲尼亞里既傳聞

4)
曼聯以及阿仙奴再次同迪基亞扯上關係
而有報導指佢地早前拒絕拜仁對朴智星既斟酌

5)
AC米蘭被指打算於1月出價1000萬歐元收購薩巴尼達

6)
西班牙傳媒指巴塞於世界盃前曾有機會以750萬歐元收購奧斯爾
不過哥迪奧拿認為佢仲未於大舞台證明能力
而擱置同雲達不來梅既談判

7)
列斯聯以借用形式羅致佐治博麥卡菲
報導指加利麥臣亦考慮從紐卡素引入貝斯

8)
紐卡素將年青後衛 B.Tozer 外借去諾咸頓1個月
而卡素利既高大箭頭 G.Madine 被指成為紐記既新箭頭人選

p.s.:
打破車仔不敗身既竟然係紐記
仲要咁戲劇性羸4:3
睇重播都應該好過癮

2010-9-22

近兩日既新聞......

1)
帶領A貨多哥既前教練巴納
俾國際足協罰停賽3年

2)
艾加公開批評鶴臣過份運用長傳戰術

3)
史尼達既經理人透露摩連奴想搵佢返皇馬團聚

4)
雲加承認對新特蘭既比賽行為不檢
接受罰款8000鎊以及停賽一場既處分
停賽令已於尋晚對熱刺既聯賽盃執行
兵工廠作客加時炒左熱刺四個一皮

5)
墨西哥足球隊早前被踢爆有球員於服役期間搞搞震
結果多人被罰款
當中卡路士韋拿以及祖亞雷斯更被罰停賽半年

6)
馬圖斯同保加利亞足總簽約1年
如果球隊成績理想
雙方會再續約兩年

7)
奧賓拿表態希望韋斯咸季尾可以買斷佢
佢既身價約值400萬鎊

8)
曼聯被指打算引入迪亞拉
不過皇馬開價2000萬鎊就成為交易障礙

而有報導指佢地同巴塞爭奪巴西15歲箭頭安德里格
不過最爆都係佢地再次被傳想回購C7

另一方面,古斯錫再次放風想走人

9)
塞拉里昂想徵召李奧曲加

10)
巴布爾因為涉嫌強姦而被捕

11)
曉頓透露蘇甘保將於今晚首度為紐卡素上陣
而荷蘭年青龍門卻爾會出任夏柏巴替工

12)
D.祖利亞因為唔肯重召唔守紀律既尼爾馬
而俾山度士解僱

p.s.:
1)
曼聯居然佔左英超史上最佳陣容既其中7席
有冇搞錯?

2)
中秋節快樂!
雖然辦公室政治搞到小弟好唔快樂......

2010-9-20 (2)

近幾日既新聞......

1)
希斯被傳即將撲水2億8100萬鎊
不但可以買埋吉列嗰份之餘
仲有兩年時間還錢

不過佢風光就代表利記大鑊
原來萬一成事
利記未來兩年唔計還債
都要還9000萬鎊利息

2)
文仙尼已經同基雲攤牌
佢可以於1月離隊
報導指紐卡素打算回購佢

而曉頓就表明雖然夏柏膊頭傷勢未明
但唔會向曼城緊急借用基雲
佢亦表態球隊將於季尾買斷賓艾化

另一方面,紐記被傳同愛華頓以及些路迪爭奪瑞士防中T.巴亞
這名畿內亞裔27歲球員曾經係瑞士U-19代表

3)
白禮達被傳曾受賄100萬歐元

4)
美斯尋晚場波俾烏化奴斯惡意侵犯
事後證實只係輕傷
休息兩場就可以復出

5)
阿仙奴被傳睇中史浩克04既29歲法國中堅柏利斯坦

6)
科突迪瓦左閘迪爾里被指成為熱刺既增兵對象

7)
侯城續借艾耶拉至1月

8)
放監出來既馬華龍京治加盟高雲地利

p.s.:
保耶爆粗鬧阿婆球迷
伊巴仲衰到起飛腳踢牛奶咀隊友
球壇人渣何其多......

2010-9-20 (1)

兩場波想講……

1) 新特蘭對阿仙奴

兵工廠失分而回
雲加唔應該賴球證補時過長
事實上球員可能因為過勞而發揮一般
雲加要為佢既輪換負上好大責任
加上路斯基宴客同埋基治解圍失誤
都係衰自己而真係冇咩好怨

失分事小
法比仔可能養傷4星期
以及雲加隨時俾賽會抽後算帳事大

2) 曼聯對利物浦

利記一度可以連追兩球
對佢地既鬥志冇咩可以挑剔
不過佢地既整體發揮確實差過曼聯

hea碧可以話踢出英超代表作
仲係英超英格蘭打呲首個連中三元既球員
佢絕對係以一己之力ko利記
不過佢神勇得來可以咁瀟灑
大抵都要多得利記後防對佢太斯文

加歷查再次老態畢靈
大抵鶴臣要的起心肝用艾加取替佢

不過更大鑊既係高捷斯基既左路
本土至少有5個左閘好過佢
鶴臣咁都搵佢過檔
大抵只係因為念舊兼唔夠 budget

結果於祖高爾回防不力既情況下
蘭尼對住佢幾近話過就過
失第一球亦好大程度因為佢好似新人咁企錯位
咁唔夠班就更加唔好旨意佢幫手助攻

中場方面
只係識駁腳既麥斯洛迪古斯繼續理所當然咁冇貨交之餘
有晒自由度既祖高爾踢來又毫無勁度
而保臣亦明顯唔係馬斯查蘭奴既級數

鶴臣有必要考慮轉用4-4-2陣式
將謝拉特移後同美利拉斯合作
佢兩個跑得之人都有能力分波同埋後上助攻
配合得好應該好有睇頭

前場方面
托利斯依然會好有作用
不過前題係佢既健康狀況
尋晚場波就證明如果佢冇態
鶴臣應該至少搵多個箭頭幫佢搵空位
由於短期內古治都幫唔到手
鶴臣應該增加祖雲奴域以及尼哥治既出場時間

2010-9-18

1)
費sir宣佈由維迪出任新隊長

而佢於雙紅會前再點火頭
表示賓尼迪斯用左咁多錢買人都唔掂
先係利記近期唔掂既最大罪人

2)
麥阿里士打答應過檔出任侯利亞既副手

3)
加納即將委任迪西里接手執教

4)
由於贊助商倍耐力既高層居然同傳媒表態希望卡卡過檔
國米隨即被傳將於1月以先借後買既形式引入佢

5)
熱刺忽然被傳將於1月引入迪比亞路

6)
忽然有報導指賓特拿既肌肉傷患會影響佢既球員生涯
佢隨即否認有關傳聞

7)
麥利殊落實續約3年
而麥法頓就因為膝傷而要長抖
暫時未知幾時可以復出

8)
紐卡素以及史篤城被指打算從樸茅接收靴達臣

9)
法國23歲中場 S.Kerkar 以自由身加盟格流

10)
歐陽耀沖同埋郭健邦將到熱刺跟操

p.s.:
1)
Big Sam 近期多多嘢講
既同雲加頂頸外
又話自己其實比較適合教大會
仲話年年實有盃捧
係真唔係呀?

2)
亨利為左慶祝入波而錯腳整傷對手龍門
有片為證佢真係冇心
http://www.youtube.com/watch?v=W-kdACWSjoY

3)
又有新波衫上架
包括布拉加,列斯聯......
http://hk.user.auctions.yahoo.com/hk/booth/mfho2003

2010-9-17

近幾日既新聞......

1)
利物浦否認搵賽會預支直播收益既報導
不過如果佢地既財政狀況繼續唔掂
1月賣人套現既可能性仍然存在

另一方面,傳聞一個香港財團打算入主利記
路邊社仲話嗰老闆姓李......

2)
阿根廷足總主動探盤約香港踢表演賽
不過足總驚唔夠時間搵贊助
而反建議阿根廷出年6月再來

3)
華倫西亞日前意外斷腳
費sir表示佢有望2月復出

4)
馬拉加既17歲新星祖拿美被指成為車路士既增兵對象
報導指佢既贖身費大約800萬鎊

5)
烏德勒支既21歲新星雲禾夫斯雲高再次同英超球會扯上關係
利物浦,阿仙奴,紐卡素同埋熱刺
都被指睇中這名可踢進攻中場或者箭頭既荷蘭B隊代表

6)
消息指格蘭對格連莊臣同埋厄遜既表現相當不滿
如果佢地下場再冇改善
就會將佢地雪藏

另一方面,槌仔幫被指睇中紐維爾舊生隊既22歲新星科米卡

7)
摩連奴承認客串執教葡萄牙既機會唔大
但唔排除終有一日全職接手

8)
史尼達透露即將同國米續約

9)
查斯古特透露利物浦,拉素以及羅馬都對佢有興趣
不過佢最終都選擇加盟靴高斯

10)
侯利亞被指想搵麥阿里士打做佢副手之餘
仲想搵奧雲1月過檔
而佢已經從法國挖走體能教練

11)
舒華沙再次同阿仙奴扯上關係
報導指雲加可能打算1月引入佢

12)
克里斯離開里昂後仲未搵到落腳地
報導指AC米蘭考慮接收這名巴西中堅

13)
繼巴迪斯圖達,米拿同埋朗奴迪保亞後
施丹亦落實協助卡塔爾申辦2022年世界盃

14)
卡路爾被指成為熱刺600萬鎊既新箭頭人選

15)
加里夫巴利被指成為多間大會既羅致對象
當中包括祖雲達斯,國米,AC米蘭同堆皇馬

16)
史葛布朗被指成為國米以及祖雲達斯既800萬鎊增兵人選

p.s.:
1)
近日真係多花邊新聞
不過最搞笑都係A貨多哥

2)
近日超忙
唔止因為近日平均工作超過12個鐘
仲有因為今期 Keymansoho 可以再寫多個 topic
至於內容當然又係秘密

2010-9-14

幾場波想講……

1) 愛華頓對曼聯

大手交易兼夠晒戲劇性
不過兩隊都唔見得踢得特別好

而曼聯繼對富咸後再次臨天光瀨尿
都係衰佢地防守唔夠集中
當中或多或少同里奧費甸南缺陣有關

2) 巴塞對靴高斯

客隊賽前係咁煲 DVD
既要避免好似西維爾有咁多漏洞
仲學埋國米點踢穩守突擊

加上主隊既要留力
兼有本土主力涉嫌早幾日滾到腳軟
最終俾靴高斯爆到大冷

另一方面,近兩年半既比賽多次證明
艾比度唔岩客串中堅
不過廢到好似杜明尼治
抑或英到好似哥迪奧拿
都依然 keep 住咁錯
實在冇辦法理解

3) 伯明翰對利物浦

如果唔係拉爾拿火速回勇
踢到死氣沉沉既利記應該冇分落袋

托利斯就係國際賽後遺症最明顯既例子
明白球員踢太公波都要搏命
不過既然鬥牛國又唔係冇人用
點解要未好返晒既佢過份操勞先

至於托利斯係唔係好似列納咁講比較重視太公波
留返大家自己唸下
小弟某程度同意
但一定唔會忘記佢一直以來既整體貢獻

p.s.:
1)
咩係專業?
睇下佩利斯就知

2)
歐聯終於重開......
不過都唔得閒睇
事關忙到嘔血

2010-9-13

近幾日既新聞……

1)
馬勒當拿同埋阿拉斯干尼都被指有興趣接手葡萄牙

2)
消息指艾歷臣正考慮沙地球會艾哈里既斟酌

3)
報導指皇馬方面認為朗尼可能會因為嫖妓醜聞而好冇癮
打算趁機會再次斟酌佢

佢地亦令人意外咁被傳考慮1月搵碧咸回巢

4)
尼維特透露將重返祖雲達斯出任執行總監

5)
由於侯利亞仲未到法國足總就離職日期達成協議
報導指佢最快22/9先可以首次領軍
另有消息指佢既3年合約總值800萬鎊

6)
曼城被指將於1月向巴勒莫出價5000萬歐元收購柏斯哥利

7)
咸鍚被指成為拜仁既2000萬歐元增兵對象

8)
阿仙奴被指打算再向巴塞新血埋手
今次既傳聞目標係18歲防中 O.Romeu

而兵工廠為左增加羅致盧卡奴既本錢
打算先引入佢踢左閘既細佬

另一方面,一旦法比加斯轉投巴塞
佢地被指將會收購蒙杜利禾
不過拜仁都對佢好有興趣

9)
韋斯咸同厄遜既合約將於季尾完結
報導指新特蘭同埋紐卡素都想打佢主意

10)
車路士被傳打算於1月從卡昂引入年青翼鋒莫路

11)
墨爾本雄心打算以每場67萬港紙既價錢
利誘大哨轉戰澳職盟

12)
曼聯再次同史達基倫保扯上關係

p.s.:
再有大牌球星掛彩
岩岩傷癒既波歷黑因為小腿骨裂而要再抖個半月

不過更慘既係森莫拉
佢俾狼隊既亨特利踢斷右腳腳踭而要養傷4個月
球證杜特睇到過程都居然唔做嘢
變相鼓勵一眾屠夫繼續行兇

而摩達歷就成為近兩日既幸運兒
唔使連續兩年斷腳

2010-9-11

錯要認
打要企定
近日忙到嘔血
無時間跟進本地波消息
請見諒

尋晚去參加'同何鑑光對話'既活動
先知近日本地波既10蚊入場事件

話說康文處從波飛收入抽佣兩成
所以明文規定5%為免費飛既上限
部份細場如九龍灣球場每場波就只可以有40張免費飛
根本唔夠飛派俾
所以足總1名英文名係E字頭既女職員提出10蚊方案
伍健建議之後
甲組會已經表決通過

但問題係個別球會似乎冇同球員交代
部份球員去青衣場睇晨曦對大中先知要俾10蚊先可以入場
但同場既 KK Ho 就因為有名譽證而可以繼續免費入場

佢老人家覺得件事好有問題
一來原來冇對外公布過
連記者都唔知咩事而向佢查證
透明度好有問題

二來佢覺得本地球員同埋青訓教練向來入場都唔駛俾錢
以示對同行從業員既尊敬
但原來包括佢在內既部份人士仍有得豁免
(當中包括香港隊教練團,代表香港出場過左某個特定 quota 既球員同埋VIP)
咁對要俾錢既球員同埋青訓教練係唔公平

成件事既 keypoint 都唔係要收幾錢既問題
而係原則既問題

足總成日話要推廣足球
不過既然好日都冇直播
如果唔入場既話
年青球員同埋教練唔同返屋企煲 DVD 咩?

kk同場提出另外左兩個疑問:
一係教練帶球員入場睇波備戰吼路
算係做緊公事
點解要自己俾錢?

二係球員入場睇波
點解唔記數搵球會收錢?
球會而家咁做即係變相尅扣球員既福利
球會如果心唸球員唔敢出聲而食住上
即係明恰球員

小弟都同意kk既論點
球員嗰筆佢老人家已經講得好清楚

小弟想講既係青訓教練嗰筆
足總收註冊費收得咁貴
人地而家想睇場波學嘢都要收錢
亦變相唔鼓勵佢地帶小學員入場睇波
長遠隨時流失好多新血球迷

嘢就講住咁多
係唔係部份人唔捨得特權而瓜瓜嘈
抑或要俾真金白銀先係真係支持本地波
不妨自己細心唸下

p.s.:
尋晚聽kk既分享
雖然冇機會問我想問既問題
不過依然覺得正到爆開

至少我聽道精工點解唔玩既其他原因
又聽到中國人或者共產黨點樣唔識搞波
最正都係從佢身上睇到機會要係自己爭取既例子

真係有今生,冇來世!

2010-9-10

卡比路早前透露將於2012年歐國盃後退休
哈利列納,布魯士同埋 Big Sam 都幾有興趣接手

考慮到朗尼近日既醜聞
以及佢倒戈愛華頓既身份
消息指費sir考慮索性俾佢休息

柏加落實以7萬鎊週薪既條件同韋斯咸續約5年
粉碎佢轉投利物浦以及熱刺既傳聞

意大利傳媒指國米早前出售巴洛迪利既時候
於合約列明曼城將來唔可以將佢賣俾AC米蘭

卡域克因為阿基里斯腱而成為最新一個掛彩既著名球星
費sir透露佢將要休息3個星期

而阿仙奴方面公佈禾確特就要抖6個星期
更慘既係熱刺
佢地證實迪科爾原來將要缺陣3個月

2010-9-9

1)
利物浦被指打算於1月以1000萬鎊引入艾利亞
而巴布就會被賣走套現

2)
白禮達再次提出黃金入球方案

3)
威爾斯足總希望傑斯先以兼職教練既身份加入球隊
於曼聯掛靴後再坐正執教

4)
菲臘湯臣婉拒維拉搵佢出任侯利亞副手既斟酌

5)
多蒙特打算搵派拿回巢

6)
國米被指打算引入加利卡希爾

7)
魯迪維爾同埋迪科爾都因為腳踭傷患
而分別要缺陣3個月以及至少6個星期

8)
雲達韋爾被傳將於1月轉投車路士
而佢既同胞艾菲利亦再次同阿仙奴扯上關係

9)
加利仔宣佈季尾掛靴

10)
皇馬公布球會總收入增至3億6300萬鎊
淨賺1970萬鎊
負債亦減少左6700萬鎊

11)
熱刺被指準備於1月出價2200萬鎊收購艾殊利楊格

12)
艾堅斯因為未能同修咸頓方面達成個人條件
所以肯定唔會接手這間英甲球會

13)
曼城被指準備於1月收購史堤芬泰萊

14)
馬賽方面透露於轉會市場關閉前曾斟酌杜奧巴

2010-9-8

1)
國米方面否認接收卡卡既傳聞

2)
辛尼迪公開支持巴迪斯達正式接手阿根廷

3)
消息指捷西斯拿維斯可能於1月離開西維爾
巴塞,皇馬,利物浦同埋熱刺近日都同佢扯上關係

4)
消息指侯利亞已同維拉簽約兩年

5)
施哥夫暗示如果繼續坐多過踢
唔排除於1月要求轉會

6)
愛華頓被指打算於1月引入施斯隆

7)
消息指湯美史勿夫將於借用形式加盟昆士伯流浪
而樸茅將於1月賣斷佢

8)
摩連奴被指考慮再引入1名射手
當中科蘭就被傳係其中一個可能人選

9)
比錫達斯被傳願意以900萬鎊收購羅比堅尼
不過一般相信佢唔肯去土耳其搵食
報導指紐卡素就打算於1月借用佢
再於季尾買斷佢

10)
錫週三僅僅避免被接管

11)
賓納特可能以借用形式加盟史篤城

p.s.:
1)
列基美有機訪港?
如果成事既話都幾有綽頭

2)
近幾日聽得太多唔好既消息
拉爾拿咁樣出醜人前
真係估佢唔到
而朗尼單嘢就聽到厭

另外,繼古治後
雲佩斯,梅迪薩卡同埋禾確特亦於太公波受傷
更大鑊既係白賴仁勞特立患上淋巴癌
祝佢地都可以早日康復

2010-9-7

1)
古治因為膊頭傷患而要養傷4星期
而鶴臣被傳考慮引入森莫拉同埋艾度曉兩名舊部屬

另一方面,利記忽然被指睇中賓施馬
不過最新版本係同迪科爾扯上關係既祖雲達斯將於1月出價搶人

2)
消息指侯利亞即將向法國足總請辭
令佢接手維拉既報導更有可信性

3)
國米,車路士都被指睇中安德烈治既17歲射手盧卡奴
不過佢表態希望轉投皇馬

4)
米堡被傳打算借用古迪仙尼

5)
消息指費格遜反對傑斯重返威爾斯代表隊踢波兼教波
當時人亦暗示唔會而家接手威爾斯
但將來一定有機會

6)
薩耶迪即將以借用形式轉投李斯特城

7)
贊古奴夫斯基宣佈為左嗰女可以於米蘭完成學業
決定於AC米蘭踢埋今季
先返捷克落班養老

8)
法國19歲中場 N.Boukhelifa 現正身在紐卡素試腳
佢早前拒絕左朗斯既1年合約

9)
PCCW 同曼聯簽約3年
攞到官方頻道既香港轉播權

2010-9-6

近幾日既部份新聞......

1)
馬里奧高美斯承認早前希望以借用形式轉投利物浦
而利記被傳1月以1200萬鎊引入本田圭佑

2)
史堤芬泰萊雖然同曼城扯上關係
但佢表明依然希望留隊

另一方面,紐記再次被傳打保拿特既主意
不過皮雅臣就否認有關傳聞

3)
施丹嗰仔落賓加盟皇馬青年軍
不過佢唔想太高調
所以用佢阿媽費蘭迪斯既姓氏去註冊

4)
消息指杜錫克準備向威爾斯足總請辭
傳聞傑斯可能以領隊兼球員既形式重返國家隊

5)
禾洛克以及費度反對維拉由侯利亞接手

6)
梅里西斯放風細哨只要回勇就可以得到重召

p.s.:
近幾日最上心既英國球圈新聞
一定唔係球壇史力加又走去滾
而係穩健先生既紀念賽

雖然唔覺佢好勁
但嗰份忠心真係令人敬佩
希望他日可以睇到謝拉特告別賽

2010-9-4

想講本地波......

幾日前去睇黎新祥紀念賽
頭場雖然有9個入波
不過愉昇元老居然大炒流浪元老八個一皮
已知場波好睇極有限

尾場方面好睇得多
銀禧精英對香港代表隊聯隊既戲碼
仲簡直係港甲華人明星賽

不過睇完之後更覺新不如舊
現役球員既組織能力絕對差過前輩至少一班
羸波只因年青力壯兼疊馬
招積怕且有排搞

至於今日就入左場睇南華對公民
順便做埋善事

南華羸波係意料中事
不過雖然入左兩球靚波
但發揮只算中上

如果唔計超低能球證
威廉王子應該係全場最差
佢以前最擅長踢突擊
去左南華就越踢越沉
佢曾經講過南華既主攻踢法令佢少左表演機會
不過多次睇南華既波
都發覺南華有唔少快攻機會
只係佢通常都把握唔到
至於係唔係壓力太大而影響表現
怕且只有佢最清楚

而南華防線其實有唔少甩漏
不過慶幸既係英雄輝同埋艾維斯都越踢越好
前者撲出鞠盈智既後半場笠射
一定係今季其中一個最佳撲救
而港版卡卡雖然身材偏瘦
不過搶點準繩之餘
對住迪天奴都照搶可也既膽汁
亦證明佢有力成為港甲其中一個最佳中堅

另一方面,傻邦既世界波正到爆開
港甲謝拉特果然唔講得少
不過白鶴明顯唔係中堅既好材料
如果佢重返防中位置
加上老當益壯既強哥似會墜後半格
以類似沙比艾朗素既踢法搵食
Kim sir 點分配佢地幾個既出場時間
小弟倒好有興趣

2010-9-3

近兩日既新聞......

1)
英超球會都交出25人名單
兵工廠既25人名單只用左20個 quota
因為佢地可以用既U-21球員竟然多達56人
足足拆到3隊波

而夏格維斯同埋辛達告魯斯最終入到25人名單
不過活基治就大熱落選

2)
侯利亞成為維拉新領隊既大熱門
而鄧納東尼就表態想接手

3)
碧咸將於下星期六復出

4)
消息指麥利殊要求大幅加薪先肯同伯明翰續約

5)
加歷查表明唔會再復出國際賽

6)
波里路既經理人放風
其實皇馬以及曼城都好想接貨

7)
基羅斯因為侮辱葡萄牙禁藥組織成員
而被罰停賽半年

p.s.:
卡比路話明會為球迷帶來一隊全新英格蘭
不過如果英國傳媒冇報錯流料既話
人腳其實冇咩大變

積基卡大抵只係泰利既替工
而如果林伯特冇病冇痛
禾確特仲有冇得出場都係疑問
祖赫特怕且已係唯一真正既轉變

英格蘭最大問題係人腳冇化學作用
群策群力肯定冇佢地份
亦冇人可以於關鍵時刻孭到飛

雙特共存幾近踢少一個之餘
朗尼暫時亦未證明佢可以擔起隊波
而當美斯以及C7都冇本事以一己之力扭轉局面
期待英格蘭有個救世主其實不設實際

如果個別名牌組件繼續整合冇期
卡比路既新英格蘭唔慌會有作為

2010-9-1

轉會市場完結前既部份交易......

1)
AC米蘭以2200萬鎊引入羅賓奴
由於佢地前線人滿之患
所以將波里路外借羅馬
對方仲有權於季尾以1000萬歐元買斷佢

2)
難筆前未知雲達華治以800萬鎊過檔熱刺既交易結果
而哈利列納就以借用形式引入柏迪高沙

3)
賓菲加將羅迪列高外借去保頓

4)
利物浦於最後階段魚翁撤網斟酌5名箭頭
當中包括哥治,卡頓高爾,馬里奧高美斯,辛達告魯斯以及杜禾倫
可惜全數失敗而回
最終成功引入既就只有左閘高捷斯基

另一方面,利記將艾沙亞借借去希臘球會PAOK
而艾耶拉就被外借去侯城

5)
新特蘭以破球會紀錄既1450萬鎊收購基恩

6)
韋根以200萬鎊買斷迪辛度
而曾經效力佢地一季既蘭沙特就同川迪簽約1年

7)
史浩克04最終接收亨特拉爾
佢地亦以1300萬歐元從馬體會引入祖拉度

8)
桑坦德借用羅辛貝治

9)
祖雲達斯決定同薜比拿解約
消息指佢即將加盟布雷西亞

而史特加以及帕爾馬亦分別接收甘莫蘭尼斯同埋簡達華
查斯古特亦落實減2/3人工同靴高斯簽約兩年

10)
愛斯賓奴以500萬歐元買斷奧斯華度

11)
伯明翰落實借用希比一季

12)
曼城將卡斯度外借去利雲特
不過辛達告魯斯外借去拉素既交易就爛尾收場
令佢最少之後幾個月只可以於預備組作賽

p.s.:
1)
幾季前既轉會要角摩連迪斯
就宣佈掛靴講波

2)
原來人真係可以好賤
話說有條友同小弟同樣出售波琴波衫
佢食水深賣得貴
就屈賣平佢廿蚊既小弟賣假嘢
咁既人真係等天收

2010-8-31

想講3場波……

1) 布力般流浪對阿仙奴

之前睇哥斯尼個款
已有預感佢係個技術型兼靠路數既中堅
不過真係冇唸過佢一面對硬朗型球隊就出事
條友唔捱得撞之餘
仲冇咩速度可言

希望佢適應英超後可以有改善
否則下場隨時慘過過施根
畢竟當年當選法甲最佳球員既光頭佬都只係200萬鎊身價
只係佢而家身價既1/5

2) 利物浦對西布朗

自從上季開始
利記就算對住弱隊
好多時都只係小勝1:0
有幾牙煙唔難想像
難怪鶴臣想入多件箭頭

不過卡頓高爾點睇都唔係好人選
條友埋門一腳有待磨練之餘
仲係出名既玻璃腳
咁都要咁貴怕且只係因為佢係本土球員

至怕槌仔幫風水唔好
由90年代起
富達同埋艾殊頓都係平均成個月都未必落到場一次既經典例子
萬一佢又係咁就等同倒錢落海
成單嘢比較吸引既
就只係有機借勢賣走盧卡斯利華以及巴布既其中一個

3) 馬略卡對皇馬

4-2-3-1 抑或 4-3-3 都只係一堆數字
冇咩值得多講

想講既反而係C7既獨食
如果佢下半場球波肯傳俾希古恩
皇馬好可能唔使失分俾馬略卡

如果摩連奴話會用佢做重心係識做既例子
咁萬人迷繼續獨食就係唔識死既表現
搵佢做重心畢竟只係客氣說話
從來唔代表串王會俾佢自把自為

而家條死仔要養傷3個星期
對摩系皇馬既運作可能係好事
對摩連奴而言
亦係食住條衰仔既大好機會

p.s.:
聽日有黎新祥紀念賽
注意地點係蒲崗村道球場
17:00開始繼續派飛

2010-8-30

近兩日既新聞……

1)
更正:
AC米蘭季尾只要用2400萬歐元就可以買斷伊巴謙莫域

而消息指佢地極可能再引入羅賓奴
形式同係先借後買
不過波里路就被指最終會成為交易既一部份

另一方面,佢地表明只肯賣斷亨特拉爾

2)
鶴臣承認希望引入多一名箭頭
報導指人選正係卡頓高爾
而利記被指準備用盧卡斯利華或者巴布作為交易籌碼

3)
奇連士文成為接手維拉既頂頭大熱

4)
沙維表示巴塞下一個本土球員既星級收購將會係托利斯
而佢表示球會將會再次收購法比加斯
仲表示佢根本想離開兵工廠

5)
杜奧巴以身心俱疲為理由而無限期退出國家隊
不過佢承諾將來情況有改善既話
就會復出國際賽

而佢既車仔隊友保羅費拉拿亦宣佈退出國際賽

6)
雲達華治最終表態希望留隊
不過報導指皇馬高層始終想賣走佢套現
消息指拜仁同埋史浩克04都有興趣接貨
不過佢傾向加盟前者

7)
博洛尼亞將於今晚首場聯賽挑戰國米
佢地陣前忽然同教練哥倫巴分手
技術總監麥拿尼就暫時頂替佢既職位

8)
消息指250萬鎊既出價就足以打動富咸放走舒華沙

9)
熱刺被指考慮最後衝刺引入柏加,G.羅斯以及亨特拉爾
當中史浩克04方面亦透露對後者好有興趣

前線勢必有人滿之患既熱刺可能願意外借羅比堅尼俾紐卡素
而贊拿斯就被傳成為史篤城既700萬鎊增兵對象

10)
賓菲加成功借用希比一季

11)
史篤城聲稱要有1000萬鎊或以上既出價
先可以令佢地割愛比高域

12)
皮利斯仍未落實下一站
不過就肯定唔係上海申花
報導指保頓,韋根以及韋斯咸都對佢好有興趣
但佢早前透露最想加盟既其實係母會馬賽

13)
韋斯咸繼續為後防增兵
迪美以及阿曼特查奧爾被指係佢地左右二閘既新人選

後者先後成為賓菲加以及祖雲達斯既羅致對象
不過這名小將唔肯轉戰葡超
而祖記既借用計劃亦唔合雲加心水

14)
保馬回流荷甲,加盟母會燕豪芬

15)
德舒查落實以自由身轉投愛斯賓奴

2010-8-28

1)
利物浦被指出價1070萬鎊從波圖引入魯爾梅利斯
作為馬斯查蘭奴既替補

而高捷斯基被指即將過檔利記
富咸日前更收購沙斯度作為佢既替補

另一方面,阿古蘭尼暗示唔準備重返英超
報導指祖雲達斯季尾有權以1310萬鎊買斷佢

2)
消息指AC米蘭即將以先借後買既形式引入伊巴謙莫域
紅黑兵團將於季尾以4000萬歐元買斷佢
當時人亦冇俾哥迪奧拿列入對桑坩德既名單

3)
朗奴高文放風有興趣接手維拉
仲聲稱有本事帶隊打入歐聯

4)
科蘭放風暗示有興趣加盟國米

5)
卡比路否認聯絡阿迪達
事實上這名西班牙中場如果要代表英格蘭
首先要成為英國公民

6)
羅馬落實以800萬歐元引入貝迪素
不過由於佢地財政情況只係一般
所以國米俾佢地分3年找數

7)
紐卡素落實借用賓艾化
而佢地引入羅比堅尼就有阻滯
事緣列哈利納只準備賣斷佢套現

8)
韋斯咸證實斟酌查斯古特失敗

2010-8-27

近兩日既新聞......

1)
歐聯已有分組賽抽籤結果
國米同雲達不來梅,川迪以及熱刺同組
皇馬就再遇AC米蘭
同組亦有阿積士
而巴塞亦連續兩年同尅星魯賓卡山同組
不過慶幸同組其他對手唔強

2)
馬賽方面透露同意外借賓艾化去紐卡素
而紐記之後更有權買斷佢
早前馬賽堅持只賣外借
幾乎令交易胎死腹中
更有傳利物浦以及雲達不來梅都想乘機搶人

另外,紐記被傳打算借用羅比堅尼以及保耶達
而薩耶迪亦被指可能從侯城跳船

3)
祖雲達斯被指以450萬歐元借用加利亞雷拉
季尾仲有權買斷佢

而查斯古特就被指將轉戰西甲,加盟靴高斯
報導指佢為左轉會
不惜減薪2/3至150萬歐元

4)
更正:
史基拿斯既轉會費只係400萬歐元
而雲加破例俾這名30歲球員3年合約

5)
矢野貴章即將落實加盟弗賴堡

6)
利物浦宣佈已同巴塞就馬斯查蘭奴既轉會費達成協議
消息指轉會費約2000萬歐元
條反骨仔只要通過體測
就會落實同巴塞簽約4年

國米日前再次被指出價2000萬歐元收購馬斯查蘭奴
而古積特既經理人亦放風這名荷蘭球員希望轉投國米
不過鶴臣就透露賓尼迪斯離隊前
原來曾經同利記高層有協議唔搵球員跟佢過檔
而古積特亦再次表態留隊

另一方面,雲禾夫斯雲高被指成為利物浦既新箭頭人選
消息指這名烏德勒支21歲箭頭既身價約值800萬鎊
而史堤芬泰萊亦再次同利記扯上關係

7)
AC米蘭方面表示如果羅致伊巴謙莫域失敗
就會轉為斟酌羅賓奴

8)
希比被傳將被外借去賓菲加

9)
迪亞高落實以1500萬歐元轉投禾夫斯堡
雙方簽約4年

10)
車路士再次將文切尼外借去狼隊
而尼爾馬雖然已同山度士續約
不過佢既經理人就表示佢將來最終都會上車

11)
雲達不來梅打算以500萬歐元收購蒙利爾
不過奧沙辛拿就表明這名西班牙左閘只少值1200萬歐元
另一方面,施維斯達只要通過體測
就會落實簽約兩年

12)
羅馬從帕爾馬借用左閘卡斯度連尼
季尾仲可以100萬歐元買斷佢

13)
馬略卡成功借用卡雲拿基
季尾更有權買斷佢
而波爾多亦進一步散班

14)
波歷克落選德國其後兩場國際賽既名單

15)
奧賓拿落賓以借用形式加盟韋斯咸
槌仔幫仲有權季尾買斷佢
而佢地亦準備從樸茅接收威爾遜

16)
熱刺被指考慮羅致泰斯治
仲未搵到新球會既亨特拉爾亦再次同佢地扯上關係

17)
沙斯度落實以160萬鎊轉投富咸

18)
艾迪巴約再次放風想離隊以尋求出場機會

19)
西布朗落實從些路迪回購箭頭科東尼

20)
伯明翰準備以破球會紀錄既900萬鎊收購尼索比亞
韋根亦已同意出價

p.s.:
1)
今季西甲將有5條新球例
睇波一定要留意

2)
再有一批新波衫即將上架
http://hk.user.auctions.yahoo.com/hk/booth/mfho2003

當中包括屈福特同埋水晶宮既練習波衫,
幾款澳職盟波衫以及近日勁 hit 既波琴波衫

波琴件新衫質地夠彈性之餘
款式仲係仿牛仔布
係小弟暫時見過今季最正既新波衫

3)
Keymansoho 28號正式有得賣
今期有小弟既拙作

2010-8-26

近幾日既新聞......

1)
消息指巴塞已同馬斯查蘭奴傾好個人條件
不過佢地既2000萬歐元出價
同利記要求既相差600萬歐元

而這名阿根廷於對曼城賽前罷踢以逼令鶴臣放人
惹起隊友不滿
最終只能單獨訓練

2)
巴塞被指對法比加斯仲未死心
打算於轉會市場關閉前再次出價搶人
而國米亦被傳想爭埋一份

3)
利物浦再次被指打算引入卡頓高爾
不過考慮到佢既受傷紀錄而只肯出價600萬鎊
而查斯古特同埋烏克蘭射手 A.Milevskiy 亦同利記扯上關係

另一方面,里爾既杜比治就被傳成為利記既新右閘人選
高捷斯基就可能以300萬鎊加盟

4)
哥古夫落實以2200萬歐元轉投里昂

5)
波圖落實以400萬歐元引入奧達文迪

6)
祖雲達斯提出以700萬歐元收購迪拿達利
不過交易已被當時人拒絕

7)
阿部勇樹即將轉投李斯特城

8)
馬賽決定放走人工偏高既軒斯
消息指佢好可能轉戰美職聯
而巴塞,愛斯賓奴同埋一間卡塔爾球會都被傳有興趣接貨

9)
史基拿斯落實以650萬鎊加盟阿仙奴
而雲加被傳考慮以2200萬鎊一併引入雲漢頓以及史達基倫保

10)
文仙尼公開安撫基雲
而佢準備外借辛達告魯斯去同列迪斯馬續約5年既拉素
這間意甲球會更有權季尾買斷佢

另外,報導指羅賓奴已經決定唔會轉戰土耳其聯賽
只會考慮重返西甲或者初登意甲

11)
AC米蘭被指打算用波里路另加現金
收購伊巴謙莫域
不過佢地要巴塞津貼一半人工既縮骨建議
就成為交易既障礙
而當時人就表示如果離開巴塞
只會考慮AC米蘭,曼城以及皇馬

另一方面,佢地決定將艾迪耶亞外借去里賈納一季

12)
車路士被指打算出價4000萬歐元收購沙治奧拉莫斯
而朴主永就傳可能以800萬鎊過檔

13)
韋斯咸打算引入法國U21射手加美路
不過羅連安特表明要收到1150萬鎊既出價先會放人
而槌仔幫亦被指可能接收巴布
不過奧賓拿就肯定早過佢地加盟

14)
迪米捷利斯被指成為馬體會400萬歐元既新中堅人選

15)
雲達不來梅即將引入一度同紅牛扯上關係既施維斯達

16)
紐記落實引入迪奧迪後
再打算借用耶高保或者辛達告魯斯
不過前文已提過後者可能會轉投拉素

另外,由於史堤芬泰萊仲未續約
曉頓決定將佢掛牌出售
報導指當時人要求6萬鎊週薪
不過紐記只肯俾4萬鎊

另一方面,科士打就被外借去些路迪一季
而貝斯被指成為黑池既羅致對象

17)
史浩克04被指打算出價1400萬歐元引入亨特拉爾

18)
美度最終落實加盟阿積士

19)
西維爾從華倫西亞引入阿歷西斯
雙方簽約5年

20)
摩連奴否認引入艾迪巴約既傳聞

21)
布雷西亞落實接收迪亞文迪

22)
費倫天拿被指準備出價500萬歐元收購阿費利

23)
富咸落實從賓菲加引入阿爾及利亞守衛夏利治

p.s.:
雖然紐記重返英超
不過有機會都依然會睇下英冠
其中一個賣點一定係轉戴白色框眼鏡既戴維斯

2010-8-24

想講幾場英超……

一個比賽週有3場6:0
印象中好似從未出現過

韋根方面
馬天尼斯雖然死撐唔驚俾人炒
不過佢既然用左成年時間都攪唔掂條防線
韋根如果唔想重返英冠
易帥止血似乎刻不容緩

黑池好快就從火星重返地球
對住同一家波既阿仙奴明顯班門弄斧
踢少個既下場就梗係慘敗

佢地同埋韋根既截擊以及回防效率都唔掂
踢4-3-3雖然好睇
不過唔夠料就只會輸得仲甘

紐卡素方面
固然踢出代表作之餘
卡路爾如果生性做人
佢應該比禾確特更有本錢大爆發

不過話說回頭
紐記要多得維拉屋漏偏逢連夜雨
佢地冇左領隊已經散散地
宴客後兩分鐘就失守仲係雙重打擊

曉士同埋費sir既師徒對決就係今個星期既亮點
前者接手後
可能由於 budget 唔多
暫時未見大手買賣
只有針對攻力略嫌薄弱而引入丹比利
戰術亦一如鶴臣年代

佢地唔似可以重溫上季美夢
但亦至少唔愁降班
管理層大概預算今季係曉士對球隊既調整期
曉士之後如果開始買人
防中應該係佢既著眼點

另一方面,史托杜里接連有好表現
舒華沙轉投兵工廠怕且只係時間既問題

曼聯方面
史高斯同埋貝碧托夫都持續有好表現
後者冇波入只因史托杜里表現太好
不過曼聯整體發揮唔算出色
加上蘭尼捉到鹿唔識脫角
就令佢地始終要失分而回

p.s.:
利記輸左場6分波俾曼城之餘
仲要吞足3蛋
唔失望就假

不過更大打擊始終都係睇住咁多香港人咁樣枉死……
救人質唔係以人質安全為大前題既咩?

2010-8-22

近幾日既新聞......

1)
黃健華最終決定放棄入主利物浦
報導指利記既高負債應該係關鍵
而利記最大債主蘇格蘭皇家銀行被傳隨時提出收購

2)
鶴臣準備以借用形式將阿古蘭尼送返意甲
當中落實羅致卡錫既祖雲達斯接貨後
可於季尾以1700萬歐元買斷佢

另外,鶴臣就表示莫拉堤承諾唔會引入古積特以及馬斯查蘭奴

3)
韋利可能復出
加盟彭拿路

4)
皇馬早前先表示唔再增兵
隨即被指打算用德倫特
另加1200萬歐元收購米高巴斯圖斯
杜奧巴亦再次被指成為佢地2000萬鎊既新箭頭人選

而勢必被放棄既雲達華治就表態想過檔曼聯

5)
由於尼米心臟可能有問題而過唔到體測
令基格納即將以1600萬歐元加盟馬賽

6)
奇雲保定落實以550萬鎊加盟熱拿亞
不過隨即被借去AC米蘭

7)
巴特利表態有興趣接手維拉

8)
加拿斯最終轉投熱刺
雙方簽約1年
而森遜就以100萬鎊轉投侯城

另一方面,雲加透露可能於轉會限期前引入一至兩名新血
報導指史基拿斯最有機會加盟

9)
葡超樸迪莫倫斯引入董方卓

10)
羅賓奴被傳以1600萬鎊過檔比錫達斯
再次同蘇斯達合作

而艾迪巴約就威脅如果上半季都爭唔到正選
就會要求1月離隊

11)
朗拿度表示唔排除年尾提早掛靴

12)
山度士落實同尼爾馬續約5年
贖身費高達3850萬鎊
佢地亦從曼聯引入普斯邦
雙方簽約4年

另一方面,韋斯利比達美就以750萬歐元加盟雲達不來梅
佢既加盟應該係作為奧斯爾既替補

13)
曼聯落實從阿積士挖走16歲左翼尹維辛

14)
卡比路被指考慮搵史高斯出山
而阿迪達就暗示希望代表英格蘭

15)
格拉斯哥流浪落實以400萬鎊引入克羅地亞射手謝拉域

16)
迪奧迪再次被指成為紐卡素既增兵對象
西布朗亦對這名防中有一定興趣

17)
塞爾維亞足總宣佈同安迪續約
報導指佢要減薪5成至50萬歐元月薪

18)
賓菲加從樸茅回收耶巴達後
再將佢借去拿玻里

19)
熱刺打算用羅比堅尼作為收購柏加既籌碼

20)
薜迪比因為斷左阿基里斯腱而好可能緣盡今季英超

p.s.:
1)
作為阿仙奴既球迷組織
阿仙奴球迷信託基金決定受邀購買球會股份
目前每股作價格10250鎊
球迷可以每月供款
將來只要擁有每股既1%(即係俾左大約102.5鎊)
就可以成為股東
仲可以為球會政策進行投票
利記又有冇咁既一日?

2)
新貨包括清水心跳球迷版球衣,卡坦尼亞,智利同埋薩爾瓦多
http://hk.user.auctions.yahoo.com/hk/booth/mfho2003

2010-8-19

近兩日既新聞……

1)
奧斯爾落實以1500萬歐元加盟皇馬
雙方簽約6年

皇馬方面表示已完成增兵
而狄亞拉,迪亞拉,加高同埋雲達華治就被傳將被踢走

2)
利物浦落實同史基泰爾續約兩年
而巴布就可能以900萬鎊被賣去禾夫斯堡

另一方面,鶴臣表示球隊會集中英超
而佢亦用拋字決表示寧願等約湖放走馬斯查蘭奴
都唔俾佢轉投國米

3)
報導指英超挑戰賽可能再次於香港舉行
車路士,維拉以及新特蘭就最有可能參賽

4)
富咸被指企硬400萬鎊
兼要今季免費借用卡路士韋拿
先肯放走舒華沙

另一方面,兵工廠被指將以750萬鎊引入史基拿斯
而加拿斯就被指轉投熱刺

5)
一直未宣佈收山既戴維斯可能轉戰英冠,加盟水晶宮

6)
羅馬宣佈將11名球員踢出1隊
當中包括杜尼,巴迪斯達以及施仙奴

而羅馬曾提出用杜尼同韋斯咸交換比哈美
不過槌仔幫只接受現金交易
巴迪斯達就拒絕轉投加拉塔沙雷

另一方面,貝迪素放風只考慮正式轉投羅馬
粉碎佢過檔車路士既傳聞

7)
拿玻里落實將阿根廷箭頭丹尼斯賣去烏甸尼斯

8)
馬賽即將從尼斯引入雷米

9)
阿積士被指將於月尾前散貨套現
蘇亞雷斯,史迪基倫保同埋雲達韋爾都可能被賣走

10)
丹尼卡辛以自由身加盟希甲既拿尼沙
(唔知點解佢今次冇同羅神扯上關係?)

11)
曼城落實以1800萬鎊
另加艾利蘭去收購占士米拿

12)
泰國最大免稅店 King Power 落實以3900萬鎊入主李斯特城

13)
由於奧彭利拿轉投帕爾馬
佢地就從馬體會借用伊度亞度沙維奧作為替補

14)
希度華迪斯落實以300萬鎊轉投靴高斯

15)
西布朗忽然宣佈從莫斯科火車頭羅致奧丹維治
而護級對手黑池就從海法馬卡比引入25歲以色列後衛卡蘭

p.s.:
法國足總就罷操事件作出裁決
替死鬼安歷卡被重判18場
不過對已宣佈退出國家隊既佢就可以話係冇影響

睇返成件事
安歷卡只係爆粗鬧杜明尼治
罷操根本冇佢份
相反幾條搞屎棍艾夫蘭,列貝利同埋杜拿蘭
可能因為仲有利用價值
而只係輕判停賽5場,3場以及1場
量刑準則明顯超有問題

難怪佢炮轟法國足總一眾高層只係想轉移公眾視線
同埋令白蘭斯可以於一個風平浪靜既環境教波

2010-8-18

雖然 outdate
都係想講英超首週比賽

以西布朗上季踢英冠都成日失波
重返英超就即刻吞足車仔半打蛋都唔係奇事
咁既賽程安排固然唔好彩
撞正車仔上下賽前俾油王狂插就只有死得仲慘

不過星期六晚最意外既賽果
一定係黑池作客大炒韋根4球
黑池作客同埋防線都只係一般
韋根又向來幾靠主場食糊
咁既賽果直係盡破數據

不過唔好因為一場波而即刻將佢地睇得太高
始終防線唔掂兼冇出色防中
英超路一定難行

曼聯就整體持續熱身賽既勇態
就算朗尼依舊冇態
都依然可以羸紐記3球

貝碧托夫近幾場明顯多左走動
如果成季都咁勤力
表現一定會係加盟曼聯以來最好既一季
最終死唔出大三元,甚至大四喜
就只好怨自己埋門一腳未夠班

講表現始終覺得兩老最搶
費sir似係重彈舊調
再次於季初靠老將食糊
到佢地季中跌 watt
季初受世界盃後遺症影響季初表現既球員已經上力接棒

紐卡素大敗
關鍵係搶輸中場
固然搞唔掂費查之餘
亦放生對方兩老
令唔齊腳既防線更加受壓
當然卡路爾如果3分鐘偷襲成功
場波既發展又可能會有唔同

最後要講既一定係雙紅會
利記以穩守突擊制敵
兵工廠中場前幾件技術型球員都因而冇咩機會發圍
當中只有今日證實要養傷成個月既拿斯利算係比較好
加上謝拉特同埋加歷查兩大長老又齊齊回勇
利記就算踢少個都有權攞齊3分

與其話拉爾拿擺老烏
或者尼哥治把握唔到入第二球既機會
而令利記失分
最大罪人點都係祖高爾
球證過嚴係唔好彩
不過踢左45分鐘都入唔到局就令人失望
希望佢之後有料到
唔好成為另一個基維爾

2010-8-17

近兩日既新聞......

1)
馬勒當拿,祖爾以及比歷都被傳接手維拉

2)
史必落實接手鍚菲聯

3)
利物浦落實以230萬鎊引入B.鍾斯

4)
AC米蘭打算接收杜斯山度士
而佢地就落實借用奇雲保定
季尾再有權買斷佢

5)
馬體會落實再續借堤亞高文迪斯一季

6)
些路迪落實引入自由身既瑞典後衛馬斯杜奴域

7)
洛達歷加被指成為史篤城既900萬鎊新箭頭人選

8)
曼聯忽然被指打算收購魯爾梅利斯

9)
史浩克方面否認羅致迪亞高既傳聞
而佢地就被指有興趣接收羅賓奴
不過巴塞就再次被指想用伊巴謙莫域換佢

10)
國米落實以500萬歐元收購施古利
而意大利U-16中堅費斯沙度亦從基爾禾加盟

另一方面,如果佢地羅致馬斯查蘭奴失敗
將會改打蒙杜利禾既主意

11)
達比舒利以借用形式由奧林比亞高斯轉投伯明翰

12)
消息指如果占士米拿未能於短期內落實過檔曼城
維拉就會索性搵佢踢歐霸盃
而哥古夫就再次同曼城扯上關係

另一方面,比拿美將於短期內被外借去卡迪夫城
熱刺本來想出200萬鎊接貨
曼城就當然唔會益熱刺
索性補貼一半人工送佢走

13)
車路士可能將塞爾維亞中場馬迪外借去博洛尼亞

14)
贊拿斯同埋柏夫奴真高都被傳離開熱刺
前者可能以借用形式加盟祖雲達斯
後者就被傳成為馬賽既新箭頭人選

15)
安尼捷比被指成為紐卡素150萬鎊既新箭頭人選

16)
奧斯爾被指最終可能以1400萬歐元加盟皇馬

17)
布力般流浪可能接收哥倫比亞射手皮利亞

p.s.:
最近忙碌既另一原因係上網賣波衫
不過尋晚交收就遇到條 cheap 精

話說有條友 bid 左兩件衫
交收既時候話件衫雖然有牌
不過冇佢想像中咁新淨
我就先後4次同佢講如果唔岩心水
bid 左都唔使買
不過條友次次都話唔想大家兩手空空叫我賤賣俾佢
佢根本只係借勢壓價
咁冇品當然唔會賣俾佢

就算互相劣評對我不利
我都係忍唔住劣評佢
條友居然回覆屈我話我呃佢
仲惡到話要投訴我
好彩之後只要將件衫重新拍賣
就實可以證明唔關我事

睇返 record
原來條友平均幾次買賣就有一次劣評
咁既買家真係多一個都嫌多

2010-8-15

近幾日既新聞......

1)
雲加落實同阿仙奴續約3年

2)
謝拉特公開表示希望阿迪達選擇代表英格蘭

3)
鶴臣透露準備引入多一名射手

4)
文仙尼暗示基雲將要退居後備
比拿美就成為卡迪夫城既增兵對象

而巴洛迪利落實以2200萬鎊加盟
另一方面,報導指佢地打算出雙倍價錢同車路士爭奪大衛雷斯

5)
泰維斯透露打算於3年後掛靴
舉家返阿根廷生活

6)
新特蘭打算出價1000萬鎊收購基恩

7)
AC米蘭打算借用奇雲保定

8)
紐卡素打算先借用賓艾化一季
季尾再以1500萬歐元買斷佢
而當時人以罷踢逼馬賽放人
馬賽就同時落實以800萬歐元放走尼安

9)
祖雲達斯企硬要有1900萬歐元先肯放走迪亞高
令佢轉投禾堡既交易隨時爛尾
而漢堡已拒絕祖記對艾利亞既1200萬歐元出價

另一方面,米高巴斯圖斯同埋迪施高都表態希望過檔

10)
熱刺出價1000萬鎊另加贊拿斯
向韋斯咸收購柏加

11)
奧斯爾暗示有興趣轉投皇馬

12)
韋根即將落實借用迪辛圖

13)
傑斯透露希望將來執教曼聯

14)
史堤芬泰萊透露願意同紐卡素續約

15)
巴勒莫落實以500萬歐元從競賽隊引入阿根廷中場耶古比
亦準備收購安頓費甸南

p.s.:
1)
最近忙到死
其中一個原因係有機會試下於 Keymansoho 寫稿
份稿幾經修改終於搞掂
8月尾嗰期應該會有小弟既拙作

就算唔捧小弟場
20蚊一本當支持全港唯一一本生活化足球雜誌都好

2)
托利斯今晚有機後備落場拆廠

2010-8-13

今日想講英超形勢……
小弟將20隊分為5個梯隊

第1梯隊只有車路士同埋曼聯
佢地應該係最有心有力既爭標份子

不過車仔本身有唔少隱憂
多左幾個年青人長遠對球隊活力係好事
不過表現不穩就難免會係短期代價

而中後場近年成日有主力受傷
而家仲有卡華路離隊
狀態大不如前既泰利唔似可以頂得好耐

另外,球隊隨時為左應付老闆壓力而過份專注歐聯
隨時顧此失彼

曼聯既中後場實力其實冇咩加強
傷兵問題亦同車仔一樣難搞

不過佢地年青球員既成熟程度好過車仔之餘
輸左聯賽之後亦多數反彈
只要費蘭迪斯同埋哥利亞幫輕到朗尼
佢地絕對有力’過車’

曼城,阿仙奴同埋利物浦就係第2梯隊
表面係爭標強隊
不過多數有心無力
隨時未到聖誕已經轉 plan 力保前4

曼城既來勢係好勁
不過文仙尼功力有限
有好多好球員都未必有用
加上佢地係最受’青訓球員’條例影響既前列球隊
有錢有冠軍?
No way!

兵工廠方面
軟硬兼施留到法比加斯
係雲加暑假最重要既一招
幾個年青新兵雖然應該幫到手
不過始終唔係球隊最需要既經驗球員
搵極都搵唔到好龍門亦係佢地既隱憂

利記方面
雖然謝拉特同埋托利斯都唔走
不過整體實力其實冇咩增強
而鶴臣唔算係頂級教頭
亦冇咩執教強隊既經驗
當年接手國米都係虎頭蛇尾
難免令人擔心
不過更煩既一定係兩個美國佬仲係賴死唔走

第3梯隊有熱刺,維拉同埋愛華頓
熱刺就算最終增兵成功
都唔似有力兼顧兩邊戰線
英超成績勢必下滑

維拉方面
冇左奧尼爾一定對球隊有短期既負面影響
維拉今季既下場
絕對要睇由邊個接手

不過艾歷臣似乎唔係一個好人選
條友要有錢增兵先可能交到好成績
而家咁既時勢
美國老闆唔似肯繼續大開水喉
而巴特利有料冇經驗
亦未必搞得掂維拉

莫耶斯雖然因為球會冇錢
而被迫成為暑假第一個完成增兵既英超領隊
不過佢地基本班底唔變
只要留得住積基卡同埋艾迪達
佢地下季應該有力重返歐霸盃戰場

第4梯隊就包括
伯明翰,韋斯咸,新特蘭,史篤城,布力般流浪同埋富咸
佢地既戰鬥力比上不足,比下有餘
下半季隨時專攻盃賽

餘下6隊就係第5梯隊
當中包括紐卡素,保頓,韋根,狼隊,西布朗同埋黑池

紐記同埋保頓既人腳同埋防守能力算係比較好
護級前景審慎樂觀
如果連進攻方面都有改善
隨時俾到球迷驚喜
當中馬田柏度夫如果可以克服傷患
佢同李青龍雙翼齊飛都幾令人期待

韋根同埋狼隊上季唔使降班
就只係多得有窮鬼同埋魚腩包底
如果防線繼續咁屎
當中至少有一隊要返英冠

西布朗就成日做升降機
迪馬堤奧接手後係改善到球隊組織力同埋攻力
不過如果防線持續發瘟
就算卡臣表現再好都係等死

黑池就衰莫財
連 bonus 都要拖數
仲何況增兵搏護級

佢地既防線係近年升班馬當中最差
如果下季繼續4-3-3陣式
隨時因為中場失守而輸得仲多
單靠查理阿當去越級挑戰英超真係幾難樂觀

2010-8-12

1)
保臣落實以550萬歐元加盟利物浦
馬斯查蘭奴轉投國米已經只係時間上既問題

而巴特鍾斯亦將於短期內加盟
卡頓高爾就再次被傳以2000萬鎊轉投紅軍

另一方面,迪馬堤奧表示仍有興趣引入尼哥治

2)
雲加暗示教多4個球季就會退休
而佢決定將19歲中堅巴特利外借去錫菲聯

3)
曼聯忽然準備從甘馬雷斯引入葡萄牙20歲箭頭哥利亞
這名身高1米88既箭頭仲可以客串進攻中場
消息指佢既身價高達740萬鎊

另外,小將卡斯卡特就以50萬鎊轉投黑池
韋碧克就以外借形式加盟新特蘭

4)
李華度被指可能轉投馬略卡
不過200萬歐元就成為轉會障礙

5)
尼爾馬被指將於2500萬歐元轉投車路士

而卡華路以800萬歐元轉投皇馬
車路士被指準備收購大衛雷斯作為替補
而同堤亞高施華扯上關係既曼城亦對佢好有興趣

6)
費倫巴治,熱刺以及巴黎聖日耳門都打算接收加拿斯

7)
卡比路表示因為碧咸年紀太大而唔考慮重召佢

8)
艾基費斯卡落實轉投卡利亞里

9)
川迪拒絕紐卡素對迪奧迪既300萬歐元出價
但當時人已經表明希望轉戰英超

而紐記亦繼續被傳同雲達不來梅爭奪土耳其射手艾丁

10)
祖雲達斯正式出價2500萬歐元收購米高巴斯圖斯

11)
法比安奴將於短期內落實加盟馬賽

12)
除左之前講過既卡斯卡特
黑池同日亦落實引入馬羅尼馬田以及希亞活
而比亞堤亦可能加盟

13)
伯明翰放棄引入甘莫蘭尼斯以及丹比利

14)
堅韋尼鍾斯以800萬鎊轉投史篤城

15)
巴西傳媒指馬干未能加盟皇馬
全因佢堅持要600萬歐元年薪而嚇怕皇馬
而佢被迫留隊後
又要求國米將佢既人工由360萬歐元增至600萬歐元

16)
羅馬從羅沙里奧借用22歲後衛G.貝迪素
佢阿哥上季就以借用形式效力這間首都球會
而雲尼亞里就打算引入杜斯山度士

17)
郭甫忽然向布里斯托城請辭
K.Millen 就隨即接手兼簽約3年

18)
富咸唔肯以200萬鎊將舒華沙賣去阿仙奴
(不過報導指一旦佢落實離隊
費度就被指有興趣轉投富咸
而更奇既係維拉被指打算接收艾蒙尼亞)

而熱刺被指出價1200萬鎊收購漢基蘭
居迪斯戴維斯就被指成為富咸既新中堅人選

19)
尼索比亞正式要求轉會

p.s.:
1)
史賓沙升呢執教波特蘭伐木師
勁!

當年適逢港甲再有外援
佢俾格流外借吸取經驗
譚拔士做到神射手只係因為南華班底比較好
計個人質素就一定係矮腳虎勁好多

2)
新貨包括意甲球證外套
聖保利練習波衫既底價仲低到只係60蚊
http://hk.user.auctions.yahoo.com/hk/booth/mfho2003

2010-8-11

近日部份新聞......

1)
奧尼爾忽然宣佈請辭
消息指佢唔滿意主力將被接連賣走
而亦有報導指美國老闆以及部份球員本身唔妥佢
簡接令佢劈炮
現時以巴特利最有機會接手

2)
印度財團 Sahara 宣佈放棄收購利物浦

而利記被指開出170萬鎊賤價收購希比
鶴臣亦被指想帶謝拉過檔
佢亦被指打算以250萬鎊引入巴特鍾斯作為拉爾拿既副手

另一方面,莫拉堤就叫利記將馬斯查蘭奴既2000萬鎊叫價降低

3)
奧查落賓以自由身加盟阿積士

4)
墨西哥6名球員捲入性醜聞
杜斯山度士,古亞達度,沙斯度,洛迪古斯,莫連奴同埋奧蘇里奧
被指於集訓期間帶同多名金髮美女返房開 sex party

5)
阿仙奴忽然被傳打算借用基雲
佢早前威脅冇正選就會要求離隊

6)
馬賽被傳出價1300萬鎊收購法比安奴

7)
蘇利文尼即將以1300萬鎊轉投韋斯咸

8)
查伯東尼因為食物中毒而要入院

9)
復出國際賽既伊巴謙莫域
將於今晚對蘇格蘭既友賽復出

10)
消息指奧斯爾的落腳地將不出巴塞或者曼聯
更有報導指費sir考慮唸縮數
等佢約滿先搵佢過檔

11)
拜仁方面表明唔會俾列貝利返法國出席紀律聆訊

12)
古爾沙被指成為布力般流浪既500萬鎊增兵對象

13)
迪亞高可能以1500萬鎊轉投禾堡

14)
車路士落1將冼佳亞以150萬鎊賣去史雲斯

15)
迪亞文迪被指考慮回流祖家,加盟布雷西亞

16)
比亞堤再次被指成為西布朗既新箭頭人選

17)
卡迪夫城落實借用奧路芬贊拿
而安格文就落實轉投聖莊士東

18)
伯明翰將哥連杜里外借去高雲地利1個月

p.s.:
再有新貨
當中包括羅馬外套,馬拉加同埋桑坦德既波衫
http://hk.user.auctions.yahoo.com/hk/booth/mfho2003

2010-8-9

近幾日既新聞......

1)
消息指即將離任富蘭克林鄧普頓基金執行副總裁既楊光
支持黃健華收購利物浦
不過佢地既對手來頭唔差
計有美國對冲基金為首既羅內財團,
來自科威特既阿爾卡拉菲家族
同埋早前傳出既敍利亞財團

而利記易主既可能越來越高
因為佢地截止至月尾既負債將會高達2億8200萬鎊

2)
利物浦再次同保臣,胡禮菲臘斯,卡頓高爾以及哥治扯上關係
當中前者既機會仲幾高

3)
卡鍚將以1500萬歐元過檔祖雲達斯

4)
巴塞被指將以1500萬歐元收購奧斯爾

5)
摩連奴承認未能羅致謝拉特,艾殊利高爾以及卡華路

6)
比亞荷夫暗示波歷克再冇得做隊長
而後者近日被指同前隊友利爾既女友有染

7)
迪高落實離隊加盟富明尼斯
而拉美利斯就以1800萬鎊上車
另外,比高域就成為肥安既二號龍門人選

8)
巴勒莫落實將比托羅外借去薩拉戈薩
而佢地被指打算收購奧士文

9)
艾迪巴約,雷米,比拿美,費古羅亞同埋米卡李察士
都被指成為熱刺既增兵對象
報導指一旦哥治離隊
前者最有機會成為佢既替補

10)
保羅羅賓遜,布朗,戴倫賓特同埋西蒙戴維斯分別宣佈國際賽掛靴

11)
賓艾化被指最有興趣轉戰英超
令佢以借用形式轉投紐卡素既機會增加

12)
阿仙奴再次被指視麥薩斯為新中堅人選

13)
伯明翰被指即將羅致甘莫蘭尼斯
而報導指麥利殊亦希望引入格羅素以及丹比利

14)
曼城將以1500萬鎊另加艾利蘭收購占士米拿
而奧奴夏就被被指跳船至新特蘭

15)
史篤城被指有興趣接收奇雲保定

16)
布力般流浪被指準備以100萬鎊跳樓價收購李奧曲加
而羅拔斯就將被放棄

p.s.:
近日哥治既見報率最高應該冠絕英國
除左被指回歸利記外
更爆既係佢俾狗仔隊發現
果然係一個唔滾唔知身體好既'大丈夫'

2010-8-7

近日既部份新聞......

1)
阿仙奴忽然被指出價2300萬鎊收購拉爾拿

而利記落實將菲臘迪根外借去史特加
而鶴臣表示加歷查即將續約
不過希比亞就拒絕左利記為佢提供既教練兼球員合約

另一方面,阿古蘭尼就再次否認重返意甲既傳聞

2)
卡卡因為膝傷而要休息4個月

3)
法國足總宣佈
將會就罷操事件展開內部聆訊
而安歷卡近日公開狂插杜明尼治

4)
歐聯附加賽尋晚抽籤
熱刺死好命只係對來自瑞士既年青人
西維爾,雲達不來梅同埋阿積士
就分別要火併布拉加,森多利亞以及基輔戴拿模
而利物浦踢歐霸就要對特拉布宗

5)
洛杉磯銀河,法李明高以及彭美拉斯都被指爭奪細哨

6)
車路士以2100萬鎊將施哥夫賣去莫斯科中央陸軍
亦令車仔更加唔想放走艾殊利高爾
不過報導指摩連奴依然對佢咬住唔放
西班牙傳媒指佢考慮用賓施馬作為交易籌碼

7)
AC米蘭落實以100萬借用馬捷迪
季尾仲可以俾多200萬歐元買斷佢
而紅黑兵團就放走贊古奴夫斯基作為交易條件

8)
史特加被指打算收購堤亞高文迪斯替補基迪拉

9)
法比加斯表態留隊

10)
摩連迪斯可能轉投塞浦路斯球會馬素爾

11)
史篤城否認以1000萬鎊收購雷米既傳聞

12)
曼聯落實借走馬美迪奧夫以及卡維利
兩人分別落腳布力般流浪以及韋根

13)
米高巴斯圖斯被指成為祖雲達斯1600萬鎊既增兵對象
米蘭雙雄亦同時對佢虎視眈眈
艾迪巴約就放風想轉投祖記

14)
蘇甘保透露趕唔切操弗對曼聯

15)
西布朗而家同索尼傾個人條件

16)
些路迪被指有意引入麥法頓
而麥基迪就再次被傳轉投落實放走占士米拿既維拉

p.s.:
1)
好忙......好累......

2)
有新貨
包括阿爾克馬爾同埋幾件英格蘭低級別球會
http://hk.user.auctions.yahoo.com/hk/booth/mfho2003

2010-8-5

近兩日部份新聞......

1)
一個以前敍利亞國腳基亞迪為代表既中東同埋加拿大合資財團
發表聲明有興趣入主利物浦
仲聲稱已就多個環節同兩個美國佬達成協議

而黃健華雖然仲未成事
但已經被指想收購美斯
(不過類似傳聞隨時只係大陸媒體吹水......)

另一方面,保臣再次同利記扯上關係
而尼哥治被傳成為史篤城300萬鎊既增兵對象

2)
拜仁方面發現荷蘭要洛賓負傷出戰世界盃
搞到佢而家要休息兩個月治理大腿撕裂既傷患

佢地決定向國際足協投訴
兼向荷蘭足總要求賠償

3)
辛尼特忽然宣佈落實以2200萬歐元羅致般奴艾維斯

4)
艾歷臣由於唔肯減價
科特迪瓦足總好可能放棄同佢續約

5)
韋斯咸落實借用賓希姆之餘
亦以500萬鎊羅致22歲新西蘭中堅列特

不過由於上年曾受膝傷既阿根廷射手 M.Caraglio 通過唔到體測
格蘭決定唔從羅沙里奧接貨

6)
拉素落實以1350萬歐元從聖保羅收購巴西中場艾拿尼斯

7)
巴洛迪利加盟曼城可能爛尾收場
事緣條友要求18萬鎊週薪之餘
亦要求保留自己既肖像權

而曼城再次表明只肯俾2400萬鎊收購占士米拿
頂多加多個艾利蘭
報導指態度軟化既維拉將於短期內宣佈放人

另外,哥古夫亦再次同佢地扯上關係
而以色列19歲新星阿蘇連由於膝傷而被巴塞放棄後
報導指文仙尼準備接收埋佢作長線投資

另一方面,新特蘭就正式提出借用祖赫特

8)
甘莫蘭尼斯拒絕加盟靴高斯
佢經理人表示佢只考慮大球會
仲暗示希望轉戰英超
不過傳聞既伯明翰就似乎唔算係英超大球會

9)
高甸落實以830萬鎊轉投馬體會

10)
拉美利斯可以因為申請唔到工作證而無緣加盟車路士

11)
祖雲達斯被指打算收購艾奧高
而伯明翰就被指有興趣接收格羅素

12)
迪查路將以600萬鎊加盟熱刺

13)
摩連奴暗示唔會踢走賓施馬之餘
仲話要搵多個箭頭

14)
簡奴落實同樸茅續簽新約

15)
迪亞拉被指成為曼聯1900萬鎊既新防中人選
消息指摩連奴未必會留佢

16)
紅魔鬼亦被指打算以安達臣另加1200萬鎊
從雲達不來梅收購奧斯爾
而主角就公開呼籲這間德國球會唔好企硬1600萬鎊現金價

17)
希亞活同埋米高波爾去左黑池跟操
消息指佢地好可能獲得收留

18)
保頓落實同卡斯歷簽約兩年

19)
西維爾從拿玻里借用施加連尼一季

20)
紐卡素再次被指借用蘭斯貝利
而曉頓被指打算快刀斬亂麻
於今個星期內落實借用賓艾化

21)
祖維迪因為膝傷而要休息半年
費倫天拿因而加速向慕遜加柏斟酌阿根廷射手波巴迪拿
不過國米,烏甸尼斯以及熱那亞都對佢有一定興趣

22)
米堡被指想從新特蘭接收基加倫

23)
布力般流浪打算借用馬美迪奧夫
而布里斯托城更被指想借用奧雲

p.s.:
近兩日既足球轉會消息
相信冇一宗夠奧尼爾同塞爾特人簽約兩年咁爆

2010-8-3

近兩日既新聞......

1)
消息指黃健華將於8月底前落實以5億鎊收購利物浦

而利記落實同奧里利奧簽約兩年
費古羅亞同埋柏加就繼續同佢地扯上關係

2)
巴拉圭足總打算改於11月17號既國際賽檔期同香港友賽
以徵召更完整人腳

3)
西班牙傳媒指摩連奴將繼續用其4-3-3陣式
C7以及迪馬利亞將負責兩邊陣擊

4)
一旦收購托利斯失敗
曼城將改門科蘭既主意

另一方面,赫特被指考慮再要求外借

5)
佩奧爾最終改變主意
至少踢埋2012歐國盃

6)
柏蘭迪利透露會徵召阿馬利

7)
卡卡再次被傳將被踢走
而熱門買家當然係車路士以及曼城
但肥安依然表示唔會引入佢
而奧斯爾就被指將從前者以及曼聯二擇其一

8)
雖然艾基里講明唔預碧咸
不過萬人迷亦暗示唔會屈就去韋斯咸

9)
AC米蘭被指想用亨特拉爾交換杜斯山度士

10)
雲加透露唔會外借韋舒亞
而薜柏達就繼續同阿仙奴扯上關係

11)
馬賽,費倫巴治以及奧林比亞高斯都有興趣接收辛達告魯斯
前者視佢為尼安既替補

12)
莫耶斯表示因為愛華頓莫財而冇能力再增兵
而巴塞就被指轉打艾迪達既主意

13)
羅馬被指同祖雲達斯爭奪貝迪素

14)
馬真拿落實同維扣利爾簽約兩年

15)
蘇甘保要跟從營養師既指示食減肥餐

而紐卡素被指同西布朗都打算出價100萬鎊收購彭素爾
不過這名加納後衛已經作出否認

另一方面,卡維拉被指即將以借用形式由曼聯加盟

16)
達蒙度落實以自由身轉投皇家蘇斯達

17)
賓菲加被指出價2000萬鎊接收羅賓奴
而佢地落實以600萬歐元從皇馬收購西班牙U-19射手羅渣里高
不過皇馬將來有權以雙倍價錢回購

18)
布力般流浪被指準備接收烏達卡

19)
費sir表明唔急於為雲達沙搵接班人
而佢就決定同古斯錫續約

20)
賀芬咸成為最新一間同賓艾化扯上關係既球會

21)
高治被指成為富咸700萬鎊既新箭頭人選

21)
紅牛將於今日宣佈馬基斯加盟

p.s.:
巴布為左12鎊車費而搞到上差館
真係影衰晒利記

2010-8-1

近兩日既部份新聞......

1)
由於奧拿里奧跟操期間表現出色
鶴臣打算再簽這名巴西左閘
而消息指佢打算搶先出價1200萬鎊收購迪科亞

另一方面,維拉就否認柏度夫以700萬鎊轉投利記既傳聞

2)
消息指施丹答應出任助教協助白蘭斯
不過佢既主要工作唔係教波
而係照顧球員既心理問題
例如去激勵士氣以及安撫球員情緒

另一方面,法國成功於主場捧走U-19歐洲國家盃
決賽羸西班牙2:1

3)
芝加哥火焰以未來兩年其中一個選秀權
同西雅圖音速交換龍格堡

4)
熱那亞打算出價250萬鎊收購遠膝保仁

5)
意大利傳媒指柏蘭迪利將於首場熱身賽大換血
臭馬卡斯辛奴同埋巴洛迪利
以及非意大利裔既莫達同埋列迪斯馬
都有份入選
龍門名單就仲新鮮
包括史度拉利,維維安奴,米蘭特同埋施里古

6)
車路士繼續斟酌尼爾馬以及拉美利斯

7)
巴洛迪利終於同曼城就個人條件達成協議
而最終轉會費應該係3000萬歐元
當中有400萬歐元係 variable

8)
張呈棟於利亞拿試腳
消息指佢可能會得到一紙合約

9)
黑池被指打算向利物浦借用艾沙亞

另一方面,佢地被指拖欠升班獎金
而部份球員亦未收到額外出場獎金

10)
迪亞拉否認轉投馬賽既傳聞

11)
G.羅斯暗示想轉投國米

12)
里昂方面暗示B.高美斯將會被賣去費倫巴治

13)
英國傳媒分折占士寧願降格踢英冠
係因為郭甫答應俾佢退休後加入教練團
同埋佢地出既人工竟然仲高過些路迪以及新特蘭

另一方面,N.亨打以及D.Stewart亦落實加盟

14)
馬基斯落實同巴塞解約

15)
韋斯咸拒絕史篤城對卡頓高爾既800萬鎊開價
格蘭亦表示唔會放走柏加

另一方面,報導指一旦舒華沙離隊
富咸就會開價收購格連

16)
迪馬堤奧為左俾卡臣有良性競爭
落實以150萬鎊從侯城收購米希爾

17)
曉頓表示球會有俾錢佢增兵
而佢落實繼續外借小路亞路亞俾白禮頓

18)
馬略卡上訴失敗
無緣出戰歐霸盃

p.s.:
早前迪尼利先因為防線唔掂而發火
祖雲達斯而家竟然被指想簽尼索比亞踢左閘
打死都唔信......