錯要認
打要企定
近日忙到嘔血
無時間跟進本地波消息
請見諒
尋晚去參加'同何鑑光對話'既活動
先知近日本地波既10蚊入場事件
話說康文處從波飛收入抽佣兩成
所以明文規定5%為免費飛既上限
部份細場如九龍灣球場每場波就只可以有40張免費飛
根本唔夠飛派俾
所以足總1名英文名係E字頭既女職員提出10蚊方案
伍健建議之後
甲組會已經表決通過
但問題係個別球會似乎冇同球員交代
部份球員去青衣場睇晨曦對大中先知要俾10蚊先可以入場
但同場既 KK Ho 就因為有名譽證而可以繼續免費入場
佢老人家覺得件事好有問題
一來原來冇對外公布過
連記者都唔知咩事而向佢查證
透明度好有問題
二來佢覺得本地球員同埋青訓教練向來入場都唔駛俾錢
以示對同行從業員既尊敬
但原來包括佢在內既部份人士仍有得豁免
(當中包括香港隊教練團,代表香港出場過左某個特定 quota 既球員同埋VIP)
咁對要俾錢既球員同埋青訓教練係唔公平
成件事既 keypoint 都唔係要收幾錢既問題
而係原則既問題
足總成日話要推廣足球
不過既然好日都冇直播
如果唔入場既話
年青球員同埋教練唔同返屋企煲 DVD 咩?
kk同場提出另外左兩個疑問:
一係教練帶球員入場睇波備戰吼路
算係做緊公事
點解要自己俾錢?
二係球員入場睇波
點解唔記數搵球會收錢?
球會而家咁做即係變相尅扣球員既福利
球會如果心唸球員唔敢出聲而食住上
即係明恰球員
小弟都同意kk既論點
球員嗰筆佢老人家已經講得好清楚
小弟想講既係青訓教練嗰筆
足總收註冊費收得咁貴
人地而家想睇場波學嘢都要收錢
亦變相唔鼓勵佢地帶小學員入場睇波
長遠隨時流失好多新血球迷
嘢就講住咁多
係唔係部份人唔捨得特權而瓜瓜嘈
抑或要俾真金白銀先係真係支持本地波
不妨自己細心唸下
p.s.:
尋晚聽kk既分享
雖然冇機會問我想問既問題
不過依然覺得正到爆開
至少我聽道精工點解唔玩既其他原因
又聽到中國人或者共產黨點樣唔識搞波
最正都係從佢身上睇到機會要係自己爭取既例子
真係有今生,冇來世!
4 comments:
十蚊方案係唔錯既
而因為足總既問題
攪到咁大件事
就真係足總既錯
至於另外果個問題
小弟覺得都幾不近人情
明知宜家香港足球已經唔係好
仲要諸多事幹去攪死香港足球
呸!
To: 舒利亞
1)
有咩嘢令你覺得10蚊方案唔錯?
2)
香港足球真係好多是非
p.s.:
你隊紐記尋晚搞咩呀?!
其實今場紐記既攻勢同射門都好多..
可惜完全把握唔到..
唔係中柱,就係俾人地個龍門撲到
不過紐記既進攻板斧真係唔多,
兩邊出波又頂唔中,
好多球員愈心急,就愈想帶波扭過對方,
咁又係死路一條
黑池後防補位好快,位置感都好好,
守門員又上左身,
不過佢地其實攻力好弱,
可惜紐記自己在臨完上半場又係輸壞左十二碼先...
阿倫史密夫真係唔需要上前去攔截對方
下半場賓艾化入場後,令進攻組織流暢左好多...
紐記右閘同右中場個位仍然都係比較弱,佩治同洛列治在右面既進攻默契麻麻..有待改善,真係期待森臣快些復出
以改善助攻同回防包位既能力..
總之這場波既主場不敗金身被破,
不能取一分,
其實都幾可惜,
因為如果和左都仲可以上到第六位,
而家落到13-14位都幾唔抵
紐記真係要加把勁,
否則往後既比賽又係場場都係難言取得分數..
To: sammysir
1)
賓艾化如果唔搞事
以佢既級數
一定會幫到紐記超多
2)
睇季初賽程
小弟係預期紐記4場可以至少攞5分
而家4場只得4分
難免有少少失望
最慘都係輸左場6分波俾黑池
3)
講返轉頭
佢地先後作客韋根同埋紐記羸波
對佢地爭護級好有幫助
Post a Comment