2007-6-30

1)
前些路迪及維拉球員阿加菲
以自由身加盟森林

2)
傳聞車路士睇中墨西哥既卡斯迪路
而亦有傳佢地已經加碼到1200萬鎊
以成功收購馬田斯

3)
傳聞阿仙奴會開價最少1200萬鎊
以收購馬田斯

4)
馬卡爾免費轉會到飛燕諾
簽約3年

5)
傳聞韋根想簽沙華治

6)
傳聞祖雲達斯同埋巴塞隆拿
都同時睇中林伯特

7)
Big Sam 被傳睇中艾美臣同埋古莊臣

8)
多拉素以自由身加盟利禾奴

9)
傳聞樸茨茅夫開價200萬鎊收購馬基里尼

2007-6-29

1)
鹿島鹿角簽左小笠原滿男

2)
之前講過雲邦賀斯可能重返飛燕諾
而家終於成事
重唔使轉會費

3)
士砵亭想簽巴巴耶路

4)
些路迪竟然想簽表現越來越差,兼成日養傷既卡爾
小弟覺得紐卡素放人既機會幾高
因為比爾應該會於短期內加盟去取代佢

5)
西班牙傳媒報導
馬體會要求利物浦以施斯作為
收購F.托利斯既部份條件

小弟覺得直到目前為止
冇一個相關報導可以好信得過

6)
傳聞樸茨茅夫加碼至500萬鎊
希望成功收購韋斯咸既希亞活

7)
傳聞阿仙奴同埋熱刺都睇中
Lyn Oslo 既21歲尼日利亞前鋒奧拔基

8)
利物浦成功從索菲亞利夫斯基
收購保加利亞U-21龍門米希路夫
這個19歲既小朋友簽約3年

9)
傳聞皇馬,祖雲達斯同埋AC米蘭都想簽
史特加既29歲葡萄牙中堅美拉

10)
傳聞韋亞同埋沙拉斯會放飛機唔踢回歸盃

小弟對後者來港既機會真係唔多睇好
因為佢而家仲同好多隊傾緊復出
邊得閒到香港呀

而小弟又覺得只有0個班於瑞士搵食既聯合國球員
係唔會放飛機既

小弟估隨時麥比迪都唔會來
因為佢7月22號又要跟富咸再到香港
而家唔來香港,爭取時間休息好過啦

11)
查斯古特同傳媒透露
曼聯,利物浦同埋巴塞隆拿都曾經斟酌佢
但佢最終決定留隊

12)
卡比路最終被皇馬開除

13)
高文令人意外地成為皇家蘇斯達既新教頭

14)
熱刺同查爾頓終於傾掂戴倫賓特既轉會費
以1650萬鎊成交
之後就要等戴倫賓特做體測
估計佢將成為球隊既第3前鋒

15)
施素高同利物浦續約到2011年

16)
維拉利爾以400萬鎊成功收購
皇馬既後備龍門迪亞高盧比斯
而佢既離隊增加左杜迪加盟皇馬既機會

17)
侯城好有可能斟到祖連奴加盟

2007-6-28

I was very sleepy, and thus omitted 3 paragraphs last night.

1)
國際足協明星隊全部名單：
蘇巴保拿、基頓、艾菲遜、杜美、施路頓、卓佩沙、卡當高、卡維拉斯維尼、韋亞、卡林保、戴伊、奴化、艾雲洛斯卡斯、君斯普斯、孟根尼、金鑄城、波利米洛夫、中田英壽、麥拜迪及沙拉斯

2)
南華下屆的組軍工作有新進展
教練由前葡萄牙國家隊教練祖堅出任

3)
伯明翰經已同意出售29.9%股份予香港商人楊家誠
讓後者成為球會的最大股東

2007-6-27 (2)

1)
艾歷臣同曼城簽約3年
年薪高達200萬鎊

2)
被富咸放棄既拉辛斯基
可能加盟列斯聯

3)
堅尼為左強化新特蘭既防線
以100萬鎊成功收購鴨巴甸既羅素安達臣

4)
西班牙傳媒報導
馬體會雖聲稱利物浦未有出價收購F.托利斯
但其實就同利記還價
要求利記1600萬鎊,再加上哥治

5)
艾比亞迪落實以借用身份加盟馬體會1年

6)
意大利傳媒指捷禾
會於短時間內以900萬鎊加盟國米

而國米就岩岩得到蘇亞素落實加盟

7)
傳聞曼城將出價600萬鎊收購利達
以改善球隊既入球能力

小弟就唔多相信
因為艾歷臣都未落實加盟
邊個會有閒情去買人?

8)
關於紐卡素既轉會消息:

傳聞佢地開價180萬鎊收購朗達

又有傳佢地會斟酌中村俊輔
同埋再次斟酌希比亞

9)
韋亞同埋沙拉斯會出席回歸盃
為世界明星隊披甲上陣

10)
可能愛華頓太想搵攻擊球員
佢地而家分別同李察臣以及比士利扯上關係

2007-6-27 (1)

幾個最近被傳會轉會既新星
可以睇下片先

阿古蘭尼:
http://youtube.com/watch?v=IfnbJdOUwo4

路蘭度比安基:
http://youtube.com/watch?v=VFwlltfhXdo

Billy Sharp
http://youtube.com/watch?v=P_WnTqxO7zY

2007-6-26 (2)

1)
之前提及過韋斯咸想買紐奴高美斯
而家連拉素都想加入戰團

2)
高路斯已落實加盟拜仁
轉會費大約係800萬鎊
最終可能加多200萬鎊

3)
傳聞加維臣會加盟比錫達斯

4)
新特蘭一日未搵到龍門
英國傳媒都會繼續幫佢地寫故仔
最新版本係開價300萬鎊收購赫斯既哥頓

5)
傳聞美度將以450萬鎊加盟樸茨茅夫

6)
查斯古特終於同祖雲達斯續約到2011年
令佢加盟阿仙奴既傳聞不攻自破

7)
最新一間同泰維斯扯上關係既係阿仙奴
佢同傳媒表示如果阿仙奴對佢作出斟酌
佢會好有興趣加盟
佢講到咁,英國傳媒實識同佢寫野啦

8)
加利亞雷拉最終決定下季留係烏甸尼斯

9)
繼阿仙奴同埋格拉斯哥流浪之後
熱刺成為最新一間同化伯特扯上關係既球會

10)
紐卡素,樸茨茅夫同埋米杜士堡都爭奪阿倫史勿夫
最終由米堡既600萬鎊價高者得
曼聯已接受左米堡既出價

2007-6-26 (1)

1)
之前提過耶耶托尼好可能加盟巴塞隆拿
而家交易接近完成
佢既加盟可以加強巴塞隆拿既中場截擊力
至少佢應該好過艾美臣

2)
傳聞雲加會提前同阿仙奴傾續約
消息指如果成事
佢會留隊直到2011年

小弟就唔多信
因為亨利寫比球迷既公開信都提及
雲加都未知自己下季後仲會唔會留隊
而佢老人家上個月先講過話唔會提前傾續約

3)
傳聞阿仙奴出價1100萬鎊收購安歷卡

所以亦有傳保頓會出價600萬鎊收購施斯做替補
而馬賽同埋紐卡素亦被指有興趣出價

4)
蘇亞素可能被意大利足總罰停賽半年

5)
傳聞打呲郡想一次過向西布朗
收購居迪斯戴維斯同埋高馬斯

6)
傳聞阿仙奴會出價收購羅馬既U21中場阿古蘭尼

小弟覺得雲加雖然可能會有興趣買既好波既佢
但阿仙奴已經有太多技術型中場
而好明顯雲加會先買前鋒啦

7)
伯明翰想簽祖雲達斯既卡普

8)
亨利來季將獲分配14號波衫

而AC米蘭既副會長加利安尼表示
球隊雖然出得起1600萬鎊既轉會費
但就冇能力負擔亨利約1000萬歐元既年薪
所以放棄收購

9)
傳聞帕爾瑪出價收購羅斯
價錢大約係650-700萬鎊

小弟就唔多信佢地出得起咁貴既價錢

10)
傳聞好想買左閘既韋斯咸
會開價700萬鎊買布歷治

11)
馬體會否認收到任何有關F.托利斯既收購建議
仲聲稱佢會於9/7歸隊

12)
奧奴夏同曼城續約到2011年

13)
阿倫昆尼由紐卡素轉會到喜伯連
簽約3年

14)
再有傳聞指拜仁有興趣收購舒華沙

15)
為左簽到班拿約
利物浦已加碼至450萬鎊

16)
傳聞指車路士開價1800萬鎊收購柏圖

17)
早幾日同阿仙奴扯上關係既化伯特
傳聞可能加盟格拉斯哥流浪

18)
傳聞指唔夠前鋒用既樸茨茅夫
準備分別開價350萬鎊同埋400萬鎊
以收購阿倫史勿夫同埋希亞活

19)
森林想向伯明翰收購安迪高爾

20)
幾則有關熱刺既消息:

戴倫賓特只要通過體測
就可以落實加盟
佢因為想於倫敦市定居而拒絕利物浦既斟酌

而傳聞李察臣可能以300萬鎊既價錢加盟

亦有傳佢地打韋利既主意
希望佢可以同隊中既年輕球員分享經驗
(小弟就唔多信......)

21)
香港足總既週年大會選出07年至09年度既董事局成員
主席方面由梁孔德自動當選

而董事就由周文亮,莫邦棟,貝鈞奇同埋余錦基當選
前主席康寶駒就競選董事失敗

甲,乙組代表分別由
官永義同埋林建名自動當選

丙組代表由伍健當選
佢以5票之差羸左羅傑承

2007-6-25

1)
朝鮮以1:0羸左香港
奪得08東亞足球錦標賽決賽週既參賽資格


朝鮮一開波就採取壓迫既打法
香港就大打9-0-1力保不失

朝鮮最終靠賽事最佳球員萬英曲
83分鐘既世界波一箭定江山

香港今場明知唔夠人地勁
一開始就死守
防守部署其實做得唔錯
球員亦都好搏命
雖敗猶榮


而李健和宣佈約滿離隊
下季會去教升班馬華家堡

2)
英國傳媒指艾歷臣極有可能教曼城

3)
大衛施華同華倫西亞續約至2013年
令佢離隊既傳聞終於可以畫上句號

4)
卡臣成為新特蘭既新目標

5)
祖雲達斯以880萬鎊成功收購泰亞高

6)
賭波公司威廉二世
開左一個有關阿仙奴收購前鋒既收購賠率
而奧雲就係4.5倍既大熱門

7)
昆士伯流浪由於之前同國奧隊大打出手
被足總罰款4萬鎊

8)
傳聞樸茨茅夫開價670萬鎊
以成功收購簡奴迪
佢岩岩先幫西維爾羸左西班牙盃

9)
自由身既施夫莊臣拒絕加盟侯城

10)
傳聞楊格亦成為紐卡素既收購目標

2007-6-24

1)
荷蘭尋晚炒左塞爾維亞4:1
成為第1支成功衛冕既U-21歐洲國家盃冠軍

由4強開始既5場比賽
由於小弟冇時間既關係
之後先會講返feedback

2)
亨利既轉會費原來高達1600萬鎊
而佢透露雲加下季約滿後未必會續約
小弟覺得冇左雲加先係阿仙奴既終極惡夢

3)
羅辛奴唔嫁又嫁
決定以300萬鎊既價錢加盟紐卡素
佢拒絕左多蒙特同埋西維爾既邀請

4)
艾歷臣承認考慮緊曼城既斟酌

5)
AC米蘭戲劇性宣佈放棄邀請蘇亞素
佢將會如願加盟國米

6)
尋日提過阿倫史勿夫過紐卡素
原來仲未落實
但成事既機會極高

7)
史堤芬泰萊成為費倫天拿既收購目標
但Big Sam 已經講明唔會賣

8)
彭素可能以50萬鎊既價錢加盟查爾頓

2007-6-23 (2)

1)
由此Big Sam 承諾給予
Alan Smith 正選上陣既機會
所以佢終答應加盟紐卡素

但曼聯就拒絕左紐記收購布朗和施維斯達既要求
前者之前受到熱刺同埋保頓既注意
後者就有傳前幾日里昂想用300萬鎊將佢帶返法國

2)
皇馬承認想搵雲加過檔

3)
傳聞拿玻里想出價700萬鎊
收購里賈納射手路蘭度比安基
之前英國傳媒爆料話
利物浦亦曾派球探去睇佢

4)
西班牙傳媒報導
阿仙奴準備以1500萬鎊再加上雷耶斯
向馬體會收購阿古路

5)
英國同西班牙傳媒同時報導
亨利已同巴塞隆拿傾掂4年既合約

6)
中國隊將會於4/7
於小西灣運動場同澳洲隊踢熱身賽

2007-6-23 (1)

1)
列基美一下子成為好多球會既目標
包括祖雲達斯,拿玻里同埋韋斯咸
當中以槌仔幫既機會最大
因為佢地願意提供一份週薪8萬鎊既5年約

2)
韋斯咸仲有好多收購目標
包括麥卡菲,紐根特同埋沙維奧拿

3)
祖安以420萬鎊既轉會費
從利華古遜加盟羅馬
而利華古遜就即刻搵左文奴費特列治做替補

4)
薜羅拔圖以自由身重返拜仁
簽約兩年
佢個幾星期仲為此而退出國家隊
小弟估佢都會隨隊到香港對聖保羅

5)
以下係關於阿仙奴既轉會消息:

一直有傳歐塞爾既右閘沙拿會加盟
但而家又傳阿仙奴打緊法甲另一出色右閘
波爾多既化伯特既主意

而有傳雲加已經為亨利搵緊替補人選
當中包括馬田斯同埋盧卡利尼
有傳雲加肯為前者出價1300萬鎊

6)
堅尼又打舊隊友既主意
今次就係而家踢緊史篤城既希根保咸

7)
傳聞米度會以400萬鎊既價錢加盟富咸
亦有傳富咸出價300萬鎊,再加希古臣
以成功收購於馬拉

8)
他信表示已經同艾歷臣傾過合作

9)
祖雲達斯傳聞開價1000萬鎊收購泰亞高

10)
米基爾被尼日利亞足總罰佢
於國家隊既賽事無限期停賽

11)
傳聞車路士睇中飛燕諾既新星德倫特
車仔願意出價400萬鎊
買這個可以踢左中場同埋左後衛既小朋友

12)
韋利宣佈離開阿特蘭大

13)
國際足協同萬事達既合約糾紛已有結果
前者要賠償後者4500萬鎊
而2010同埋2014將改由Visa贊助


１４）
佩奧爾因左膝傷患
將要養傷３個月

１５）
端基已於尋日做左體測

16)
就F.托利斯既轉會
馬體會向利物浦還價2700萬鎊
但估計最終既轉會費
只會係約2500萬鎊

而有傳利物浦提出可以將
路易斯加西亞作為交易既一部份
但小弟就估計機會唔大

17)
香港為左防範北韓
星期日將佢用5-4-1陣式

18)
歐洲國家盃U-21既賽事
意大利尋晚又發波瘟
仲有羅斯於75分鐘兩黃一紅

最終120分鐘既時候再冇記錄
捱完......再靠亙射12碼分勝負

19)
國米,AC米蘭,森多利亞同埋里賈納
涉嫌做假數

20)
而蘇亞素應該會如願去AC米蘭
因為國米不但偷步接觸當事人
仲只係簽私人合約

2007-6-21 (2)

1)
香港大炒關島15:1
當中陳肇麒入左5球
盧均宜亦梅開二度
潘耀焯,鄭少偉,羅志焜,高尼路,羅振邦,卓卓同埋陸冠邦就各入1球
另加對方1球鳥龍球

最終憑得失球壓倒中華台北出線既香港
星期日將會同北韓死過
爭奪東亞足球賽決賽週既最後一個席位

雖然對手既排名比香港低超過20位
但排名低只因為太少踢國際賽同友誼賽
佢地雖然唔算好波
但速度同體能其實遠在香港之上
所以香港對住北韓
只可以話係輸少當羸

2)
小保加於南美自由盃既次回合
作客憑決賽最佳球員列基美既兩個入球
以2:0再羸甘美奧
兩回合合計就羸5:0
第6度羸得南美自由盃

其實今場甘美奧輸得好唔抵
因為佢地上,下半場各有一次射中門框
之後就被列基美既世界波宣判左死刑

3)
曼城接受他信既出價
佢以8100萬鎊既價錢成功入主曼城
佢將於短時間內公佈領隊既人選
而迪甘斯就表示佢有興趣加盟曼城

4)
下季歐聯既8個種子,包括:
英超既四大球會:利記,阿仙奴,車仔同埋曼聯
西甲既巴塞隆納同埋皇馬
仲有米蘭雙雄

5)
西布朗否認會賣走居迪斯戴維斯

6)
利物浦小將格夫里被借到保頓一季

7)
羅辛奴最終決定留隊
令多蒙特同埋紐卡素都大失所望
而前者就從祖雲達斯免費簽左羅拔高華

8)
卡塔爾申辦2011年亞洲盃足球賽

9)
巴辛尼落實加盟布雷西亞

10)
卡佩羅斯宣佈辭去拉科魯尼亞教練既職務

11)
德國傳媒報導連干可能加盟加拉塔沙雷
史浩克04要求該支土耳其勁旅提高出價
由400萬鎊加碼到530萬鎊

12)
日本國家隊教練奧禪表示
國家隊既大門仍為中田英壽而打開

13)
西班牙傳媒報導馬體會同意將F.托利斯掛牌
仲話利物浦已經聯絡左馬體會
F.托利斯上年同球會續約既時候
加左一條條款
講明如果有球會開價2500萬鎊
馬體會就一定要放人

14)
蘇亞素戲劇性地加盟AC米蘭
文仙尼覺得行政總裁白蘭斯同埋會長莫拉堤辦事不力
效力提出辭職

15)
AC米蘭前線隨時唔夠人用
因為傳聞費倫天拿開價1000萬鎊買基拿甸奴
而費倫巴治就表示想用600萬鎊簽朗拿度

16)
巴治禾加盟亞琛
助球隊重返德甲

17)
森多利亞已同意給予烏甸尼斯達400萬鎊
以全權擁有加利亞雷拉

18)
傳聞皇馬開價1800萬鎊
以收購薩拉戈薩既米列圖

當年皇馬曾以250萬鎊成功收購佢
但最後關頭卻以佢膝傷未愈而宣佈取消交易
但佢兩日後卻改為加盟薩拉戈薩
仲成功通過體測
所以有傳當年其實皇馬係因為財政問題而放棄收購
為左面子而屈人地傷左

19)
桑坩德教練米基爾安祖向球隊請辭
佢會重返皇馬
擔任技術總監一職
意味體育總監米積杜域將會地位不保
而卡比路被炒既機會將更高

20)
傳聞之前想借用施斯既保頓
而家就有興趣正式收購佢

21)
小笠原滿男同埋中田浩二
都決定加盟鹿島鹿角

22)
昆士伯流浪表示
如果價錢合理
佢地會將李奧曲克賣至熱刺
估計價錢大約係300萬鎊

23)
沙維奧以自由身加盟利雲特
簽約1年

24)
傳聞阿仙奴將會任命而家既球探基文迪
成為球隊既新總監

25)
傳聞新特蘭開價600萬鎊
收購韋根既拜恩斯

26)
尋晚既U-21 歐洲國家盃既準決賽
荷蘭法定時間同英格蘭踢成1:1
射12碼就羸13:12
決賽將會對以2:0擊敗比利時既塞爾維亞

27)
維拉拒絕左奧咸對貝加既斟酌

28)
傳聞利物浦開價1200萬鎊
再加埋比拿美
以收購文仙尼
但已被羅馬反對

29)
康寶駒宣布放棄連任足總主席
而梁孔德由於冇對手
自動成為新既足總主席

30)
卡卡既細佬迪加奧
下季有機會被AC米蘭從里米尼收回

2007-6-21 (1)

1)
英國太陽報指巴塞隆拿搵雲加取代列卡特
小弟就打死都唔信
因為雲加講明會留隊
到07-08既球季完左先至定前程

2)
就韋斯咸使用非法球員既判罰過輕
而展開既獨立聆訊就快會有裁決
最終可能導致韋斯咸被扣3分
令錫菲聯得以留級

3)
尋日講過艾比度多數會留隊
事緣巴塞隆拿雖然睇中佢
但出價900萬歐元
實在同里昂叫價既1800萬歐元差好遠

4)
飛燕諾繼想搵雲邦賀斯後
而家又打賀夫蘭既主意

5)
又多一隊強隊打捷禾既主意
就係巴塞隆拿
佢地想簽佢同佩奧爾合作

6)
魯爾加西亞已落實
由奧沙辛拿轉投馬體會
轉會費為800萬鎊

7)
尋日人少打人多
但最終因業餘對手中華台北射失12碼
而倖保和局既香港
今日必須至少攻入關島11球方能出線

8)
梁孔德既政綱好似好吸引
但馬會會撥款兩億,同埋打中超既政綱
已經被人踢爆左係流料

9)
傳聞巴塞隆拿開價1000萬歐元
另加上古利以收購梅度

另傳佢地又想簽馬路達

10)
艾歷臣否認會加盟曼城

11)
米杜士堡否認收到樸茨茅夫
對耶高保1000萬鎊既出價

12)
盛傳備受利物浦同埋鍚週三注視既 Billy Sharp
傳聞將以200萬鎊既價錢加盟諾域治

13)
傳聞保頓想從鍚菲聯
收購堅尼
以取代隨時離隊既謝斯高連倫

14)
傳聞南華想搵前巴西外援列卡度做新教練

15)
羅辛奴可能以100萬鎊既價錢
從查爾頓轉到加拉塔沙雷

16)
查爾頓表明如果熱刺想簽戴倫賓特
必須要比1700萬鎊

2007-6-20

由於最近有太多轉會傳聞
當中部份都未得閒講
今次會講其中十幾個轉會消息

另外,今晚睇左十幾篇Article
當中有部份野想講

1)
洪都拉斯射手蘇亞素
戲劇性加盟AC米蘭
佢原先係由卡利亞里過檔去國米既

2)
雖然貝尼斯干尼講過
舒夫真高好大機會重返AC米蘭

但有消息指上至安察洛堤
下至馬甸尼,施多夫,卡度素等球員
都反對軍刀既回歸

如果消息屬實既話
小弟就覺得真係唔好返AC米蘭啦

因為小弟今晚睇左篇Article
講返當年古列治重返AC米蘭
由於佢之前已經同巴里斯,泰索迪等大佬有心病
0個季AC米蘭個頭開得唔好
結果古列治雖然同貝尼斯干尼好friend
但重返大約只有3個月既佢
就被其他隊友擺上枱做左代罪羔羊
好冇瘾咁重返森多利亞

小弟覺得難保軍刀唔會步古列治既後塵
不如留0係車路士啦

3)
伊亞昆達終落實加盟祖雲達斯
令查斯古特離隊既機會更高

而有傳祖記仲會斟酌列基美,米列圖同埋簡拿華路

另外,羅斯就返對以借用身份效力祖記
堅持要重返曼聯爭正選

4)
告魯斯被傳成為國米
分別收購捷禾同埋甘莫蘭尼斯既條件

5)
傳聞一個以香港富商楊家誠為首既財團
開價5000萬鎊
以入主英超球會伯明翰

伯明翰之前已經同一個日本財團
同埋一個印度富商扯上關係

楊先生之前曾出任流浪既班主
至上季季中離開
當時亦間接導致流浪既運作出現問題

佢任內最令人有印象既一件事
就係請左麥馬拿文訪港

小弟對佢既印象就真係唔多好
佢當年曾經同流浪既年青球員講
如果個季羸晒本地所有盃賽既冠軍
佢會比3百萬獎金喎
小弟覺得佢明知班小朋友根本冇能力做到
就講0的咁既承諾
真係唔講好過講啦

如果佢真係買到伯明翰
小弟真係想知佢又會講咩呢

6)
傳聞愛華頓開價1000萬鎊買米杜士堡既達寧

7)
托迪以26個聯賽入球
總成績有52分
以兩分壓倒雲尼斯達萊
羸得歐洲金靴獎

雲佬只係入左25球
但由於西甲既官方資料錯誤記錄為26球
一度令人以為佢可以因而同托迪分享獎項

8)
里昂承認曾向曼聯提出收購艾夫蘭
但因為艾比度而家留隊既機會大增
而已經放棄收購

但同日就有傳里昂
以300萬鎊向曼聯收購施維斯達

小弟就覺得這宗收購有一定既可信性
因為施維斯達於曼聯已經冇咩出場機會
佢又可以打左閘同埋中堅
里昂買左佢可以方便調動
而且個價錢又幾化算

9)
卡比路雖然帶領皇馬羸左聯賽
但依然可能被炒

幾個星期前體育總監米積杜域
曾經同傳媒表示卡比路下季會留任
但由於米積杜域自己而家既地位都隨時不保
佢個次既說話亦變得冇咩可信性

而之前否認會加盟皇馬既蘇斯達
又話有興趣接手
所以卡比路最終被炒真係唔奇

佢老人家講明已經訂定機票準備下季既開操
仲話想帶領皇馬羸歐聯
但萬一被炒既話
由於佢依然可以袋埋之後兩季既人工
佢就會索性休養一季

10)
傳聞李天秀會以借用身份效力車路士一季
另外,又有傳車路士會再次出價收購米基爾

11)
比拿美被傳可能加盟祖雲達斯或者羅馬

12)
艾利亞迪里終於正式加盟地杜士堡
轉會費為150萬鎊

另外有傳米堡打算斟酌沙維奧拿

13)
傳聞雷丁打算收購真高拿

14)
雷耶斯同傳媒表示
佢希望憑住對馬略卡既兩個重要入球
令皇馬買斷佢

15)
傳聞阿仙奴加碼至700萬鎊以收購沙拿

16)
傳聞伯明翰開價300萬鎊收購禮特

17)
傳聞哥拉迪希望返意大利養老
佢可能以50萬鎊既轉會費
加盟拖連奴,柏爾瑪或者森多利亞

18)
之前不獲巴勒莫續約
而開記招同傳媒訴苦既哥連尼
而家落實加盟拖連奴

19)
傳聞車路士既瘀血保拉路斯
會以400萬鎊既價錢加盟紐卡素

亦有報導指紐卡素已再度加碼
希望可以成功收購羅辛奴

20)
傳聞施斯會以借用身份效力馬賽多一季

21)
傳聞居迪斯戴維斯會以800萬鎊既價錢加盟熱刺

22)
簡奴可能重返阿積士
亦有傳佢會加盟雲達不來梅

23)
自由身既軒祖可能加盟打呲郡

2007-6-19

小弟有野要講:

由於技術問題
17/6 用唔到中文寫blog
18/6既時候
唔想又因為咁而唔寫blog
所以只好改用英文去寫

而由於寫得好趕
個時又好眼訓
結果打錯字
小弟最初想寫'compete'
結果寫錯左'complete'
令人誤會以為紐卡素已經簽到簡奴迪
小弟已經改返岩

另外,唔知點解
某些日子既題目
我係唔可以用屋企部電腦寫comment
所以唯用開一個新文章去解釋以上既野

真係唔多好意思

2007-6-18

1)
Real Madrid won their 30th league title
after an excellent 3-1 comeback victory over Mallorca at home.

Real Madrid is the champion
by virtue of a better head-to-head record against Barcelona.

2)
For U-21 European Championships,
Holland, Belgium, Serbia and England make last 4.

Holland will play against England &
Serbia will play against Belgium.

3)
It seems that Alves will not enter Villa and
he will stay in Porto.

4)
FK Haugesund accepted the final offer of 2 million pound from Arsenal and
Nordveit will enter soon.

5)
West Ham failed to sign Coupet from Lyon.

6)
Dudek is considering a move to Real Madrid.

7)
Gudjohnsen admits he would be interested in a move to Manchester United.

8)
Rigters, the NAC Breda striker, has been scouted by both Celtic and Newcastle.
He admits that he is keen to enter Celtic.

9)
According to the news from Lyon,
as the price of 6 million pounds has been agreed,
Diarra will enter Portsmouth soon.

10)
Both of Roma and Torino are keen to buy Hotspur’s Lee Young-pyo with 2 million pound.

11)
Some news about Newcastle:

--Diouf has again been linked with a 5 million pound move;

--Newcastle will compete with Portsmouth to sign Kanoute with 7 million pound; &

--Luque may enter PSV Eindhoven with a price of 3 million pound.

12)
Carson who set a new record of 28 for England Under-21 caps
admits that he may consider to quit Liverpool in this summer.

13)
Villa is keen to sign Jaaskelainen who has just rejected the new contract from Bolton.

14)
Giggs has recieved an OBE while
Sheringham has received an MBE
in the Queens Honours list

15)
M. Ashley needs less than 13 per cent of Newcastle United's remaining shares
to become the sole power broker.

He is on course to take the club back into private ownership
after increasing his stake to 77.06 per cent.

16)
Marseille is interested to buy Hyppia.

17)
John Williams, the chairman of Blackburn Rovers,
admits that the club is interested to sign a good striker.
Thus, the press consider that Bellamy may be his cup of tea.

18)
Beattie is a 3 million pound target for Middlesbrough.

2007-6-16

1)
AC米蘭班主貝魯斯干尼認為
舒夫真高重返紅黑軍團既機會好高

2)
傳聞雲加願意割愛亨利比巴塞隆拿
但就要人地用伊度奧交換

3)
傳聞巴塞隆拿提出用古莊臣交換
表明唔想重返英超既西班牙小將碧基
個小朋友其實當年係巴塞隆拿既青年軍

4)
傳聞胡禮菲臘斯為左爭取出場機會
可能改投韋斯咸

5)
車路士,紐卡素,保頓,樸茨茅夫同埋米杜士堡
被指曾經可能違反轉會條例

6)
由於阿仙奴仲未有咩大手收購
所以傳媒繼續同佢作故仔
而家又將佢地同古利以及艾古士圖扯上關係

2007-6-15

唔好意思
因為工作關係,今日冇時間於 office hr 寫 blog
所以而家先交貨

1)
戴倫賓特推左韋斯咸7.5萬鎊週薪既合約
最初韋斯咸提出1600萬鎊加梅連斯既收購條件
仲得到查爾頓既同意
而家熱刺最有機會簽到佢

2)
中超神射手李金羽
令人意外地落選中國隊既亞洲盃名單

3)
賓希姆落實加盟車路士
簽約4年

4)
不來梅要求拜仁以普多斯基交換高路斯

5)
羅賓奴獲巴西足總批准
為皇馬踢完最後一場聯賽先歸隊

6)
祖雲達斯傳聞開價670萬鎊收購雲達華治
佢地亦對米列圖有興趣

7)
傳聞馬圖斯可能會接掌赫斯

8)
犘連奴放飛機
以同屋企人去旅行為理由
決定唔出席泰利既婚禮
令佢同兩大仇口--老闆油王同埋技術總監晏尼臣無緣聚頭

而晏里臣岩岩拒絕左華倫西亞既斟酌
華倫西亞最初想搵佢同科里斯合作

9)
傳聞阿仙奴以600萬鎊收購賴恩巴布

10)
韋斯咸拒絕左利物浦對班拿約既斟酌

11)
繼維杜卡後
傳聞耶高保以800萬鎊回歸樸茨茅夫
而米杜士堡亦做定兩手準備
已同端基傾好個人條件
佢下星期會做體測

12)
韋根好有可能簽入零機價既米芝洛
佢已接受韋根開出既條例,仲過埋體測
但佢要求多少少時間
先發表加盟既聲明

13)
謝斯高連倫同保頓傾唔成新約
即刻傳出新特蘭開價300萬鎊收購佢既消息

14)
巴頓終加盟紐卡素
傳會費為580萬鎊

15)
傳聞AC米蘭睇中伊沙臣

16)
傳聞伯明翰開價200萬鎊買維拉既列治維

17)
南華公佈3個新外援既資料
分別係:愉園棄將,但勁好波既祖利亞
01年厄瓜多爾聯賽神射手巴路士
同埋來自聖十字既中堅沙域臣

2007-6-14 (3)

1)
利物浦承認出價買班拿約
但就唔認出價300萬鎊
班拿約幾個星期前口頭話會續約
但而家就話要delay

2)
Big Sam 承認紐記簽唔到賓希姆
佢仲話這個舊部屬會上車

3)
為左簽到比利時新星迪梅爾
西維爾已將出價由270萬鎊提高到400萬鎊

2007-6-14 (2)

1)
早前宣布再次角逐足總主席既梁孔德
尋日聯同現任足總董事貝鈞奇,南華足主羅傑承開記招
公布佢既參選「政綱」
同場宣布佢既戰友
包括四位現任足總董事:
莫邦棟,余錦基,周文亮同埋官永義
亦有足總名譽副會長林建名

2)
小保加於今早既南美自由盃決賽首回合
主場以3:0炒左甘美奧

3)
中國既19歲小將張池明
加盟波圖
簽約1年

4)
杜迪被傳會加盟皇家馬德里
擔任卡斯拿斯既副手

5)
冼佳亞可能以自由身加盟李斯特城

6)
安祖胡可能加盟雷丁或者米杜士堡

7)
羅辛度將於今日內決定去向
佢會從紐卡素同埋多蒙特當中作出抉擇

2007-6-14 (1)

1)
阿倫史勿夫唔愁冇出路
因為傳媒已有5支球隊打佢主意
當中包括愛華頓,熱刺,維拉,格拉斯哥流浪同埋新特蘭

但由於沙夏要養傷到11月
令阿倫史勿夫有機留隊

2)
新特蘭亦有其他既前鋒目標
包括Billy Sharp 同埋紐根特

3)
傳媒艾馬臣訂左機票去米蘭
做埋驗身就可以加盟AC米蘭

而馬基里尼由於同車路士仲未傾掂續約
所以亦被傳會加盟紅黑軍團

4)
傳聞利記開價1200萬鎊
買薩拉戈薩既射手迪亞高米列圖

5)
布力般同美國財團扯上關係
可能英超就快又會多一隊由外資擁有既球隊

另一方面,他信對曼城既收購可能爛尾

6)
洪都拉斯射手蘇亞素加盟國米既交易接近完全
轉會費達600萬鎊

7)
傳聞阿仙奴出價收購查斯古特同埋羅賓奴
開價分別係500萬鎊同埋1210萬鎊

而同時阿仙奴否認賣辛達路斯去薩拉戈薩

8)
韋拿重申留隊既意願

9)
馬圖斯被薩爾斯堡炒左
理由係佢同另一教練查伯東尼意見方向唔同
好難長期合作

10)
列高巴為左爭取出場機會
但又唔想踢其他意甲球隊
傳聞佢會被借到馬體會

11)
天意弄人!
Big Sam帶領紐卡素既第一場聯賽
就要作客保頓

12)
傳聞樸茨茅夫打算出價1000萬鎊收購艾殊頓
(小弟就唔多信啦
雖然佢係有質素
但冇理由抖左1季之後
身價反而由700萬鎊升到1000萬鎊呀)

13)
傳聞曼聯睇中波圖既葡萄牙國腳後衛比比

14)
傳聞利物浦都睇中巴西新星艾古士圖

15)
維拉表示冇出價收購李奧曲卡

16)
維迪斯出價50萬鎊收購孫祥
但申花就要求對方加碼

17)
回歸盃公開發售既15000張飛
已經賣晒

2007-6-13 (2)

1)
伊亞昆達好耐之前已被傳會加盟祖雲達斯
而家交易已近完成階段
但雲尼亞里依然唔排除會留用米高利

同時加盟既仲有安玻里既阿根廷後衛阿米朗
佢既加盟亦意味杜陀既離隊

2)
杜奧巴同太陽報透露
如果將來有機會
佢有興趣去意甲同埋西甲發展

3)
今日又有古利傳會費既版本
就係150萬鎊
而據報熱刺亦會爭埋一份

而紐卡素既Big Sam就唔認斟酌古利同埋土耳其射手端基

4)
傳聞KEEP住搵好龍門既曼聯
同阿根廷06世界盃既3號門將烏斯達利扯上關係
早兩個月阿根廷國內其實傳過佢同巴塞隆拿簽左協議書

但獨立隊表示到而家都冇其他球隊問價

5)
傳聞紐卡素睇中馬賽既29歲右閘比爾
佢係塞內加爾國腳
踢過02世界盃

而同時佢地同蘇蘭奴續約1年

6)
麥卡迪亞由於不獲燦美亞流浪續約
索性宣佈掛靴

7)
南華足主羅傑承於南華既Blog透露
球隊最終對歐偉倫既offer
係廿幾巴仙,而唔係五十巴仙

8)
傳聞阿仙奴為左簽到16歲既天才後衛Havard Nordveit
向FK Haugesund提出250萬鎊既final bid

9)
利物浦繼簽左MTK 既年青射手尼美夫後
宣佈同MTK再有合作
利記會財政上支持MTK 搞青訓
以換取優先權買佢地既年青球員

10)
巴夫斯既經理人否認
光頭佬已經落實去墨西哥延續球員生命

2007-6-13 (1)

1)
先講回歸盃
侯利亞將會帶領世界明星隊
戴伊,中田英壽,卡林保同埋蘇巴保拿都落實到港
艾辛同羅馬里奧亦有興趣
但東尼就因傷唔會跟拜仁到港

2)
薜羅拔圖宣佈退出國家隊
如佢真係加盟拜仁既話
應該都會隨隊訪港

而巴迪斯達就取代佢踢美洲國家盃

3)
新特蘭成功以300萬鎊收購雷丁既右閘夏福特

4)
巴夫斯宣佈復出
加盟墨西哥球會阿瓜斯卡連特斯
簽約1年

5)
傳聞維拉會開價收購居迪斯戴維斯
(小弟覺得維拉越來越似以前既列斯
青訓做得好
又專打國內新星既主意
有大水喉射住,所以次次唔手軟
而小弟相信奧尼爾係有料既人
一定唔會好似當年既奧拉利咁亂咁用錢
未來幾年既走勢應該唔錯)

6)
希比亞已唔止一次講話冇意思離開利物浦
所以佢去紐卡素或者富咸既機會唔大

7)
傳聞富咸同埋伯明翰
同時出價一次過收購西布朗既高馬斯同埋卡馬拉
但都被拒絕

8)
樸茨茅夫雖然急住搵前鋒
但否認想收購比拿美

9)
皇馬否認成功斟掂沙維奧拿

10)
伯明翰或被收購
買家係印度藉既鋼鐵業鉅子Lakshmi Mittal
佢係全球第5大富豪
傳聞開價高達7000萬鎊

11)
他信既律師表示
雖然他信於泰國既資產被凍結
但唔影響佢收購曼城

2007-6-12 (2)

1)
查斯古特又被傳會以1000萬鎊既價錢離隊
今次扯上關係既就係
同日被傳會收購柏仙尼既車路士

而同時間
亦有傳祖雲達斯已經搵梗替補
就係以1200萬鎊收購亨特拉爾

2)
曼聯一日未搵到前鋒
傳媒每日都有新故仔
今日既主角就係哥利亞雷拉
其實上個月已有傳曼聯睇中佢
但森多利亞表明冇2000萬鎊就一定唔賣

而同時間
亦有傳森多利亞已經搵定替補
佢就係表明會離開利禾奴既隊長盧卡利尼
傳聞轉會費高達600萬鎊

3)
亨利被報導同巴塞隆拿達成協議後既幾小時
佢既經理人就否認有關報導
仲聲稱將會尋求法律意見
睇下去唔去告法國足球雜誌

4)
梅菲可能加盟韋根
轉會費為150萬鎊

5)
修咸頓好有可能出價收購利物浦既小將格夫里
而克魯既官方網頁就提到
佢地準備收購利記既另一小將奧當奴

6)
馬基里尼由於同車路士仲未傾掂續約
就被傳可能加盟維拉利爾

7)
利物浦岩岩就被傳想出價1600萬鎊收購科蘭
但佢既經理人同埋維拉利爾都否認有關既傳聞

8)
賓菲加將森瑪奧定價為1200萬鎊
亦表示暫時未收到任何offer

9)
樸茨茅夫否認佢地會收購龍格堡
表明首要係搵前鋒

10)
有入自然就有出
紐卡素下一個離隊既球員就係巴巴耶路

11)
回歸盃方面
世界明星隊落實會來港
但人腳未定
賽會話艾辛有興趣來港
(日本傳媒就講過話中田英壽會參加)
而舒夫真高就多數因傷而避戰
對手會係以港腳為主既中港聯隊

而拜仁將會以最強人腳訪港
包括東尼同埋列貝利

星期四開始公開賣飛
票價為60蚊
學生同長者就只收20蚊

2007-6-12 (1)

1)
英國同西班牙既傳媒報導
亨利已經同巴塞隆拿達成協議
雙方已同意簽約3年
之後巴塞隆拿會同阿仙奴傾轉會費
(小弟覺得咁唔多岩規矩
因為巴塞隆拿應該先同阿仙奴傾掂數)

2)
歐偉倫由於唔接受南華減一半人工既要求
索性宣佈掛靴

3)
桑拿士接受訪問時透露
佢完全唔享受執教紐卡素既時光
但佢寄語Big Sam教紐卡素係一件困難既工作
(小弟覺得只係桑拿士冇料......
我覺得下季既紐記同埋熱刺絕對有力同阿仙奴以及利物浦爭前四)

4)
傳聞紐卡素開出超低價100萬鎊
收購巴塞隆拿既古利

5)
TVB同ATV指出國際足協既播映權標書
講明收費電視須將其中22 場交比免費電視台轉播
否則可能違約

過往其實有線得到國際足協既批准
而減少交比免費電視台既場次
上年亦只高價交左5場比免費電視台

小弟估今次就算比免費電視台轉播
用腦唸都知唔會有22場咁多啦
咁貴買返來,賣返大約1/3比人.....傻架?!
10場8場都仲有可能

雖然有線播世界盃播左兩次都劣評如潮
不過兩個免費電視台其實都唔見得出色
TVB仲冇埋阿叔
邊度播我又冇咩感覺......

2007-6-11 (2)

1)
洛杉磯銀河傳聞打科拿既主意
(小弟相信機會唔大
因為佢地已經冇多餘錢簽科拿)

2)
季中接手執教貝迪斯既費蘭迪斯
於主場以0:5大敗比奧沙辛拿後
被球會解約

3)
華倫西亞傳聞會簽戴倫賓特
以取代韋拿
轉會費仲高達1800萬鎊
(小弟又係唔多信
人地搵替補都搵個勁0的啦)

4)
傳聞曼聯出價900萬鎊收購奧雲
這個亦係奧雲離隊既最低價錢

5)
而歐塞爾既沙拿繼同阿仙奴扯上關係後
而家又被傳會加盟積極重組既紐卡素
而兩次既傳聞所提及既轉會費都係600萬鎊

6)
伯明翰可能向阿仙奴借用佐羅一季

7)
傳聞車路士想簽柏圖
個小朋友同時受到好多支富豪球會既注視

8)
由於斟酌古斯錫既進度停滯不前
錫菲聯既肥仔門將堅尼就成為新特蘭既最新目標

9)
米杜士堡被傳有興趣
同樸茨茅夫爭奪西布朗既卡馬拉

2007-6-11 (1)

1)
聖羅倫素羸左沙蘭迪4:2
肯定羸得今季阿根廷秋季足球聯賽冠軍

2)
卡達朗表示希望挽留碧咸
不惜賠錢比洛杉磯銀河
仲暗示合約中有條款容許皇馬唔放人
但碧咸就表明冇意思留隊

(小弟就覺得卡特朗都LOW-B架
約滿可以唔放人既咩
佢講過會簽好多大牌球星
但而家只簽到個成日傷既梅斯達
見卡比路同碧咸掂就即刻想攬返晒佢兩個
藉以去安撫球迷
簡直係一個CHEAP精)

3)
尋晚訓覺之前先話曼聯想簽艾古士圖
今朝訓醒佢地就被傳同國米爭泰維斯
而泰維斯既身價就被抬高至2700萬鎊

4)
比拿美傳聞同時被紐卡素同埋韋斯咸睇中
不過前者出價900萬鎊
就比後者既出價800萬鎊略高

而同時間,紐卡素亦被傳打迪奧夫既主意
而韋斯咸就被傳出價300萬鎊收購紐奴高美斯

5)
雲加表明於下季季尾先會同阿仙奴傾續約既野

而佢既組軍行動遇到阻滯
莫天奴拒絕左阿仙奴既斟酌
仲同士砵亭續約到2013年

6)
拿玻里同熱拿亞將重返意甲
令卡斯辛奴加盟前者既傳聞再被提及

7)
迪尼利落實加盟阿特蘭大

8)
之前被傳會加盟利記既年青射手Billy Sharp
而家就被傳加盟錫週三
轉會費為200萬鎊

9)
傳聞米杜士堡會出價600萬鎊收購飛燕諾既卡斯迪倫

10)
比士利因皮雅斯被炒
令佢加盟曼城一事胎死腹中
而家佢可能加盟格拉斯哥流浪
轉會費為200萬鎊

11)
皮雅斯聲稱只要佢一日在任
都唔會再選賓特尼入隊
而佢亦向英格蘭足總施壓
要求佢地決定個小朋友於國家隊既前途

(小弟就覺得個小朋友真係爭唔落
因為佢於出發前一日
先以疲倦為理由而要求退隊
如果佢真係咁唔想踢
佢應該於皮雅斯決選前出聲
而家佢唔係因傷退隊
皮雅斯唔可以再補選其他球員
令球隊少左個人用

而佢為自己辨護
話請教過班前輩既意見先咁做
簡直係Bull Shit

小弟覺得佢真係幾好波
佢當年於阿仙奴因出場機會唔多而轉會
小弟都覺得好可惜
只講技術既話
除左祖高爾之外
真係冇咩現役英格蘭球員勁得過佢
入選大國腳原本只係時間既問題
但佢而家個底花晒
真係唔抵可憐

12)
費高同國米續約1年
而佢之後將會從事球隊PR既工作

2007-6-10 (3)

1)
香港羸左澳門2:1
羸得港澳埠際賽既冠軍

2)
有線宣佈奪得2010南非世界盃
所有64場波既獨家播影權

3)
傳聞曼聯既最新目標係法林明高既艾古士圖
仲肯比2000萬鎊收購佢
佢19歲,踢中場,同時亦受到阿仙奴同車路士既注視
早前里昂開價1000萬鎊提出收購,但唔成功
因為個小朋友表明想留隊
同埋合約講明,佢既贖身費要3000萬鎊

2007-6-10 (2)

1)
回歸盃真係煩,勁多傳聞
最新既版本又話會有世界明星隊
仲有中田英壽
對中國及香港聯隊

2)
查斯古特由於仲未同祖雲達斯續約
可能被球隊割價出售到國米

3)
紐卡素年青門將居爾
下季可能以借用身份效力洛達

4)
傳聞利記如果簽唔到伊度奧
將改以1500萬鎊收購戴倫賓特

5)
國青隊於土倫盃決賽以1:3輸比主隊法國青年隊
主隊歷來踢這個決賽11次全勝

6)
傳聞巴塞隆拿以850萬鎊再加上施雲奴
向羅馬收購捷禾

7)
麥薩斯同羅馬續約到2011年

8)
尋晚西甲方面
榜首3隊都作客和波失左兩分
令到最後一週既聯賽
皇馬只要羸波就肯定羸聯賽

皇馬和左薩拉戈薩2:2
雲佬同迪亞高米列圖各入兩球

有細哨停賽既巴塞就和左同市死敵愛斯賓奴2:2
美斯同達文度又係各入兩球
不過前者第一球係用上帝之手入既
想唔話佢係馬勒當拿既接班人都唔得

最終打少一個既西維爾就和左馬略卡0:0

2007-6-10 (1)

1)
東尼會於22/6到港
(之前既版本係7月架)
23/6為Lotto既專門店剪綵
仲好似即場搞埋簽名會

2)
古利好大機會回留法國
因為迪甘斯唔教祖雲達斯
令佢過檔既機大減
而佢比較大機會加盟馬賽或者母會摩納哥
前者賣左列貝利,急住要搵返件平貨去補充實力

3)
由於列卡度跳槽到摩納哥執教
波爾多就搵左白蘭斯接掌球隊

4)
瑞典對丹麥既歐洲國家盃外圍賽
有丹麥球迷企圖襲擊球證
歐洲足協裁定瑞典羸3:0

5)
國奧隊首次打入土倫盃決賽
於香港時間10/6 既03:00
同主隊法國爭冠軍

6)
傳聞美度將以300萬鎊既價錢加盟伯明翰

7)
由於卡勞爾想爭取出場機會
可能離隊加盟韋根

8)
傳聞耶耶托尼最有機會以1000萬鎊加盟巴塞隆拿
因為阿仙奴,愛華頓,里昂同埋國米都唔肯出咁高價

9)
軒迪克否認會加盟曼城

10)
羅美度表明唔肯跟查爾頓降班
佢好有可能加盟奧林比亞高斯

11)
薩拉戈薩即將同禾夫斯堡買斷迪亞歷辛度
同佢簽約4年

12)
維拉繼續出手掃貨
最新目標就係迪莊同埋史奈達
而有入自然有出
麥肯就會以100萬鎊既價錢加盟保頓

13)
米杜士堡否認會收購謝列美

14)
西布朗既卡馬拉好有可能加盟樸茨茅夫
轉會費為300萬鎊

15)
熱刺即將買斷朗斯既小朋友泰拉拔
佢1月既時候以借用身份加盟
佢係法國國內19歲以下組別既最佳球員

16)
比赫加開始重組飛燕諾既陣容
第一步就係斟酌雲邦賀斯

17)
紐卡素繼續換血
最新目標就係古莊臣
不過韋斯咸亦有興趣繼季中後再出價收購

18)
基拔圖施華可能向阿仙奴提出離隊
英國同意大利既傳媒報導
佢既經理人繼同祖雲達斯後,再跟AC米蘭聯絡

19)
Bwin同雲達不來梅解約後
而家就搵左皇馬合作

20)
森保達由於於西甲既發展未如理想
可能會回流意甲

2007-6-8 (2)

1)
沙比艾朗素同利物浦續約5年
令佢離隊既傳聞不攻自破

2)
富咸既基祖透露考慮緊離隊
目的地可能係韋斯咸或者利物浦
傳聞轉會費為250萬鎊

3)
雷丁既球員繼續被友會打主意
最新版本就係史堤夫亨打

4)
古斯錫完成於曼聯既借用之旅後
可一站可能會轉會到新特蘭

5)
內地傳媒報導
世界明星隊將唔會到港參加回歸盃
而最有可能取而代之既係港聯

2007-6-8 (1)

1)
好耐之前而經想講一0的等住上位既勁人
第一個講既係佢--加利亞雷拉
佢於週三第一次為意大利出賽
就入左兩球靚波
http://www.youtube.com/watch?v=-FVoxSNDVSY&mode=related&search=

其實佢今季本來係後備
但因為球會其他前鋒各有問題而得到出賽機會
結果上陣35場就入左13球
當中仲有好多球都好靚
由於佢擅長遠射
所以好多時都會墮後搵波踢
有片為証:
http://www.youtube.com/watch?v=1vaqzE6VUUA

2)
列貝利已落實加盟拜仁
而下一個好大機會加盟既就係高路斯

加上東尼,馬卡爾,普度斯基,史奈達夫,
蘇沙,艾天托普同埋舒偉恩史迪加等人
打Football Manager都搵唔到咁多勁人用
點樣排陣將會令軒斯菲特好頭痛

3)
根據英國傳媒報導
而家李奧曲卡最大機會加盟維拉
而維拉繼韋斯咸後,亦準備出價收購中村俊輔

4)
紐卡素又有新既收購目標
佢就係圖盧茲既後衛伊邦度
但同時,馬體會,巴黎聖日耳門同埋波爾多亦都有興趣收購佢

5)
傳聞熱刺將出價600萬鎊收購阿倫史勿夫

6)
維度卡同紐卡素簽約兩年

7)
拉爾拿同利物浦續約到2012年

8)
保方同祖雲達斯續約到2012年

9)
馬路達表明有興趣加盟利物浦
而阿仙奴亦終於出手斟佢過檔

10)
洛杉磯銀河表示對自由身既費高有興趣

11)
皇馬承認想開價1500萬鎊簽洛賓
但車路士就對皇馬私下接觸洛賓大表不滿

12)
近日同巴塞隆拿扯上關係既法比加斯
講明如果雲加離開阿仙奴
佢自己都會有9成機會離隊

13)
加維臣成為新特蘭既最新目標

14)
布力般已經第2次拒絕葉士域治對謝菲斯既出價
因為後者只肯出價50萬鎊
同前者既要求100萬鎊相差好遠

15)
傳聞車路士出價270萬鎊收購柏林哈化既彭達歷

16)
安達臣既工作證申請出現阻礙
因為佢代表國家隊既比率唔達標
(但小弟覺得最終成事既機會好高
因為歷史話比我地知只要搵到個好律師就搞掂)

17)
賭波公司威廉二世既發言人表示
亨利轉投利物浦既賠率
因大量來自利物浦區既下注
而由1:10跌到1:4
(雖然小弟好想佢去利記
但就打死都唔信最終會成為事實)

2007-6-7 (3)

1)
費高否認會加盟熱刺
而傳聞熱刺開價300萬鎊
收購些路迪既祖路錫

2)
新特蘭好有可能得到夏迪既加盟
但伊雲斯要回歸曼聯
而佢地正準備開價500萬鎊收購里昂既迪亞拉

3)
傳聞紐倫堡準備收購馬高史達拿

4)
富咸既最新收購目標係愛斯賓奴既彭迪安尼

5)
雷丁可能問熱刺借用侯度史東一季

6)
愛斯賓奴傳聞向皇馬借用馬些路一季

7)
上季被外借至富咸既魯迪治
好有可能被熱刺賣到韋斯咸
而中村俊輔亦成為槌仔幫既收購目標

2007-6-7 (2)

1)
由於華倫西亞既大衛施華表明想留隊
利物浦只有繼續搵側擊球員
除大熱馬路達同埋柏路達外
而家既版本就有羅馬既文仙尼

2)
而傳聞利記同時又要同里昂以及AC米蘭
爭奪拉素既比利時中場穆汀加爾

3)
傳聞祖雲達斯既新領隊雲尼亞里
準備問曼聯借用羅斯一季
佢兩個岩岩於帕爾馬合作
可以話係帕爾馬成功護級既最大功臣

4)
由於雲尼亞里已經正式加盟祖雲達斯
傳聞曼城而家改打拉莫斯既主意

5)
科士打由於膝傷,將於季初缺陣

6)
阿倫史勿夫同曼聯仲有兩年合約
但已被通知將冇得續約
佢好有可能被賣去熱刺或者米杜士堡

7)
傳聞祖雲達斯開價2000萬鎊提出收購林伯特
但亦傳佢將於日內同車路士續約
週薪更高達12.5萬鎊

8)
卡路士同費倫巴治簽約兩年
年薪300萬美元

9)
里昂既泰亞高早前已表明想離隊
巴塞隆拿,祖雲達斯同埋AC米蘭都可能係佢既下一站

2007-6-7 (1)

1)
尋晚既歐洲國家盃外圍賽
有幾場想講

最受注目既係愛沙尼亞對英格蘭
客隊有碧咸回歸,真係踢得好左
賽前有輕微腰傷既佢於比賽途中亦受到足踝傷患困擾
仍於下半場貢獻兩記助攻比哥治同埋奧雲
而後者亦因而打破入球荒
再加上祖高爾上半場既靚波
以及隊長泰利於後防兩度成功護駕
結果以3:0羸波

(小弟同無數球迷一樣,已經講左超過一年
以碧咸既能力,冇可能冇得入選
而林伯特於國家隊既表現真係唔值得比佢踢正選
謝拉特加上夏格維斯先係中路最佳選擇
而家冇料到,兼開始知死既麥卡倫終於做岩左第一步
希望佢之後做岩埋第二步)

而之前6連勝既波蘭
就令人意外地作客以0:1輸比弱旅阿美利亞
而家只領先黑山同埋葡萄牙5分,但踢多兩場
出線形勢不秒

而意大利作客立陶宛
就憑加利亞雷拉既兩個入球羸2:0
但同日法國同蘇格蘭都羸波
令形勢不變
而烏克蘭就備受壓力

而西班牙作客列支敦士登
就憑大衛維拿既兩個入球羸2:0
佢完場前射失12碼
錯過hat-trick既機會

而德國主場羸斯洛伐克2:1
兩隊先各輸1球烏龍波
完半場前希斯貝加既頭搥令德國全取3分
賽後德國已經以4分既優勢領先捷克4分

2)
伊度奧其實勢離巴塞隆拿
AC米蘭就由此已將基拿甸奴以1600萬鎊掛牌
亦證實將會向巴塞隆拿出價
而有傳利物浦為左簽到伊度奧
而家願意以艾朗素作為交易既一部份
(但賓尼迪斯上星期先講明唔會割愛
真係信不信由你)

2007-6-6 (2)

1)
列高巴可能加盟拖連奴

2)
馬達維基亞表明唔會加盟多蒙特

3)
卡路士決定加盟費倫巴治

4)
拜仁考慮搵薜羅拔圖回巢
但AC米蘭亦想邀請佢加盟

5)
愛華頓可能為辛頓提供合約

6)
傳聞車路士開價130萬鎊收購
錫菲聯16歲小將美利斯
而利物浦亦有可能提出收購

7)
傳聞曼城開價400萬鎊收購韋斯咸既夏活

8)
西班牙同英國傳媒都有報導
巴塞隆拿可能收購法比加斯

2007-6-6 (1)

1)
巴塞隆拿同阿積士宣佈結盟

2)
土耳其尋晚主場同巴西踢成0:0
主隊既杜基穿著94號波衫
代表佢第94次為國家隊上陣
亦係最後既一次
佢踢左頭10分鐘既比賽

而主隊既咸美艾天托普
於26分鐘既一下衝力射球中楣彈出
同埋爾迪雷既一腳中距離射門
為全場最精彩既埋門

客隊巴西全場表現平平無奇
細哨同卡卡於下半場相繼入場
但亦唔幫得幾多

3)
英格蘭U21尋晚主場對斯洛伐克U21
以5:0狂數對手
(睇佢地踢波,有時真係覺得佢地比班大國腳踢得更爽)

4)
巴頓過左體測
以550萬鎊既價錢過檔
簽約5年

5)
傳聞維拉開價700萬鎊買李奧曲卡

6)
戴亞今晚可能正選上陣
踢右閘以支援碧咸

7)
羅辛奴過檔紐卡素好快成事
而家連個人條件都傾埋
25000鎊週薪,簽3年

8)
蘇斯克查要抖4個星期

9)
軒斯既哥哥兼經理人爆料
話繼皇馬同祖記之外
連巴塞隆拿都想簽佢既細佬

10)
意大利傳媒爆料
祖雲達斯最初其實係想簽維埃里
但因為傾唔掂條件而告吹
所以最終搵左雲尼亞里

11)
傳聞米杜士堡會收購高士路既新星卡朗
個小朋友而家19歲
扭波,傳送同射自由球都掂
佢綽號'海獅',因為佢好鍾意先用頭頂波,再扭過對手
有片為証:http://www.youtube.com/watch?v=LYlqql38XkY

12)
車路士今季未有大手買賣
但一出手就同利物浦死過
目標有丹尼爾同埋馬路達
前者之前接受訪問既時候講明最想踢阿仙奴
但佢既經理人被狗仔隊跟到同車仔高層晏尼臣有飯局
傳聞轉會費為1200萬鎊

而杜奧巴提議球會收購馬路達
傳聞球會立即開價1000萬鎊
比利記既出價高出200萬鎊

2007-6-5 (2)

1)
利物浦前幾日簽多個小朋友
佢就係試腳合格既卡簡尼基力
佢15歲,踢中場,同利記簽約3年

2)
有關施斯既新聞真係好煩
馬賽0個邊都唔知想點
冇錢既話,最初就唔好話先借後買
講買斷講到而家都未做到

利記又唔爭氣
到而家都未賣到佢
最新版本係保頓提出借用佢1年

3)
樸茨茅夫既兩位射手簡奴同路亞路亞
都可能會於短期內離隊
前者仲同時收到燕豪芬同3間西甲球會既斟酌

4)
鍚菲聯既前領隊禾洛克
支持積基卡為前途而離隊
入選英格蘭B隊既佢目前受到4支英超隊
包括維拉,愛華頓,紐卡素同埋韋斯咸既斟酌

2007-6-5 (1)

1)
香港甲組聯賽其中一個最好既外援歷高
最終決定離隊
仲已經落實加盟V-League既Da Nang

2)
利記既謝拉特同埋加歷查
日前都跟球會續約到2011年

3)
朗拿度好可能同AC米蘭
續約到2009年

4)
雲達不來梅既高層表明
如果有球會開價1000萬鎊
高路斯就可以立即離隊
以避免高路斯下季季尾以自由身離隊

5)
馬賽既高層證實
佢地同拜仁傾緊列貝利既轉會事宜
轉會費高達1670萬鎊

6)
施比亞斯基以自由身加盟韋根

7)
愛華頓同鍚菲聯既收購目標古馬斯
聲稱同時收到維拉既斟酌

8)
里昂既迪亞拉因為想爭取更多既出場機會
而好大機會離隊
傳聞祖雲達斯同埋樸茨茅夫都對佢好有興趣

9)
之前講過紐卡素想簽羅辛度
而家事情已經明朗
佢好大機會會加盟
因為聖日耳門已接受佢地330萬鎊既出價
而競爭對手多蒙特只肯出價250萬鎊

10)
羅馬可能為辛頓提供合約

11)
杜迪可能加盟皇家貝迪斯
如果成事,仲會簽約3年

12)
富咸有1000萬鎊增兵
傳聞準備開價300萬鎊
收購利物浦既卡臣
但咁唔代表佢地會放棄原本既正選門將尼美
因為佢地而家傾緊新合約

13)
阿仙奴可能將西班牙美迪亞
借到馬體會吸收經驗

14)
歐塞爾既右閘沙拿
被傳會以600萬鎊加盟阿仙奴

15)
傳聞紐卡素睇中土耳其右中場卡拉迪尼斯
仲準備向特拉布宗提出100萬鎊收購

16)
史高拉利表明佢唔會加盟車路士

17)
由於高捷斯基同古比士利於查爾頓時期已經反晒面
所以而家前者離開韋斯咸既機會極高
而傳聞韋斯咸會以索尼取代佢既位置

之前佢曾經同熱刺扯上關係
但隨住巴里落實加盟熱刺
傳聞亦不攻自破

2007-6-4 (2)

1)
巴布爾落實加盟韋根

2)
爾迪雷為左踢歐聯
早兩日落實以自由身由哈化柏林加盟史特加

3)
紐卡素正式開價600萬鎊收購巴頓
因為柏加過檔韋斯咸既交易就快搞掂

4)
祖雲達斯搵左雲尼亞里做領隊
簽約3年
(小弟就對佢冇咩信心)

5)
傳聞AC米蘭想簽亨利
安察洛堤承認當年教祖雲達斯既時候埋沒左佢既潛能
而基拿甸奴就盛傳因為勁唔過恩沙基而要求離隊

2007-6-4 (1)

1)
丹麥對瑞典既比賽
球証因被球迷襲擊而決定終止比賽
丹麥可能因而被判落敗
令佢地既出線機會雪上加霜

2)
保方力撐雲尼亞里成為祖雲達斯既新領隊

3)
熱刺既增兵消息不絕
繼被指出價1000萬鎊收購戴倫賓特
又有傳費高考慮以自由身加盟

4)
伊亞昆達被傳快將加盟祖雲達斯
佢既身價約為600萬鎊

5)
利物浦一日未搵到側擊球員
相信有關既傳聞都會繼續有來
繼被人傳左N次既柏達臣之外
尋日又有傳韋根既拜恩斯會為左爭入國家隊而加盟

6)
沙維奧拿最新被傳會加盟曼聯
佢已經同不下十支球隊扯上關係

2007-6-3

1)
尋晚有好多場歐洲國家盃既外圍賽
有兩場想講下

首先係丹麥對瑞典既比賽
主隊先輸3球再追平
不過臨完場前1分鐘
主隊既保臣於禁區內侵犯羅辛保
被球証罰12碼兼紅牌
一個球迷走入球場企圖襲擊球証
幸好主隊既加夫加特及時制止
但球証因人身安全受威脅而決定腰斬球賽

而德國對聖馬力諾既比賽
主隊上半場咬極都唔入
仲幾乎被列文累死
42分鐘,佢竟然於禁區外面對面交個波比對方既前方
到人地射空門,佢就於禁區外用手擋波
不過球証就睇唔到
兩分鐘後,大難不死既主隊終於憑古蘭爾先開紀錄
到下半場,面對有三十幾分鐘打少個既客隊
主隊最終羸6:0
賽後主隊教練路維仍然力撐冇態既高路斯

2)
傳聞韋斯咸開價860萬鎊買安祖莊臣
(小弟就覺得機會唔大
就算成事都會係一個比較高既價錢
因為人地上年過檔都已經用左愛華頓850萬鎊)

3)
傳聞新特蘭開價200萬鎊收購史高斯
同時亦準備開價收購畢特

4)
巴塞隆拿既技術總監碧格列斯坦同傳媒透露
只要亨利有心離隊
巴塞隆拿就會即刻出價
上年亨利最終決定同阿仙奴續約
曾令碧格列斯坦被列卡特公開指責

5)
保積洛夫同埋巴沙列堤
好大機會由祖雲達斯加盟費倫天拿

2007-6-2 (2)

1)
李奧曲卡既傳會仍未落實
有興趣既球會實在太多
最新版本又話維拉再次頂糷市
以偏高既價錢800萬鎊提出收購

2)
米杜士堡由於維度卡轉投紐卡素既機會極高
而耶高保亦可能重返樸茨茅夫
所以傳聞佢地會開價500萬鎊
收購西布朗既卡馬拉
而佢地已得到阿仙奴既批准
可以同艾利阿迪里傾個人條件

3)
奧咸既16歲小將菲利克蘭加盟車路士
簽約4年

4)
傳聞國米提出以森美爾,
大衛比沙路(#佢係由國米同羅馬共同擁有,各佔50%)
同埋馬里安奴干沙利斯
去交換羅馬既捷禾
(國米既3人,森美爾為羅馬舊將,但近年明顯走下坡
大衛比沙路就一直有傳佢會100%轉投羅馬,以跟隨史巴利堤
而馬里安奴干沙利斯就係大後備
小弟覺得羅馬多數唔會為此而放棄捷禾)

同一時間,亦有傳聞指國米主席棄車保帥
以阿祖安奴交換文仙尼既心頭好卡斯辛奴
(小弟就覺得棄車保帥唔奇
但阿祖安奴既身價明顯比較高
國米未必會益皇馬)

5)
本季於西布朗有好表現既古馬斯
可能會加盟愛華頓

2007-6-2 (1)

1)
傳聞曼聯既下一個增兵目標係安歷卡
當事人早兩個月已講過
雖然於保頓過得好開心
但依然想轉投其他大球會

2)
基爾禾護級失敗後
決定同教練迪利尼解約

3)
英格蘭主場被巴西迫和1:1
重返國家隊既碧咸即刻有助攻
佢68分鐘既傳中令依舊做隊長既泰利能夠先開紀錄
而巴西就靠迪亞高於補時返平

4)
巴黎聖日耳門既捷克中堅羅辛奴
被傳成為紐卡素既最新收購目標

5)
利物浦既施素高再次被傳會加盟祖雲達斯
但關於轉會費既版本甚多
由850萬鎊至1350萬鎊既幾個版本都有

6)
比沙路落實繼波歷克之後
成為另一個以自由身加盟車路士既球員

7)
熱刺打阿倫史勿夫既主意
佢同曼聯仍未傾掂續約

2007-6-1 (2)

1)
傳聞拖連奴準備出價600萬鎊買沙夏

2)
維度卡好大機會以自由身加盟紐卡素

3)
傳聞利物浦會出價1600萬鎊收購表態想離隊既丹尼爾
而之後更會開天價4000萬鎊買伊度奧

2007-6-1 (1)

1)
雖然之前網上留言版有人爆料話晨曦會退出聯賽
但佢地就用行動證明絕無此事
因為佢地岩岩搵到康宏理財集團於未來2季既冠名贊助
贊助金額超過100萬港元

而球員方面,李健和既去向未定
高尼路,米基爾,歷高同埋基奧雲尼就肯定會留隊

2)
最初英國傳媒報導
蘭尼既轉會費高達1700萬鎊
但原來實際數字只係1400萬鎊

3)
帕爾馬成功護級
功成身退既雲尼亞里亦宣佈辭職
傳聞佢會加盟曼城

日前其實有賭波公司唔接受佢成為曼城新領隊既下注
因為於短時間內有大額落注支持佢
但當時雲尼亞里本人係否認既

4)
韋斯咸願意出價800萬鎊收購柏加
但紐卡素就還價850萬鎊

5)
傳聞如果利記真係收購奧雲
哥治將會成為交易既一部份

6)
比拿美將會成為威爾斯既新隊長

7)
米積杜域證實卡比路於下季仍然會留隊

8)
安察洛堤同AC米蘭續約到2010年
佢希望之後可以擔任國家隊既教練

9)
國際足協主席白禮達成功連任至2011年

10)
西班牙傳媒指皇馬願意出價4300萬鎊去收購卡卡
而艾馬臣同埋簡拿華路亦可能成為交易既一部份

11)
保頓新任領隊森美李表示會盡力留住謝斯高連倫
後者同球會只餘下一年合約

12)
洛杉磯銀河主席拉拿斯表示贊成於球季結束後外借碧咸
而一般相信碧咸會好有興趣
以幫助佢於國家隊立足
但球會領隊就表示反對
因為佢認為碧咸到時應該爭取時間休息