想講過去兩日既英超:
1) 維拉對阿仙奴
小弟就唔覺得皮利斯會對維拉唔會有好大貢獻
佢雖然俾波好叻
不過佢已經冇餘力幫手搶截
只會變相削弱中場截擊力
維拉更值得注意係幾個來過香港踢7人賽既小朋友
艾邦拉賀同埋迪方尼素唔使多介紹
班蘭,鶴治,艾布列頓等小朋友俾到中場既機動力
其實更令小弟期望
2) 曼聯對布力般流浪
貝碧托夫一場入5粒係超勁
不過條友同朗尼其實都係狀態唔夠穩定既球員
一係起勢咁入
一係就個幾月都入唔到球波
考慮到奧雲已經入左冷宮
而馬捷達既發展又比預期慢
曼聯今季最值得期待既應該係小豆
當然費sir而家最希望見到既始終係朗尼回勇
3) 紐卡素對車路士
尋晚車仔果然失分俾紐記
天氣對雙方發揮都冇大影響
如果紐記叫陣容不整
咁車仔就一定係殘陣
冇左林伯特既中場冇晒組織力
前線盡派攻擊球員根本冇用
馬路達有必要更多時間以進攻中場既角色現身
而以拉美利斯同埋米基爾現時既功力
加埋都唔夠一個艾辛
後面仲要冇埋泰利
靠當年俾摩連奴批死冇料到既阿里士
結果咪又係出事
肥安之前已經講明1月唔會大手增兵
不過一個稱職既中堅就絕對必要
肥安慶幸既應該係泰利同埋林伯特兩大巨頭
下場應該可以候命
紐記方面
就繼續佢地既簡單踢法
表現算係不過不失
一對中堅,快翼以及箭頭都算係交到功課
不過森遜同埋古費利既狀態就始終唔及上季
紐記冇左賓艾化之後
如果要再變招
唯有從速度入手
卡路爾二傳俾幾隻快馬應該會好殺食
盧雲卡蘭斯,貝斯同埋蘭加都大派用場
不過唸極都唔明點解前者今季要入雪櫃
小弟估佢隨時1月同紐記和平分手
4) 熱刺對利物浦
戲劇性輸波都唔想搵藉口
始終係冇對手踢得咁好
高捷斯基出事根本亦只係意料中事
而家仲要冇埋加歷查
有危就有機
原本可以趁機換血
偏偏基傑亞高斯同埋艾加都各有問題
前者有體能冇質素
後者長期玻璃腳兼隨時1月去國米跟賓尼迪斯搵食
(段估賓帥1月都仲未落台)
(不過亦有傳佢會被賣去德甲)
Subscribe to:
Post Comments (Atom)
3 comments:
尋晚有分落袋可以話有運
不過贏唔到都有少少唔好彩
總之和波已經收貨
比起上場
古費利今場打中間已經好番少少
不過死球仍然係處理得好差
右面洛列治對住空門都唔入
快係夠快
不過無teamwork加射波唔掂
抵佢做後備
其他球員都唔錯
兩個中堅臨危受命已經交足哂貨
比起今場
其實小弟更重視下場對西布朗既升班馬大戰
西布朗呢排個勢真係幾強
反而我地已經好多場未贏過
To: 舒利亞
1)
洛烈治如果唔係咁個人主義
發展應該會好好多
2)
古費利返到英超
又再次唔識入波
反映佢既水準可能只係英冠級數
唔怪得賓尼迪斯當年放棄佢
3)
蘇甘保似乎保養得好過皮利斯
4)
史堤芬泰萊今場踢得唔錯
唔知係唔係想於肥安面前大踢身價波
5)
西布朗個勢真係出乎預期既好
某程度同球隊多左時間踢少個箭頭有關
防守因而好左之餘
亦有更多機會發揮佢地中前場球員既速度
To: 舒利亞
講起西布朗
其實迪馬堤奧都有效法麥卡菲
於某些勝算冇咁大既比賽略為留力
Post a Comment