近幾日既新聞......
1)
車路士,維拉以及布力般流浪
下年暑假將來港同港甲聯賽冠軍爭奪英超挑戰盃
2)
費sir證實朗尼要求離隊
佢老人家被傳想搵托利斯做替補
而多間富豪球會就被指準備搶購朗尼
否認1月羅致佢既皇馬被指打算用賓施馬以及2000萬鎊收購佢
曼城更被指準備以7500萬鎊搶人之餘
再以30萬鎊週薪利誘佢
而肥安表態有興趣
亦令車路士同佢扯上關係
其他傳聞球會仲包括巴塞以及米蘭雙雄
另一方面,消息指朗尼可以於季尾以520萬鎊買斷合約離隊
3)
國米方面表示會認真考慮收購美斯既可能性
4)
史特根向米堡請辭
佢表示會方唔使賠錢俾佢
傳聞莫比利將會接手
5)
祖雲達斯被傳打算接收法比安奴
6)
熱刺打算出價800萬鎊收購加利卡希爾
不過消息指保頓唔準備接受低過1500萬鎊既出價
7)
梅迪薩卡被指成為曼聯既新中堅人選
8)
消息指列卡特將被加拉塔沙雷解約
9)
由於艾穆罕默迪表現出色
惹來阿仙奴以及曼聯既垂青
新特蘭提前同恩彼達成1月買斷佢既協議
10)
卡達活向紐卡素請辭
原因係佢決定接手喜伯年
11)
施丹表態願意加入摩連奴既教練團
12)
巴斯利透露早前婉拒中國以及阿聯酋足總既斟酌
13)
基士文被傳於1月轉戰意甲
以200萬歐元加盟布雷西亞
p.s.:
卡路爾因為襲擊前女友而再惹官非
法官下令佢於下年1月再出庭前
於非比賽日都要於路蘭屋企過夜
事緣條友居然帶新歡去舊女嘢屋企搞嘢
咁 cheap 都仲要打人
真係頂佢唔順
咁鬼麻煩
至驚佢未上晒位就成為另一個哥利摩亞
4 comments:
完全無興趣幫卡路爾講說話
以佢咁既紀律
小弟真係寧願紐記未同佢續約
跟手賣鬼走佢
就算球王都唔代表有資格週圍攪事
何況佢唔係
To: 舒利亞
其實而家希斯基唔玩國際賽
奇雲戴維斯又只係過客
卡頓高爾又出名玻璃腳
英格蘭比較有高空優勢既箭頭
其實只係得返哥治同埋卡路爾
後者根本大把機會上位
偏偏佢自己又咁唔爭氣
卡路爾最近既表現明顯走下坡,
雖然仲係好落力,
但佢既埋門把握仍然一般,
始終佢既級數仲未可以只靠佢一個打單箭頭,
希望快些修心養性踢好波,
唔好學似以前既祖爾巴頓.
個人一直都覺得朗尼唔係頂級球員,
佢既轉會費最多只值千二至千三萬左右,
週身更只值4-5萬磅,
佢只係一味勤力,
但把握力確實好一般,
以前佢入咁多波,
好多都係靠射12碼,
同埋曼聯其他隊友質素好,
才顯得佢好似好勁,
佢又係被人捧得太高既球員,
如果有人接貨,
趁價高就賣走佢好了..
史特根教米堡真係越教越差,
去年睇米堡踢英冠,
感覺已經好一般,
今屆更加慘不忍睹,
走左都係好事,
而家好期待下年見到昆士柏流浪同卡迪夫城升班,
希望佢地可以由頭帶到尾啦..
To: sammysir
1)
卡路爾既速度,體能同埋埋門一腳
其實都只係一般
不過二傳能力就真係唔錯
2)
朗尼勤力之餘
仲有近年英格蘭箭頭冇既蠻勁
不過佢既波底唔算好突出
最大問題都係佢既狀態唔會好穩定
佢順既時候會連續幾場入波
沉既時候可以食齋食個幾月
甚至好似近幾個月咁平平無奇
3)
同意朗尼唔係一等一射手
不過繼連尼加,舒利亞同埋奧雲之後
英格蘭而家又係冇一個箭頭特別信得過
佢俾人捧得咁高
大抵只係英格蘭傳媒發功
當你發覺戴倫賓特當年都可以賣到1650萬鎊
你就會發覺英格蘭球員既身份特別賣到錢
而朗尼既週薪某程度上反映埋佢既商業價格
4)
昆士伯流浪如果升到班都幾好睇
又多一隊超級富豪球隊
睇轉會市場都已經好過隱
5)
米堡自從冇左舒華沙之後
條防線越來越屎
好難有好下場
史特根接手後換血過急
根本就係一場賭博
而今次佢明顯搏輸左
Post a Comment