有關英格蘭既下任領隊人選
衛視體育台於直播後已提到8個人選
小弟而家就逐個講:
1)摩連奴
佢同車路士達成既解約協議唔限制佢執教英格蘭
早前英格蘭足總已被傳用700萬鎊年薪利誘佢
不過串王就講過冇興趣
佢既下一站多數係意甲
而好多人都知佢最想教既國家隊只有葡萄牙
2)軒迪克
岩岩帶領俄羅斯力壓英格蘭出線
冇理由唔帶隊踢決賽週
早前又同俄羅斯足總續約
冇咩理由會肯過檔
3)史高拉利
佢上年借英格蘭足總過橋
令葡萄牙足總最終願意加薪留佢
而家庭理由亦令佢 prefer 長留葡萄牙
同埋佢又係岩岩成功帶領葡萄牙入決賽週
冇理由而家走
4)納比
前者06年捧完世界盃
之後等緊機會出山
不過佢出名眼角高
小弟唔信佢會為名大於實既英格蘭出山
因為聲望對於佢而言都幾重要
5)卡比路
佢被皇馬炒後冇野做
而家聲稱有興趣接手
佢係有能力改善英格蘭既防守
但相對於艾歷臣
佢既硬朗作風
隨時同足總高層以及其他英超領隊擦出火花
而佢職業生涯唔止一次被傳同球會高層不和
可能會嚇怕英格蘭班高層
6)奧尼爾 + 7)Big Sam
佢兩個都只係教戰績只屬中上既中型班
亦冇大場面既經驗
而上年佢兩個都有應徵過教練一職
但英格蘭足總當時就寧願請麥卡倫
就已經大約估到佢地今次既接手機會
而佢兩個亦已經否認會接手
8)舒利亞
佢幾日前放風話想接手
潮流又興搵少帥
之前講既7個人選又唔多似會係繼任人
如果佢最終跑出
絕對唔會令小弟感到意外
P.S.:
最新候選人原來仲有哈利列納
不過小弟覺得佢既機會頂多同Big Sam 以及奧尼爾差唔多
Subscribe to:
Post Comments (Atom)
4 comments:
其實暫時無咩大賽，我覺得英格蘭足總可以睇定d先~
不過人選方面，我都睇好舒利亞。佢絕對夠威望鎮住班大牌。當年佢都曾經做過路達助手~所以佢都幾有機~(當然，佢未有執教經驗係一個問題。)
足總0個邊已經講明
球迷要有耐性等佢地去搵人
如果英格蘭足總同時搵到個有經驗既教練
從旁睇住舒利亞
搵老舒去教其實係可行既
小弟認為岩岩陪葬既雲拿保斯
其實係拍住老舒既好人選
因為佢既有經驗
而小弟記得96歐洲國家盃前
老舒有段時間死左火
雲拿保斯都依然勁撐佢
所以佢兩個既關係係幾好
希望有朝一日
如果英格蘭足總搵老舒
最好重新請埋雲拿保斯
係喎，我都好奇怪，點解炒埋雲拿保斯=.=
有時如果高層決心重頭做起
將唔岩心水既教練一次過炒埋都唔奇
另外,英格蘭既新教練
其實都可能有助手跟隨加盟
如果係咁既情況
唔通到時先炒雲拿保斯咩
Post a Comment