終於可以還債俾舒利亞......
今次想介紹伊比斯域
這名大熟大勇既波斯尼亞射手現年24歲
佢16歲既時候跟屋企人移民到瑞士而效力巴素利
10個月後由於屋企人再搬到美國聖路易斯定居
想跟隨屋企人既佢唯有同巴素利解約
佢於聖路易斯既幾年
先後為 Roosevelt 高校同埋聖路易斯大學效力
出色既表現令佢入選全美一隊
而佢亦於美職盟既發展聯賽吸收更多經驗
04年佢就轉戰法甲
加盟巴黎聖日耳門
但唔受重用既情況下被借到乙組隊 Dijon FCO
其後仲正式被買斷
06年佢就被亞琛收購
24場入6球既表現唔算搶鏡
不過依然吸引到全攻型球隊賀芬咸既注意
經過首季於乙組既融合
佢終於於今季發熱發亮
踢16場已經入左18球,另加7個助攻
出色既表現仲一度吸引曼聯以及國米既注意
4 comments:
原來伊比斯域都係近一兩年先開始發威@_@唔該哂上等人既網主A_A
不過係國家隊應該無咁威，因為波斯尼亞似乎無咩勁人，小弟識既只係兩位前國家隊名將沙歷咸美斯同巴巴斯。
To: 舒利亞
波斯尼亞仲有0的勁人可以值得留意
例如禾夫斯堡既米斯莫域同埋迪施高
現年26歲既前者出身自拜仁
可踢進攻中場或者翼鋒既佢雖然冇速度
不過腳法同埋創造力都好強
而22歲既後者亦唔錯
中場出身既佢傳送唔錯
而波底好同埋制空權亦都係佢既優點
不過波斯尼亞攻強守弱之餘
仲遇強即屈
講真唔似有機會參與大型賽事既決賽週
p.s.:
唔好客氣!
仲有邊個球星既野想問?
暫時都無咩啦~
To: 舒利亞
ok
下次或者可以試下介紹名宿
Post a Comment