想講下尋晚既東北部打呲兼護級大戰
既然和波只會攬住一齊死
雙方索性放手一搏
亦踢出近期既代表作
場波雖然水準唔係好高
不過總算幾緊張
舒利亞同埋修夫基分別作出幾個調動
紐記改以4-4-2陣式應戰
古迪利斯,路蘭同埋奧雲都重獲正選
穩定中場同埋平衡兩邊攻勢似係老舒既部署
畢竟想入波唔係擺多個前鋒就可以
米堡方面
前線有艾寧斯初次於聯賽踢正選
佢既活力同埋略為跌watt既端基已經係中前場既僅有亮點
不過後防冇左幾件高佬
只得侯夫充撐場面
就埋下輸波伏線
比賽初段冇運既紐記輸完烏龍波
又有維度卡既猛虎射球中柱
真係落筆打三更
好彩史堤芬泰萊短時間內返平
令紐記得以於短時間內定返陣腳
往後時間紐記同米堡互有攻守
各有攻勢但都係冇咩實際
下半場中段兩位領隊各自變招
舒利亞先後換入盧雲卡蘭斯同埋馬田斯
打算用速度硬闖米堡既中路
而如果上半場用馬華龍京治入替傷出既艾維斯係無奈
咁下半場用艾利阿迪里入替沙基
以加快球隊速度同紐記繼續鬥攻
就反映修夫基今彭有幾進取
正當米堡打算進一步搏拳
偏偏失守收場
幸運女神轉駄幫左紐記
事緣助攻既路蘭其實係越左差唔多一個身位
偏偏做二傳既維度卡遮左旁證既視線
不過米堡條防線其實爭唔落
冇人知路蘭越左位之餘
最近路蘭既巴迪斯亦在兩個身位之外
反映佢地幾冇位置感
今個失球亦令修夫基要更加豁出去妏陣兼搶攻
不過靠毫無防守紀律既唐寧踢左閘
就整定俾多次機會路蘭做助攻
話說回頭
米堡今場失3球
全部直接同埋簡接因為輸高波
冇左普加迪斯以及韋達對米堡既影響充分反映出來
而馬田斯同埋盧雲卡蘭斯先後於中路突入搵到食
就反映舒利亞針對米堡中路防守弱點既調動算係好成功
而家紐記已經趕過侯城
雖然未正式上岸
但形勢算得上樂觀
只要下場乘勝追擊搞掂埋富咸就一天都光晒
米堡方面
今場既表現算係有進步
而一日唔死都仲可能有運行
不過前面依然冇殺手
後面繼續冇防守
今場有波入都係靠比耶送禮
加上作客連輸11場
要寄望佢地餘下兩場波追黑貓5分
可能仲難過利記後上羸聯賽
p.s.:
永遠懷念阿叔同埋12/5既遇難同胞......
4 comments:
小弟最開心係有唔少球員回勇
好似維度卡咁，今埸雖然無波入，但我認為隨時係最佳球員
路蘭又係，雖然第一球失波佢有責任，但跟住三個入波都同佢有關，又係抵讚
另外，史堤芬泰萊入球能力真係唔錯~
不過巴斯桑治就成日都係後埸玩腳法-.-
夏柏又係唔話得，做左咁多年後備，今年擔大旗可以有咁好表現。
今埸見到球隊唔係only識大腳斬，路蘭、古費列等人都有玩下地面進攻，係唔錯。
不過小弟認為下埸棄用奧雲會更好....
今埸見到佢對住侯夫都無咩著數-.-
我認為奧雲可打正選.因舒利亞已變陣無數次.
如奧雲真係唔掂,先換馬田斯同盧雲卡蘭斯,不(唔識打)竟兩位係速度FW/MF.如打正選.好
快冇氣.便唔可以打反擊(我睇)
真的等了很久,
紐記班球星終於踢番一場合乎他們身價的比賽,
球員應該可以回復比賽的信心,
不過真的只高興一天就夠了,
因為星期六對富咸真的不容易踢,
不過只要沿用大約這個陣容和陣式,
球員又能發揮正常,
在5萬多名球迷不斷搖旗吶喊的氣勢下,
相信富咸球員到時應該會腳軟,
拿下比賽應無太大困難,
至於奧雲是否正選,
就要看馬田斯的傷勢了.
To: 舒利亞,紐迷Ricky & sammysir
1)
小弟覺得冇一個紐記球員比較搶
維度卡似係最佳球員獎
明顯選擇而選擇
2)
小弟都同意視乎馬田斯既走位
去決定前鋒組合
3)
下場對富咸根本唔可能鬆懈
今場米堡輸既3球
唔似可以於富咸身上發現
Post a Comment