近幾日既新聞......
1)
舒利亞同埋杜維尋日就同艾殊利以及林比亞斯昌開會
已向球迷發出道歉聲明既肥老闆想同舒利亞簽約4年
消息指老舒最快今日簽約
另一方面,消息指紐記陣中只有3人肯定得到老舒留用
分別係夏柏,史堤芬泰萊同埋畢特
而其他高薪球員將被放棄以減輕成本
一眾搶手貨唔愁冇班落
奧雲可能轉投維拉
高路仙尼就可能重返西甲,加盟西維爾
國米想搵馬田斯回巢
韋根亦想搵辣椒仔過檔
表態想留隊既杜夫同埋自由身既盧雲卡蘭斯
就同時被傳成為布力般流浪既羅致對象
另一方面,紐記被指想向列斯收購射手碧福特
2)
消息指賓尼迪斯通知巴布既經理人
可以為這名荷蘭翼鋒搵新球會
賓帥要求大約1100萬鎊既轉會費
傳聞阿仙奴,熱刺同埋維拉都有興趣將佢羅致旗下
利記亦被傳願意出3倍人工吸引拿維斯過檔
而佢地被指同曼城爭奪格連莊臣以及端納
3)
加拉塔沙雷被指打算從皇馬收購雲尼斯特萊
消息指雲佬已同意轉會
4)
辛格宣佈離開卡坦尼亞
拉素或者博洛尼亞被傳係佢既下一站
5)
祖爾接手阿積士
雙方簽約3年
6)
AC米蘭被指打算向聖保羅羅致巴西中場靴蘭尼斯
而佢地亦令人意外地同巴利扯上關係
不過傳聞500萬歐元既轉會費未免太低
7)
些路迪聯賽屈居亞軍後
史特根宣佈離隊
莫比利,馬瑟韋爾既M.McGhee
同埋般尼既奧雲高爾都被傳係接手人選
不過後者表態將會留隊
而般尼方面亦準備同佢續約
8)
巴黎聖日耳門成為最新一間同查斯古特扯上關係既球會
9)
新特蘭唔肯買斷施斯
這名法國射手可能以600萬鎊既價錢轉投熱刺
而迪斯甸亦可能為左跟隨哈利列納而來投
10)
艾禾卡特決定於季尾(12月)離開辛尼特
消息指佢打算於2010年接手比利時國家隊
11)
基斯普改變主意唔加盟費倫天拿
消息指佢幾乎肯定轉投熱那亞
另一方面,紫百合就被指有機會引入伊雲洛域
而鍚耶納既巴拉圭中場巴列圖亦可能來投
12)
辛尼特被指想向國米收購哥利斯馬
不過這名葡萄牙似乎比較大機會加盟熱那亞
13)
麥卡倫忠告阿拿奧杜域留隊鍛鍊
唔根如傳聞轉投國米或者車路士
14)
端基同埋韋達分別被指成為布力般流浪同埋伯明翰既增兵對象
而前者同時被指打算引入16歲希望龍門N.簡拿高普路斯
15)
曼城有幾個球員被挖角
維拉想向佢地收購米卡李察士
祖赫特就被指可能改投狼隊
而史杜歷治就可能以自由身加盟車路士
16)
巴塞隆拿被指準備向波圖收購般奴艾維斯
傳聞轉會費大約1500萬歐元
17)
高美斯即將以破德甲紀錄既3000萬歐元加盟拜仁
而拿姆就爆料史尼達可能以2600萬歐元既價錢加盟
拜仁亦被指打算向史浩克04收購龍門紐亞
另一方面,比連奴要求外借一季
不過屬意德甲球會既佢最可能被借去阿爾克馬爾
18)
摩連奴同國米續約到2012年
消息指年薪高達950萬歐元
傳聞國米答應向車路士挖角迪高同埋卡華路
19)
迪亞高落實以2450萬歐元既價錢加盟祖雲達斯
雙方簽約5年
20)
莫耶斯獲領隊聯會選為本季最佳領隊
繼03及05年後再度當選既佢破紀錄第3度當選
21)
除高路仙尼外
西維爾被指亦想向小保加羅致21歲中堅科連
22)
修夫基賴死唔肯離開米堡
表示想帶隊重返英超
不過似乎主席吉遜傾向支持佢
23)
羅馬被指想向哥連泰斯收購26歲巴西左閘A.山度士
24)
愛華頓被指想從維拉引入李奧曲加
25)
富咸被指想引入巴尼斯同埋布連特
26)
森多利亞被指想向國米羅致占美利斯
27)
里昂答應俾P.祖連奴於季尾免費離隊
28)
莫高拿落實以自由身同樸茅簽約3年
29)
馬賽打算向雷恩收購右閘芬尼
30)
熱那亞被指即將從紅星羅致後衛湯姆域
31)
伊比斯域同意續約賀芬咸
p.s.:
冇雙閘既巴塞隆拿今晚0245惡鬥夫添曼聯
小弟主觀願望巴塞做3冠王
關鍵就在中場
不過哥迪奧拿似乎想將兩名防中移後為防線補鑊
隨時得不償失......
十個擔心!!!!!!!!!!
4 comments:
舒利亞續約緊係好，最少佢有心攪好隊波
不過有傳hold住左?
因為有財團收購??
留用畢特.....-.-
舒利亞果然念舊
小弟朝早先講話紐記可以考慮碧福特
轉頭就睇到新聞話紐記想簽佢
其實列斯聯升班失敗
真係可以諗諗佢地既球員
施斯表現唔錯都無得留@_@
基斯普出爾反爾-.-?
馬里奧高美斯唔嫁又嫁-.-
小弟都希望巴塞贏波
本來諗住無亨利、恩尼斯達，佢地會被曼聯食住
不過既然亨利復出，一於買佢射死曼聯~
這年在紐記踢得像樣比較好既球員我認為只得基雲,夏柏,比耶,s.泰萊,巴斯桑,杜夫,蜘蛛人,杜夫,卡路爾加埋都唔夠10個
如果以上球員(基雲已離開除外)全部都肯留隊,
我相信紐記好快會升上英超.
昨晚戰情都頗悶
曼聯出傑斯
象徵意義多於實用性
曼聯中場分波分唔到兩邊..
兩邊又出唔到波
變左冇組織,少射門
好似另一支紐卡素,
史高斯似畢特,
傑斯似古費里(唔跑得)
想不到巴塞中場既搶截仲好過曼聯
曼聯4人中場既效率始終不及車仔
車仔4個攻擊中場隨時可變做4個防中,
上次對巴塞就可證明這點,
泰維斯雖然好波,勤力奔跑,但又係喜歡上腳,
同隊友始終好難夾,
做後備可當為一路奇兵,
但今場受制於巴塞華麗既實用的中場,
變得無計可施
修夫基留低都冇壞,
始終米堡唔想浪費金錢炒人
不過紐記班主傳聞又話賣盤,
又話要炒150個職球員,
舒利亞又唔知有冇得留低
(雖然佢是好事,但是否留低我都冇乜大意見)
紐記恐怕又是一團糟無政府狀態就大件事了
小弟唔係成日睇曼聯波，不過安達神係正選架咩=.=?
傑斯又係，今季睇佢其實都無咩實際作用
星仔雖然勤力，奈何始終好似唔多夠班
巴塞贏波功臣，小弟認為恩尼斯達功勞最大~
域陀華迪斯亦都再係大賽有好表現
To: 舒利亞 & sammysir
1)
紐記單嘢有排搞
之後再講
2)
紐記幾個月前已同碧福特扯上關係
而家列斯再次升班失敗
大把英超同埋英冠球隊打佢主意
列斯好難再留得住佢
佢要走都冇人怪佢
3)
小弟認為杜夫同埋蜘蛛人都可以賣走
因為佢兩個人工高
但表現只係中上
(其實只係好多人更差......)
賣走佢地可以進一步減輕財政壓力
4)
新特蘭一朝天子一朝臣
況且施斯既表現其實只係一般
但身價高達600萬鎊
佢地之前俾堅尼洗大晒
唔買斷佢都唔太奇
5)
基斯普去熱那亞有比較多出場機會
6)
馬里奧高美斯去拜仁只係時間上既問題
試問本土既好貨色
有邊幾個最終唔係俾拜仁搶走?
7)
修夫基功力一般
亦唔夠火食住隊波
小弟就prefer俾新人上場
8)
巴塞隆拿技術性擊倒曼聯賽後感已出post
Post a Comment