想講下尋晚既西班牙國家打呲......
戰果絕對出人意表
皇馬一心追擊巴塞
相對於作客魯營
佢地今場冇唸過死守
結果輸到PK
一路睇波就又唸起人地打功夫
未學打要先學捱打
否則未打羸對手就已經俾人打殘
皇馬後防千瘡百孔
右閘沙治奧拉莫斯識攻唔識守
雖然皇馬今場入兩個波雖然都關佢事
不過始終功不抵過
而球隊兩次入波後火速失守亦係大敗既部份原因
其餘3個守衛全部走緊下坡
佢地全部都有離心
季尾走晒其實長遠對球隊反而有好處
兩個防中又未到家
迪亞拉咁既料都要2000萬鎊
小弟覺得3成價錢已經係極限
而家全世界只有曼城可以同皇馬一樣咁水魚
而加高雖然同列當度當年一樣踢得瀟洒兼靚仔
不過水準可能連前輩一半都冇
而被推上中場既馬沙路莫講話助攻
連基本防守都唔掂
靠一班同講波佬威仔一樣發緊夢既防守球員
就算有當今世界最好既龍門幫手補鑊
都只係一條超唔夠班既防線
卡斯拿斯超無奈既表情
更甚於幾個月前大家見到既基雲
巴塞方面
面對對手毫無壓迫力既防守
佢地得以盡情發揮
一吐幾日前主場大塞車既悶氣
巴塞今季行軍效率遠勝上季
相對於強勁火力更加似係復甦關鍵
前線已經係第一度防線
而中場沙維同埋恩尼斯達亦好勤力補位
今場對手由艾辛等人換上迪亞拉同埋加高
技術同埋效率都羸自然應付有餘
下場車仔雖有主場之利
巴塞又唔夠中堅用
不過軒迪克睇完尋晚場波應該都唔敢亂來
否則搶攻只會為自己製造致命傷
而淋濕,甚至掘爛史丹福橋主場亦可能係對付夢幻隊既下(流)策
最後想講下重掌皇馬機會好高既佩雷斯
條友果然品性難移
一路以來都聽到佢會棄用荷蘭兵
同埋買C7以及卡卡既傳聞
其實皇馬最應該買既其實係幾件有質素既防守球員
不過沙比艾朗素同埋馬斯查蘭奴又只係冇米粥
比較有機既可能只係沙柏達華倫西亞
如果一個暑假都搵唔多幾件好野幫輕卡斯拿斯
佢地下季依然好難挑戰巴塞
而增兵之餘
搵新教練就更加重要
雲加寧願唔要4000萬鎊長約都唔唔肯接個燙手山芋
拉莫斯又似乎唔係佩雷斯杯茶
未落實教練就唸增兵
反映佩雷斯唔似一個有計畫既好主席
而長遠而言
佢地有必要建立一個完善既青訓系統
因為英超Big 4同埋死敵巴塞都做得好佢地好多
否則重行舊路
球隊既缺乏有潛質新血
更會加重財政壓力
p.s.:
應讀者'舒利亞'要求而preview今晚場波
球證尋晚又發雞盲
間接幫曼聯羸埋米堡
利記後上既機會又細左好多
小弟希望利記依然唔好放棄
於復出既謝拉特帶領下繼續踢好波
紐記方面
舒利亞段估唔敢再排4-3-3陣式
4-4-2或者4-5-1似乎會係佢杯茶
而奧雲似乎將被收起
中場方面
辣椒仔同埋杜夫上場踢得算唔錯
將會連同巴頓以及古迪利斯一齊得到初發機會
畢特有冇得踢就要視乎陣式
後防方面
荷西安歷基同埋史堤芬泰萊一齊因傷缺陣
大衛艾加將會客串左閘
對一心穩守再搵機會偷雞既紐記而言
難免係隱憂
10 comments:
To: 咁多位紐迷
紐記既最終陣容
同上網搵料既版本差幾遠
真係唔好意思!
今晚各為其主(打氣)
祝大家好運!
輸0:3 哈哈...
To: 紐迷Ricky
紐記又係衰老問題
0:3已經輸得少
唔好灰心
仲未絕望
收拾心情下場同米堡踢生死戰
下場對米堡邊隊輸...
個隊就肯定byebye...
我地場場都話生死戰
但係場場都交唔到貨
舒利亞接手個時
頭個幾場都有翻D士氣
等係繼上場對Portsmouth都把握唔到機會
我覺得班球員既信心已經跌左
再俾利記贏3球
真係好怕班球員會一沉不起...
同埋我覺得紐記係死球防守上極差
成日都輸E D 波
如果唔係Harper 上身
紐記起碼輸夠半打...
失波前打得唔錯，可惜又係一沉不起...
門楣幫左兩次手，夏柏亦救左n球，輸三粒已經少
維度卡未fit，其他人又啞火，無波入又係預左。
最攞命係巴頓，一個不智(定弱智?)既犯規。
雖然小弟覺得唔致於紅牌，但佢個名咁臭，好心自己注意下啦-.-
傷完出得一埸，又停三埸-.-
聽晚侯城都唔似有分，仲係差三分，一埸波夠哂~~
To 舒利亞
"聽晚侯城都唔似有分，仲係差三分，一埸波夠哂~~"
望就咁望
最好今晚新特蘭都輸!
To: 舒利亞 & 馬田斯
1)
巴頓雙腳飛剷
紅牌係球證既必然選擇
連佢波士舒利亞都頂佢唔順
準備扣佢兩星期人工
小弟多得巴頓唔少
如果少左沙比艾朗素
對利記實力有一定影響
我地而家爭聯賽仲未絕望
好彩聽賓帥既口風
佢下場應該可以趕及候命
2)
黑貓食唔到留力既拖肥糖
只要病貓今晚冇分落袋
護級形勢依舊不變
紐記下場對米堡
明顯對雙方都係生死戰
不如Blacky Preview下維拉VS侯城.(如可)
下埸贏左，仲有機會~~
打比戰，又主埸，我估都有機既~~
睇番侯城賽程，下埸好似對史篤城，都係搶分
假如佢地咁好彩輸埋，對我地就更有利a_a
希望史篤城唔好留手，比亞堤入多幾球~
To: 紐迷Ricky & 舒利亞
1)
維拉對侯城場波
已經於'2009-5-4'簡單講左幾句
2)
小弟唔信侯城可以於主場羸史篤城
史篤城雖然作客廢
但攞1分唔難
因為病貓始終太病
3)
紐記同埋米堡半斤八兩
不過如果主隊可以多踢兩邊側擊
應該可以要撕破米堡防線
加埋防守死球時爭氣睇實韋達
勝算始終較高
Post a Comment