想講下尋晚令小弟失望既仙魔會
費sir尋晚一心打突擊
兵工廠全場根本搵唔到太多空間創造機會
而少用兩邊就更加難拉開姐對手防線
相反踢得比較有耐性既紅魔有更多既入球波機會
4個字:優勝劣敗
場波8分鐘就幾乎玩完
11分鐘就正式玩完
Soccernet 講得好
'If there was unlikely, four was an impossibility......'
場波之後已經係垃圾時間
艾蒙尼亞神奇不再
C7既40碼自由球係射得靚
不過咁既距離都救唔到
這名西班牙龍門責無旁貸之餘
失到第二球亦令兵工廠宣佈同決賽無緣
而輸第一球既基拔斯腳軟出醜
小弟覺得唔怪得佢
咁細個如果踢得好叫做早熟
踢得唔好又有咩咁奇
兩年前佢仲係到跑馬地港會場踢7人賽既小朋友
而家咁仗快就要佢踢歐聯4強大戰
講真係強人所難
怪就怪雲加買人頭重尾輕
肯俾500萬鎊買個未證明晒實力既艾朗蘭森
但係成條後防只係多左個賤價75萬鎊既豬達
費sir肯割愛俾雲加既都唔慌係好貨色
豬達既背景仲令人懷疑佢係當今第一號無間道後衛
足總盃同埋歐聯4強止步
其中一個主因一定係後防不濟
現今足球同打NBA季後賽一樣
冇防守就注定好睇唔好食
占士今季當選常規賽MVP全因肯俾心機打好防守
雲加一日整唔靚條防線
兵工廠將會繼續食白果
防守有幾重要?
問軒迪克就知
睇完西班牙國家打呲
即使今晚車仔主場兼對方大鬧中堅荒
段估都唔敢貿然同巴塞隆拿搶攻
費事廁所點燈--'找屎'(找死)
靠死球同埋突擊偷雞好過
p.s.:
新聞夜少少再講
3 comments:
最驚打沉左新仔信心.....雲加又係，好買唔買，買個施維施達......
p.s.今晚小弟就睇好巴塞。雖然有網友話車仔格食格，食住巴塞。但小弟始終認為今年表現唔多突出既車仔，唔似頂得住巴塞強攻。
但係巴塞一對正選中堅停賽,
佢地真的好難頂得住杜奧巴,
甚至在角球上去防泰利等後衛
中場未必破到艾辛為守的防中
雖然我都想決賽是曼聯vs巴塞
因這樣才似睇歐聯決賽,
而不是強化版的英格蘭足總盃,
不過我都覺得有希丁克既車仔佔優.
To: 舒利亞 & sammysir
小弟略為睇好車仔
唔係因為佢地主場
而係因為軒迪克
佢夠功力算死哥迪奧拿
只要車仔防守唔突然跌watt
再靠突擊同埋死球去屈機
似係助和望羸格局
Post a Comment