近幾日既新聞......
1)
尹巴士頓被指可能轉投AC米蘭
而麥卡倫就被傳成為阿積士新教練既人選
不過米堡同埋新特蘭都亦被指想搵佢接手
2)
AC米蘭被指有興趣羅致佩奧爾或者麥薩斯
加上迪亞高施華以重組中路防守
3)
標準烈治既28歲塞爾維亞射手M.祖雲奴域
被指成為費倫巴治既600萬歐元新箭頭人選
4)
漢堡同埋雲達不來梅都被指有興趣從波爾多引入27歲防中迪亞拉
5)
阿祖安奴落實加盟法林明高
6)
利物浦被指想向利華古遜收購德國年青射手希美斯
7)
有報導指紐記可能索性直接同巴頓解約
不過仍要同律師商量點樣可以一個仙都唔賠俾佢
而錫菲聯同埋保頓都被指有興趣接貨
8)
被剔出洲際國家盃大軍名單既麥卡菲
被指成為樸茅既增兵對象
9)
國米再次同史尼達以及摩達歷扯上關係
而西維爾既24歲巴西左路球員C.阿祖安奴就透露收到國米既斟酌
10)
查斯古特既老豆爆料
里昂,巴塞隆拿同埋幾間英超球會都想羅致佢個仔
11)
杜奧巴就爆粗鬧球證一事公開道歉
12)
賓特尼,列尼,甘明斯同埋史堤夫亨打被指成為愛華頓既羅致對象
史篤城就被指準備出價500萬鎊同拖肥糖爭列尼
韋根就希望羅致身價高達500萬鎊既甘明斯
而同馬達拉斯扯上關係既熱刺就希望羅致史堤夫亨打
13)
咸錫再次被指成為祖雲達斯既增兵人選
14)
禾確特同阿仙奴續約4年
週薪6萬鎊
另一方面,辛達路斯下季將重返兵工廠
15)
羅馬,拉素,熱那亞同埋巴勒莫都被指想引入艾卡費斯卡
16)
曼聯被指曾派人同迪亞高米列圖既經理人於倫敦會面
另一方面,佢地被指打算下季將馬捷達外借到帕爾馬
以換取收購對方22歲肯亞中場馬里加既優先權
17)
皇家蘇斯達翼衛卡斯達路透露保頓同埋些唁 迪都有興趣羅致佢
19)
布力般流浪被指打算從西布朗收購瑞典前鋒J.奧臣
而表態想長留奧林比亞高斯既達比舒亞就被指成為伯明翰既新箭頭人選
20)
基治因傷提早收咧
而艾確圖被指成為阿仙奴既羅致對象
21)
史堤芬泰萊腳踭傷患已經冇咩大礙
可能於對米堡既大戰候命
22)
佩爾否認向里昂請辭既報導
23)
費倫天拿被指打算從烏甸尼斯引入G.迪亞哥斯天尼
24)
艾比度被傳將於季尾離開巴塞隆拿
而艾曼紐臣就被指將會佢既替代品
25)
拜仁成為最新一間同波圖左閘施素浩扯上關係既球會
p.s.:
薩拉耶達原本將被拿玻里買斷
不過佢最近因為紀律問題激嬲左鄧納東尼
消息指佢將會被放棄
受樣唔識唸既仲有賓特拿
佢早前返丹麥踢太公波
已經俾狗仔隊跟到佢去夜總會玩到清晨5點
之後仲帶女出鐘
單樣揚左都冇吸取教訓
而家歐聯大敗俾曼聯之後都仲有興志出去蒲
仲要俾人影到玩到褲都甩埋
條友只係四肢發達
波已經差隊友唔止一皮
仲咁唔生性
最終暑假俾雲加賣走都唔好怨
5 comments:
希望阿祖今次真係改過自新啦~
解啦，巴頓呢條蛋散。
賓特拿咁廢，要唔要都罷啦。
身為阿仙奴既fans
一直都認為賓特拿未夠班
早就應該賣走佢
真係唔明雲加點解可以忍咁耐
聽講雲佩斯係幾個星期內都要續約
希望係真啦
其實vs利記場波,
joey barton在80分鐘前既表現都算合格,
起碼叫做肯走動同埋會傳下波,
都算幾積極,
可惜佢始終都係計時炸彈,
同埋又係傷多過踢,
所以我都同意唔要佢.
賓特拿既頭錘咁好,
同埋勤於走動,
點算廢呢,
我覺得起碼好過奧雲,馬田斯,維度卡等人
不過私生活唔好,
仲係未定性,
始終都要教育下.
to wtssooccer
請問你 或 妳是阿仙奴的fans !!!
網主認識你嗎?
作為頗忠心fans 的我
所有球員都欣賞 唯獨是對賓特拿及施維斯達始終都不滿意他們的表現 但我依舊會支持雲加 或許石頭會變鑽石
To: 舒利亞,wtssoccer,sammysir,路斯基
1)
小弟都希望阿祖安奴肯生性
2)
至於巴頓
條友係爭唔落
不過今次紐記唔要佢
小弟覺得要搞清楚兩件事
一係條友向來犯案多過食飯
同佢之前既惡行相比
佢今次唔係最嚴重既一次
咁點解偏偏今次唔要佢?
係爆案爆到爆晒紐記高層既容忍限度
抑或因為唸住俾舒利亞長教
所以俾老舒決定巴頓既生死?
而解約又係唔係最好既決定?
小弟就覺得唔係
因為解約可能要賠錢
對紐記既財政壓力更大
而賣走佢反而收得返少少錢
以佢既case
雖然保頓否認想接貨
但應該仲有球會肯接收佢
倒不如等到季尾盡快賣走佢
3)
賓特拿於兵工廠有存在價值
因為除左艾迪巴約外
冇人有佢咁既體力同埋身形
而家佢既波底真係差隊友好多
不過小弟記得雲加講過
覺得佢有潛質踢伯金既位置
小弟雖然好唔明
不過就一定信多雲加一舖
4)
而家既兵工廠
雲佩斯最有本錢承繼伯金
佢肯留隊絕對係好事
5)
豬達就早走早著啦
p.s.:
小弟相信自己應該唔識wtssoccer
佢亦冇自我介紹
我都想識佢
Post a Comment