曼城功敗垂成
頭號罪人一定(又)係文仙尼
睇開小弟寫嘢都知小弟睇佢唔順眼
羸幾次意甲就俾人過份吹捧
實情國米只係池中無魚蝦自大
佢踢波瀟洒到成個三杉醇
偏偏教波就保守到爆
尋晚主場明知要搶都怕死要用雙防中
睇到形勢越來越唔對路
都只係換人唔換陣
反正和波都唔掂
難以理解佢竟然唔放手一搏
結果前線人腳幾勁都因為冇供應而死晒火
而明知熱刺既功勢源自兩邊
佢居然將防線收窄
加上甘賓尼越來越睇唔住哥治
失波以致輸波根本都只係時間問題
中東油王應該跟意大利油王學嘢
既然都係要狂燒銀紙換獎盃
不如俾幾年時間搵摩連奴搞大佢
都好過俾個薄有名氣既二打六呃飯食
而更重要既係搵個好領隊好過簽幾個名牌球員
條數亦平好多
例如尼史葛既2400萬鎊轉會費就夠俾摩連奴4年人工
5 comments:
2400萬鎊請摩連奴兩年都抵啦
俾佢兩年睇怕都夠贏英超冠軍了
要文仙尼同用番曉士根本無太大分別
仲要後者睇來更受歡迎
老實講曼城宜家人腳其實絕對有力踢歐聯
只係領隊廢就球員勁都無用
小弟唔認為摩連奴會去曼城
就算係咁，好領隊仍然大把
p.s.
隨住曼城等球隊既強大
英超一年難打過一年
唉.....
To: wtssoccer & 舒利亞
1)
如果俾兩年時間
摩連奴真係隨時幫曼城羸英超
第一年換血兼磨合
第二年就再執多一至兩個位
只要唔貪心歐聯
佢地絕對有潛力羸英超
2)
摩連奴既下一站
而家傳得最熱都係皇馬
3)
文仙尼聲稱下季仲有得教
4)
同意舒利亞所講
文仙尼唔見得教得好過曉士
兼更令人討厭
反而文仙尼當年教冇糧出既拉素仲教得有聲有色,
令人留下良好印象,
佢當時令到班大牌球星肯為佢賣命,
記得當時既拉素仲有史譚,史坦高域,施蒙尼恩沙基等,
真係星光熠熠...
To: sammysir
同意佢當年教窮鬼反而有料到
佢其實都教過費倫天拿
費倫天拿同埋拉素當時都好窮
不過都分別羸到意大利盃
都已經算係咁
同埋當時佢既教波風格冇咁保守
可能之後教國米同埋曼城
因輸波俾油王老闆狂插而變得保守
Post a Comment