1)
雲尼亞里被傳成為利物浦下任領隊既人選
而佢亦暗示有興趣過檔
而胡仙歷亦被傳係利記既增兵對象
不過羅馬方面就表明唔會放人
另一方面,利記被指有興趣出價1000萬鎊從維拉收購達寧
2)
戴倫賓特主動要求離開新特蘭
布魯士證實佢將以1800萬鎊轉投維拉
3)
軒迪克表明唔會接手車路士
而傳聞油王想搵格蘭返車仔出任足球總監
意味佢俾槌仔幫掃走都唔驚失業
另一方面,一旦羅致派拿失敗
車仔被指將改以600萬鎊收購卡蘭積卡
4)
消息指有力般流浪準備放棄迪奧夫以及占邦達
而森巴就被傳係阿仙奴既600萬鎊新中堅人選
5)
愛華頓被傳有興趣接收蒙達利
6)
李斯特城打算借用古斯錫
不過當時人表明唔想踢英冠
另一方面,夏格維斯為左曼聯肯同佢續約
不惜提出每場1.5萬鎊既賤價
7)
由於紐卡素表明唔會賣走卡路爾
熱刺被指改打G.羅斯既主意
p.s.:
1)
巴頓聲稱唔認為有英格蘭中場踢得好過佢
所以好唔明點解冇得入選
幾年前佢其實亦有類似言論
不過就算佢既表現值得入選
俾你係艾歷臣或者卡比路都唔會選個炸彈入隊掛
2)
尋日既銀牌決賽
比當年利記反勝AC米蘭更加峰迴路轉
可能n年後都仲有人講
可惜既係小弟尋日下晝2點幾開始忽然身體不適
搞到凌晨兩點幾先可以由醫院返屋企
就咁miss左場經典大戰
有機會都想上網download返場波重頭睇返次
3)
人到中年
不經不覺由當年既鐵人變返做個普通中坑
係時候做返運動兼調理好身體
大家都要愛惜身體
6 comments:
唔多鍾意雲尼亞里
戴倫賓特值咁多-.-?
希望真係唔賣卡路爾
巴頓呢排係打得好
不過始終脾氣唔多好
況且打國家隊又易傷
唔入咪唔入囉
場波小弟睇左上半場
雖然公民追到1:3
不過都除左上半場尾段外
南華都係練波咁練
估計都無咩驚喜啦
又多功課做
咪熄鬼左佢
點知下半場驚天大逆轉-.-
有fd話英雄輝打得好差....
p.s.
網主無事阿ma?
版主年紀唔係好大,
未到中年,
我都唔認老,
仍然當自己廿七八歲,
你點可以認做中坑啊,
最近又話流感高峰期
保重身子啊...
我覺得卡比路值得俾機會祖爾巴頓,仲有路蘭
佢地兩個唔差得過雙特,巴利或卡域克,
卡比路選個麻煩友入國家隊一次半次,
咪當作鯰魚效應
刺激下果班大牌少爺兵國腳都好啊...
因為星期日要去學校家教會旅行
所以我都冇睇公民如何反勝南華,
睇唔到羅神黑臉個樣
可惜啊
小弟星期四入左廠做個小手術，暫時未知幾時可以返屋企，由於要爭取時間休息，暫定農曆年先會再次出post，唔好意思！
身體要緊
好好休息
保重身子,
為你既康復代禱.
To: 舒利亞 & sammysir
多謝關心
康復中
不過傷口一直都仲係幾痛下
(其實留院期間
就算打埋止痛針都冇咩用......)
由於要執埋盤數既手尾
聽日唯有開始忍痛返工
希望自己會頂得順
6個字:精神超越肉體
p.s.:
1)
遲下再同大家講波
2)
記得買Keymansoho
多謝支持
Post a Comment