朗肥忽然hea碧上身
曼城輸波其實非戰之罪
想講既其實係文仙尼既排陣同埋調動
為左睇住蘭尼
而搵薩巴尼達客串左閘
搞到要高拉洛夫被迫踢前一格
倒頭來兩個既發揮都係水準以下
蘭尼亦如常入波
失敗!
而占士米拿留守中路助攻助守
但幾近隱形
又係失敗!
迪施高入場後
最初估佢既作用應該係牽制曼聯中路防線
以解放泰維斯出任另一個自由人
點知波斯尼亞人最多時間出現既竟然係曼聯既禁區頂
如其靠佢搏腳做二傳
倒不如直接搵佢去強攻
失敗中既失敗!
既然有齊迪施高,泰維斯同埋大衛施華咁堅既兵器
文仙尼又咁驚輸而要出齊3個防中
米卡李察士同埋高拉洛夫又出名出擊力強
4-3-2-1陣式真係fit晒曼城
文仙尼咁都唔肯行返國米條舊路
真係好懷疑佢個腦係用來裝草
一個只係識chok樣既領隊都唔知有咩用
2 comments:
琴晚出左街
番到屋企先記得曼市打比
一開已經見到朗尼同人握手完場= =
文少帥功力小弟就從來都唔懷疑
因為不嬲唔覺佢勁
小弟真係覺得佢份工打唔長
而琴晚有睇既
當然係愛隊作客布力般
可惜前線把握力真係極差
加埋十幾次射門都入唔到波
下季買前鋒真係必要
To: 舒利亞
其實艾殊利一心唸住賣走卡路爾
好應該做定兩手準備
同步斟定替補人選
Post a Comment