1)
保亞斯落實接手車路士
Comment:
行摩連奴舊路
會唔會有佢咁成功
甚至超越佢做到4冠王咁堅
關鍵有三點:
一係佢點樣改車
佢應該會以4-3-3陣式為基本
但個別位置就肯定傷腦筋
後防方面
兩個巴西中堅都唔見得特別可靠
如果伊雲洛域移入中路
右閘又只得不復當年勇既保辛華可供選擇
中場方面
如果多左摩達歷或者莫天奴
艾辛只要唔離隊
就一定係主力踢防中
不過以佢既身體狀況
唔可能捱足一季
有必要再搵多個防中做佢替補
而前線先最傷腦筋
點樣同時安置杜奧巴以及托利斯兩人於3箭頭陣式
已經夠佢煩
萬一法卡奧,伊度奧或者盧卡古都上埋車
塞車情況只會仲嚴重
馬路達,卡奴,施哥夫史杜歷治以及安歷卡可以幫手側擊
其實仲岩佢用
不過上述5人會唔會因為要求更多既出場時間而離隊
就好成疑問
二係老化問題
車仔近年唔係冇新仔
不過係唔肯用新仔
如果情況持續
買入又賣出個別有名氣既球星之後
球隊既板凳深度仍然比唔上曼聯同埋曼城
佢肯唔肯用新人
以及有冇吉士說服油王俾佢用新人
將係長遠將球隊年輕化既關鍵
三係佢夠唔夠陰濕
佢既強項係戰術同埋激勵士氣
但佢始終冇太多同一級領隊長期交手既經驗
當中費sir, Ken Kenny, 雲加
以及歐洲大球會包括摩連奴在內既個別教頭
隨時有本事同埋經驗陰乾佢
2)
曉頓落實接手伯明翰
Comment:
曉頓於紐記既45萬鎊年薪
麥利殊當日亦只係80萬年薪
重返英冠既伯明翰搵前者接手真係會合乎預算
佢教波唔算好叻
不過伯明翰既人腳以及簡單踢法
同佢真係 perfect match
只要球員跳船情況唔嚴重
佢地應該會係爭取直接升班既其中一個熱門
3)
尼馬被傳已同皇馬達成協議
Comment:
佢去歐洲發展向來只係時間上既問題
而家幫山度士羸埋自由盃
走得安安落落
不過萬一甘素真係好似傳聞咁講1月過檔AC米蘭
山度士既銀行戶口多左好多個零既同時
中前場就肯定散晒
復興之路又要從頭來過
4)
羅馬落實以1000萬歐元買斷波里路
Comment:
安歷基上任後可能會主打 4-3-3 陣式
波里路岩晒打正箭頭
即將加盟既保贊主打側擊亦唔會陌生
不過托迪既定位
以及胡仙歷既去留
怕且會係佢上任後既最大難題
No comments:
Post a Comment