1)
曼聯被指將於1月放棄貝碧托夫以及古斯錫
而卡鍚,亨特拉爾,迪奧迪同埋蘇保迪都被指係增兵對象
Comment:
雖然狀態低迷既卡鍚有一定質素
迪奧迪今季於紐記又有水準表現
不過曼聯而家無論翼鋒同埋防中都過剩
買來都冇用
況且迪奧迪都表態唔唸住離開紐記
至於亨特拉爾同埋蘇保迪就真係幫到手
當年3冠王年代費sir有4大射手選擇
但而家除左朗尼同埋小豆
就只有仲未於大波證明實力既韋碧克
奧雲,hea碧,馬捷達同埋馬美迪奧夫都唔係費sir杯荼
佢想要埋亨特拉爾既報導絕對可信
另一方面,費sir雖然已買史摩寧同埋鍾斯
不過維迪以及里奧費甸南都係已經3字頭既腳患馬
伊雲斯既成名絕技李三腳又無助佢成為出色中堅
費sir出遠買多個中堅亦好正路
2)
阿仙奴被指將於1月為後防增兵
當中高路托尼以及禾漢頓都係傳聞人選
Comment:
高路托尼雖然已經不復當年勇
不過佢因為俾曼城要求賠償150萬鎊而反面
雲加搵佢回巢既出價應該唔使好高
而佢幾有經驗又可以踢中堅,右閘同埋防中3個位置
岩晒後防成日天殘地缺既兵工廠
3)
利物浦既被指同車路士爭奪利雲度禾斯基
亦同洛雲以及捷禾扯上關係
Comment:
捷禾人工高但越來越冇料到
洛雲又唔夠硬朗
仲要對上一個於英超有料到既克羅地亞中堅已經係比歷
兩個都唔係特別好既選擇
4)
文仙尼表示只要泰維斯肯道歉
就準備就俾機會佢上陣
Comment:
既然戰績證明隊波冇佢都掂
真係唔明點解要留住個唔知幾時會爆既計時炸彈
而文仙尼之前搞左咁大場大龍鳳
但態度又忽然軟化
俾你係曼城球員又會點唸?
5)
紐卡素被指準備於1月再次出價收購派達斯
Comment:
如果紐記買到佢
賴恩泰萊肯定要退位讓賢
不過佢或者大衛辛頓都有條件取代丹尼森遜既右閘位置
如果維拉真係肯俾400萬鎊簽佢
而家更有理由相信紐記會願意放人
p.s.:
1)
1號當然又係買Keymansoho既時候......
2)
而家關於紐記既話題
唔係佢地點樣強勢又或者追到落後曼聯1分
而係佢地幾時長路有盡時
今日有同事話今季啲波咁出人意表
紐記隨時衰俾隊魚腩
不過小弟始終覺得以紐記現時既強勢
可以打破佢地既不敗之身大抵只得幾隊強隊
月中兩度作客曼徹斯特市球隊怕且應係時候
段估到時丹巴巴亞唔會好似尋晚上半場於禁區有咁多空位埋門掛
4 comments:
已買了KEYMANSOHO,
今期內容豐富,封面唔錯
主題講本地外援,仲有介紹荃灣,好睇,抵買
紐記而家有些似當年摩連奴時代既車仔,
亦有些似在英冠時既氣勢,
雖然隊波在板凳及進攻組織上仍有很多不足,
不過場場可以穩中求勝,
同埋有高度集中力,
都真係唔可以再挑剔了...
就算在11月真的要連負三場,
都冇乜好埋怨...
史篤城真係好似有些疲態,
雖然佢地既球員好多都有打世界盃同歐戰大賽既經驗,
但要應付兩條戰線果然好艱難
車仔昨晚歐聯WIN唔到,
近況好似真係好差,
原因不明
辛頓落場踢兩腳
已經比森遜好得多
都係果句
森遜唔差
但絕對唔突出
反而賴恩泰萊打左閘位一場比一場好
不敗絕對係出人意表
當然作客曼市雙雄
以及其後再對車仔
地獄到咁既賽程
拎到一分已經好開心
或者到時攞分既武器
唔係一對箭頭
而係卡比耶既遠射
或者係賴恩泰萊既死球
當然更重要係隊中既荷蘭鋼龍
To: sammysir
1)
紐記有邊方面似摩連奴時代既車仔?
2)
丹巴巴亞雖然已經入左8球
不過當中包括兩次 hat-trick
反映佢既入球分佈好唔平均
不過自從佢踢賀芬咸以及韋斯咸
這個問題已經存在
而紐記而家入左15球
一對箭頭竟然加埋佔左11球
反映中後場既火力其實只係一般
3)
史篤城今季於英超以及歐霸既表現其實唔太差
主場對列強既成績仲絕對見得人
不過後防對紐記嗰場真係平比時鬆散得多
4)
車仔尋晚擺明留力
加上大衛雷斯唔入12碼
先贏唔到波
不過佢地近來戰績不濟
主因其實係後防唔掂
不過這個問題已經困擾左車仔超過一年
肥安上季只係搵件大衛雷斯
當然搞唔掂
不過保亞斯接手後
連艾辛都打埋柴
偏偏佢又只係從巴塞搵件牛奶咀補數
就令問題更加嚴重
p.s.:
今期因為稿擠而唔使交稿
遲下就有單嘢可能搞得成
不過因為仲未成事而要保密
但保證驚險指數爆燈
上星期六佢地原本搵小弟
跟傑志球迷會去廣州撐恆大
順便報導雙方球迷會交流既嘢
不過因為返工時間唔夾而未能成事
To: 舒利亞
1)
告魯爾應該係今季直到目前為止既最佳龍門
2)
卡比耶既遠射同埋賴恩泰萊既遠射
其實都唔算係咩嘢秘密武器
3)
小弟prefer辛頓踢左閘
賴恩泰萊就移去右路
當然如果1月多埋派達斯就唔同講法啦
Post a Comment