想講兩場英超......
1) 紐卡素對車路士
只講調動
柏度輸到仆直
林伯特射失12碼兼冇腳好波
保亞斯話知佢係老二都換走佢
紐記邊個踢得最屎?
佩治送死咁俾杜奧巴ko
不過怪佢就不如怪紐記高層慳錢慳出個大頭佛
講令人扯火遠不如奧巴坦
條友波底唔好但超鍾意上腳
俾波冇創造力兼成功率低
比當年既尼索比亞更加似係足球黑洞
相反盧雲卡蘭斯算係紐記比較好既一個
至少俾個幾腳好波之餘
就算下半場去唔擅長既左路發展都交到貨
而佢體力下降既情況亦唔算嚴重
除非佢有咩暗病傷患不為人知
否則真係俾柏度既調動吹到啤一聱
2) 韋根對阿仙奴
哥斯尼客串右閘既表現絕對在佐羅同埋贊堅臣之上
至少波底好啲
有餘力開上前線助攻
不過一隊除左養傷中既沙格拿就再冇其他正宗右閘
既然哥斯尼已係第三個俾雲加捉去客串既中堅
教授下次不如試下用費明邦或者高基連
佢兩個至少比嗰幾個中堅靈活同埋跑得
話唔定佢地會係另一個費文尼
p.s.:
蘇古迪斯英年早逝
佢係森巴82同埋86嗰兩隊超級技術型球隊既隊長
波齡淺啲既如果唔知佢有幾勁
不妨睇下以下兩球波:
http://www.youtube.com/watch?v=Vkq4fVKzibY&feature=related
http://www.youtube.com/watch?v=Ck6swtUa1Ok&feature=related
4 comments:
同意奧巴坦廢
完全唔明點解佢有正選位
我知果個位隊中暫時唔算多人選
咁你不如加多少少錢買件岩用d既貨啦
買左仲衰過無買
知隊波打得唔差
甚至有能力唔洗輸
無運之餘
大衛雷斯一開波果球無紅牌真係r哂頭
宜家唔只輸波
兩個中堅一齊傷
諗起一個笑話
成日有fd話一對中堅無一個都死
有咩慘過死?
緊係死兩次
兩個一齊無左
唔知點算
To: 舒利亞
1)
雖然紐記鬧中堅荒
不過聽到既傳聞仍然係攻擊球員
2)
根據柏度所講
球證唔直接罰大衛雷斯出場
係因為佢覺得丹巴巴亞當時仲未算控定晒個波
紐記當晚射門都算多了,
冇運都冇計
而家三個中堅都傷
當初唔買中堅而家真係捉虫
希望Williamson同高洛仙尼快唔好傷咁耐,
SIMPSON好似都可以打中堅,
但如果佢同PERCH一齊打中路位置,
又真係唔可以俾人有安全感,
或者用新仔KADAR頂住一下先,,
起碼都算正宗中堅同埋有少少一隊經驗,
當時82年自己既年紀太細,
睇世界盃都只係睇精華
但我對蘇古迪斯入果兩球都仲好有印象,
82年佢同薜高,科高,伊達,施里蘇等人真係好勁,
可惜分組賽都係輸俾意大利2:3
86年既蘇古迪斯既狀態已經差左,
跑動都冇咁快,
不過都仲有正選
94年佢弟弟萊爾反而幫巴西捧世界盃...
記憶所及,蘇古迪斯都好似曾經來過香港...
p.s今期keymansoho以教頭做主題,
內容很專業,
更耐看..更有可觀性
排版設計更加講究,
小黑既讀者來信又有好多資料提供,
寫得好好,
感覺上今期是自復刊以來最好睇既一期...
繼續努力
To: sammysir
1)
森遜同埋大衛辛頓都可以客串中堅
但出任中堅既經驗就唔及牛奶咀卡達
而以柏度咁保守
就算預左出事
佢最大機會都係繼續用佩治去送死
2)
蘇古迪斯真係堅勁
長傳同埋後踭俾波都係一絕
而佢勁得來唔獨食
夾住薜高,科高等人真係超有欣賞價值
不過佢既體力向來平平
可能同佢少操體能兼又煙又酒有關
3)
86年既巴法大戰
蘇古迪斯就係有份射失12碼既其中一個巨星
4)
蘇古迪斯曾於83年跟巴西明星隊訪港鬥精工
5)
萊爾同蘇古迪斯一樣都係巴西國家隊隊長
前者雖然都幾勁
罰球仲勁過阿哥
不過於國家隊發展一般
但偏偏有捧盃命
佢於94世界盃頭兩場波原本仲係正選進攻中場
不過因為表現平平
令彭利拿索性收起佢用雙防中陣式
最終鄧加得以隊長身份捧盃
p.s.:
sammysir估到小弟就係'鍾黑'!
勁!
Post a Comment