1)
紐卡素落實同告魯爾以及高路仙尼續約
佢地近日亦同幾名球員扯上關係
當中包括保羅普巴,B.Corgnet同埋A.Nicki
Comment:
紐記總算氹到告魯爾續約
就算將來佢真係繼續成為熱刺既挖角對象
嗰價都可以叫高啲
另一方面,睇過保羅普巴踢盃賽既表現
又唔覺大大隻隻既佢真係特別勁
至少當年初到兵工廠既韋拉肯定勁過佢
唔明點解咁多隊波都打佢主意
仲要通通都係名牌
2)
西班牙傳媒指皇馬有興趣引入雲達韋爾
Comment:
摩連奴一直有唸過將沙治奧拉莫斯移入中路
只係年幾前帶唔走舊部屬馬干
而家無論艾比路亞抑或艾比奧爾既表現都唔合佢心水
佢應該仲會想買右閘同埋中堅
不過一來同當時人傳得最勁既始終都係華倫西亞
二來於南非世界盃後其實冇咩大進步
唔多信摩連奴真係睇中這名荷蘭右閘
Comment:
利記上半場羸唔到係冇運
下半場贏唔到之餘仲臨尾香就抵X死
以前睇達寧踢米堡同埋維拉
已經覺佢幾場好波先得一場好波
既然上場對卡迪夫城忽然好波
今場已經預左佢又冇料到
加上杜sir繼續為左安置另一契仔軒達臣而擺佢於右路
但問題係一個速度,盤扭能力同埋斬波都唔特別醒既人
於右路既威力其實唔好得過當年既加利仔幾多
更奇既係古治忽然正選但又忽然要踢輔鋒
唔多適應又係預左
不過上半場整體發揮尚算正常
史比寧算係踢得唔差
雖然個別攔截略嫌過火
不過至少壓制到兵工廠幾名技術型中場
令利記個勢真係唔差
羸唔到只因羸唔到施捷斯尼同埋佢既好朋友
但問題係當下半場戰局冇咩好轉
杜sir拖到臨完場前先變就好有問題
結果成個利記下半場只有兩次攻勢特別有威脅
不過都俾馬田基利浪費晒
佢勤力有餘,質素不足
未來無論於球會同埋國家隊既發展都應該會俾格連莊臣食住
成隊兵工廠踢得比較好既其實只有施捷斯尼,沙格拿同埋尹佩斯
後者又入世界波真係唔奇
不過其實加歷查兩次走甩佢都要負上好大責任
既然穩健先生既平均分已經由6.5分下趺到5分
艾加又出名多傷病
及早俾多啲機會高亞迪斯可能先係上策
不過而家既杜sir無論用人同埋變陣仲慢過當日既賓尼迪斯
要等到佢變都要特別有耐性
而家輸埋場6分波大戰
打少兵工廠一場但少10分
已經有晒心理準備連續3季缺席歐聯
就算季尾做到雙冠盃仔王都冇用
4 comments:
總算同兩位正選傾掂續約
而吊高來賣既森遜
真係唔介意佢走
成場波都佔優既利記
最後輸埋真係幾可惜
唔知咁講會唔會簡單得濟
但係理論上只要mark實雲佩斯
阿仙奴真係已經無咩入波既能力
偏偏又係走甩左雲佩斯
仲要係兩次
聽人講杜格利殊今場好有問題
更加有討論區fans叫佢下台
小弟都同意其實佢今季既表現唔算太好
之不過球隊始終贏左個盃仔
係聯賽參加下季歐聯又未去到絕望
咁早叫佢走又真係過份少少
To: 舒利亞
1)
森遜真係平庸到爆
已經見晒底
賣佢套現好過
2)
利記似係輸俾尹佩斯同埋施捷斯尼
而唔係輸俾兵工廠
3)
對利記入唔到前4已經有晒心理準備
p.s.:
紐記對黑貓場波好刺激
老味神就係咁估佢唔到
佔優下贏唔到波有少少失望
不過又俾老味做番次英雄
仲要臨完場先入
真係幾熱血
不過卡比耶已經連續兩場幾沉下
希望只係坐左幾場波監而未回態
To: 舒利亞
卡比耶今場咁沉
可能同自己要踢太公波有關
Post a Comment