2012-4-24
巴塞今季多左踢3名後防
對AC米蘭時更曾經以3-3-4陣式應戰
丹尼爾以及艾迪安奴都係攻強守弱
隊友就算再勤力都有時難免補唔初位
後者雖然可以踢晒兩邊
助攻力以及活力都好過大佢幾年既艾比度
不過最重要既防守能力偏偏唔合格
對皇馬一戰輸既兩球佢都有啲責任
今晚巴塞再鬥車仔
避免好似上場咁中路塞車
加強側擊係合理調動
不過兩閘亦隨時再次成為車仔既偷襲目標
萬一碧基趕唔切傷癒(抑或解凍)
再失制空權就仲大鑊
就算當杜奧巴傷左唔踢得既煙霧係堅料
車仔除左A高以外既後衛都係頂得之人
09年利記於歐聯都係咁而俾佢地頂死
巴塞如果要晉級
關鍵點都係美斯
從未對車仔入波既數據係死既
事實上上場車仔既所謂死守其實唔算特別出色
唔使失波點都因為啲運仔
上場輸俾皇馬
哥迪奧拿既排陣要負上好大責任
忽然要新仔孭重飛對佢地好唔公平
如果成日都有超新星
美斯就唔會係佢口中既球壇佐敦
所以失準都唔怪得啲細路
不過哥帥咁做都無非係留力今晚
只要調整幅度正確
巴塞就算形勢輸蝕都仲有生機
p.s.:
公民力拚下出局
不過拚勁真係攞晒100分
輸波都收貨
Subscribe to:
Post Comments (Atom)
5 comments:
睇完兩場歐聯準決賽精華
非常精彩,
特別係車仔對巴塞的對決,
皇馬同巴塞都為了爭奪西甲盟主,
弄到元氣大傷,
雙雙出局,
當中以巴塞出局略為欠運,
皇馬明顯後勁不繼,
歐聯決賽明顯睇好拜仁,
以一個紐記FANS以而,
當然不想車仔奪取歐聯而令紐記完全無機會踢歐聯,
亦想利記取得雙料冠軍令杜格利殊繼續留任,
因此主觀願望同客觀事實加埋,
都有理由相信車仔只會得雙料亞軍,
下屆改爭歐霸,
起碼更加容易替油王取得第一座歐洲獎盃,
也算係咁啦..
唉
隨住哥帥正式宣佈離開
夢三應該迎來終結
下季無論戰術或者球員都應該會執一執
最明顯係後面
佩奧爾真係年事已高，今季好多次俾人技術性擊倒
VV亦欠穩，唔少比賽成為失分關鍵
沙維亦都唔可能再不停踢足全季
To: sammysir & 舒利亞
出場歐洲賽既賽後感
p.s.:
你地會唔會去睇紐記踢7人賽?
七人賽係咪可以臨場買飛
因為仲未知到時得唔得閒
To: 舒利亞
星期五晚免費
不過嗰晚只有幾場元老賽賽事
星期六同埋日既飛加埋好似埋$200
單日就好似賣$120
我近年多數只睇星期五同埋日
次次星期日臨場買飛都買到
Post a Comment