南韓最終保得住銅牌
大抵係多得自開賽以來一直出色既防守
同埋忽然略嫌過火但有用既硬朗攔截
相反日本始終埋門一腳平平
絕對同佢地既組織能力唔同level
決賽方面
墨西哥表現其實唔算太突出
最叻都係拖慢比賽節奏
只係巴西實在太不知所謂
今次就輪到拉菲爾達施華發波瘟
平時睇佢踢曼聯只覺佢因為貪勝不知輸而失位
估佢唔到既係條友會學人玩波
丹尼爾,馬干,卡富以及佐真奴等前輩好波過佢咁多
但都踢得實際過佢
尾段仲要同隊友嘈交就更係連品都輸埋
丹尼爾出幾成功力都夠做14年世界盃正選
但更大問題係文尼施斯講明這隊奧運隊係14年世界盃既班底
防中雖然有好人選
不過後防中路只有堤亞高達施華比較似樣
而唔知係佢既隊友太過無間道
抑或係佢帶唔起啲隊友升呢
整體效果只係一般
考慮到其他中堅人選現階段都只係二打六
就算未計中前場幾個所謂新星既化學作用比預期差
單係防後已夠文尼施斯頭痛
2 comments:
係真係幾失望
諗住巴西粒粒皆星
應該夠贏有突
點知攪到好似墨西哥先係強隊咁
拉菲爾固然係差
其實成隊都無咩邊個話特別好
雖然侯克臨尾入番粒
但係佢腳下功夫真係差到驚人
見佢帶波真係完全睇唔出會有咁多強隊爭佢
而傳到好火熱既奧斯卡
亦唔見有何出眾
1)
巴西中前場多好波之人
防中亦有唔少好材料
只要多啲時間去夾
應該會有改善
相對於後防冇咁令人擔心
2)
侯克於波圖同埋國家隊都偏右搵食
其實佢無論速度同埋技術都咁一般
單靠力量可能比較岩踢中路
但佢既埋門一腳可惜又係平平
如果車仔以及搵佢就可以取代杜奧巴
倒不如寄望今季外借西布朗既盧卡古
Post a Comment