米堡對維拉
過程亦係令人意外
而主隊既表現係好令人失望
(事實上同位於東北部既紐卡素同埋新特蘭都令人好失望)
修夫基似乎唔擺得好耐
小弟估就算佢最終就算唔使炒
佢地既主席都可能考慮會搵雲拿保斯做修夫基既助手
講返場波
佢地今場改以 4-5-1 陣式應戰
端基幾令人意外只係後備
而收回己用既莊臣就反而有正選踢
佢地最初面對客場成績甚差既維拉
係踢得幾主動
但冇左艾卡既米堡真係等如被廢左3成功力
開波初段既唐寧突破越位但射近柱被卡臣撲出
已經係初段(甚至全場)最有威脅既攻門
上半場中段起
客隊維拉就慢慢唔同米堡客氣
終於臨完半場前
卡維純技術擊倒韋達
佢大腿一控,再轉身抽入
為客隊先開記錄
下半場開波初段
佢地亦係預期會還拖
不過卡達莫一下好低級既解圍失誤
令米堡又輸一粒
之後小弟就見到成條防線近乎散晒
只有右閘楊格仲係正常既
(佢同右中場奧尼爾係成場波踢得比較似樣)
艾邦拉賀有最少3次黃金機會
如果唔係楊格由右面包到左邊
如果又唔係艾邦拉賀羸到韋達但羸唔到門柱
佢一定唔止入一球
而維拉最終一定唔止輸3粒
睇返成場波
米堡其實冇咩能力破關
冇左米度,艾卡同埋端基
攻力真係差好多
就算落後既時候換入洛查碧克同埋克捷臣
都冇咩幫助
前面入唔到波最多冇波羸
但後面唔掂就只有等死
活基治今場既表現在水準之下好多
輸第3球明顯係輸佢同埋舒華沙
後面既韋達於失守後就越踢越走樣
最慘既係球隊冇咩好貨色可以代替韋達
最好既已經係長期傷兵侯夫就已經知大鑊
輸波其實係佢地尋晚既唯一合理結果
佢地應該慶幸尋晚只有保頓爆冷羸曼聯搶到3分
其餘護級既難兄難弟都係輸波收場
不過佢地已經跌到尾4
僅以1個得失球差力壓新特蘭
佢地究竟仲有幾多路可退?
Subscribe to:
Post Comments (Atom)
3 comments:
只有一句說話：「東北部球會既大危機=.=」
三隊都好大鑊,希望三隊最終都吉人天相啦......
至於我隊米堡,看來將普加迪斯移番入中間才能解決問題,或者再用傷愈的候夫......
其實侯夫舊年打果十二場有幾場打得唔錯.....
可惜太易傷.....
3隊波當中
米堡同埋新特蘭都有降班危機
小弟覺得米堡最大既弱點就係修夫基
佢既排陣同臨場應變只係一般
當中同經驗有一定關係
因為真係冇幾多個做領隊既天才
不過最衰係佢冇火
帶隊波開季到而家都死氣沉沉
我覺得佢地既主席吉遜
真係要考慮搵雲拿保斯從旁協助修夫基
另外,佢地季中既增兵除左買前鋒之外
都要睇下買唔買個中堅
而新特蘭人腳雖然比米堡更參差
但佢地除左對韋根,利記
同埋前日既愛華頓之外
冇一場係特別差既
起碼做到輸波唔輸鬥志
而佢地既領隊堅尼起碼有領袖風範
能夠感染到球員
一場大敗一定唔會就咁打沉佢地
小弟夠膽講佢地一地可以
從星期六輸1:7既陰影走返出來
只要佢地1月搵到好中場
小弟對佢地成功護級既信心
比米堡更大
Post a Comment