1)
想同 Big Sam 講幾句好話......
紐卡素踢成咁
Big Sam 同埋球員都有責任
唔可能怪晒佢
講真教幾個月波就要證明晒實力
有時都好好好好苛刻
佢之前教保頓前後差唔多8年
都係後期先有料到
就算今季係佢於紐記既第二季
我都未必贊成季中炒佢
何況只係佢既頭半季
其實新手上任唔代表即刻會有好成績
有既話只係 bonus
時間會證明佢既領軍能力
坦白講
紐記自從冇左波比笠臣都衰左幾年
不妨信埋 Big Sam (最少)今季
而家只係聯賽踢得唔好
就算最終冇歐洲賽資格
咁最多等多年
聯賽盃出局係因為抽下下籤對阿仙奴
足總盃又未踢
邊個夠膽講紐記會踢得差
講買人
佢係有入錯貨
但禍害程度同巴布爾,保桑以及盧基無得比
而佢仲識得踢走巴布爾,巴巴耶路等廢物
已經同路達以及桑拿士高下立見
教波唔同打機玩足球經理
排錯陣唔可以 'save and then reload'......當冇事發生過
領隊係要負責
但有邊個領隊未試過排錯陣
講真紐記陣容係仲有改善既空間
亦即係表示球員都未夠好
而球員反對 Big Sam 既聖誕集訓決定
唔理球隊劣勢都掛住玩
而家玩到個心都散晒
真係爭唔落
咁要努力既即係唔止 Big Sam 一個
如果做得唔好就要即炒
奧雲,巴頓同埋卡卡巴......都應該要同時炒埋
2)
羅辛奴表示有信心紐卡素於季尾可打入前6
3)
朗拿度個老豆爆料佢個仔想於1月返巴西落班
佢想走之餘
其實好多球迷都想佢走
有球迷搞網上簽名要求 AC米蘭賣走佢同埋迪達
4)
雲加表示如果列文搵到合適既新球會
可以於1月離隊
另一方面,佢老人家澄清碧咸只係跟操
而唔會以借用身份加盟
5)
皇馬同巴塞隆拿等未出齊糧既球會
如果唔可以於限期前找數
將被禁止於1月作任何球員買賣
6)
馬菲泰萊被傳以500萬鎊既價錢轉投保頓
但佢地未賣安歷卡之前邊有咁多錢買人呀?
7)
拉爾拿強調冇意思轉投馬體會
8)
愛華頓被指向雷丁出價300萬鎊買史堤芬亨打
9)
比安基被傳以800萬鎊既價錢轉投馬體會
10)
阿仙奴小將馬利達被傳以借用身份加盟皇家蘇斯達
11)
利雲特既球員由於已經有幾個月無糧出
西班牙傳媒指佢地可於短期內單方面同球會解約
12)
前紐卡素中場羅拔被傳以自由身加盟葉士域治
13)
富咸宣佈搵到鶴臣接手
6 comments:
其實我地都係想隊波成績好。始終近幾年最勁都係去到第七，無哂當年果種feel。big sam本來係我地既希望，可惜大家太急想見到成果，所以好多fans宜家都好唔happy。我都相信big sam將來帶到我地有好成績。既然都等左半季，咁等到季尾睇下有無起色先囉~反正琴晚對車仔又打得唔錯，輸得真係唔抵。
埸波等埋網主你先講~
To: 舒利亞
Big Sam 段估都唔會而家被炒
因為消息指佢要去處理部份轉會事宜
當中包括'幾可能'賣走艾美奧比
如果係炒佢
搵阿水負責買賣咩
尋晚場波係繼主場對阿仙奴後踢得最好
不過因為球証誤判而輸波
真係好唔抵
詳情聽日講
我都唔同意炒他,雖然對紐記得失望
而家希望球員踢爭氣波,多d走位配合,唔好成日在球場亂咁走來走去而唔知點踢
球迷對big sam要求高同冇耐性,可能以前對桑拿士同路達都係一樣...不過當時我地對佢地兩個冇咁快表達失望就真..但都好似冇俾足夠時間佢地兩個証明實力..
講真路達同埋桑拿士已經有幾多既時間
桑拿士出名冇料
一開始就唔應該搵佢
路達既禍害冇咁大
雖然佢比桑拿士好
但都唔太有料
而佢亦唔夠威信
都係唔會有好下場
相比之下
紐記球迷對 Big Sam
似乎最唔公平同埋冇耐性
雖然佢老人家履歷好,人工又高
但唔可能對佢既要求嚴苛咁多
講真侯利亞最初帶利物浦既時候
球隊表現只係比而家既紐記好少少
但小弟依然好有耐性
因為佢上手伊雲斯太廢
覺得唔爭在等埋侯利亞一,兩年
結果等完都有一定回報
羅拔如果踢 Ipswich, 下季可望升班! 依家仲o係5-7位浮沉...
羅拔因為同葉士域治既首席球探活士好熟
去睇佢地對般尼既比賽
之後領隊麥基頓就提出試腳既邀請
等雙方可以了解多0的
不過前法國國腳馬歷
同埋波蘭現役國腳翼鋒高華斯基
今季都先後參加試腳
都失敗而回
唔知羅拔又會有咩下場
Post a Comment