1)
傳聞指聯絡阿古路經理人既英超大球會原來係利物浦
利記被指打算出價1700萬鎊
另加沙比艾朗素以利誘馬體會放人
2)
消息指紐卡素對哥恩既出價只係250萬鎊
另一方面,佢地被指加入布拉格斯巴達20歲中堅舒治既爭奪
格拉斯哥流浪,愛華頓同埋維拉
亦被指對這名可客串防中既捷克球員有相當興趣
另一方面,艾美奧比成為列斯聯既借用目標
如果佢地下季可以升上英冠
仲會向紐記買斷佢
3)
幾日前烏茲別克球會 Kuruvchi 方面放風想買伊度奧
小弟當時只當花邊新聞睇
連講都費事講
點知而家好可能成為事實
佢已經身處烏茲別克首都塔什干同對方傾緊合作既野
有消息指佢可能於一日內落實以4000萬美元既價錢加盟
亦有傳聞指佢只會短暫效力幾個月
以協助這支當地聯賽冠軍競逐亞冠聯
4)
新特蘭各熱刺出價1500萬鎊買
馬白蘭基(300萬鎊),占邦達(300萬鎊),
泰尼奧(300萬鎊)同埋卡保爾(400萬鎊)
不過後者已率先表明唔想加盟黑貓
另一方面,堅尼亦被指想搵舊隊友沙夏幫手
傳聞既轉會費大約500萬鎊
5)
麥比亞再次被指成為愛華頓既增兵對象
6)
傳聞胡禮菲臘斯將被史高拉利放棄
佢可能以1100萬鎊既價錢轉投曼城
7)
25歲埃及射手A.沙基已於尋日通過體測
即將落實由薩馬雷克轉投韋根
8)
傳聞樸茨茅夫已拒絕摩納哥對卡蘭積卡既1200萬鎊出價
9)
古利被指為左爭取更多出場機會
兼返祖家養老
考慮轉投巴黎聖日耳門
10)
修夫基表明唐寧係球隊既非賣品
11)
積極擴軍既富咸視米堡既楊格為佢地最新一個羅致對象
12)
保羅羅賓遜再次被指成為米堡400萬鎊既新龍門人選
13)
西班牙傳媒指巴塞隆拿可能玩野出價收購羅賓奴
p.s.:
中國足協前日先話唔會陣前易帥
但尋日就宣佈杜高域因為高血壓而未能帶隊踢奧運
而改為擔任技術顧問
只曾帶過 U-20 既殷鐵生就做執行教練
杜高域被升上神枱
近因就一定係佢不滿被高層左右佢點兵
而當住球員面前批評高層
中期原因就一定係10強賽出局
不過遠因就一定係高層由始至終都唔信任外籍教練既弊病
這個亦係中國足球長年一潭死水既其中一個原因
雖然高層同埋本土教練講既野可能有用
但請左個外國教練而又唔信佢
不如唔好請啦
既然中國足球已經衰左咁多舖
其實都唔差在放手俾外國教練試一次
大不了再衰多舖
外行領導內行
都唔知有咩可能會成功
而軒迪克或者摩連奴肯接手中國隊既美夢
相信亦只會越來越遠
2 comments:
其實我估阿古路起既機會唔大。
雖然艾美奧比唔係勁，不過係英甲點都夠哂打啦。
真係估唔到伊度奧會去d咁偏僻既地方-.-
講真，我真係好懷念當年米路天奴域帶隊下既中國。雖然係世界盃決賽週三埸輸哂，不過已經成功創造歷史。不過之後就一年衰過一年。
To: 舒利亞
1)
小弟都覺得阿古路既機會唔大
因為雖然賓尼迪斯一定對佢好有興趣
不過買佢所要付出既代價太大
利記唔多似負擔得起
2)
除左錢之外
小弟唸唔到有咩 make sense 既 pt
可以解釋點解伊度奧肯去烏茲別克搵食
3)
米路天奴域當年教既中國隊
都依然有好多問題
只不過米路識得同球員醫心理病
加上最驚既兩大競敵日本同埋南韓做左主辦國
冇同中國爭入場券
中國先有得入圍
Post a Comment