1)
謝拉特既傷人案只係交俾治安法院處理
由於佢地只係有權判犯人坐頂多6個月
因而有專家估計佢幾乎肯定唔使坐監
案件將於23號開審
而佢已經重新投入球隊既操練
2)
紐卡素被指有意思用奧雲同國米交換蘇亞素
而由於比耶要抖6至8個星期
紐記再次被指有興趣向錫菲聯收購拿夫頓
另一方面,紐記亦被指依然想羅致19歲中場新星戴夫
不過列斯方面已再次表示唔準備放人
3)
消息指高路托尼已向雲加要求離隊
遠因係今季唔受重用
近因就係 Boxing Day 當日同加拿斯炒大鑊
不過佢既離隊要求已被拒絕
但亦有版本指雲加可能因為財政因素而決定俾佢離隊
因為一直有傳聞指曼城願意以1000萬鎊收購佢
而高路托尼既年薪亦高達350萬鎊
另一方面,阿迪達同埋塞內加爾後衛迪亞加迪都被指成為兵工廠既增兵對象
身為拖肥糖中場大腦既前者值1200萬鎊
而效力基輔戴拿模既後者就值1000萬鎊
而有消息指艾沙維願意減人工以增加佢加盟兵工廠既機會
4)
贊拿斯成為最新一個同皇馬扯上關係既英超兵
而拿玻里既阿根廷翼鋒拿維斯亦被指成為皇馬既羅致對象
另一方面,雖然再有西班牙傳媒指皇馬已同C7簽左加盟協議書
不過當時人已經作出否認
5)
迪科爾被樸茅標價1500萬鎊
6)
前打呲郡領隊戴維斯出山接手森林
7)
迪亞歷辛度同埋賓艾化都被指成為車路士既增兵人選
8)
Lech Poznan 既中場史天歷被指成為些路迪同埋愛斯賓奴既羅致對象
不過這名21歲波斯尼亞中場已表態希望加盟前者
9)
路爾斯加西亞被指成為熱刺既借用目標
10)
燕豪芬被指打算向熱刺重購高美斯
p.s.:
好開心知道方大同首度羸得'叱咤樂壇男歌手金獎'
證明唔靚仔,但有實力既人都一樣可以有運行
雖然膚淺既人依然通街都係......
11 comments:
如果高路托尼真的要走 我會覺得可惜
若無記錯 他曾是場埸無休而又表現好的
只是非洲盃??後不知怎的忽然水準下降
我始終欣賞他多過施維斯達 更不想再換人
Ps:
致網主
正考慮若進不了埸 就不揚聲
免給你曉以大義
致舒利亞
大家努力朝着目標進發 我們成功後再分亨
預祝你順利升中六
To: 路斯基
小弟覺得倒不如踢走加拿斯
因為佢已經衰格到冇朋友
08年初既非洲盃後
佢先患痢疾
之後又經常受傷患困擾
而高路托尼今季唔受重用明顯同後者有關
小弟都覺得高路托尼比施維斯達可靠得多
如果雲加先賣走加拿斯
再補充一至兩個有質素既後衛
俾條防線高路托尼話事
似乎先係上算
p.s.:
從來冇唸過唱妳......
不過妳都係先唸清楚想睇咩
同埋幾時有假先啦
近幾年雲加既決定一直惹爭議,唔通人老就會變成咁?
奧雲換蘇亞素，其實都好既，唔係佢季尾唔續約真係咩都無。不過小弟就質疑個機會有幾大。
Delph真係唔錯，有唔少足球雜誌都介紹過佢。更有某d雜誌冠以新謝拉特之名~
拿夫頓就未聽過~
To: 舒利亞
1)
雲加近年真係有唔少決定令人莫名其妙
買人頭重尾輕,
上年調高路托尼踢右閘,
又或者近期唔肯放棄加拿斯......
都令人幾意外
2)
而家又有傳聞指國米想用阿祖安奴去換奧雲
3)
戴夫似乎真係唔錯
不過究竟只係戴亞同埋贊拿斯之流
抑或真係勁到有謝拉特影子
就依然有待觀察
4)
未聽過拿夫頓?
小弟以前肯定簡單介紹過佢
不過當時未搵到中文譯名
所以只寫佢既英名
可能因為咁而令你以為未聽過佢個名
致舒利亞
估唔到e家仲有咁年輕既紐迷
我之前仲以為我細你地好多...
你要加油
唔會令自己日後後悔
P.S 我今年中六, 大你一年.
致Blacky 網主
你覺得方大同羸得'叱咤樂壇男歌手金獎'
係實至名歸???
係小弟既心目中
張敬軒比方大同更值得囉叱咤樂壇男歌手獎項
To: 馬田斯
1)
於小弟此等中坑眼中
你同舒利亞都只係一個小朋友
2)
如果張敬軒羸
小弟都會開心
因為都係 sell 才華而唔係個樣
實情係小弟比較仲鍾意張既歌多0的
小弟之前於電台工作
仲試過趁播新聞既時候
入直播室搵佢簽名同埋影相
不過張今年似乎冇咩 hit 歌
數得出只有3首
而叱咤個傳統成日捧唱作人
方大同羸唔見得好爆冷
3)
有機會可以問下利迷'死佬'既意見
(不過佢忙於照顧初生既仔仔
唔知仲有冇時間經常睇小弟個 blog)
佢識好多唱作人架
可以順便問佢意見
1)想不到舒利亞同馬田斯兩位紐迷原來是中學生,
我都好喜歡同中學生談話,
起碼唔駛永遠都對住12-14歲以下既小學生,
令自己既思維都好似冇成長過
2)贊拿斯根本唔夠班踢皇馬,
佢能在熱刺立足,
都只因為熱刺有一對翼同埋之前既羅比堅尼加貝碧托夫夠強勁,
所以就掩蓋到以贊拿斯為首既熱刺中場的不足
3)我覺得謝拉特單案件最後應該會是罰下款就算,
可能這些事情在紐記實在發生太多,
因此我又唔覺得會對球隊既影響會太大,
最多暫時冇得做隊長,
同埋等球隊趁機在踢法上唔好咁倚重謝拉特一人.
4)今年真的好少好歌,加上我自己又好少聽歌,
覺得只係得一首囍帖街最多人聽同埋可以觸動人想去聽(自己認為),
同埋我對本地歌既認知好多都仲只係去到2007年,
方大同既歌都算幾好的,
最近報章講08年最暢銷的10隻碟,
原來我都買左其中4隻,
可見我地這些中坑唔買碟,
香港樂壇就真係等同香港足球一樣
To: Blacky, sammysir
1)
你地做咩工ga??
點解會曾經係電台出現???
又點解對住12-14歲以下既小學生???
我記得網主講過
但係唔記得左
sammysir係教書???
2)
絕對認同今年好少好歌
只得囍帖街有資格去囉至尊歌曲
如果無左囍帖街
我就認為張敬軒既櫻花樹下係最有機會囉既一售
雖然方大同今年表現的確比較出眾
但就覺得一年既表現唔足以令佢突然跳上金獎
如果咁
我會覺得對上年既張敬軒會唔公平
見到方大同唱國語歌囉叱咤樂壇男歌手金獎
就令小弟覺得周杰倫都應該有獎囉
奇怪係佢係香港從來唔獎囉...
係一個都無
To: sammysir & 馬田斯
1)
sammysir 文筆咁好
一睇就知係中交老師啦
2)
小弟以前於電台做文職
3)
贊拿斯根本唔勁
4)
謝拉特唔會失去利記隊長一職
5)
今年最深印象只得一首'囍帖街'
6)
小弟覺得'不吐不快'比'櫻花樹下'更好聽
後者真係唔見得突出
張敬軒既 'Urban Emotion' 整體好一般
小弟真係有少少失望
7)
樂壇成績表係只計0個年既成績
8)
周杰倫從來冇獎......
小弟都唔知
知點解再話你知
估唔到大家對樂壇咁有興趣，小弟好少聽歌......
To: 舒利亞
唔少人都鍾意聽歌架啦
p.s.:
利迷'死佬'仲算係半個樂壇中人
連碟都出過
勁!
Post a Comment