幾場波想講......
1) 先講英格蘭足總盃
車仔對住阿仙奴
早段失波既情況繼續出現
不過球隊上力後又係慢慢羸返個勢
原因始終係艾辛
佢一個已經搞掂晒迪亞比同埋丹尼臣
後兩者曾於首循環聯賽幫兵工廠ko曼聯
不過佢地單憑效率同埋活力就明顯唔足以對付艾辛
小弟覺得Joey應該係當今第二號防中
僅次於馬斯查蘭奴
車仔羸波既另一功臣就一定係杜奧巴
步大力雄既佢對住豬維豬達絕對可以為所欲為
雲加唔留返幾個錢買後衛
吃虧又在眼前
現時既車仔慢慢回勇
軒迪克只要唸到計幫球隊盡早入局
同埋執掂條防線
對住巴塞隆拿未必死硬
因為佢老人家絕對夠功力算死哥迪奧拿
另一條線既曼聯爆冷出局
曼聯迷可以怨萊利今次唔幫佢地
亦可以賴地爛
但費sir過份留力似乎先係主因
早前講過老費今季玩輪換有時過左火位
今次終於玩出火
排陣似係儲夠腳落場
2) 祖記對國米
國米都話聯賽羸成條街唔使搏
但祖記好似連羸返個彩既鬥心都冇
就令小弟好失望
雲尼亞里咁教波
抵摩連奴睇佢唔起
如果唔係為左睇尼維特最後一次意甲國家打呲
小弟肯定唔會捱眼訓去睇佢地冇咩球味既表現
祖記講左好耐話會搵球星代替尼維特掛靴後既位置
不過搵個好領隊似乎更加實際
3) 英超護級形勢
米堡上場有3分落袋
原來只係隻病貓實在太弱
不過亦可能係佢地徊光反照既表現
今場與其話舒華沙唔念舊
不如話佢地本身唔爭氣
計埋門質素富咸絕對值得有分落袋
同米堡情況相若既可能仲有黑貓
唔可以因為佢地搞掂左隻病貓就話佢地回勇
唔同既係黑貓已經有35分
實實在在多過兩個東北部鄰居4分同埋5分
紐記方面就繼續令人失望
舒利亞連續兩場先用3-5-2陣式
小弟估計原因係想加強中路防守
不過踢波唔同打交
隨時人多手腳亂
而3名中堅冇一個擅長執漏
加上紐記根本冇翼衛人才
結果兩閘成為防線最新既缺口
中場方面
畢特同埋路蘭各有問題
結果幫唔到古迪利斯
舒利亞及後將紐記改踢4-3-3
效果唔錯
似乎先係球隊既最佳陣式
有危就有機
佢應該慶幸球隊於3場主場搶分戰前終於試陣成功
p.s.:
曼城同埋史篤城已經贏波上岸
不過考慮到兩隊班費差天共地
再睇埋金像獎得獎名單
小弟忽然聯想到赤壁同埋天水圍的日與夜
3 comments:
咩都假，宜家最緊要贏番埸波。下埸一定要贏，先仲有希望。
畢特令人好失望，好似趕住交波，結果好多次都攪到個攻勢甩左。
路蘭亦係唔多掂，我連見佢既機會都少。
後面又係，成日成班人企係禁區，俾人任射。
既然中埸唔掂，倒不如打少個中埸，打番上季季尾四三三。
Geog 難度一般,希望有D或C啦!
Ricky 都覺得4-3-3先係紐記最佳陣式!
To: 舒利亞&紐迷Ricky
1)
小弟覺得謝烈美會幫到手
佢既傳放能力一定比畢特好
同埋要解放路蘭
俾佢隨意後上攻門
佢兩個加埋古迪利斯
就係小弟心目中3人中場既人選
2)
小弟始終覺得4-4-2最岩紐記
不過小弟而家都贊成紐記踢4-3-3
因為如果唔踢4-3-3
舒利亞只會再次用3-5-2
唔會有咩好下場
而對熱刺既最後30分鐘改踢4-3-3
亦係近期比較好既發揮
p.s.:
咁多位小朋友都要俾心機
祝你地同紐記一樣最終都過到關
Post a Comment