英格蘭球員工會尋晚頒獎
艾殊利楊格大熱成為最佳青年球員
冇咩人會有異議
不過球員先生既得主竟然係傑斯?!
就應該幾令人意外
小弟第一個反應係以為而家頒緊金針獎
一個聯賽只得12次正選既老人家可以有幾多貢獻?
加上佢季初初踢中場中既時候
因為未適應而發揮只係一般
所以直至截票日之前既整體表現只算中上
好難同謝拉特以及維迪相比
小弟唔使球員工會主席哥頓提醒
都知道個獎係由投票人自行決定
亦唔相信名單係工會高層內定既質疑
反而小弟要remind自己
表現未必係投票人既唯一考慮因素
如果行家同埋球員工會想表揚傑斯既成就
點解唔俾佢同J.麥達莫共同奪得 Merit award
咁樣過份敬老對這個選舉既本質有冇壞影響
同埋投票前應該考慮咩野因素
都絕對值得球員工會同埋球員本身唸清楚
最後想講下最佳陣容……
球員工會公佈既最佳陣容如下:
雲達沙
格連莊臣 里奧費甸南 維迪 艾夫蘭
C7 謝拉特 傑斯 艾殊利楊格
安歷卡 費托
而小弟既心水陣容包括:
雲達沙
保辛華 里奧費甸南 維迪 艾殊利高爾
C7 馬斯查蘭奴 艾利蘭 艾殊利楊格
謝拉特
費托
5 comments:
估唔到係傑斯.唔知Blacky有咩心水選擇呢?
今晚便是啦!Blacky講下Preview和打打氣啦!!
P.S Maths希望座E搏D啦...
To: 紐迷Ricky
1)
小弟估謝拉特同埋維迪
別無他選
當然希望前者當選
可惜爆個超大冷門
2)
小弟晏少少會簡單講幾句 preview
p.s.:
你係文科生?
雖然傑斯攞獎，小弟都替佢高興
但似乎佢真係唔多值呢個獎......
今晚一定要贏.....
p.s.ricky兄咁灰心?
其實份卷雖然唔算難，但有唔少問題都幾新
極座標果題都呆左一陣......
小弟唔貪心
有C已經滿足
當然上到B就更好啦a_a
奇連士文被人炒左-.-?
To: 舒利亞
1)
紐記非勝不可!
2)
奇連士文俾拜仁開除
係香港時間今日下晝既新聞
佢於德國時間星期一朝同高層開會後被炒
Post a Comment