Soccernet 既標題 ‘New Regime Same Problems’
真係寫得好......
易主後係解決接管危機
不過隊波依然死下死下
4-2-3-1 陣式原本係賓尼迪斯時代利記既最佳陣容
不過而家人腳差左兼且個別球員既收態下滑
鶴臣繼續用咁既陣式
就只有死路一條
就以尋晚為例
加歷查加埋麥斯洛迪古斯既配搭就整定右路癱瘓
左路又唔好得幾多
高捷斯基既助攻繼續冇料到之餘
有晒自由度既祖高爾又成日無咩意義咁斬中
結果兩路進攻起點死晒火
更令利記只有靠中路硬闖
偏偏冇左馬斯查蘭奴
無論用盧卡斯利華或者保臣都唔係理想替補
加上拖肥糖既爛仔中場向來難搞
同處中路既謝拉特結果唔上唔落
亦令未 top fit 但偏偏要一敵二既托利斯更加辛苦
當然最終輸波收場
都係因為魯爾梅利斯兩度走甩卡希爾以及阿迪達
不過’學神’既排陣其實已經埋下輸波伏線
而變陣太遲亦係球隊破蛋乏力既原因之一
條友如果唔想唔想俾人炒
就應該轉陣踢4-4-2
麥斯洛迪古斯以及盧卡斯利華咁既南美廢物都應該收起
另一巴西球員奧拿里奧憑死球同埋助攻能力
就值得重獲正選
而米蘭祖雲奴域以及尼哥治當中至少有一個
應該上陣為托利斯拉開更多空位
4 comments:
老實講
利記降班就完全唔洗擔心
始終人腳唔差
但係驚唔可以及時回勇
下年又無得踢歐洲賽
其實幾名新兵都無咩料到
一月買人已經事在必行
網主又有咩建議
To: 舒利亞
1)
打死都唔信利記今季會降班收場
不過要入前4已經好難
但歐霸盃席位應該仲未絕望
2)
現有人腳同埋狀態
都比較岩用 4-4-2 陣式
如果再唔轉陣
除非個別主力大幅度回勇
否則好難翩身
3)
高捷斯基同埋保臣都明顯唔掂
米蘭祖雲奴域有質素
又偏偏唔受重用
4)
增兵前最好先去瘀血
高捷斯基,盧卡斯利華,麥斯洛迪古斯同埋巴布
都唔值得有得留隊
不過只要鶴臣仲在位
有契爺睇住既前者
就算冇料到都應該仲有得踢
小弟都幾無奈
5)
如果真係有錢增兵
而鶴臣已經俾人炒左或者終於醒覺
最好有左閘同埋防中
而費古羅亞以及柏加就係小弟既首選
感覺上今屆既英超形勢,
算係歷屆最緊湊同最混亂的一屆,
本來以為wigan,wolves,blackpool係最弱,
但而家睇落又唔係太差,
利記同曼聯阿仙奴其實都只係相差8分,
但排名已經可以相差16名之多,
而家既利記同紐記都唔係太適合踢單箭頭,
紐記既球員唔太適用波,
不如用番上季英冠既踢法,
兩邊出波俾兩個高佬前鋒去屈機,
可能仲簡單直接兼實用,
利記冇左古治,
兩邊又冇人拉空位俾中間入禁區,
只靠謝拉特四圍走上走落,
同埋外圍遠射,
其實又係好似曼聯或紐記咁,
佢地既踢法都開始比人睇通哂,
我覺得而家踢護級波,
都係簡單直接一些會好些
等到時打番起個信心再諗點樣改戰術
To: sammysir
1)
紐記同埋利記都有單箭頭
其中原因應該係想先做好防守
打算搶左中場
不過鶴臣應該唔明
其實用盧卡斯利華或者保臣
球隊既防守冇咩大幫助之餘
球隊戰鬥力仲反而弱左
而紐記雖然有路蘭同埋賓艾化等
擅長後上攻門既球員
不過佢地依然比利記更唔應該踢單箭頭
因為陣中冇人好似(如果有態既)托利斯咁
有力於前線單打獨鬥
而家冇埋賓艾化
真係應該踢返傳統英式足球
靠兩個大隻佬去衝
佢地更加唔應該咁踢
2)
韋根近況有改善
狼隊就依然冇咩料到
不過西布朗同埋黑池就俾到大家驚喜
Post a Comment