1) 新特蘭對曼聯
如果唔係冇運兼把握力一般
新特蘭應該袋晒3分
成隊曼聯踢得好既大概只得一對中堅同埋雲達沙
佢地既3人中場完全失勢
加上馬捷達同埋奧雲只係行行企企
幾乎覺得佢地踢少兩件
就算之後換入貝碧托夫都唔幫得幾多
因為中場真係輸晒
2) 車路士對阿仙奴
兵工廠表現真係唔差
至少有力還拖
不過最終都要輸波
雲加就只好怨自己以前大好機會都唔簽杜奧巴同埋艾辛
印象中前者近幾年對兵工廠既入波已經超過一打
後者就勁到好似無處不在
亦對比到兵工廠既工兵其實未夠機動
p.s.:
1)
紐記作客輸俾曼城唔算慘
畢竟班底有別
賓艾化咁樣重創先至大鑊
難怪尹馬維克要大義滅親踢迪莊出國家隊
2)
至於利記
真係差到難以致信
當中格連莊臣直情係差中之差
鶴臣被指打算於1月積極增兵
最新傳聞人選仲包括梳格斯,柏保路靴南迪斯以及A.基士文
不過睇而家個勢
佢未必捱得到1月
4 comments:
對球隊表現滿意
不過最火都係賓艾化受重傷一事
我同意無證據顯示迪莊係有心
但係佢重創人之後仲笑笑口
呢樣真係令我覺得
佢死十次都唔夠
條友唔係今時今日先咁茅
世界盃決賽穿心腿仲係腦中
宜家真係祝賓艾化早日好番
始終斷腳真係有陰影
千祈唔好又咁樣斷送一個人才
至於愛隊
唯有睇造化
To: 舒利亞
尼祖迪莊初出道俾小弟既印象係勇而不茅
不過佢近幾個月已經越來越失控
最奇既係無論世界盃決賽同埋星期日晚
佢都居然唔使見紅
哎
好多人阿仙奴都有機會引入
當初C朗都自爆過有機會嚟槍手
如果嚟齊哂仲得了？
咪變咗皇家阿仙奴？
To: wtssoccer
雲加雖然執到好多筍貨
不過走漏眼既例子都唔少
當中仲可以組成一個幾勁既陣容:
例如:
卡文尼
沙洛 雲布頓 麥薩斯 艾比度
艾辛 哥古夫 耶耶托尼
C7 杜奧巴 艾殊利楊格
p.s.:
Long time no see......
Post a Comment