近幾日既部份新聞……
1)
朗拿度宣佈掛靴
而卡路士早前亦同哥連泰斯解約
佢已同俄羅斯球會安卡簽約兩年半
2)
歐聯戰場重開
雲加將拿斯尼列入對巴塞既大軍名單
而巴塞就肯定有佩奧爾缺陣
另一方面,格里夫巴利亦肯定無份對AC米蘭
熱刺唯有寄望卡蘭積卡keep住有士哥
3)
卡塔爾皇室旗下既財團仲未同曼聯傾掂數
有報導指格拉沙家族其實想殺價18億鎊
甚至20億鎊
4)
熱刺被指打算於暑假收購碧咸
又或者等佢同洛杉磯銀河約滿後以自由身加盟
而由於中堅位置太多玻璃腳
佢地被指考慮於季尾從財困既愛華頓收購積基卡
而卡積亞亦係佢地既另一考慮人選
不過利物浦亦有興趣從禾夫斯堡接貨
5)
雲達韋爾再同多間大球會扯上關係
當中包括曼聯以及車路士
6)
鬧龍門荒既黑池曾經打算向曼城借用基雲
不過最終未能成事
7)
巴塞被指打算於暑假引入新血
傳聞人選包括尼爾馬,甘素以及阿歷士山齊士
8)
奧沙辛拿宣佈同甘馬曹解約
球隊將由文迪利巴接手
9)
些路迪既22歲以色列防中 E.Izaguirre
被指成為曼聯既新防中人選
而費sir被指考慮從里昂引入洛里斯
另一方面,貝碧托夫既新約週薪傳聞高達17萬5000鎊
僅次於朗尼
10)
雖然馬些路於日前對愛斯賓奴一役回勇
但摩連奴依然被指打算引入泰禾
而串王亦被指再打謝拉特既主意
不過由於當時人離隊機會唔大
報導指迪羅斯將成佢既另一目標
另一方面,皇馬被指打算放棄多達8名球員
當中包括加高以及賓施馬
而佩雷斯被指將親自去英國斟酌法比加斯以及格里夫巴利
不過阿仙奴已將前者定價8000萬鎊
11)
格連莊臣再同祖雲達斯扯上關係
報導指利物浦一旦賣走佢
將會從紐卡素收購荷西安歷基作為替補
12)
加拉塔沙雷被傳睇中柏杜夫
13)
馬田斯表態希望伯明翰買斷佢
14)
紐卡素同多名射手扯上關係
當中包括謝雲奴,域咸以及奇雲杜里
而佢地亦被指有興趣同新特蘭爭奪奧奴夏
p.s.:
小弟愚見
近十幾年球壇既真正巨星屈指可數
大抵只得大細哨,施丹,美斯
大哨當年勁到真係成個外星人咁
最終追唔上比利同埋馬勒當拿
既要怨個天唔錫住佢個玻璃膝頭
更要怪自己爛蒲爛飲爛滾
細哨晚年既身體質素雖然好過大哨
仲有對更出神入化既魔術腳
不過佢基本上行緊師兄舊路
回塘既機會遠大於回勇
想睇球王演出
此時此刻只得美斯
唯望屠夫對手對佢腳下留情之餘
亦寄望有超新星激發佢再升呢
7 comments:
雖然我討厭C朗
但小弟認為他亦算真正巨星
睇佢去年一走曼聯即失落聯賽冠軍
如今在皇馬的表現亦拍得住美斯
冇理由漏左佢
好掛住馬田斯
唔知有無機簽番佢
之前仲話卡蘭積卡去中超
好彩無走
不過估唔到係高治殺ac
p.s.
同意朗拿度一部份不幸,另一部份係抵死
細哨亦唔爭氣
本來小弟期望卡卡
可惜近年亦受傷患同轉會影響
未來球壇可能真係由美斯獨大
小弟都希望有超新星
可惜一係就自己唔爭氣
一係就俾傳媒過份激讚
攪到太大壓力
近年的新星
真係一陣就無料到
好似果兩位美國神童
C朗其實叫唔叫巨星呢
我覺得唔夠穩定
成日隱形
可能係間中巨星啦= =
To: wtssoccer & 舒利亞
1)
C7係踢法上非常悅目
不過真係唔覺佢特別sharp
甚至覺得佢有少少'細波好型,大波隱形
雖然美斯於國家隊仲未有代表作
球會隊友亦勁過C7而令佢更易有水準演出
不過佢始終比C7更全面同埋穩定
2)
卡蘭積卡邊似肯屈就中超?
3)
近年新星其實都有唔少
小弟比較期待既有尼爾馬同埋韋舒亞
不過兩個似乎都係麻煩蒲精
4)
舒利亞口中既兩個美國神童
除左艾度
其實仲有邊個?
p.s.:
To: wtssoccer
可唔可以介紹下陳柏良?
To: 舒利亞
紐記而家靠快取勝
節奏比有卡路爾在陣既時候仲快左
不過前線制空權始終不足
暑假一定要搵返個有頭槌既箭頭
你又點睇?
小弟其實想講艾迪杜里
雖然佢發展好似好d
不過始終小弟覺得出道俾人吹大左
好彩佢無艾度咁慘
宜家好似真係打快左
但我同意要搵番個人代卡路爾
貝斯唔似係呢個人選
硬係覺得佢只係強化版既艾美奧比
小弟心目中有人選
但唔知機會大唔大
就係伯明翰既施積
咁可能真係要黑心少少希望伯明翰降班
又或者都可以諗諗唔洗錢既艾文達
不過小弟始終想重用蘭加
又有身材又高又有速度
事實上小弟覺得最重要應該係同隊中球員續約
特別係巴頓同安歷基
蜘蛛俠都可以續下
前面或者可以單箭頭
賓艾化墮後一格支援
又唔洗真係狂買人
補充兩三個都ok
始終高士寧等傷兵都復出
To: 舒利亞
1)
從來唔覺艾迪杜里係一流貨色
2)
貝斯適宜做替補
現階段唔似有料長期做正印
不過佢係現時紐記陣中
小弟最有信心既箭頭
不過紐記早前同略走下坡既奇雲杜里扯上關係
就不如俾個機會佢
3)
蘭加有潛質
不過現階段既佢埋門一腳比貝斯差
柏度肯定比較重用貝斯
不過蘭加應該有力挑戰盧雲卡蘭斯既席位
畢竟這名丹麥箭頭已經不復當年勇
4)
同意紐記應該盡快同主力續約
不過巴頓係隊中既高薪一族
艾殊利隨時唸縮數踢走佢
而荷西安歷基其實唔係好勁
又成日傳有西甲球會打佢主意
如果有好價
又係隨時會被出售
5)
關於買人
曼城既剩餘物資應該有得唸
基雲+奧奴夏+胡禮菲臘斯+辛達告魯斯
有冇得唸?
係都踢走阿倫史密夫先
白逗人工= =
安歷基勝在同古迪利斯合拍
加上左面都幾穩
又無替補
其實有諗過聖誕老人
不過基雲唔多似會番來
加上唔通又踢走夏柏咩= =
Krul都等緊上位
SWP就咪啦
回哂塘
To: 舒利亞
1)
辣椒仔受傷患困擾
佢自己都唔想
2)
胡禮菲臘斯其實唔差
只係雪到硬晒
如果多返出場機會
佢有條件回勇
而紐記陣中冇咩人有本錢於右路沉底傳中
佢應該幫到手
Post a Comment