雖然遲左
但都想講下紅藍大戰
車仔原有既3箭頭陣式
基本概念就係馬路達以及安歷卡於左右二路
為正箭頭杜奧巴輸送彈藥
可惜尋晚見到既3箭頭陣式空有咁既作用
費托身在杜奧巴之後
原意應該係想俾空間前者發揮佢既高速
不過佢唔係踢邊
加上安歷卡仲九唔搭八墮後駁腳
於中路苦無供應既杜奧巴自然動彈不得
費托既去路亦俾佢阻左唔少
結果全場除左俾回勇既加歷查補位硬食佢一嘢
費托其餘時間等同’廢’托
其實費托似係車仔長遠換血而舖路
如果而家硬要加插佢斯於3箭頭陣式
肥安只有兩個選擇:
中路既杜奧巴以及右路既安歷卡
偏偏條友收起最唔應該收起既馬路達
到車仔要焗攻既時候
變陣4-2-4又過唔到將士用命既利記防線
(尋晚除左麥斯洛迪古斯以外
利記個個都有貨交)
當然利記有得羸波
利記上下除左要多謝施治同埋伊雲洛域接連出錯外
亦要慶幸球證睇唔到格連莊臣嗰肘
遠在香港既陳浩然亦同肥安同病相憐
明星老闆先將英超工兵畢特當 playmaker 用
再硬插過氣躁火但而家死晒火既基士文入球隊
好衷唔衰陳浩然又唔識執生
咁耐以來都唔試下搵李海強同埋白鶴夾下佢
基士文唯有繼續適應南華兩翼傳中既踢法
結果冇表現就俾陳教練多次公然抗旨收起佢
完全係一個惡性循環
至怕羅神抽後算帳
他日賜佢有病
p.s.:
1)
由於要爭取時間養病
miss左英超8場41個入波既happy Saturday
更可惜就係睇唔到曼聯俾隻餓狼破處
另一方面,睇唔到紐記對兵工廠
可能對身體有益
畢竟實在太激
事後睇左重播
如果唔係迪亞比小不忍而亂大謀
打死都唔信紐記可以翩身
不過小弟覺得杜特同樣有問題
多個判決都偏幫主隊
簡直係雙重標準
難怪而家佢同埋路斯基被傳收左黑錢
2)
柏度否認想引入亨利
唔好玩啦
肥佬出晒名縮骨
邊肯俾高薪搵佢返來養老
5 comments:
紅藍大戰睇左上半場
由於上半場太悶
加上果日又踢完波
所以下半場未開始已經搵周公
依有限記億
兩隊都打得唔多好
不過車仔更沉
而利記反擊如果唔係麥斯洛迪古斯多次敗家
應該上半場已經有波入
而小弟亦唔會搵周公
至於愛隊
落後四球追和
無可否認的確有運
當然下半場十一打十一果陣
其實已經禁住阿記打
同上半場果班街場式球員完全唔同
小弟估柏祖都應該有做到野
球證係有少少偏幫
但唔可能收黑錢
唔係紐記就唔會有一球入球被誤判offside
不過更大問題既一定係成班阿記球員
如果佢地唔係俾我地下半場一開始搶番個勢
我地打多兩三個都無用
利記對車仔場波只睇左半場..
因為太夜同太悶..
托利斯與杜奧巴未建立起默契,
所以兩個暫時都好廢絕
紐記對阿仙奴既比賽
我覺得係絕對合理既賽果,
兩隊各踢半場好波,
紐記在上半場真係好差,
作為球迷當然灰啦..
有些主場球迷都提早走人..
幸好仲有好多球迷支持,
當晚睇完都開心到睡不著,
仲睇埋曼聯輸俾狼隊個場..
祖爾巴頓個球鏟波已經收哂腳,
只是順了去勢與迪亞比撞埋一齊..
佢在teamtalk.com既說話很正
"If the Arsenal players don't like being tackled, they should go and play basketball or netball or one of the other games."
路斯基只可以話踢得差,唔識防守,
唔似踢假波..
我都同意球證執法水平係麻麻,
但都唔係只針對阿仙奴,
有時佢都作了一些不利紐記既錯判..
總之就係一場由地獄變回天堂,扣人心弦,
可比美05年歐聯利記反勝AC既比賽
補充少少
利記4連勝,果真係主要靠杜sir能善用美利拉斯,將佢移入中場中位置既果效,
不過防守中場位置始終係球隊既隱憂..
但利記信心返哂來..
始終都係好事
To: 舒利亞 & sammysir
1)
好唔明白點解路蘭唔使出場
而巴頓仲連牛肉乾都冇張
條友有時既攔截根本過火
仲要講咁既風涼話
其實幾冇品
2)
紐記半場出返來
谷一段好正常
就算兵工廠俾佢地壓住踢
都唔見得有咩特別
而事實係佢地於佐羅傷出
以及迪亞比傻仔還拖前
根本只係有返幾分鐘優勢而攞唔到任何甜頭
3)
紐記追返1:4後既1分鐘
如果球證可以相同標準趕路蘭出場
打死都唔信佢地可以追返3粒
4)
馬後炮都係咁話
今場又係兵工廠球員唔夠經驗既代價既例子
如果要搵個代罪羔羊
雲加一定要上身
既然嗰防中攞紅牌
點解唔即刻換後備席中唯一既打仔伊保爾入場
To: 舒利亞 & sammysir
1)
講漏左利記
魯爾梅利斯向來擅長後上
只係鶴臣識買而唔識用
2)
同意防中係利記隱憂
3)
其實3中堅陣式都可能係隱憂
因為加歷查唔可能場場都咁 fit
而最中間既史基泰爾又係3中堅當中
最唔用腦既一個
加上替補人選各有問題
基傑亞高斯只適合踢最中間
偏偏佢既戰鬥力比史基泰爾更差
威爾遜係好貨色
但唔知杜帥敢唔敢用佢
4)
利記而家最大既本錢係士氣!!!
Post a Comment