1)
格里夫巴利以及韋舒亞分別當選球員先生以及最佳年青球員
而最佳陣容如下:
雲達沙
沙格拿 甘賓尼 維迪 艾殊利高爾
蘭尼 韋舒亞 拿斯尼 格夫里巴利
貝碧托夫 泰維斯
2)
由於尋晚既足總盃4強俾史篤城狂數5:0
保頓方面隨即被指打算開除奧雲高尼
3)
紐尼沙軒由於未能就續約同多蒙特達成協議
德國傳媒指佢可能於季尾被賣走套現
而根簡度就被傳係佢既替補人選
4)
意大利傳媒指摩連奴下季重返國米
辛尼迪就已經表態支持
另一方面,國米又被指有興趣接收科蘭
這名烏拉圭射手同時亦同聖保羅以及曼聯扯上關係
5)
由於拿斯尼遲遲未肯續約
阿仙奴被指打算於季尾賣走佢套現
國米就被傳有興趣接貨
6)
卡雲尼暗示有興趣轉投皇馬
7)
隨住費倫天拿既戰績停滯不前
米赫洛域再有下台壓力
8)
巴斯桑治暗示為左出場機會而離隊
紐卡素隨即被指打算搵佢回巢
9)
AC米蘭被指打算向波圖收購F.法蘭斯高以及侯克
佢地亦再次同甘素扯上關係
p.s.:
過去兩日
西班牙同英格蘭既兩場大戰
巧合既係4個入波都係12碼
當中追平既一球都有爭議性
丹尼爾艾維斯嗰球似乎係中波先
而伊保爾嗰球雖然略為過嚴
不過佢自己手多又係冇得好怨
更關鍵既係球證似乎補時過多
就算係要補返兵工廠入波慶祝既時間都係咁話
西班牙國家打呲既觀賞性明顯較高
皇馬今場雖然返主場都冇同巴塞搶攻
而比比串演防中仲令人驚喜
摩連奴吸取0:5既教訓後果然有針對性部署
不過艾比奧爾以及卡華路之後接連要停賽
比比應該要重返中堅位置
如果摩連奴續用3防中陣式
迪亞拉出場既機會應該好大
巴塞方面
佩奧爾復出後幫到防線唔少
反映佢對球隊既重要性
不過佢再次傷出就係球隊既最大隱憂
另一邊既雙紅大戰
面對利記既大巴士戰術
除左哥斯尼助攻中楣外
兵工廠其餘時間老鼠拉龜
雲加再次要為球隊冇 plan B 而負出代價
利記方面
球隊雖然殘陣兼要用幾件牛奶咀
但未知係唔係受到梳格斯過檔既傳聞影響
一對中堅都踢出超水準
1分算係合理回報
2 comments:
估唔到近期紐記同咁多前球員扯上關係,
一時又比拿美,一時又巴斯桑,一時又尼索比亞,
坦白講,
佢地雖然質素唔錯,
我都想佢地回巢,
但係全部都屬養唔熟既球員,
至今仍有好多喜鵲球迷都係唔喜歡佢地,
所以我都寧願柏祖去荷甲,法甲搵球員好過.
利記同紐記近來踢得唔錯,
成功打大佬,
利記班新兵同青年軍都開始夾到隊波,
之前有美利拉斯救駕,而家有古治回勇,
再加蘇亞雷斯同卡路爾,
攻力真係好勁
看來已經夠實力重上big 4
今晚熱刺又同兵工廠火拚,
唔知會係點...
最好和波啦..
To: sammysir
1)
利記要重返前4
就要睇杜格利殊之後點樣用有限資源增兵
同埋挽留有離心既球員
2)
兵工廠唔爭氣
紐記尋晚幫佢一大把
不過如果今晚再因為冇 plan B
同埋防線犯錯而失分
雲加怕且都冇咩好怨
Post a Comment