近兩日既部份新聞……
1)
進軍歐聯後既曼城隨即同多個大牌球員扯上關係
當中包括伊巴謙莫域,恩尼斯達,法比加斯,卡卡,C7以及阿古蘭尼
2)
阿古路被發現現身都靈
意大利傳媒隨即再次將佢同祖雲達斯扯上關係
3)
消息指加利卡希爾希望轉投阿仙奴
而雲加被指打算開出9萬鎊合約利誘雲佩斯續約
4)
迪亞高施華落實同AC米蘭續約到2016年
而雲邦美,恩沙基,尼斯達以及羅馬亦續約1年
後者留隊亦意味艾美利亞冇得留低
另一方面,派路就宣佈季尾離隊
5)
熱刺被指視賓科士打為新龍門人選
而迪科爾威脅離隊後
維拉,紐卡素以及愛華頓隨即被指打算接貨
6)
巴塞被指派球探觀察尼馬既表現
7)
艾基歷以500萬歐元由拜仁轉投雲達不來梅
8)
羅馬被指想搵迪甘斯或者加西亞領軍
而當路雲被指成為佢地既新箭頭人選
9)
紐卡素被指準備以600萬鎊回購巴斯桑治
而佢地亦被指視卡頓高爾以及迪亞比迪為新箭頭人選
後者既6呎5吋身高雖然羸晒高空優勢
不過今季平均6.5場先入一球就反映這名馬里射手既質素未必太高
另一方面,財困既愛華頓可能面臨星散
消息指佢考慮引入身價唔高既巴頓作為替補
10)
巴黎聖日耳門亦被指有興趣爭奪加美路
11)
由於公平競技獎得主車路士已有歐聯資格
排名第2既富咸因而獲得歐霸盃席位
而佢地就被指打算接收希斯佩加
12)
丹巴巴亞被指成為布力般流浪既500萬鎊新箭頭人選
13)
迪米捷利斯落實同馬拉加續約到2013年
14)
皇馬再次被指準備收購洛蘭迪
而賓施馬就會被賣去曼聯套現
另一方面,佢地亦被指考慮引入沙格拿
15)
昆士伯流浪被指準備接收古莊臣
16)
哥斯達黎加取代日本參加美洲國家盃
17)
傑志搵中田英壽客串對維拉利爾既表演賽
佢同埋這隊西甲球隊都會於下星期三傍晚到港
p.s.:
1)
有理由相信比利重注曼聯
條友身為名燈都夠膽死表態睇好巴塞
2)
泰維斯又話唔走
聽住先啦
3)
7月中有兵工廠
26/7就利記
27 & 30/7 就有車仔,維拉同埋布力般流浪
4/8 就皇馬
6/8 就隨時係米蘭打呲
再加埋可能訪港,但未知幾時既施多夫
邊有咁多時間呀?
唔使做咩?
6 comments:
暑假咁多球隊嚟香港？
好好考慮要不要回去看
紐記都已經有好多技術唔錯既門將,
唔駛要賓科士打啦,
卡頓高爾既級數,
同艾美奧比,利安貝斯有何分別呢?
可能仲差少少添,
都係唔要好過...
紐記近來常常傳出回購一些舊將回巢,
一時傳比拿美,一時又尼索比亞,一時又巴斯桑,
佢地雖然質素唔錯,
我都好懷念佢地,
但當年佢地走既時候,
都係同球會,以及球員有不和,
所以我都唔明點解佢地會肯返來吃回頭草.
泰維斯真係好麻煩,
以前係曼聯時,
又話人家唔重用佢,
感覺不被尊重,
到宜家知道曼城冇左佢唔掂時,
又係度以家庭為由,
扭計跳草舞,
今天又話唔走,
都唔知佢開邊飯...
真係極之養唔熟.....
昆士柏流浪升上英超,
我都好期待,
但這支女皇公園巡遊者,
成日同佢有傳聞既,
都係一些高峰期已過,
含金量好低既過氣球星,
好似古莊臣,沙維奧拿等,
遲d分分鐘可能連奧雲,蘇金寶,祖高爾,再加埋古斯錫都有機會...
簽這類球員,
都唔知幫唔幫到佢地下屆護級...
To: wtssoccer
唔係全部球隊都去香港
兵工廠係去杭州
利記同埋皇馬就去廣州
至於意大利超級盃既比賽地就係北京鳥巢
To: sammysir
1)
想簽賓科士打既係熱刺
而唔係紐記
2)
論質素
卡頓高爾應該好過艾美奧比同埋貝斯
不過佢玻璃腳兼場外紀律就幾令買家卻步
3)
巴斯桑治離係係因為紐記降班
印象中冇同其他人唔妥
4)
尼索比亞離開紐記後係有進步
仲可以話係韋根今季最有表現既球員
不過條友當年離隊前串串貢
回巢肯定冇隊友歡迎
5)
同意泰維斯真係超煩
6)
昆士伯流浪之前都被指考慮接收祖高爾
事實上佢地人腳一般
不過老闆超級有米
高薪對大牌過氣球星總算有吸引力
對球隊有冇用就當然係後話
雖然泰維斯係煩
但我又覺得唔怪得哂佢
當年係曼聯要走好正常姐
明明有料都無得出
唔通要佢浪費青春咩
同埋覺得佢一路都想走
話唔走似乎只係文仙尼想法
佢自己今日又出左來話想走- -
小弟都覺得卡頓高爾比艾美奧比好得多
不過比一件點都唔會成材既球員好
唔代表d咩
事實上有更好選擇
唔多想尼索比亞番來
反骨仔一名
To: 舒利亞
泰維斯似乎真係走硬
國米以及皇馬都被指會係佢既下一站
幾想利記接收佢
不過冇錢之餘
曼城都唔似會益英超對手
Post a Comment