1)
消息指紐卡素打算賣走古迪利斯
而馬拉加,西維爾,馬體會以及拉素都有機會接貨
些路迪亦證實想向佢地買斷年青龍門科士打
另一方面,紐記亦再次同,艾丁,尼索比亞以及奇雲杜里扯上關係
佢地亦被指考慮羅致聖伊天既新晉法國防中 B.Matuidi
以及AIK蘇納既塞拉里昂21歲射手班加拿
Comment:
馬維拿斯既侵略性應在古迪利斯之上
不過協防就肯定唔及蜘蛛俠
萬一近日再次同兵工廠扯上關係既荷西安歷基隨後亦落實離隊
紐記成條左路隨時係全新組合
對球隊而言可能係另一個隱憂
買入方面
B.Matuidi 咁多強隊打佢主意
應該論唔到紐記
至於班加拿就應該幾有機會同紐記簽約5年
瑞超水準唔高
就算入球率唔差都唔可以太高估這名去過AC米蘭既射手
不過小弟始終認為佢於紐記有一定上陣機會
因為佢可以客串中場
意味佢就算踢箭頭都可以墮後搵波踢
這係佢比現時紐記箭頭優勝既地方
2)
消息指多達8名球員都可能俾波亞斯放棄
當中包括杜奧巴,艾辛以及林伯特等主力
而英國傳媒指佢已決定引入舊將法卡奧
Comment:
一下子踢走咁多正選
擺明要從新砌過架車
不過未免過份冒險
隨時因為輸默契而出閘脫腳
3)
列卡度艾華利斯被指即將由沙士菲轉投阿仙奴
Comment:
搵一個今季先打出名堂既阿根廷中場做替補
咪即係又再有待加工
真係唔化算
大熟大勇既柏加雖然進攻方面及唔上法比仔
不過助守以及領導方面既能力就肯定有過之而無不及
雲加如果今次又衰年齡歧視
列納叔多謝佢都0黎唔切
4)
利物浦被指將出價1000萬鎊引入查理阿當
而達寧已向維拉攤牌
Comment:
中前場要咁多人
除左左閘位置
中後場既其他新血怕且全數來自青訓
5)
卡臣被指即將以150萬鎊轉投土耳其球會貝沙
Comment:
從來都唔認為佢係英格蘭正選龍門既材料
不過話晒曾經入選英格蘭
而家連英超中下游既西布朗都企唔住腳
就反應國內龍門水準其實真係唔多掂
卡比路要為赫特搵兩個替身都唔係易事
2 comments:
一次過換咁多人
仲要未知效果
真係一場賭博
p.s.
台灣人真係好有禮貌
比好多香港人優勝
又友善
坐捷運就係一個好例子
從來未見過台灣人爭位
希望香港有一日都可以做到咁
而國內同胞,就更加應該學下
同種族人竟然可以咁大分別
另一樣係台灣留意到既野
係真係好少同足球有關既野
小弟行西門町
十間鋪頭
睇落夾埋都係得一兩件波衫
To: 舒利亞
英超方面
前列幾隊強隊既最終搞作應該都唔慌少
出閘脫腳既風險又高左
下季開咧既形勢可能真係仲亂
p.s.:
1)
香港人同大陸人相比
當然仲算好好禮貌
不過其實亦唔算太好
而新生代同上一代相比
禮貌真係差左
2)
唔爭位兼讓坐俾有需要既人
係捷運普遍俾外界既好印象
偏偏香港同埋(特別係)大陸既旅行
反而拖住大件既行李去爭位
真係超級樣衰
3)
小弟行書店都唔多搵到同足球有關既書
行西門町亦然
最終亦只係從二手舖頭入左對 Jordan
Post a Comment