1)
阿仙奴落實從哥斯達黎加球會 C.D. Saprissa 引入19歲射手祖爾甘保
消息指這名新晉哥斯達黎加國腳既轉會費只係超筍價150萬美元
另外,兵工廠近日亦同巴尼加以及咸鍚扯上關係
另一方面,雲加被指希望以13萬鎊週薪利誘法比加斯
Comment:
想知佢幾勁
但又冇睇過美洲國家盃
就可以睇下以下片段:
http://www.youtube.com/watch?v=0hiRF8AgGrE
另一方面,法比仔為左返巴塞
既肯攞500萬鎊填數
又係減薪到8萬鎊
就知錢唔係佢考慮既問題
2)
為左收購泰維斯
哥連泰斯近日已經加碼至4000萬鎊
仲表明係最後出價
不過消息指祖雲達斯頂爛市以4500萬鎊搶人
Comment:
哥連泰斯雖然價錢唔夠祖記高
不過既然當時人講到咁偉大要返祖家陪屋企人
佢地未必冇機會
3)
西維爾再次同高路仙尼扯上關係
Comment:
波踢得唔好
但波士唔踢走佢之餘
仲有得做隊長
而家又有間實力更勁既西甲球會再打佢主意
佢而家都算行緊大運
4)
曼城以及熨2拉加繼1同拿維斯扯上關係
拿玻里就表明要有3200萬歐元先會放人
Comment:
難得中東兩大油王拗手瓜
拿玻里今次真係坐收漁人之利
5)
消息指羅馬仲未放棄收購史迪基倫保
而軒斯好可能於聽日宣佈以自由身加盟
Comment:
都係嗰句
條防線大執都咁多數冇好下場
p.s.:
尋晚又係另一個波係圓既夜晚
日本妹連'美'女兵團打做底埋
10號妹嗰吓後腳入波仲勁到好似戴志偉上身
真係估佢地唔到
嗰種精神力量真係驚天地又泣鬼神
不過話說回頭
美足其實自己玩死自己
後防罕有連續兩次解圍失誤
否則90分鐘已經可以收工捧盃
繼06年既瑞士後
印象中5年來未見過有球隊12碼全炒
主角係森巴兵團就更加估佢地唔到
堂堂足球皇國居然4個12碼衰晒
真係80歲唔死都有新聞聽
4 comments:
睇日本妹捧杯真係有d 睇緊足球小將既感覺。 我細細過就睇戴志偉踢波，睇左三十年。 到宜家畫緊最新既一攝都係以日本捧起世界盃為夢想。 結果日本女足率先達成願望。
佢地由小組開始都從來唔睇好，結果成為左一路奇兵，一支黑馬。 論身型唔及歐洲隊，論體力都輸蝕。 佢地就只係踢一種團結。 可能呢d 就係日本人既團結精神。
見到日本足球興盛
雖然有榮耀既只係女足
但仍然難能可貴
亦對祖國更加失望
教授講得岩
十幾億人口
竟然搵唔到十一個人組成一支入流既球隊
真係奇怪
p.s.
e-mail已回
謝
高洛仙尼雖然表現已有改善,
但紐記仍然間唔中對住同級球隊都失大意波,
後防始終唔可以靠佢領導,
佢人工咁高,
斷估而家都應該唔會有西甲球會對佢有興趣,
西維爾有興趣單料都應該係流既居多
巴西同阿根廷都係名大於實,
踢大賽既心理質素,射門質素,攻防組織能力,
同埋團結性都係好一般,
兩隊愈來愈似一隊二線球隊,
派埋2線兵出賽就更加似一支2線尾3線頭既隊伍,
成日話目標是2014年世界盃,
我覺得都係盡力踢好而家既賽事好過.
而家好多支國家隊都好有戰鬥力,
又識得用針對性踢法對付強隊,
再好似阿根廷同巴西咁浪費咁多機會既話,
就算有南美洲既主場之利都只會因壓力過大再次無功而回
To: FW, 舒利亞 & sammysir
1)
日本女足賽前已係黑馬
畢竟世界排名已經上到第4
只係外界認為美國同埋德國靠整體實力
有較大既機會捧盃
而瑪達個人質素超班
亦令外界覺得佢可能終於有次成功單天保至尊
2)
日本妹靠控球在腳既踢法
同鬼婆既身高以及體能死過
進一步減少受壓既時間
不過佢地最堅都係嗰種鬥志
但始終認為美國真係幾冇運
否則一早已經搞掂
而佢地因為後防罕有失準而放虎歸山
又係好抵死
3)
西維爾已經超過兩年被指打佢主意
不過同意佢唔值6萬鎊週薪
如果以佢既質素轉戰西甲
大抵只有馬拉加肯用咁高週薪簽佢
4)
為中前場選咁多新仔
文尼施斯真係似為左2014年世界盃舖路
後防咁多老嘢
只係因為選擇唔多
不過佢似乎仲未為而家既人腳
搵到最好既陣式
5)
阿根廷方面
最大問題有兩個
一係冇出色既進攻中場
冇左列基美同埋華朗既阿根廷
成條中場冇人派牌
前線幾勁都死
而這個位置絕對唔係美斯既最佳位置
柏斯托尼或者列卡度艾維斯
可能先係阿根廷既救星
6)
而阿根廷前線實在有太多大佬
美斯於巴塞同隊友有來有往
但偏偏國家隊隊友好多時都唔係咁唸
7)
阿根廷既防線其實幾唔掂
比巴西更加唔穩
8)
巴西同埋阿根廷從來都唔係12碼專家
射輸極刑又有幾奇
不過好似巴西咁高質素
4射全失始終好難想像
Post a Comment