1)
巴勒莫方面聲稱已同意以4300萬歐元將柏斯托尼賣俾巴黎聖日耳門
Comment:
兩地油王買人就好似細路仔買玩具
巴黎聖日耳門計人頭輸俾馬拉加
不過計質素同埋當打情況就羸返至少成條街
不過咁唔代表佢地有力即刻羸法甲
畢竟半隊正選係新兵已經輸晒默契
教頭又唔見得特別有料
萬一用唔掂班新兵隨時會係佢既催命符
2)
賓士打以借用形式加盟西布朗
而伯明翰除左可以收到借用費外
亦可以免費借用邁希爾一季
Comment:
兩個龍門可以去適合各自水準既聯賽發展
加埋莫財既伯明翰又有錢落袋
鶴臣亦有多一季時間去為球隊搵1號龍門
簡直係4羸局面
3)
消息指史雲斯即將引入魯迪治以及列達
Comment:
消息指魯迪治終於肯於個人條件讓步
紐記得以養少個廢人之餘
仲可以執返200粒去幫補下買右閘嗰條數
紐迷肯定開心死
p.s.:
1)
李青龍因為斷腳而要最少休傷9個月
就咁咪開咧就要收咧
慘到阿媽都唔認得
2)
又係時間買 Keymansoho
今期仲有靚女做封面
4 comments:
巴黎聖日耳門仲話新兵有料
搏得有價值
馬拉加就真係為買而買
隨時輸得好慘
開心還開心
增兵無進展果下先死
咁既陣容打
隨時比上年更差
熱身賽已經證明左
P.S.
波3及頸巾已收到
THX網主
件波衫又真係幾靚
不過暑假懶左
肚腩突左出來
睇怕要keep下fit先著到去踢波= =
法甲近3季冠軍輪流坐
PSG上季都第4名了
而且
法甲向來都係冠軍時時換
除咗里昂坐大的七連霸時期
之前八季都沒有一隊能夠衛冕
都咪話PSG攞唔到冠軍
To: 舒利亞
1)
馬拉加好在有個功力中上既教頭柏歷堅尼
歐霸盃席位應該係佢地既合理回報
2)
紐記今季增兵既最大敗北係冇為防線買人
而家巴頓肯定離隊
就令中場偏右既位置更弱
p.s.:
件衫紅色撞綠色
其實幾蝦人著
希望你鍾意
至於頸巾
我5月睇7人賽
將第一條俾左荷維,巴頓以及羅拔李爾簽名
上星期我就將另一條
俾左基雲,比耶同埋艾利蘭簽名
To: wtssoccer
1)
里爾星散兼要分心歐聯
成功衛冕既機會唔大
2)
巴黎聖日耳門唔使踢歐聯
相對於里昂,馬賽以及衛冕既里爾
係佢地爭法甲既有利因素
而強如馬賽以及里昂
都唔夠力搏盡兩條戰術
令法甲冠軍隨時只要七十幾分就搞掂
亦令巴黎聖日早門就算出閘脫腳
都仲有機會後上封王
另一方面,有兩個法國防中支援
柏斯托尼隨時進一步爆發
只不過歷史話俾我地知
俾油王既球隊雖然可以大手買人
但就算強如車仔都唔可以即刻稱
Post a Comment