1)
馬體會決定開除教練文特奴
西班牙傳媒指佢地想搵賓尼迪斯接手
Comment:
本身莫財
賣走阿古路既錢又用晒去買法卡奧
既要執爛攤子
又冇得買人過下手癮
肥賓邊似咁抵得唸
2)
繼華加斯後
車路士又被指睇中巴里奧斯
Comment:
托利斯步緊膠刀後塵
安歷卡又已經落實去上海申花
卡奴同埋馬路達根本唔受重用
走唔走都係咁話
雖然杜奧巴回勇
史杜歷治又上緊位
不過就算加埋於預備組越踢越好既盧卡古
得3個箭頭信得過又未免太少
保亞斯想簽射手都唔難理解
不過南美射手踢英超向來唔係信心保證
已經適應歐洲足球既巴里奧斯今季又雪到硬晒
既然搵中堅都識得搵有英超經驗既魯迪維爾又或者加利卡希爾
搵箭頭大可考慮迪科爾
而只要收夠錢
熱刺亦唔似會因為佢地係死對頭而 say no
3)
隨住尋晚主場輸埋6分波大戰俾保頓
舒利亞取代堅恩既風亦越吹越勁
Comment:
堅恩根本就係英超林瑞麟
民望越低就反而越升官發財
前者當日靠篤死 Big Sam 上位
後者就靠做阿爺走狗搵食
兩個既所謂'才能'亦係嗰班 insider 先見識得到
球迷同埋市民根本唔知而家係唔係最失望
因為明天只會更失望
另一方面,暴力幫就算搵到老舒救火都隨時死路一條
如果條友根本唔識教
佢既號召力根本就等同興奮劑
當年佢都仲可以打電話俾波比笠臣問功課
而家再問怕且要靠阿sir識報夢
2 comments:
布力般班主唔係注資,
球隊傷兵又多,
領隊又比較平庸
炒領隊睇怕都係時間問題,
但如果佢地仲夠膽搵舒利亞做新領隊,
真係有點太冒險了,
唔通除曉士外,
真係冇乜人選肯教降班膽?
難以想像托利斯上車咁耐都係冇料到.
唔通佢同卡路爾一樣,
簽左份對個人極豐厚,
但對球會而言是極不平等條約後,
就開始狀態差,hea踢,冇貨交?
感覺上現今球壇真係過多這類為錢踢波既球員了....
To: sammysir
1)
以布力般流浪而家既人腳
加埋咁多傷兵
真係肯定要護級
不過有個咁廢既領隊先係佢地沉淪既關鍵
上季 Big Sam 落台後
球隊由中游搞到幾乎降班
已經證明堅恩教波好唔掂
2)
布力般流浪如果而家搵到個正常既人接手
護級未係絕望
始終佢地只係落後狼隊5分
兩輪聯賽已經隨時 turnaround
3)
廢托唔掂應該係因為兩個主因
一係車仔既攻擊點多過利記
佢唔可以繼續當自己係大爺咁
等其他人餵波俾佢
佢成日同中場既互動都唔夠
自己跑多幾步
總好過成人叫人跑快幾步
二係壓力
5000萬鎊先生既名字已經成為無形壓力
加上開局唔順更加令佢既壓力越來越大
唔信廢托因為一張肥約而咁 hea
始終佢於國家隊近年鬱鬱不得志
佢肯定好想發圍
4)
卡路爾成日都修唔到身
真係俾佢激死
唔係唔俾佢傷
不過成日爛飲爛蒲就真係頂佢唔順
以前踢利記既烈納以前好少飲酒
就係因為驚酒精加劇血液循環而令傷患加劇
Post a Comment