1)
盧森保高因為細哨於集訓期間帶女返集宿酒店爆房
加上近日多次以訓得唔好為理由而唔出席操練
頂佢唔順下而要求法林明高同佢解約
不過球會高層已經拒絕咁做
Comment:
南美球會簽星級球員又或者搵名宿出任管理層
好多時都要靠贊助商泵水
不過今次贊助商已經拖數5個月
已經令球會要拖糧至少160萬歐元
咁既情況下佢地又邊有條件同細哨解約
2)
利物浦再次被傳睇中高路仙尼
而狼隊就被指以正選席位吸引格夫里過檔
Comment:
紐記中後場增兵已經唔算順利
史堤芬泰萊同埋迪奧迪又因唔同原因而缺陣
萬一艾殊利再次認錢唔認人
告魯爾守得再好都冇用
話說回頭
杜sir近月咬住唔放既高路仙尼只係得返15個月合約
格夫里更加係季尾就約滿
點解一路都冇風聲紐記同佢地傾續約
3)
大連阿爾濱落實以50萬歐元從奧丹斯引入 P.烏達卡
Comment:
佢雖然冇佢阿哥咁勁
埋門一腳亦平平無奇
不過總算係一個高速既尼日利亞新晉國腳
以咁既價錢就買到都算係咁
3 comments:
其實兩位都已經有傾過續約
只係高洛仙尼本人暫時擱置左，想季尾先傾
而格夫里本來已經就傾掂續約
但係又好似有d個人條件傾唔掂
老實講
高洛仙尼今季真係打得唔錯
但係肥佬不嬲都係抱住人人賣得既政策
加上琴晚俾人大炒5:2
高洛仙尼速度慢亦都顯露無遺
話唔定真係會放走佢.....
宜家只希望係三名主力踢完非國盃前
紐記唔好跌得咁緊要...
p.s.
新年例牌番大陸一遊
應該有三四日上唔到blog
預祝大家新年快樂
新一年搵多d錢
身體健康
To: 舒利亞
艾殊利如果決定放走高路仙尼
主因一定係價錢吸引
而唔係因為佢冇速度
To: 舒利亞
p.s.:
祝你新年快樂!學業進步!
Post a Comment