1)
馬甸尼被傳考慮加盟巴黎聖日耳門
出任防守教練
Comment:
單係馬甸尼去教點去盯人,補位同埋佈越位
已經有十足保證
正如廠迷望到頸都長都想基昂可以幫手執下條防線
單係哥斯尼,佐羅等蛋散學有所成後
佈越位佈準少少已經值回票價
偏偏基昂而家主力講波
閒時只係為兵工廠做下宣傳真係超級浪費人才
其實小弟都想魯殊得閒訓練下利記班人點樣做好埋門一腳
偏偏佢又只係宣傳部既人肉佈景版
2)
英國傳媒指古費里已經決定唔同紐卡素續約
Comment:
一個只係於英冠先可以成日入波既中場
如果要做英超球隊正選
選擇大抵只得榜尾嗰三兩隊
所以下季多數同佢英冠再見
p.s.:
唔明點解近年越來越多球員有隱性心臟病
究竟係以前查唔出
抑或另有原因
Anyway,頂住!梅姆巴!
4 comments:
很久沒見,
之前幾個月可能在工作上衝刺較多的關係,
同埋有長假期放,
狀態較好,
但可能休息較少,
自己踏入三月份既狀態明顯回落,
好多時在晚上上網只是瀏覽半小時左右,
或者齋睇無轉數去回覆
梅姆巴死過翻生,
相信能夠激勵保頓既隊友,
而家對保頓既護級形勢又可以樂觀一些,
暫時只係wigan同狼隊是最大熱門,
其他三隊就真的很難講.
有時見到古費里既演出都真係會搖頭歎息,
上場對諾域治,
柏祖排4-5-1,
古費里在中場中既作用好似只係用來塞住自己球員,
令到整隊波既攻守推進都失去效率,
防守又唔見得特別穩陣,
場波戰情又悶,
主場WIN到真係好彩,
而家寄望紐記keep住前7名
足總盃決賽是車仔,熱刺,利記三隊中選二,
咁紐記就可以有機會踢歐霸,
希望個算盤可以打得響.
其實上場似係打433多d
不過攻勢反而只係普通
無咩特別優勢
兩個國家隊隊友前鋒亦都無咩火花
卡巴耶比起上兩場已經好左
但古費里真係始終唔係英超料
好似純粹搭夠十一個人咁
梅姆巴情況已經好轉
感謝神
To: sammysir & 舒利亞
1)
狼隊同埋韋根簡直係降班穩膽
2)
古費里如果係好嘢
當日賓尼迪斯就唔會放棄佢啦
不過紐記3線人腳其實都唔太充裕
加上又隨時俾人再挖角
暑假應該有排增兵
p.s.:
小弟仲忙
你見最近少左post就知
近來愛上左玩足球公仔
買俾自己之餘亦擺啲剩餘物資上網
To: sammysir & 舒利亞
當年雲格放棄既年青球員當中
梅姆巴同賓尼係小弟比較喜愛既兩個
前者雖然肯定唔係韋拉嗰皮
不過其實都唔差
後者曾幾何時亦有少少柏金既影子
Post a Comment