1)
唔介意減人工既雲邦美
表明如果當日同佢於拜仁不和既雲高爾接手燕豪芬
佢就唔會考慮回歸
Comment:
兩條友當日幾乎開拖咁滯
如果雲高爾真係接手
就算雲邦美簽左約都只會解約收場
反正於拜仁已經試過一次
另一方面,雲高爾這類所謂既強勢教頭其實功力一般
最叻已經算係阿積士年代
某程度都因為牛奶咀未夠本錢搞對抗
之前傳佢教車仔都真係得啖笑
除非阿巴肯為佢踢走晒幾個大佬輩
否則肯定繼續家衰口不停
不過由摩連奴到保亞斯都唔似有過阿巴這種待遇
又幾時輪到佢
2)
法芬被指可能以自由身加盟利物浦
Comment:
法芬唔係唔好波
不過今季未約滿個心就已經似走左
職業道德成疑既就免費都係咁話
而下季仲係唔係杜sir話事都成疑問
仲講咩買人
3)
紐記被指想從法乙 Reims 搵18歲中場 R.Amalfitano 以自由身加盟
而佢地亦被指有興趣以800萬鎊羅致韋拿杜姆
另一方面,雖然告魯爾已經續約
不過紐記依然被傳留唔到佢幾耐
報導仲話佢地已經視賓科士打為600萬鎊既替補人選
Comment:
雖然位置唔同好難比較
不過如果買賓科士打都要600粒
800粒可能只係夠買半個韋拿杜姆
p.s.:
邊睇港甲邊寫blog
真係堅正
有入波睇仲補返尋晚既遺憾
4 comments:
其實既然宜家有機會爭入下屆歐霸
真係希望肥佬唔好即刻就賣走主力
唔係到時就算入到都無用.....
印象中雲高爾所謂既強勢
其實只係不停同主力球員有衝突
To: 舒利亞
紐記好波
除左白治
不過利記真係好不知所謂
今季其實先係近三季最失望既一季
畢竟季前有一定期望
始終雙方都唔算最強陣出擊
但見到柏祖肯變陣鬥攻
確係值得一讚
至於Perch
如果單論今場防守上既表現
確實係令小弟眼前一亮
由季中既俾人強姦
到呢場甚至係lead住成條防線
雖然質素有限，但不失為合格既替補
之但係完場前果下衝突
的確小弟都認為難睇左少少
同今季第一場對阿記時既祖爾巴頓有少少似
無論點
最開心都係見到賓艾化開始融入
亦慢慢上力
To: 舒利亞
1)
唔係白治勁
而係利記屎
一次正常表現唔足以令小弟扭轉對佢既負面評級
而條友羸緊波都去先撩者賤玩抽水
或者挑釁對方主力原來係佢既隱形戰鬥值
之前真係一直失覺晒
不過拉爾拿無腦還拖都係抵肯死
2)
對住死晒火
近期戰績只係好過狼隊既利記
任何一個領隊領軍地頭出擊
主動去搶絕對正常
3)
同意賓艾化表現好左
不過佢咁後生
加上於英超比賽既日子其實唔算太長
仍然會有好大進步空間
只要大賽後遺症唔太嚴重
下季可能先係佢真正大爆發既時候
不過佢如果又係玩嘢就另當別論
Post a Comment