2012-7-10

1) 艾利亞落實以500萬歐元(另有200萬歐元add on) 重返德甲,加盟雲達不來梅 Comment: 個價跌到咁筍 肯定有英超同埋西甲打佢主意 佢最終決定重返德甲 可能正係想去過熟識既環境搏反彈 2) 羅馬承認正考慮利物浦對波連尼既出價 Comment: 羅渣士睇住佢大 佢又岩踢4-3-3陣式 買佢應該有用 不過咁亦好可能加速卡路爾走人 佢雖然未至於有頭冇腳 不過輪腳法同埋走位又真係唔岩用 相對下比拿美,達寧,查理阿當以及軒達臣就有望留低 特別係軒達臣可以有更多時間重返中路 應該唔會令佢冇咁自暴其短 3) 大衛辛頓否認重返意甲,加盟羅馬既傳聞 而卡積亞就被指係紐卡素既新中堅人選 不過就有報導指森遜考慮過檔雷丁 而阿仙奴亦被指視迪奧迪為新中堅人選 Comment: 卡積亞雖然發展冇預期咁順利 但始終有一定質素 如果有佢去夾史堤芬泰萊又或者高路仙尼 效果可能比而家更好 畢竟卡積亞各方面既質素比較平均 何況史堤芬泰萊亦可以移去右路 當然簽到迪保治又或者其他正宗右閘就更好 p.s.: 1) 香港韋拿返中甲效力日之泉 好彩唔係重操故業做搬水 雖然佢交足戲咁話會珍惜機會 不過類似場面之前已經唔止一次出現 唔同同隊既舊隊友香港謝拉特出名勤力又搏命 最怕佢做埋'一路向西'既港甲版男主角 2) 終於可以寫返blog so good!