2012-7-30

1) 紐卡素被指視雷米為增兵對象 Comment: 阿仙奴同埋熱刺一直都被指打佢主意 輸晒前景同埋財力 紐記要爭當然係勁難 雖然丹巴巴亞一直被傳離隊 雷米既速度又係而家紐記前線所欠缺 不過未完全證明實力就已經俾人炒到貴晒 萬一買左另一個施斯就真係喊都無謂 2) 富咸被指有興趣以100萬鎊接收艾沙維 Comment: 雖然傳聞價賤到只係當日買入價既5% 不過佢而家既週薪高達9萬鎊但又偏偏冇貨交 雖然已經遲左好多 不過止蝕始終係正路選擇 但問題係以富咸既財力 就算賣走丹普西後都未必養得起肯減薪既艾沙維 Comment: 早兩日去兵工廠賽前吹風會八掛 睇住教授'貪曾'上身 一聽見尹佩斯離隊,增兵,殘陣等字眼就黑面 尋日羸唔到土產熱刺既賽後又雞咁腳就入返更衣室 雖然略欠風度但將心比己都知佢唔多好受 但眼前二線兵戰鬥力真係一般過一般 依然係空有技術但唔夠硬朗 加上中場出名多玻璃腳而後防又成日慌失失 就算最終留到尹佩斯都難有運行