又輸波
不過唔係輸俾曼聯
而係輸俾球證
'沒有最黑,只有更黑'既口號
可能係指運氣
不過怕且更多人認為係黑哨
唔信曼聯可以排到4-4-2-4既屈機陣式
不過當有關攔截以及俾12碼既執法尺度去到咁極端
失望難免
從來唔希望靠球證或者運氣去羸波
不過都唔想因為這些因素而輸波
假設尺度相同
如果舒維爾要見紅
雙腳飛剷既伊雲斯都唔應該有得留低
蘭尼,史高斯以及尹佩斯咁樣踢波
曼聯踢到完場亦好難齊人
如果上半場伊雲斯明顯攬趺艾加
下半場3秒內蘇亞雷斯以及史達寧
先後於禁區被侵犯
兩次都唔俾12碼
點解華倫西亞於接觸更輕微既情況下跌低
Halsey偏偏要判利記極刑
如果佢真係黑哨
曼聯要佢搞咁多嘢先羸到一球
佢賽後應該大條道理要求加錢
又如果曼聯將來再鬥曼城,巴塞,皇馬等更強既球隊
可能做黑哨既要帶埋暗器出球場
謝拉特以及利記整體發揮唔差
係5場聯賽以來最好既一場
蘇亞雷斯冇波入只因腳風唔順
以及仍然稍嫌獨食
當然曼聯唯一一個有表現既連迪加特全場都好集中
不過史達寧今場雖然牽制左艾夫蘭冇得全攻
但整體貢獻其實只係一般
大抵對手已經睇通佢幾乎次次都想扭落底線傳中
不過當將來功夫好啲而板斧又再多啲既話
應該唔會只係一個扭波版既禾確特
3 comments:
今屆英超開鑼後普遍戰情一般(除了利曼大戰),
所以很少上來留言.
暫時覺得愛華頓很似上屆紐記,
有驚喜.
我前晚睇利曼大戰都睇到很惱火
紅牌及十二碼都是誤判..
今屆利記同上屆一樣都是欠運,
不過今屆利記真的好似沒有PLAN B,
打絕地反擊既可靠之人似乎唔多,
箭頭人選好似買少見少,
其實如果重新起用祖高爾及阿古蘭尼會否幫到球隊?
估計今屆利記都屬慢熱球隊,
情況似曾相識:
1.最似去年季初阿仙奴的情況,最終取第3名.
2.又或情況有些似前季杜格利殊初掌球隊時取第3.再或者似05-06年紐記桑拿士被炒後路達接掌時後上取得第7.
如果利記最終按奈不住要換領隊,
個人認為哈利列納很適合.
場波感想已講
但仍然想講多句
羅渣士其實真係唔錯
希望利記唔好咁快炒
To: 舒利亞 & sammysir
1)
利物浦冇左卡路爾
除非死球靠中堅助攻
否則真係少左一招高波
2)
祖高爾有傷
唔知稍後有冇機
3)
阿古蘭尼已經賤賣左俾費倫天拿
4)
唔同意咁快炒羅渣士
否則隊波又要從頭再夾過
況且以控球為主既踢法特別花時間去夾
幾場波就定佢生死對佢好唔公平
相對於只適合教中下游球隊既鶴臣
同埋原來越教越差既賓尼迪斯以及杜格利殊
小弟對羅渣士係有一定期望
所以對佢有一定期望
萬一真係要易帥既話
同意sammysir所講
哈利列納可能會係好人選
因為佢都幾識睇住盤數做人
帶熱刺打到歐聯亦證明佢可以將隊波升呢
Post a Comment