想先講幾件關於領隊既消息:
1)
雖然班主希斯公開表示仍然信任賓尼迪斯
但有消息指如果利物浦既戰績再冇大起色
佢老人家將被開除
但小弟覺得就算佢真係冇得撈
都一定會係季尾
冇可能係而家
因為咁既日子唔會有人夠吉士接手
而對球隊運作都唔會有利
2)
麥臣正式加盟保頓
簽約兩年半
小弟覺得佢既當務之急係於1月搵幾件好後衛
同埋留住幾件可能有離心既主力
3)
祖爾終於被熱刺解僱
而一隊教練曉頓亦冇得留低
而基夫阿倫就被委任為臨時領隊
拉莫斯就被傳熱刺搵佢接手
而普耶就被傳成為副領隊既人選
以協助拉莫斯適應語言問題
雖然祖爾好肯用新仔
但用勁多錢去亂買人真係被人炒都抵死
買戴倫賓特,保定同埋卡佩奧
加埋竟然已經用左超過3000萬鎊
成隊保頓,雷丁或者打呲既正選都未必要用咁多錢啦
佢買人既眼光同出價計數既能力
唔單止被雲加, Big Sam, 韋斯咸時代既哈利列納比下去
比好多人打機玩'Football Manager'更加差
小弟於 preview 亦講過佢未能解決
隊中冇好 keyman 既弱點
結果中場兩件廢物
今季分波同回防都唔掂
整定隊波唔會有好下場
而雖然代隊長羅比堅尼
開晒聲同埋每場都搏晒命去撐佢老人家
但佢始終食唔住某0的大牌球星
當然令佢死得更快
不過唔多有料既佢
依然再被傳加盟阿積士就幾令人意外
4)
杜斯亞表態想接手執教愛爾蘭
5)
德國足總同意與教練路夫續約至2010年
Subscribe to:
Post Comments (Atom)
3 comments:
麥臣有什麼執教既戰績?
基夫阿倫?八十年代佢同弟弟保羅阿倫,仲有荷杜,華度既熱刺真係好勁,踢到曉飛?唔知佢執教能力如何?
To: sammysir
1)
麥臣冇咩大功績
最巴閉都係帶領西布朗上過英超
其餘日子都係教小球會
對上一間就係教左一個月多少少既李斯特城
2)
基夫阿倫叻在教靚仔
而家熱刺陣中有幾個唔錯既年青射手
都係佢教出來既
不過球隊前鋒線有太多球星
唔知最終有冇人上到位
佢幾個月前帶熱刺青年隊到港參加7人賽
當時佢仲肯幫小弟簽名
Post a Comment