今季本地波多左好多勁既外援,包括
馬其頓國腳哥倫
曾為巴西踢過世青盃決賽周既湯美同埋奧迪
兩名前中國國腳杜萍同埋李堯
又有曾於世少盃為國少隊入波
遲少少會去荷蘭試腳既王選宏
但跟住講0個兩個好似仲堅……
路蘭來自巴西
但就代表赤道畿內亞比賽
早前佢為國家隊一腳射死喀麥隆
0個場波雖然喀麥隆用左好多後備
但謝列美,桑治同埋卡文尼都有出場
而另一個就係愉園既新龍門迪奧利華拉
佢於91年世少杯決賽周
為巴西正選出場4次失2球
93年世青杯決賽周就因為迪達係必然正選而冇機會出場
但就係0個屆最年輕既成員
95年世青杯決賽周巴西得亞軍
佢就終於踢足6場正選
只於決賽對阿根廷失2球
Subscribe to:
Post Comments (Atom)
2 comments:
今年有東方,同寶路華流浪
很有集體回憶既feel
晨曦同南華又咁勁
傑志又唔差...只係愉園出閘脫腳...
有機會約埋一齊入旺角場睇番場本地波都好
寶路華既年代
小弟仲係出入緊托兒所同埋幼稚園
所以冇回憶可言
只知當年幾有睇頭
東方皇朝就見證過
但佢地之後
香港波越來越冇睇頭
南華,晨曦,港隊同埋港聯
十幾年來帶比小弟既驚喜
十隻手指一定數得晒
個球市上季先開始好返少少
今季就有幾件唔錯既外援睇下
都算唔錯架啦
但本地波既整體質素依然唔多掂
不過今季各隊輪住失分
令人覺得聯賽形勢都幾激烈
約埋睇本地波......
好呀!
不過點解要係旺角場?
莫非 sammysir 想趁重建前回憶一番?
Post a Comment